Binəqədi Rayonu 283 nömrəli tam orta məktəb

Binəqədi Rayonu 283 nömrəli tam orta məktəb Bakı şəhəri 283 nömrəli tam orta məktəbin rəsmi səhifəsi

İnklüziv siniflərdə təhsil alan şagirdlərin fəaliyyətinin yüksəldilməsi istiqamətində inkişafetdirici işin təşkili25.05....
25/05/2026

İnklüziv siniflərdə təhsil alan şagirdlərin fəaliyyətinin yüksəldilməsi istiqamətində inkişafetdirici işin təşkili
25.05.2026-cı il tarixində inklüziv sinifdə təhsil alan şagirdlərin fəaliyyətinin artırılması və sosial bacarıqlarının inkişaf etdirilməsi məqsədilə 1A sinif şagirdləri ilə məktəbin psixoloqu Mirzəyeva Ayşən tərəfindən “Külək əsir” oyunu keçirilmişdir. Oyunun əsas məqsədi şagirdlərin diqqət, ünsiyyət, qarşılıqlı əməkdaşlıq və qrup daxilində uyğunlaşma bacarıqlarının inkişaf etdirilməsi olmuşdur. Oyun zamanı şagirdlərin aktiv iştirakı təmin edilmiş, onların emosional vəziyyəti və davranış xüsusiyyətləri müşahidə olunmuşdur. Oyun interaktiv və maraqlı formada təşkil edilmiş, şagirdlərin sosial fəallığının artırılmasına müsbət təsir göstərmişdir.

“7-dən 17-yə vətənpərvər!” – tarixi və təbiəti öyrənərək Bakı Şəhəri üzrə Təhsil İdarəsinin tabeliyində fəaliyyət g...
24/05/2026

“7-dən 17-yə vətənpərvər!” – tarixi və təbiəti öyrənərək
Bakı Şəhəri üzrə Təhsil İdarəsinin tabeliyində fəaliyyət göstərən ümumi təhsil müəssisələrində “7-dən 17-yə vətənpərvər!” layihəsi çərçivəsində tədbirlər davam etdirilir.
Layihənin əsas məqsədi məktəblilərdə vətənpərvərlik hissinin gücləndirilməsi, onların Vətənə, xalqa və milli-mənəvi dəyərlərə bağlı ruhda tərbiyə olunması, eyni zamanda şagirdlərin dünyagörüşünün genişləndirilməsidir.
Layihə çərçivəsində mayın 23-də məktəbin 5 “B” sinif şagirdləri üçün Zəfər Muzeyi və Mərkəzi Nəbatat Bağı istiqamətində ekskursiya təşkil olunub.
Ekskursiya zamanı şagirdlər Zəfər Muzeyində Azərbaycan Ordusunun şanlı tarixi, Vətən müharibəsində qazanılmış möhtəşəm Qələbə, qəhrəman şəhidlərimizin şücaəti və İkinci Qarabağ müharibəsi zamanı baş vermiş mühüm hadisələr haqqında ətraflı məlumat əldə ediblər. Muzeydə tətbiq olunan müasir təqdimat üsulları, interaktiv və rəqəmsal nümayiş elementləri şagirdlərin xüsusi marağına səbəb olub, məlumatların daha təsirli və yadda qalan formada mənimsənilməsinə şərait yaradıb.
Daha sonra şagirdlər Mərkəzi Nəbatat Bağında müxtəlif bitki növləri ilə tanış olub, təbiətin qorunması və ekoloji mühitin əhəmiyyəti barədə diskussiyalarda iştirak ediblər. Ekskursiya zamanı şagirdlərə nadir və dekorativ bitkilər haqqında maraqlı məlumatlar təqdim olunub.
Şagirdlər ekskursiyadan yüksək təəssüratlarla ayrılıblar. Tədbir şagirdlərin tarixi irsə marağının artırılması, milli dəyərlərin təbliği və onların maarifləndirilməsi baxımından əhəmiyyətli olub.

22/05/2026

“Beynəlxalq Kosmik Olimpiada”nın beynəlxalq mərhələsi baş tutub.

Olimpiadanın milli mərhələsinin qalibi olan Bakı şəhəri 283 nömrəli tam orta məktəbin komandası beynəlxalq mərhələdə dünya üzrə 4-cü yerə layiq görülüb.

Olimpiadanın milli mərhələsində ölkəmiz üzrə 39 ümumtəhsil müəssisəsindən 780 məktəbli iştirak edib.

https://muallim.edu.az/beynelxalq-kosmik-olimpiadanin-beynelxalq-merhelesi-kecirilib

Məktəbdə distant tədris uğurla yekunlaşıb Bakı Şəhəri üzrə Təhsil İdarəsinin müvafiq qərarına əsasən 18–22 may ta...
22/05/2026

Məktəbdə distant tədris uğurla yekunlaşıb
Bakı Şəhəri üzrə Təhsil İdarəsinin müvafiq qərarına əsasən 18–22 may tarixlərini əhatə edən distant tədris prosesi məktəbdə uğurla yekunlaşıb.
Bir həftə ərzində dərslər məktəb cədvəlinə uyğun olaraq “Microsoft Teams” platforması üzərindən təşkil olunub, şagirdlərin dərslərdə fəal iştirakı təmin edilib.
Distant tədris müddətində dərs prosesinin səmərəli təşkili istiqamətində məktəb rəhbərliyi və yaradılmış müvafiq komissiya tərəfindən davamlı dəstək göstərilib, tədris prosesinin fasiləsiz şəkildə həyata keçirilməsi təmin olunub.

Məktəbdə distant dərslər davam etdirilir Mayın 21-də məktəbdə distant tədris prosesi məktəb cədvəlinə müvafiq olara...
21/05/2026

Məktəbdə distant dərslər davam etdirilir
Mayın 21-də məktəbdə distant tədris prosesi məktəb cədvəlinə müvafiq olaraq davam etdirilib. Dərslər “Microsoft Teams” platforması üzərindən təşkil olunaraq şagirdlərin fəal iştirakı təmin edilib.
Distant tədris prosesinin daha səmərəli təşkili məqsədilə dərslər məktəb rəhbərliyi və yaradılmış müvafiq komissiya tərəfindən izlənilir, tədris prosesinin fasiləsiz və effektiv şəkildə davam etdirilməsi istiqamətində müvafiq dəstək göstərilir.
Distant dərslər uğurla davam etdirilir.

Distant dərslər davam etdirilir Bu gün – 20 may tarixində məktəbdə distant tədris prosesi məktəb cədvəlinə müvafiq...
20/05/2026

Distant dərslər davam etdirilir
Bu gün – 20 may tarixində məktəbdə distant tədris prosesi məktəb cədvəlinə müvafiq olaraq davam etdirilib. Dərslər “Microsoft Teams” platforması üzərindən təşkil olunaraq şagirdlərin fəal iştirakı təmin edilib.
Distant tədris zamanı dərslərin daha maraqlı və interaktiv təşkili istiqamətində müxtəlif rəqəmsal platformalardan istifadə olunur. Belə ki, 7 “D” sinfində STEAM fənni üzrə Zərifə Aslanovanın keçdiyi dərsdə “Kahoot” platformasından istifadə edilib. İnteraktiv formada təşkil olunan fəaliyyət şagirdlər tərəfindən böyük maraqla qarşılanıb.
Platforma vasitəsilə şagirdlər mövzuya aid tapşırıqları operativ şəkildə cavablandırıb, nəticələr isə anında ekranda əks olunub. Bu üsul dərsin səmərəliliyinin artırılmasına, şagirdlərin biliklərinin vaxtında qiymətləndirilməsinə və dərs prosesində fəallığın yüksəlməsinə müsbət təsir göstərib.
Hazırda distant dərslər uğurla davam etdirilir.

Məktəbdə distant tədris uğurla davam etdirilir Bakı Şəhəri üzrə Təhsil İdarəsinin tabeliyində fəaliyyət göstərən bir...
19/05/2026

Məktəbdə distant tədris uğurla davam etdirilir
Bakı Şəhəri üzrə Təhsil İdarəsinin tabeliyində fəaliyyət göstərən bir sıra ümumi təhsil müəssisələrində 18–22 may tarixlərini əhatə edən müddətdə distant təhsilin təşkili davam etdirilir.
Müvafiq qərara əsasən, məktəb üzrə V–XI siniflərdə hər iki bölmə daxil olmaqla ümumilikdə 42 sinif üçün 18 may tarixindən etibarən distant dərslərə start verilmişdir. Dərslər “Microsoft Teams” platforması vasitəsilə həyata keçirilir.
Distant tədris prosesinin fasiləsiz və səmərəli təşkili məqsədilə məktəb rəhbərliyi tərəfindən xüsusi nəzarət mexanizmi yaradılmış, əvvəlcədən müəyyən olunmuş qrafik əsasında pedaqoji və texniki heyət prosesə cəlb edilmişdir.
Dərs prosesində yarana biləcək texniki problemlərin operativ şəkildə aradan qaldırılması üçün məsul şəxslər təyin olunmuş, müraciətlər qısa müddətdə həll edilərək tədris prosesinin davamlılığı təmin edilir.
Hazırda distant dərslər cədvəl üzrə davam etdirilir.

18/05/2026

“Səslərimiz birləşsin” adlı I Xor Festivalı
Bədii rəhbər:Günay Məmmədova
Nailə Mirməmmədli ”Bu gözəl vətən bizimdir.”

“Səslərimiz birləşsin” adlı I Xor Festivalı Səslərimiz birləşsin” adlı I Xor Festivalına start verilmişdir. Festival...
18/05/2026

“Səslərimiz birləşsin” adlı I Xor Festivalı
Səslərimiz birləşsin” adlı I Xor Festivalına start verilmişdir. Festivalın keçirilməsində əsas məqsəd şagirdlər arasında xor mədəniyyətinin inkişaf etdirilməsi, milli musiqi dəyərlərinin təbliği və kollektiv ifa bacarıqlarının formalaşdırılmasıdır.
Festival çərçivəsində məktəbimizin musiqi müəllimi Günay Məmmədovanın rəhbərliyi altında 11–14 yaş qrupundan ibarət xor kollektivi uğurlu çıxış etmişdir. Məktəbdə fəaliyyət göstərən xor qrupu görkəmli bəstəkar Nailə Mirməmmədlinin “Bu gözəl Vətən bizimdir” adlı musiqili kompozisiyasını təqdim etmişdir.
Şagirdlərin vətənpərvərlik ruhunu, musiqi zövqünü və kollektiv ifa bacarıqlarını nümayiş etdirən çıxış tədbir iştirakçıları tərəfindən maraqla qarşılanmışdır.
Məktəbin xor kollektivinə və rəhbəri Günay Məmmədovaya uğurlar arzulayırıq.

16/05/2026

Təltifetmə
15 May tarixində məktəbdə təltifetmə mərasimi təşkil olunmuşdur. Məktəbin ibtidai sinif müəllimi Gülər Qafarova 40 illik yubileyi münasibətilə, gənc nəslin təlim-tərbiyəsində göstərdiyi səmərəli fəaliyyətə görə Fəxri Fərmanla təltif olunmuşdur.
Fəxri Fərman məktəbin direktoru Nuridə Qarayeva tərəfindən təqdim olunmuşdur. Tədbirdə məktəb kollektivi Gülər xanımı təbrik etmiş, onun əmək fəaliyyəti dövründə qazandığı nailiyyətlərə görə minnətdarlıqlarını bildirmişlər.
Gülər xanıma möhkəm cansağlığı və gələcək peşə fəaliyyətində uğurlar arzulanmışdır.

Address

S. S. Axundov, 3132
Baku
AZ1115

Telephone

+994125617843

Website

Alerts

Be the first to know and let us send you an email when Binəqədi Rayonu 283 nömrəli tam orta məktəb posts news and promotions. Your email address will not be used for any other purpose, and you can unsubscribe at any time.

Contact The School

Send a message to Binəqədi Rayonu 283 nömrəli tam orta məktəb:

Shortcuts

Share

Category