AzMİU İKT Mərkəzi

AzMİU rektorunun müşaviri Sərxan Talıbzadə, İKT mərkəzinin direktoru Sənan Süleymanov, Treyninq və Sertifikatlaşdırma şöbəsinin müdiri Nuranə Talıbzadə Bakıda ilk dəfə keçirilən Huawei Accelerate tədbirində iştirak ediblər.

İKT mərkəzinin direktoru Sənan Süleymanov və İTS kafedrasının müəllimi Orxan Orucov oktyabrın 23-də keçirilmiş Fortinet Security Day 2025 tədbirində iştirak ediblər.

İKT mərkəzinin direktoru ARB televiziyasına Universitetdə aparılan rəqəmsallaşma prosesi və Süni intellekt texnologiyaları barədə müsahibə verib.

Azərbaycan Memarlıq və İnşaat Universitetində (AzMİU) Niderland Krallığında fəaliyyət göstərən Rebels.ai süni intellekt həlləri şirkətinin təsisçisi, İspaniyanın Harbour Space Universitetinin müəllimi Maksim Musin qonaq olub. Qonağı AzMİU-nun rektoru professor Gülçöhrə Məmmədova qəbul edib. Görüşdə universitet rəhbərliyi, Mexanika və informasiya texnologiyaları fakültəsinin, eləcə də İKT Mərkəzinin nümayəndələri də iştirak ediblər.

Görüşdə Maksim Musin təqdimatla çıxış edərək süni intellektin tətbiq imkanları, üstünlükləri, yarana biləcək çağırışlar, həmçinin aparıcı dünya universitetlərinin təcrübəsi barədə məlumat verib. Daha sonra müzakirələr aparılıb, qonaq rektorun və universitet nümayəndələrinin suallarını cavablandırıb.

Müzakirələr nəticəsində AzMİU-da süni intellektin elektron universitet platformasına inteqrasiyası istiqamətində Rebels.ai şirkətinin dəstəyi ilə müqayisəli təhlillərin aparılması və yol xəritəsinin hazırlanması barədə razılıq əldə olunub.

Maksim Musin AzMİU-da elektron universitet quruculuğu istiqamətində görülən işləri və mövcud maddi-texniki bazanı yüksək qiymətləndirib, universitetdə süni intellektin tətbiqi üçün əlverişli şəraitin olduğunu qeyd edib.

Rektor professor Gülçöhrə Məmmədova bildirib ki, universitet süni intellekt strategiyasının reallaşdırılmasına öz töhfəsini verməkdə qərarlıdır: “Hesab edirəm ki, süni intellektin tətbiqi yalnız tədrisin keyfiyyətinə deyil, həm də idarəetmənin şəffaflığına və effektivliyinə ciddi təsir göstərəcək. AzMİU bu istiqamətdə ölkə üzrə nümunəvi ali məktəblərdən biri olmağı qarşısına məqsəd qoyub”.

💻 Get ready to bring the energy to the Micro SaaS Hackathon!

Organized by Google Developers Group Baku, Holberton School Azerbaijan, and GoUP, and powered by the Innovation Digital Development Agency, this is your chance to code, create, and build with fellow innovators in a party atmosphere.

⚡ More Than Just a Competition – It's an Experience!

This hackathon is your opportunity to Learn, Connect, and Grow. You’ll dive into Micro SaaS concepts, network with mentors and developers, and challenge yourself to build something new.

🧠 Expert Mentorship
📈 Pitch to the Pros
💡 Launch Your MVP
🤝 Build Your Network
🍕☕ Fuel Your Creativity

* Every single member needs to register individually with mentioning their team names.

📅 Date : 13-14 September 2025
⏰ Time: 10:00 - 18:00(13 Sep) 12:00 (14 Sep)
📍 Venue: Holberton School Azerbaijan
📝 Registration (RSVP ): https://lu.ma/zbfvsszx

İT istiqaməti üzrə təhsil alan tələbələr üçün "Huawei ICT Academy və karyera imkanları" adlı infosessiya keçirilib. İnfosessiyada beynəlxalq sertifikasiyanın əhəmiyyəti və bulud texnologiyalarının sənayedə tətbiqi barədə tələbələrə məlumat verilib, dəvət olunmuş qonaq ekspert tərəfindən əmək bazarındakı iş imkanları haqqında təqdimat edilib.

Azərbaycan Kibertəhlükəsizlik Təşkilatları Assosiasiyasının təşkilatçılığı ilə keçirilən “Kiber Yay Məktəbi 2025” çərçivəsində təşkil olunmuş CTF (Capture The Flag) tipli real ssenari əsaslı kibertəhlükəsizlik müsabiqəsində MİT fakültəsinin İnformasiya Texnologiyaları ixtisasında təhsil alan tələbə Kainat Qardaşovanın komandası 2-ci yerə layiq görülüb. Qeyd edək ki, müsabiqədə Azərbaycan və Türkiyədən ümumilikdə 130 iştirakçı mübarizə aparıb. CTF yarışları iştirakçıların praktiki kibertəhlükəsizlik biliklərini real dünya ssenarilərində sınamasına imkan verən xüsusi formatlı müsabiqədir. Bu tip yarışlar sistemlərin zəifliklərinin aşkar edilməsi, istismar olunması və müdafiə bacarıqlarının inkişaf etdirilməsi baxımından mühüm əhəmiyyət daşıyır.

İKT mərkəzinin kibertəhlükəsizlik üzrə koordinatoru Kamran Aydəmirov Azərbaycan Kibertəhlükəsizlik Təşkilatları Assosiasiyası (AKTA) tərəfindən təşkil edilən təhsil konfransında iştirak edib. Konfrans zamanı İnformasiya təhlükəsizliyi ixtisasının gələcək prespektivləri mövzusunda müzakirələr aparılıb və bu istiqamətdə praktiki təkliflər hazırlanıb.

İKT mərkəzinin direktoru Sərxan Talıbzadə, Treyninq və Sertifikatlaşdırma şöbəsinin müdiri Nuranə Talıbzadə və İTS kafedrasının müəllimi Orxan Orucov, İnnovasiya və Rəqəmsal İnkişaf Agentliyi və Google Developers Baku-nun birgə təşkilatçılğı ilə keçirilən Google i/o extended tədbirində iştirak ediblər. Tədbirdə müxtəlif ölkələrdən gələn Google Developer Expert-lər Google şirkətinin təqdim etdiyi texnoloji yeniliklər və trend istiqamətlər barədə məruzə ilə çıxış ediblər.

Tələbələrimiz AKTA-nın (Azərbaycan Kibertəhlükəsizlik Təşkilatları Assosiasiyasının) təşkilatçılığı ilə keçirilən “Kiber Yay Məktəbi 2025” düşərgəsində iştirak edirlər.

Azərbaycan Memarlıq və İnşaat Universitetinin (AzMİU) tələbələri Dövlət Təhlükəsizliyi Xidmətinin (DTX) “Bilgəh” istirahət mərkəzində Azərbaycan Kibertəhlükəsizlik Təşkilatları Assosiasiyasının təşkilatçılığı ilə keçirilən “Kiber Yay Məktəbi 2025”də iştirak edirlər. Universitetimizi bu düşərgədə mentor qismində İKT mərkəzi Texniki dəstək şöbəsinin müdiri Sənan Süleymanov və İKT mərkəzi Kibertəhlükəsizlik klubunun üzvləri Mehmanə Əhədova, Kainat Qardaşova, Xanlar Ağamalizadə təmsil edirlər.

Qeyd edək ki təlim sonrakı günləri Bakı Ali Neft Məktəbində davam etdirilir. Yay məktəbi müddətində iştirakçılar üçün hər gün intensiv təlimlər, praktiki məşğələlər, ekspertlərlə görüşlər, master-klaslar, həmçinin “Capture The Flag” adlı real ssenariyə əsaslanan kiber-yarış təşkil olunur. Təlimlər iki dildə – Azərbaycan və ingilis dilində aparılır və tələbələr “Red Team” və “Blue Team” formatında qruplara bölünərək fərqli senarilər üzərində çalışırlar. Yay məktəbi zamanı keçiriləcək yan tədbirlər sırasına Kiber Təhsil Forumu, AKTA ekspertlərin açıq havada «meet-up» tədbiri, Kiber diaspora üzvlərinin master klasları daxildir.

“R.M 90” proqramlaşdırma müsabiqəsi start götürdü! 🥳

✍🏻 Azərbaycan proqramlaşdırma tarixinin banisi, “Şöhrət” ordenli alim Ramin Mahmudzadənin 90 illiyinə həsr olunmuş bu müsabiqə həm gənc proqramçıları tanıtmaq, həm də gələcək istedadlara yol açmaq məqsədi daşıyır.

🗓️ 8 avqust saat 11:00–15:00 aralığında Bakı Dövlət Universitetində keçiriləcək “R.M 90” müsabiqəsində proqramlaşdırmaya marağı olan universitet tələbələri fərdi formatda öz biliklərini sınaya bilərlər.

Yarış İnnovasiya və Rəqəmsal İnkişaf Agentliyi, BDU, "Caspian Event Organisers" şirkəti və ICPC Azerbaijan icmasının birgə əməkdaşlığı çərçivəsində təşkil olunur.

✨ İlk 3 yerin sahibləri ICPC 2025 Dünya Finalı səhnəsində mükafatlandırılacaq!

🔗 Qeydiyyat üçün link: https://forms.office.com/pages/responsepage.aspx?id=grsTlB0d70m4ACkK1cL1-cAwVTLK8FpLqSO6_W4d5wNUNjZJOFNTSjQyRERUN0dFMU9FSU04MlU0Ri4u&route=shorturl