Student Academic Society of Baku State University Law School

23 mart 2026-cı il tarixində BDU Hüquq fakültəsi Tələbə Elmi Cəmiyyəti İdarə Heyətinə namizədliyə qəbul üçün müsahibələr keçirilmişdir!

Cari İdarə Heyəti üzvləri tərəfindən yeni gələn tələbələrin bacarıq və keyfiyyətlərini yoxlamaq məqsədilə keçirilən seçimlərin nəticələri elan olunmuşdur.

Müsahibədən uğurla keçən tələbələri təbrik edir, qarşıdakı hazırlıq prosesində uğurlar arzulayırıq. Digər tələbələrə isə TEC İdarə Heyəti üzvlüyünə göstərdikləri marağa və müsahibədə iştiraklarına görə təşəkkürümüzü bildirir, gələcək fəaliyyətlərində uğurlar arzu edirik.

Azərbaycan xalqına qarşı törədilmiş, minlərlə azərbaycanlının qətlə yetirilməsi ilə nəticələnən 31 Mart soyqırımından artıq 108 il ötür. “Soyqırım cinayətinin qarşısının alınması və cəzalandırılması haqqında” BMT Konvensiyasının 2-ci maddəsinə əsasən, Mart hadisələri etnik təmizləmə məqsədilə törədildiyinə görə soyqırım hesab olunur.

Soyqırım qurbanı olan həmvətənlərimizin xatirəsini hüzn və ehtiramla yad edirik!

BDU Hüquq fakültəsi Tələbə Elmi Cəmiyyətinin İdarə Heyətinə qeydiyyatın bitməsinə son 3 gün!

Tələbə Elmi Cəmiyyəti 2014-cü ildən etibarən həyata keçirdiyi layihələr vasitəsilə hüquq təhsilinin və tələbələrin akademik inkişafına töhfə verir. Siz də İdarə Heyətinin üzvü olmaq və bacarıqlarınızı inkişaf etdirmək istəyirsinizsə, qeydiyyatdan keçməyə tələsin!

Qeydiyyat üçün keçid: https://forms.gle/z9J9MWw9VLMQhAW16

Azərbaycan xalqına qarşı törədilmiş beynəlxalq cinayət olan Xocalı faciəsindən artıq 34 il ötür. BMT Baş Assambleyasının 9 dekabr 1948-ci il tarixli qətnaməsi ilə qəbul edilmiş “Soyqırım cinayətinin qarşısının alınması və cəzalandırılması haqqında” Konvensiya əsasında Xocalı hadisələri soyqırım cinayət əməli kimi tövsif edilmiş və 50-dən çox dövlət tərəfindən soyqırım kimi tanınmışdır.

Tələbə Elmi Cəmiyyəti olaraq şəhidlərimizin xatirəsini ehtiram və hörmətlə yad edirik.

BDU Hüquq fakültəsi Tələbə Elmi Cəmiyyətinin sədri Sezər Allahverdiyev və İdarə Heyəti üzvləri Xədicə Abbasova, Günel Əhmədova, Nuray Səfərova və Samir Nəcəfov “2026 LEGIS Hüquq Forum”unda iştirak etmişdirlər.

"PAŞA Holdinq" MMC-yə dəvəti üçün təşəkkür edirik!

Azərbaycan xalqının müstəqillik əzminin ifadəsi olan 20 Yanvar faciəsindən artıq 36 il ötür. Bu faciə tarixdə BMT Nizamnaməsinin, beynəlxalq hüquq normalarının və Mülki və Siyasi Hüquqlar haqqında Beynəlxalq Paktın 3-cü hissəsindəki hüquqların pozuntusu kimi qiymətləndirilir.

Şəhidlərimizin xatirəsini ehtiram və hörmətlə yad edirik!

Tələbə Elmi Cəmiyyəti olaraq hər kəsi Dünya Azərbaycanlılarının Həmrəyliyi Günü və Yeni il münasibətilə təbrik edirik!

Yeni ildə böyük uğurlar əldə etməyi arzu edir, bu istiqamətdə TEC-in yaratdığı imkanlardan maksimum şəkildə istifadə edəcəyinizə ümid edirik!

10-11 noyabr 2025-ci il tarixlərində BDU Hüquq fakültəsi Tələbə Elmi Cəmiyyəti İdarə Heyətinə qəbul üçün müsahibələr keçirilmişdir!

Cari İdarə Heyəti üzvləri tərəfindən yeni gələn tələbələrin bacarıq və keyfiyyətlərini yoxlamaq məqsədilə keçirilən seçimlərin nəticələri elan olunmuşdur.

Müsabiqədən uğurla keçən tələbələri təbrik edir, qarşıdakı hazırlıq prosesində uğurlar arzulayırıq. Digər tələbələrə isə TEC İdarə Heyəti üzvlüyünə göstərdikləri marağa və müsabiqədə iştiraklarına görə təşəkkürümüzü bildirir, gələcək fəaliyyətlərində uğurlar arzu edirik.

Azərbaycan Respublikası müstəqilliyini bərpa etdikdən sonra 12 noyabr 1995-ci il tarixində ilk Konstitusiya layihəsinin ümumxalq referendumu ilə qəbul olunmasından 30 il ötür. Məhz bu qanun ilə ölkənin hüquq sisteminin təməli qoyulmuş, insan və vətəndaş hüquq və azadlıqlarının qorunması dövlətin ali məqsədi kimi bəyan edilmişdir.

Tələbə Elmi Cəmiyyəti olaraq xalqımızı Konstitusiya Günü münasibətilə təbrik edirik!

Azərbaycan Respublikası Prezidentinin 3 dekabr 2020-ci il tarixli "Azərbaycan Respublikasında Zəfər Gününün təsis edilməsi haqqında" Sərəncamına əsasən hər il 8 noyabr tarixi ölkəmizdə Zəfər Günü kimi qeyd olunur.

Tələbə Elmi Cəmiyyəti olaraq Azərbaycanın müstəqilliyi və bütövlüyü uğrunda öz canlarından keçən qəhrəmanlarımızın qarşısında baş əyir, bu şanlı gün münasibətilə xalqımızı təbrik edirik!