Azərbaycan Milli Konservatoriyası / Azerbaijan National Conservatory

19-22 iyun 2026-cı il tarixlərində Azərbaycan Milli Konservatoriyasının Dirijorluq kafedrasının professoru, Əməkdar incəsənət xadimi, bəstəkar Məmmədağa Umudov Özbəkistan Dövlət Konservatoriyasının dəvəti ilə “Bəstəkarlıq” ixtisası üzrə Dövlət İmtahan Komissiyasının sədri qismində iştirak edib.

Azərbaycan Milli Konservatoriyası / Azerbaijan National Conservatory

Azərbaycan Milli Konservatoriyasının müəllimi, kamança ifaçısı Pərviz Fərhadov Litva Respublikasının Azərbaycandakı Səfirliyinin təşkilatçılığı ilə Litvanın ali təhsil müəssisələrinin azərbaycanlı məzunları ilə keçirilən görüşdə “Vətən” Muğam Qrupunun tərkibində iştirak edib.

Tədbirdə Azərbaycan və Litva arasında təhsil, mədəniyyət və dostluq əlaqələrinin inkişafından danışılıb, bu cür görüşlərin məzunlar arasında əməkdaşlığın gücləndirilməsi baxımından əhəmiyyəti vurğulanıb.

Musiqi proqramında Pərviz Fərhadovla yanaşı, “Vətən” Muğam Qrupunun digər üzvləri - xanəndə Səfalı Mirzəliyev, Azərbaycan Dövlət Mədəniyyət və İncəsənət Universitetinin müəllimi, tarzən Ruslan Zərbəliyev və nağara ifaçısı Elnur Əliyev də çıxış ediblər.

Sonda qrupun üzvləri Azərbaycan-Litva dostluq və əməkdaşlıq əlaqələrinin inkişafına verdikləri töhfələrə görə Litva Respublikasının Azərbaycandakı fövqəladə və səlahiyyətli səfiri Kęstutis Vaškelevičius tərəfindən diplomlarla təltif olunublar.

Azərbaycan Milli Konservatoriyası / Azerbaijan National Conservatory

Azərbaycan Milli Kitabxanasında görkəmli tarzən, Xalq artisti Bəhram Mansurovun anadan olmasının 115 illiyi münasibətilə Azərbaycan Respublikası Mədəniyyət Nazirliyi və Milli Kitabxananın birgə nəşr etdiyi “Bəhram Mansurov. Biblioqrafiya” kitabının mədəniyyət və incəsənət xadimlərinin iştirakı ilə keçirilən təqdimat mərasimində Azərbaycan Milli Konservatoriyasının elm, innovasiya və yaradıcılıq məsələləri üzrə prorektoru, professor, Əməkdar incəsənət xadimi Lalə Hüseynova iştirak edib.

Tədbirdə çıxış edən professor Lalə Hüseynova Bəhram Mansurovun Azərbaycan muğam sənətinin inkişafındakı xidmətlərindən, onun ifaçılıq məktəbinin milli musiqi ənənələrinin qorunması və gələcək nəsillərə ötürülməsi baxımından əhəmiyyətindən danışıb.

Qeyd edək ki, “Bəhram Mansurov. Biblioqrafiya” kitabında sənətkarın həyat və yaradıcılıq yolu, Azərbaycan muğam sənətinin inkişafına verdiyi töhfələr, onun haqqında yazılmış materiallar, arxiv sənədləri və müxtəlif mənbələrdə qorunan məlumatlar geniş şəkildə əks olunub.

Azərbaycan Milli Konservatoriyası / Azerbaijan National Conservatory

Romanın nüfuzlu “Casa del Jazz” Mədəniyyət Mərkəzində “Xəzərin səsi: Azərbaycan cazı” adlı konsert proqramı keçirilib.

Tədbirdə Azərbaycan Respublikasının mədəniyyət naziri Adil Kərimli, Azərbaycanın İtaliyadakı səfiri Rəşad Aslanov, ICCROM-un Baş direktoru Aruna Francesca Maria Gujral, İtaliya Mədəniyyət Nazirliyinin nümayəndələri, eləcə də çoxsaylı musiqisevərlər iştirak ediblər.

Konsert proqramında Azərbaycan Milli Konservatoriyasının “Populyar musiqi və caz ifaçılığı” kafedrasının müdiri, Əməkdar artist, Prezident mükafatçısı Emil Əfrasiyab və AMK-nın “Xalq çalğı alətləri” kafedrasının müəllimi, Xalq artisti Ənvər Sadıqov iştirak ediblər.

Proqram “Emil Əfrasiyab və dostları” qrupunun ifasında təqdim olunub.
Konsertdə həmçinin Xalq artisti Eldar Mansurov, Əməkdar artistlər Ələkbər Ələkbərov və İsgəndər Ələsgərov, bas-gitara ifaçısı Elvin Nəbiyev, vokal ifaçıları Elnur Hüseynov və müğənni Aysel Teymurzadə iştirak ediblər.

Konsert boyu Azərbaycan milli musiqisinin zəngin intonasiyaları müasir caz elementləri ilə ustalıqla sintez olunaraq beynəlxalq auditoriyaya təqdim edilib.

Emil Əfrasiyabın yaradıcı improvizasiyaları və Ənvər Sadıqovun özünəməxsus ifa üslubu Azərbaycan musiqisinin zəngin bədii imkanlarını parlaq şəkildə nümayiş etdirib.

Böyük maraq və alqışlarla qarşılanan tədbir Azərbaycan musiqisinin beynəlxalq mədəni məkanda təbliği, eləcə də Azərbaycan Milli Konservatoriyasının sənətkar müəllimlərinin ölkə mədəniyyətinə verdiyi töhfələrin daha bir ifadəsi kimi yadda qalıb.

Azərbaycan Milli Konservatoriyası / Azerbaijan National Conservatory

İyunun 14-də Beynəlxalq Muğam Mərkəzində Xalq artisti, tarzən, professor Vamiq Məmmədəliyevin 80 illik yubileyi münasibətilə tədbir keçirilib.

Mədəniyyət nazirinin müavini, Xalq artisti Murad Hüseynov, ali təhsil müəssisələrinin rektorları, ölkənin tanınmış mədəniyyət və incəsənət xadimlərinin iştirak etdiyi tədbirdə Azərbaycan Milli Konservatoriyasının rektoru, Əməkdar incəsənət xadimi, sənətşünaslıq doktoru, professor Kamilə Dadaş-zadə, AMK-nın elm, innovasiya və yaradıcılıq məsələləri üzrə prorektoru Lalə Hüseynova, təhsil məsələləri üzrə prorektoru Nizami Əsədov, eləcə də Konservatoriyanın əməkdaşları və professor-müəllim heyəti iştirak ediblər.

Professor Kamilə Dadaş-zadə çıxış edərək yubilyarı təbrik edib. O, çıxışında Vamiq Məmmədəliyevin Azərbaycan musiqi mədəniyyətinin, xüsusilə muğam sənətinin qorunması, inkişafı və təbliği istiqamətində böyük xidmətlər göstərdiyini vurğulayıb.

Yubiley gecəsinin bədii hissəsində Azərbaycan Milli Konservatoriyasının Muğam xanəndə kafedrasının müdiri, Xalq artisti Mənsum İbrahimov, AMK-nın müəllimləri — Xalq artisti Elçin Həşimov, Əməkdar artist Elnur Əhmədov, AMK-nın professoru, Xalq artisti Nəzakət Teymurova və digər tanınmış sənətkarlar çıxış ediblər.

Azərbaycan Milli Konservatoriyası adından Xalq artisti, tarzən, professor Vamiq Məmmədəliyevi 80 illik yubileyi münasibətilə təbrik edir və yaradıcılıq fəaliyyətində yeni uğurlar arzulayırıq.

Azərbaycan Milli Konservatoriyası / Azerbaijan National Conservatory

İyunun 18-də Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyi, Azərbaycan Respublikası Elm və Təhsil Nazirliyi, Naxçıvan Dövlət Universiteti və Qərbi Azərbaycan İcmasının birgə təşkilatçılığı ilə “Qərbi Azərbaycana qayıdış” III Konqres-Festivalı öz işinə başlayıb.

Konqres-festivalda Azərbaycan Milli Konservatoriyasının elm, innovasiya və yaradıcılıq məsələləri üzrə prorektoru, Əməkdar incəsənət xadimi, professor Lalə Hüseynova iştirak edib.

İştirakçılar əvvəlcə Naxçıvan şəhərinin mərkəzində ucaldılmış Ümummilli Lider Heydər Əliyevin abidəsini ziyarət edib, Ulu Öndərin xatirəsini ehtiramla yad ediblər.
Daha sonra Ordubad şəhərində “Qərbi Azərbaycana qayıdış” III Konqres-Festivalının rəsmi açılış mərasimi keçirilib.

Konqres-festivalın bədii hissəsində Azərbaycan Milli Konservatoriyasının Muğam xanəndə kafedrasının müdiri, Xalq artisti Mənsum İbrahimov, AMK-nın müəllimləri — Xalq artisti Elçin Həşimov, Əməkdar artistlər Elnur Əhmədov,Gülüstan Əliyeva, Nuriyyə Hüseynova eləcə də digər tanınmış sənətkarlar çıxış ediblər.

“Qərbi Azərbaycana qayıdış” III Konqres-Festivalı zəngin proqramı və yaddaqalan çıxışları ilə öz işini uğurla başa vurub.

Azərbaycan Milli Konservatoriyası / Azerbaijan National Conservatory

Yasamal rayonu Yeni Azərbaycan Partiyasının təşkilatçılığı ilə “The Ritz-Carlton Baku” otelində “Qlobal təhlükəsizliyə regional töhfə: Cənubi Qafqazda sülh quruculuğu” mövzusunda tədbir keçirilib.

Tədbirin bədii hissəsində Azərbaycan Milli Konservatoriyasının və Bakı Xoreoqrafiya Akademiyasının əməkdaşlarının ifaları təqdim olunub.

Konsert proqramında Azərbaycan Milli Konservatoriyasının Muğam xanəndə kafedrasının müdiri, Xalq artisti Mənsum İbrahimovun ifasında “Mehriban olaq” və “Qarabağ” mahnıları səsləndirilib. İfaçını AMK-nın müəllimləri — Xalq artisti Elçin Həşimov və Əməkdar artist Elnur Əhmədov müşayiət ediblər.

Proqramda, həmçinin Xalq artisti Gülnaz İsmayılova, AMK-nın müəllimləri, Əməkdar artistlər Aygün Mübariz və Nuriyyə Hüseynova, Prezident mükafatçısı Taleh Yəhyayev, AMK- nin tələbələri beynəlxalq müsabiqələrin qalibləri Araz Qasemi, Reza Mohammadi, Nurəddin Tağıyev və Seymur Həsənsoy müxtəlif musiqi nömrələri ilə çıxış ediblər.

Azərbaycan Milli Konservatoriyası / Azerbaijan National Conservatory

YAP Yasamal Rayon Təşkilatı