Rafil Cəlal oğlu İmanov (12 noyabr 1949, Fəxralı, Goranboy rayonu, Azərbaycan) - 1 sentyabr 20
12/11/2022
Bugün bizlərə yaratmağın qanununu, əsas məsələnin qələm və vərəqləri götürüb başlamaq olduğunu öyrədən gözəl insan, dahi pedaqoq Rafil İmanovun doğum günüdür. Rafil müəllimin yaradıb geridə qoyduqları saymaqla bitməz, dünyanın bir çox nöqtəsində ondan elm və ilham almış şəxsiyyətlər yaşayır. Həyatında iz qoyduqları yaşadıqca, Rafil İmanov da yaşayacaq və heç vaxt qocalmayacaq! Minnətdarıq, Müəllim!
11/10/2022
Əziz dostlar! Rafil müəllimin qurmuş olduğu 287 saylı Zəkalar liseyinin 30 illiyi münasibətilə tədbir keçiriləcək. Keçmiş şagirdlərindən müəllim ilə bağlı fikir/xatirə vs bölüşmək istəyən olarsa, zəhmət olmasa video çarx şəklində bizimlə və ya Ayselcuq Eldar ilə paylaşın.
05/10/2022
Başda Rafil müəllim olmaqla, xalqı, vətəni və milləti üçün can qoyan bütün dəyərli müəllimlərimizi təbrik edirik! Hər daim qəlbimizdə yaşayacaqsınız
"Mənim Sizə dediklərim
Ruhunuzda yaşarsa,
Sizin ayaq basdığınız
hər obada mən varam,
Qəlbinizdə çağlaram,
Dilinizdə qaynaram.
Gələcəkdə yaşaram!"
Səsiniz, üzünüz, yerişiniz, gülüşünüz və ən əsası sözləriniz dünənki kimi ağlımızdadır, əziz müəllimimiz. Hər addımızda yaşayırsınız!
02/08/2022
Biz Rafil müəllimin şagirdlərinin həyatındakı əvəzolunmaz rolu haqqında paylaşımlar etməyə davam edirik.
Öz fikirlərini bizimlə bölüşən növbəti şagirdi 1991-ci ildə 48 saylı tam orta məktəbdən məzun olan Sədaqət Akyoldur. S.Akyol "Kompüter mühəndisliyi" ixtisası üzrə Trakya Universitetinin bakalavr pilləsinə daxil olmuş, daha sonra magistratura dərəcəsi üzrə Gazi Universitetinin “Mühəndislik” fakültəsində təhsilini davam etdirmişdir.
Hazırda Türkiyə Daxili İşlər Nazirliyində karyerasını davam etdirir.
Qeyd: Əgər Siz də "Rafil müəllimin şagirdlərinin həyatındakı əvəzolunmaz rolu" haqqında olan paylaşımların bir hissəsi olmaq istəyirsizsə , hazırladığımız sorğunu doldura bilərsiniz:
https://forms.gle/MX23Zd11nW6jJKuG8
16/07/2022
İnsan diqqətini hər zaman eyni nöqtəyə cəmləsə, fərqli yönləri gözdən qaçırar.
Rafil müəllim bizə müxtəlif bucaqlardan baxıb yenilikləri görməyi də öyrətdi.
08/07/2022
Əziz izləyicilər,
Bildiyiniz kimi, Rafil müəllimin şagirdlərinin həyatındakı rolu haqqında paylaşımlar etməyə başlamışıq.
Müəllimin nə qədər insanın həyatına toxunduğunu xatırlatmaq üçün hazırladığımız sorğunu doldurmaqla bizə köməklik göstərmənizi xahiş edirik:
https://forms.gle/MX23Zd11nW6jJKuG8
Qeyd: Təqdim edəcəyiniz məlumatlar yalnız səhifə idarəçiləri tərəfindən görüləcək və icazəniz olmadığı təqdirdə ictimai paylaşılmayacaqdır.
07/07/2022
Biz Rafil müəllimin şagirdlərinin həyatındakı əvəzolunmaz rolu haqqında paylaşımlar etməyə başlayırıq!
Öz fikirlərini bizimlə bölüşən ilk şagirdi 2011-ci ildə 287 saylı “Zəkalar” liseyindən məzun olan Gövhər Əlizadədir. Gövhər 2011-ci ildə 680 balla bakalavr dərəcəsi üzrə Bakı Dövlət Universitetinin “Hüquqşünaslıq” fakültəsinə daxil olmuş, daha sonra eyni universitetin “Dəniz və enerji hüququ” ixtisası üzrə magistratura pilləsində təhsilini davam etdirmişdir.
EY Azərbaycan şirkətində təcrübəçi hüquqşünas kimi karyerasına başlayan Gövhər, 5 il müddətində baş hüquqşünas vəzifəsinə (Senior 3) kimi yüksəlmişdir. Hazırda Azərbaycan İnvestisiya Holdinqində Korporativ idarəetmə şöbəsinin baş hüquqşünası kimi çalışır.
30/06/2022
Rafil müəllimin yüzlərlə şagirdinin həyatına təsir edən daha bir məsləhəti.
Kimlər bu qızıl qanuna əməl etdiyini xatırlayır?
28/05/2022
Respublika Günü münasibətilə əziz Azərbaycan xalqını təbrik edirik!
"28 mayıs istiqlal qurbanlarının əziz ruhları hüzurunda hörmətlə əyilir və hər iki tərəfi birləşdirən milli böyük həsrəti, şairin deyişi ilə dilə gətirirəm: Sən bizimsən, bizimsən durduqca bədəndə can
Yaşa yaşa, çox yaşa, ey şanlı Azərbaycan"
Məmməd Əmin Rəsulzadə
20/05/2022
Rafil müəllimin teoremlərini bilməyən şagirdi yoxdur.
Bəs siz onun qızıl kimi məsləhətlərindən hansılarını xatırlayırsız?