Turizm və Sosial Xidmətlər üzrə Bakı Dövlət Peşə Təhsil Mərkəzi

📢Turizm və Sosial Xidmətlər üzrə Bakı Dövlət Peşə Təhsil Mərkəzində “Xarici dildə işgüzar və akademik kommunikasiya” modulu çərçivəsində “Frazeoloji feillər və onların gündəlik həyatda işlənməsi” mövzusunda açıq dərs keçirilmişdir.
____________
📌Dərs zamanı tələbələr frazeoloji feillərin mənası, düzgün istifadəsi və müxtəlif kommunikativ situasiyalarda tətbiqi ilə yaxından tanış olmuş, praktiki tapşırıqlar və interaktiv müzakirələr vasitəsilə onların danışıq bacarıqları inkişaf etdirilmişdir.
Açıq dərslərin təşkilində məqsəd müəllimlərin peşəkar təcrübələrinin paylaşılması, qabaqcıl tədris metodlarının tətbiqi və təhsilin keyfiyyətinin yüksəldilməsidir.

📢Turizm və Sosial Xidmətlər üzrə Bakı Dövlət Peşə Təhsil Mərkəzində Xətai Rayon İcra Hakimiyyəti və Xətai Rayon Bələdiyyəsi ilə birgə “Gender bərabərliyi dövlət siyasətinin prioritet istiqamətlərindən biridir” mövzusunda tədbir keçirilmişdir.
_____________
📌Tədbirdə Xətai Rayon İcra Hakimiyyətinin ictimai-siyasi və humanitar məsələlər sektorunun müdiri, gender məsələləri üzrə məsul şəxs Pənah İmanov, Yeni Azərbaycan Partiyasının Xətai rayon təşkilatının sədri Ramil Mirzəyev, Xətai rayon prokurorluğunun müstəntiqi Pünhan Eyvazov, Xətai Rayon Polis İdarəsinin inspektoru, polis kapitanı Ülkər Heydərova, Xətai Rayon Ağsaqqallar Şurasının sədri Mürvət Əsgərov və digər qonaqlar iştirak edib.

Tədbir çərçivəsində gender bərabərliyinin təmin olunması, məişət zorakılığının qarşısının alınması istiqamətində həyata keçirilən tədbirlər və bu sahədə dövlət siyasətinin əsas prioritetləri barədə geniş müzakirələr aparılmışdır.

Qeyd edək ki, bu kimi tədbirlərin keçirilməsi cəmiyyətdə gender bərabərliyinin təşviqi və sosial rifahın gücləndirilməsi baxımından mühüm əhəmiyyət kəsb edir.

Bakıdan dünyaya - Tələbələr robotları ilə beynəlxalq arenaya çıxırlar Sənaye və İnnovasiyalar üzrə Bakı Dövlət Peşə Təhsil Mərkəzi robototexnika və proqramlaşdırma istiqamətli beynəlxalq yarışlara hazırlaşır. Mərkəzin direktoru Şaban Cəərçiyev “Azərbaycan müəllimi”nə açıqlamasında bildirib ki, hazırda mərkəzdə 9 müəllimin ...

📢 Peşə təhsili müəssisələrində 2026-cı ildə keçirilməsi nəzərdə tutulmuş qısamüddətli təlimlərə start verilib.

ℹ Qısamüddətli təlimlər “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı” və “Azərbaycan Respublikasının 2022–2026-cı illərdə sosial-iqtisadi inkişaf Strategiyası” çərçivəsində Bakıda və regionlarda yerləşən peşə təhsili müəssisələrində keçirilir.

🔗 Ətraflı: https://vet.edu.gov.az/news/content/1323/inner

📢 Turizm və Sosial Xidmətlər üzrə Bakı Dövlət Peşə Təhsil Mərkəzində təhsil alanlar arasında növbəti peşə yarışı təşkil olunub.

📌 “Gələcəyin ustaları” şüarı ilə təşkil olunmuş yarışmada “Bərbər-vizajist-manikürçü” ixtisası üzrə təhsil alan tələbələr öz bilik və bacarıqlarını nümayiş etdiriblər.

Saç düzümü və makiyaj nümunələri ilə seçilən iştirakçılar eyni zamanda gigiyena və texniki təhlükəsizlik qaydalarına peşəkar yanaşmaları ilə diqqət çəkiblər.

Yarışın sonunda bütün iştirakçılar mərkəz rəhbərliyi tərəfindən təşəkkürnamə ilə təltif olunublar.

✨ Təşkil olunan peşə yarışları tələbələrin peşəyə marağını artırır, onların praktiki bacarıqlarını inkişaf etdirir və gələcək uğurlarına yol açır.

Təhsil mütəxəssisləri qısamüddətli kursların dual formada təşkilini məqsədəuyğun hesab edirlər. Onların fikrincə, müəssisələrin bir çoxu nəzəri biliklərin verilməsi üçün şərait yaratsa da, praktiki bacarıqlar birbaşa müəssisələrdə formalaşdırılır. Bu səbəbdən qısamüddətli dual kursların təşkili daha effektiv ola bilər.

Bu fikrə Peşə Təhsili üzrə Dövlət Agentliyinin direktoru İlqar Bayramlı “Azərbaycan müəllimi”nə açıqlamasında münasibət bildirib.

Statistikaya əsaslanan direktor bildirib ki, 2 illik proqramlar üzrə müraciətlər 9 faiz, 3 illik proqramlara qəbul nisbətən yüksək - 28 faiz, 4 illik proqramlar üzrə qəbul 5 faiz təşkil edib.

Ətraflı: https://muallim.edu.az/pese-tehsili-alanlar-qisamuddetili-tehsile-ustunluk-verirler-ilqar-bayramli

🎓 Turizm və Sosial Xidmətlər üzrə Bakı Dövlət Peşə Təhsil Mərkəzində tələbələrin karyera inkişafına dəstək məqsədilə növbəti maarifləndirici tədbir keçirilib.
📌 Dövlət Məşğulluq Agentliyinin Mərkəzi Karyera filialının Karyera planlaması şöbəsinin baş mütəxəssisi Nərgiz Şirinova tərəfindən “Karyera bələdçisi” layihəsi çərçivəsində təşkil olunan seminar tələbələr tərəfindən böyük maraqla qarşılanıb.
Seminar zamanı karyera planlamasının əhəmiyyəti, düzgün istiqamət seçiminin gələcək uğurlara təsiri, məqsədlərə çatma yolları və praktik təcrübənin əmək bazarında rəqabətqabiliyyətli mütəxəssis kimi formalaşmadakı rolu haqqında ətraflı məlumat verilib.
Tədbir interaktiv diskussiya şəraitində təşkil olunaraq mövzu ətrafında fəal müzakirələr aparılıb.

Ötən həftə “World skills-2026”-da Azərbaycanı təmsil edəcək komandanın 2 üzvü – aşpaz və dəmir yolu texnologiyaları üzrə iştirakçısı seçildi. Komandanın “dəmiryolçu”su Dəmiryolu və Metropoliten üzrə Bakı Dövlət Peşə Təhsil Mərkəzinin 17 yaşlı tələbəsi Elsevər Yaqubov oldu.

Elsevəri Şanxaya qədər aparacaq peşə yolu ilə maraqlanıb, onunla müsabiqədə uğur qazanmasına səbəb olan peşə bacarıqları barədə söhbətləşdik.

Ətraflı: https://muallim.edu.az/azerbaycani-sanxayda-temsil-edecekelseverin-pese-yolu

📢 Turizm və Sosial Xidmətlər üzrə Bakı Dövlət Peşə Təhsil Mərkəzində “Bu günün aşpazı, sabahın ustadı” devizi altında aşpazlıq üzrə peşə yarışması keçirilib.
📌 Yarışma zamanı tələbələr öz bilik və bacarıqlarını nümayiş etdiriblər. İştirakçıların hazırladığı təamlar münsiflər heyəti tərəfindən təqdimat, dad xüsusiyyətləri, hazırlanma texnologiyası və gigiyena qaydalarına riayət olunması meyarlarına əsasən qiymətləndirilib.
🏆 Yarışmanın sonunda bütün iştirakçılar mərkəz rəhbərliyi tərəfindən təşəkkürnamələrlə təltif olunub, qalib komanda isə kubokla mükafatlandırılıb.
Peşə yarışlarının təşkili tələbələrin gələcək peşə fəaliyyətinə marağını artırmaqla yanaşı, onların praktiki bacarıqlarının daha da inkişaf etdirilməsinə mühüm töhfə verir.

📢Turizm və sosial xidmətlər üzrə Bakı Dövlət Peşə Təhsil Mərkəzinin mühəndis-pedaqoji heyəti üçün metodiki işlərin təşkili istiqamətində təlim təşkil olunub.
_____________
📌Təlim çərçivəsində iştirakçılara müasir tədris metodları, tələbəyönümlü yanaşmalar, gündəlik dərs planlarının effektiv hazırlanması, qiymətləndirmə meyarlarının düzgün müəyyənləşdirilməsi və metodiki fəaliyyətin sistemli təşkili barədə ətraflı məlumat verilib.

Eyni zamanda interaktiv müzakirələr və praktik nümunələr vasitəsilə müəllimlərin peşəkar bacarıqlarının inkişafına dəstək göstərilib.

Bu cür təşəbbüslər təhsil prosesinin daha səmərəli qurulmasına, bilik və bacarıqların yüksəldilməsinə mühüm töhfə verir.

📢 Turizm və Sosial Xidmətlər üzrə Bakı Dövlət Peşə Təhsil Mərkəzində sağlam həyat tərzinin təşviqi məqsədilə “Sağlam bədən, sağlam ruh” şüarı altında mini futbol yarışı təşkil olunub.
Yarış iştirakçılar arasında gərgin mübarizə, yüksək komanda ruhu və böyük maraq şəraitində keçib.
🏆 Sonda bütün iştirakçılar təşəkkürnamələrlə, qalib komanda isə kubokla təltif olunub.

Sağlam ruh – sağlam gələcəyin təməlidir!