Ağdam rayon 71 nömrəli tam orta məktəb

2024-2025-ci tədris ilində Ağdam rayon 71 nömrəli tam orta məktəbin ali məktəbə qəbul olan XI sinif məzunları:
1.Səlimova Fidan- Azərbaycan Dillər Universiteti, Beynəlxalq münasibətlər
2.Hüseynov Məhəmməd-Azərbaycan Turizm və Menecment Universiteti, Sosial iş
3.İsmayılzadə Nuray-Azərbaycan Dillər Universiteti, Regionşünaslıq
4.Mustafazadə Nəzrin-Azərbaycan Dövlət İqtisad Universiteti, Biznesin idarə edilməsi
Tələbə adı almış məzunlarımızı təbrik edirik.

2024-2025-ci tədris ili üzrə IX sinif şagirdlərinə ümumi orta təhsil haqqında attestat verildi. Abışova Zəhra Şəmil qızı fərqlənmə attestatı aldı.

İdarə müdiri Sənan Mənsimlinin 30 iyun 2025-ci il tarixində Ağdam rayonunda keçirilməsi nəzərdə tutulan vətəndaş qəbulunun vaxtı dəyişdirilib. Vətəndaş qəbulu iyulun 3-də keçiriləcək.

Müddətli əmək müqaviləsi ilə ikinci iş yerində çalışmaq istəyən müəllimlərin nəzərinə!

Qarabağ Regional Təhsil İdarəsinin tabeliyində olan ümumi təhsil müəssisələrində müddətli əmək müqaviləsi ilə ikinci iş yerində çalışmaq istəyən müəllimlər 29 iyun tarixdən 2 iyul 2025-ci il tarixədək onlayn qeydiyyatdan keçə bilərlər.

Qeyd edək ki, tələblər aşağıdakı kimidir:

1. Hazırda ümumi təhsil müəssisəsində müddətsiz müqavilə ilə çalışması;
2. Hər iki iş yeri üzrə ümumi dərs yükünün 24 saatdan artıq olmaması;
3. Sertifikatlaşdırma üzrə test nəticəsinin minimum 85 faiz olması;
4. Sertifikatlaşdırma keçirilməyənlərə münasibətdə sonuncu qiymətləndirmə (diaqnostik qiymətləndirmə və ya müəllimlərin işə qəbulu üzrə müsabiqə) nəticəsinin minimum 85 faiz olması;

Qeydiyyatdan keçmək üçün link: https://forms.gle/BciQvbjKKzR4njDx7

26 İyun - Silahlı Qüvvələr Günüdür

Ağdam rayon 71 nömrəli tam orta məktəbin biologiya müəllimi Şirinova Mənsumə Nazim qızı sertifikasiya imtahanından 54 bal toplayıb.

2024-2025-ci tədris ili üzrə XI sinif məzunlarına tam orta təhsil haqqında attestat verildi.

Ağdam rayon 71 nömrəli tam orta məktəbin ibtidai sinif müəllimi Həsənova Vüsalə Ağalı qızı - 52 bal

Ağdam rayon 71 nömrəli tam orta məktəbdə 2024-2025-ci tədris ilinin yekun Pedaqoji şuranın iclası keçirildi. Tədris ilində görülən işlər müzakirə edildi, bir neçə qərarlar qəbul edildi. Tədris ilinə uğurla yekun vuruldu.

15 İyun - Milli Qurtuluş Günüdür.

Ağdam rayon 71 nömrəli tam orta məktəbdə 14.06.2025-ci il tarixdə "Son zəng" tədbiri nümunəvi senariyə əsasən keçirildi. Şəhidlərimizi əziz xatirələri bir dəqiqəlik sükutla yad edildi, Dövlət himni səsləndirildi. Məktəbin direktoru Vasif Eyvazov çıxış edərək məzunları və onların valideynlərini təbrik etdi. Tədbir senariyə uyğun davam etdirildi. Şagirdlər və valideynlər çıxış etdilər. Bədii hissə dinlənildi. Tədbir 10:00-da başladı və 11:30-da başa çatdı.

Bu gün məktəbimizin IX və XI siniflərində məktəb rəhbərliyinin təşkil etdiyi komissiya üzvləri tərəfindən fənnlər üzrə BÖYÜK SUMMATİV QİYMƏTLƏNDİRMƏ aparılmışdır.