Ağabəy Novruzbəyli adına 46 nömrəli tam orta məktəb

Məktəbimizin 4 Ç sinif şagirdi Cəmil Əliyev kiçik və böyük yeniyetmə qız və oğlanlar arasında cüdo üzrə "Güvən" idman klubunun birinciliyində 38 kiloqram çəki dərəcəsində 3-cü yerə layiq görülərək diplom və medalla təltif olunmuşdur.

📌 Elm və təhsil naziri Emin Əmrullayev Birləşmiş Millətlər Təşkilatının Ümumdünya Şəhərsalma Forumunun On Üçüncü sessiyasının (WUF13) keçirildiyi dövrdə Bakı şəhərində fəaliyyət göstərən təhsil müəssisələrinin fəaliyyətinin tənzimlənməsi məqsədilə əmr imzalayıb.

📝 Əmrə əsasən, WUF13-ün keçiriləcəyi 📆 17-22 may tarixlərində Bakı şəhərində fəaliyyət göstərən təhsil müəssisələrində (məktəbəqədər və internat tipli ümumi təhsil müəssisələri istisna olmaqla) tədris və təlim-tərbiyə prosesinin təşkilində bəzi dəyişikliklər ediləcək.

Belə ki, ümumi təhsil müəssisələrinin məktəbəhazırlıq qrupları və ibtidai sinifləri üzrə mayın 18-dən 22-dək tətil (1-5 may tarixləri əvəzinə) müəyyən ediləcək.

✅ Bundan başqa, Pirallahı, Qaradağ, Suraxanı, Sabunçu və Nizami rayonları istisna olmaqla, Bakı şəhərinin digər rayonlarında fəaliyyət göstərən ümumi təhsil müəssisələrinin V-XI siniflərində dərslər mayın 18-dən 22-dək distant (məsafədən) formada keçiriləcək.

Eyni zamanda Bakı şəhərində yerləşən peşə, orta ixtisas və ali təhsil müəssisələrində də tədrisin mayın 18-dən 22-dək distant (məsafədən) formada təşkili əmrdə qeyd olunur.

WUF13 Azerbaijan

"Birinci Türkoloji Qurultayın 100 illik yubileyinə həsr olunmuş tədbirlər keçirilir

"Birinci Türkoloji Qurultayın 100 illik yubileyinə dair Tədbirlər Planı"nın həyata keçirilməsi üzrə Azərbaycan Respublikası Elm və Təhsil Nazirliyinin Tədbirlər Planı"nın təsdiq edilməsi barədə Azərbaycan Respublikasının Elm və Təhsil Nazirliyinin 13.03.2026-cı il tarixli 3-29/3-2-112F/2026 nömrəli əmrinin icrasını təmin etmək məqsədilə "Azərbaycan Respublikasının Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin Bakı Şəhəri üzrə Təhsil İdarəsinin Əsasnaməsi"nin 5.5.4-cü bəndini rəhbər tutaraq məktəbimizdə bu istiqamətdə işlər görülür.
“Birinci Türkoloji Qurultay”ın 100 illik yubileyinin qeyd edilməsinə dair ibtidai siniflərdə təlim-tərbiyə işləri üzrə direktor müavini Lalə Ələkbərova tərəfindən “Əlifba və dil bölməsi” başlığı altında latın əlifbasına keçid prosesi izah olundu, ərəb, latın və kiril əlifbası müzakirə olundu, şagirdlər öz adlarını müxtəlif əlifbalarda yazmağı öyrəndilər.

🎓 Rəqəmsal məktəbdə yeni imkanlar! 💻

📢 Copilot və Notebook alətlərinə giriş üçün:

🔐 Əvvəlcə şəxsi kabinetə daxil olun
🔗 Daha sonra Google və Microsoft kabinetlərinə keçid edin
🆔 Vahid UTİS hesabı ilə şəxsi hesablarınıza giriş edin
💡 Bu alətlər vasitəsilə dərs prosesinizi daha effektiv və innovativ edin!

Amerika Yəhudi Komitəsinin təsisçiləri məktəbimizdə qonaq oldular

Amerika Yəhudi Komitəsinin təsisçiləri Jason Isaacson və Eli Ibrahimzadeh bu gün məktəbin yəhudi bölməsinin qonağı oldu. Qonaqları məktəbin direktoru Sevinc Budaqova qarşılayaraq ibri dili tədris olunan siniflərdə şagirdlərlə tanış etdi, təlim və tədris prosesi ilə bağlı məlumat verdi. Həmçinin qonaqlara şagirdlərin əl işlərindən ibarət rəsmləri hədiyyə edərək xatirə şəkilləri çəkdirdilər.

Futbol yarışları davam edir

Şagirdlərin fiziki aktivliyinin artırılması, idman bacarıqlarının inkişaf etdirilməsi və bununla da şagirdlərin akademik nailiyyətlərinə, davranışlarına müsbət təsir etməsi məqsədilə hər ay fərqli idman yarışları keçirilir. Aprel ayı üçün nəzərdə tutulan idman növü isə futboldur. Bu məqsədilə idman müəllimlərinin təşəbbüsü ilə 9 B və 9 Ç sinfinin oğlanlardan ibarət komandası ilə futbol yarışı keçirildi. Yarışda 9 Ç sinfi 2:1 hesabı ilə qalib gəldi.

“7-dən 17-yə vətənpərvər!” layihəsinə start verildi

"Prezident İlham Əliyevin müvafiq sərəncamı ilə 2026-cı il "Şəhərsalma və Memarlıq İli" elan olunub. Mədəniyyət, eləcə də mədəni irsimizin qorunması, mühafizəsi, inkişafı Ümummilli Lider Heydər Əliyevin ən önəm verdiyi, yüksək peşəkarlıq və siyasi iradə ilə yürütdüyü daxili siyasətinin bir parçası olub və bu ənənə Prezident İlham Əliyev tərəfindən ardıcıl olaraq davam etdirilir. Bugün Qarabağ bölgəsində aparılan yenidənqurma və bərpa işlərinə xüsusi diqqətin yetirilməsi tariximizə və mənəvi varlığımıza dərin bağlılığın göstəricisi və əsl vətənpərvərlik nümunəsidir. Bütün bunları nəzərə alaraq məktəbin riyaziyyat müəllimi sinif rəhbəri olduğu 7 C sinfi ilə sinif təşkilat saatında bu mövzulara xüsusi toxunmuş, ətraflı məlumatlar vermiş, həmçinin ümumdünya şəhərsalma forumunun on üçüncü sessiyası haqqında slaydlar əsasında dərs keçmişdir.
Qeyd edək ki ümumdünya şəhərsalma forumu 2026-cı ilin 17-22 may tarixlərində Bakıda təşkil olunacaq.

"Sağlam nəsil - parlaq gələcək" layihəsi çərçivəsində maarifləndirici dərslər keçirilir

"Sağlam nəsil - parlaq gələcək" layihəsi çərçivəsində məktəbin biologiya müəllimi Leyla Əsədullayeva 9 Ç və 10 C sinif şagirdləri üçün maarifləndirici dərs təşkil etdi. Dərsdə zərərli vərdişlər, sağlam həyat tərzi və sağlam qidalanma ilə bağlı maraqlı söhbətlər aparıldı, şagirdlər səhnəciklər, təcrübələr və təqdimatlarla dərsi daha da yadda qalan etdilər.

"Tanınmış şəxsiyyətlər təqvimi" layihəsi üzrə işlər davam etdirilir

Ümumi təhsil müəssisələrində şagirdlərin Azərbaycan və dünya üzrə tanınmış şəxsiyyətləri daha yaxından tanıması, onların həyat və yaradıcılığı ilə tanış olması məqsədilə Məktəbəqədər və Ümumi Təhsil üzrə Dövlət Agentliyi tərəfindən "Tanınmış şəxsiyyətlər təqvimi" hazırlanmışdır. Layihənin tətbiqində əsas hədəf dərs prosesində, sinifdənkənar tədbirlərdə şagirdlərin bilik dairəsinin genişləndirilməsi, mədəni dünyagörüşlərinin formalaşmasına töhfə verməkdir. Bu təqvimdə yer alan incəsənət xadimlərindən biri Bəxtiyar Vahabzadədir.
Məktəbin uşaq birliyi rəhbəri Süsən Məmmədova hazırladığı slaydla 3 A, 3 C, 3 Ç sinif şagirdləri üçün Bəxtiayr Vahabzadənin həyat və yaradıcılığına virtual ekskursiya təşkil etdi, onun əsərləri, yaradıcılığı ilə bağlı ətraflı məlumatlar verdi.

Bakı Atıcılıq İdman Klubunun Praktik Atıcılıq - Action Air idman növü üzrə VI dərəcə imtahanını müvəffəqqiyyətlə vermiş və müvafiq normativləri yerinə yetirmiş 6 C sinif şagirdi Amir Məmmədov sertifikatla təltif olunmuşdur.

Bakı və Sumqayıt şəhərlərində yaşayan, övladları birinci sinfə gedəcək valideynlərin nəzərinə!

Birinci sinfə elektron qeydiyyat prosesinə hazırlıq çərçivəsində Bakı və Sumqayıt şəhərlərində yaşayan, övladları I sinfə gedəcək valideynlərin mikroərazilər üzrə ünvanlarının dəqiqləşdirilməsi ilə bağlı müraciətlərinin qəbulu müddəti 15 aprel saat 18:00 tarixində yekunlaşır.

Vətəndaşlar bu müddət ərzində daimi qeydiyyat ünvanının dislokasiyada olmasını dəqiqləşdirməlidirlər. Daimi qeydiyyat ünvanı dislokasiyada olmayan valideynlər 15 aprel saat 18:00 tarixinədək Bakı şəhəri üzrə 5, 6, 7 saylı və Sumqayıt şəhər 2 saylı “ASAN xidmət” mərkəzlərinin təhsil xidmətləri bölməsinə yaxınlaşa bilərlər.

Qeyd edək ki, hazırkı tarixədək Bakı şəhəri üzrə ümumilikdə 230 , Sumqayıt şəhəri üzrə isə 32 valideyn mikroərazilər üzrə ünvanlarının dəqiqləşdirilməsi ilə bağlı müraciət edib.

Ətraflı ⤵️
https://baku.edu.gov.az/az/page/9/7959
https://sumgayit.edu.gov.az/az/page/15634/77281