Zakir Yusifov adına 194 nömrəli tam orta məktəb

16 aprel 2026- cı il tarixdə məktəbin Təşkilatçı müavin İ.Məhərrəmova, psixoloqu A.Yolçuyeva və UBTR A.Alıyeva tərəfindən 8-ci siniflərdə(62 şagird) Reproduktiv sağlamlıq kursuna dair “ Erkən nikahın fəsadları” adlı maarifləndirici seminar keçirildi. Seminarda mövzuya uyğun slayd təqdim olundu. Erkən nikahın psixoloji, sosial və fiziki fəsadları şagirdlərə izah olundu. Şagirdlər seminarda aktiv iştirak etdi. Şagirdləri maraqlandıran suallar cavablandırıldı.

Mart-aprel ayları 2026-cı il tarixlərdə məktəbin psixoloqu A. Yolçuyeva tərəfindən 6-7-ci siniflərdə (107 şagird) “Bullying nədir?”adlı maarifləndirici seminar təşkil edilmişdir. Bullyingin növləri haqqında məlumat verildi. Kiberbullying haqqında ətraflı müzakirə təşkil olundu. Seminar şagirdlər tərəfindən maraqla qarşılandı.

*TƏHLÜKƏSİZ MƏKTƏB SAĞLAM GƏLƏCƏK DEMƏKDİR!*

Hörmətli valideynlər,
Övladlarımızın təhlükəsizliyi yalnız məktəbin deyil, hamımızın ortaq məsuliyyətidir.

Gündəlik diqqət və nəzarət çox şeyi dəyişir:
• Çantasını zaman-zaman yoxlayın
• Rəqəmsal fəaliyyətinə nəzarət edin
• Dost çevrəsini tanıyın
• Davranışındakı dəyişiklikləri diqqətdən qaçırmayın

*Unutmayaq:*
Qapanıqlıq, aqressiya, dərsə marağın azalması və ya yuxu dəyişiklikləri – uşağın bizə verdiyi siqnallardır.

Onları mühakimə etmədən dinləyək, anlayaraq yanaşaq və dəstək olaq.

Təhlükəsiz mühit sağlam psixologiyanın və güclü gələcəyin təməlidir.

*Gəlin birlikdə övladlarımız üçün təhlükəsiz mühit yaradaq!*

Xətai rayon 194 nömrəli tam orta ümumtəhsil məktəbinin müdiriyyəti

14 aprel 2026-cı il tarixdə məktəbin Təşkilatçı müavini İ.Məhərrəmova, psixoloq A. Yolçuyeva və UBTR A. Alıyeva tərəfindən 9-cu sinif şagirdləri (57nəfər şagird) arasında Reproduktiv sağlamlıq kursuna dair “Qohumlararası nikahın fəsadları” haqqında maarifləndirici seminar təşkil etdilər. Seminar müzakirə şəklində oldu. Lövhədə səbəb- nəticə cədvəli çəkildi. Qohumlararası nikahın fəsadları bu cədvəl vasitəsilə müəyyənləşdirildi.

14.04.2026-cı il tarixində Z. Yusifov adına 194 nömrəli tam orta məktəbin coğrafiya müəllimi Mehriban Sadıqovanın rəhbərliyi altında 8-ci sinif şagirdləri ilə “Ümumdunya Şəhərsalma Formunun On Üçuncü sessiyası” haqqında maarifləndirmə xarakterli seminar keçirilmişdir.
"Ümumdünya Şəhərsalma Forumu”
insanların daha rahat, təhlükəsiz və sağlam yaşaması üçün şəhərləri inkişaf etdirmək məqsədi daşıyır.
Gəlin, biz də öz şəhərimizi daha gözəl edək!"

02.04.2026 - cı il tarixdə məktəb psixoloqu A.Yolçuyeva 9-cu sinif şagirdləri ilə (103 şagird) “İmtahan həyacanın yoxlanılması” diaqnostik anket sorğusu keçirilmişdir. Sorğu zamanı şagirdlərin əksəriyyəti suallara səmimi və maraqla cavab vermişdir. Şagirdlərin əksəriyyətində həyacan şkalası orta səviyyədə olmuşdur.

2 aprel - Beynəlxalq Uşaq Kitabı Günüdür.
Uşaq ədəbiyyatı gününün məhz bu tarixə təsadüf etməsinin maraqlı tarixçəsi var. Məşhur nağılçı Hans Kristian Andersen 1805-ci il aprelin 2-də anadan olub. Beynəlxalq Uşaq Kitabı Gününün bu tarixdə qeyd olunmasını alman yazıçısı Yella Lepman təklif edib.
1967-ci ildə Beynəlxalq Uşaq Kitabları Şurası (International Board on Books for Young People – IBBY) tərəfindən isə Danimarka yazıçısı, uşaqların sevimlisi Qans Xristian Andersenin dünyaya gəldiyi gün – aprelin 2-si Beynəlxalq Uşaq Kitabı Günü kimi təsis edilib. Bu əlamətdar günün qeyd olunmasında məqsəd cəmiyyətin diqqətini uşaq ədəbiyyatına, onun problemlərinə cəlb etməkdir.

2-aprel Beynəlxalq Uşaq Kitabı Günü münasibətilə Z.Yusifov adına 194 nömrəli tam orta məktəbin Təşkilatçı müavini İ.Məhərrəmova, kitabxanaçılar S.Əsgərova, Q.Vəliyeva və ibtidai sinif müəllimləri Ş.İsmayılova, A.Şahmuradovanın rəhbərliyi ilə I-III sinif şagirdlərinin iştirakı ilə Firidun bəy Köçərli adına Respublika Uşaq Kitabxanasına maarifləndirici ekskursiya təşkil edildi, uşaqların yazıçılarla görüşü keçirildi.