Aviasiya Təhlükəsizliyi Kafedrası

Heathrow hava limanında 100 ml maye limiti artıq tarixə qovuşdu. Bütün terminallardan uçan sərnişinlər əl yükündə 2 litrə qədər maye daşıya bilərlər. Bu dəyişiklik 1 milyard funt sterlinq dəyərində olan, çantaların 3D görüntüsünü yaradan müasir tomoqrafik skanerlərin tətbiqindən sonra baş verib. Artıq təhlükəsizlik yoxlaması zamanı noutbukları və mayeləri çantadan çıxarmağa ehtiyac yoxdur, bu da növbələrin xeyli sürətlənməsinə kömək edəcək.
Bu məhdudiyyətlər ilk dəfə 2006-cı ildə, uçuşlarda maye partlayıcıların detonasiya edilməsi planının qarşısı alındıqdan sonra tətbiq olunmuşdu. Təxminən 20 il ərzində 100 ml-lik butulkalar və şəffaf plastik paketlərlə yaşadıq, amma bu dövr indi Böyük Britaniyanın ən işlək hava limanında sona çatır. Bu yeni qayda yalnız Heathrow-dan uçuşlara aiddir.

Maraqlı faktlar. Müasir aviasiya üçün əsas yeni təhlükələr dronlar, kiber hücumlar və konflikt zonalarıdır.✈️
Dronlar sərnişin təyyarələrinə və hava limanı infrastrukturlarına ciddi risk yarada bilər.
Kiber hücumlar isə uçuş məlumatları və hava nəqliyyat sistemlərini hədəf alaraq böyük problemlərə səbəb ola bilər.
Konflikt zonaları isə uçuş marşrutlarını dəyişməyə və əlavə təhlükəsizlik tədbirləri görməyə məcbur edir.
Bu səbəbdən hava limanları və aviasiya şirkətləri müasir texnologiyalarla, inteqrasiya edilmiş təhlükəsizlik sistemləri ilə hər zaman hazırlıqlı olmalıdır.

Tel-Əvivdə yerləşən Ben Gurion Beynəlxalq Hava Limanıda 18 yaşlarında israilli yeniyetmə minik talonu olmadan Austrian Airlines təyyarəsinə minib və yalnız Vyanaya enişdən sonra biletsiz olduğu aşkarlanıb. O, daha sonra İsrailə geri qaytarılıb.
Bu hadisə və iki ay əvvəl 13 yaşlı bir uşağın Ben Qurionda ABŞ-a uçucaq hava gəmisinə bileti olmadan minə bilməsi (yeniyetmə digər sərnişinlərə yaxın duraraq təhlükəsizlik mərhələlərindən yayınmışdı) hadisəsindən sonra biletsiz və sənədsiz şəxslərin uçuş zonalarına daxil olması hallarının qarşısını almaq üçün təhlükəsizlik prosedurları sərtləşdirilib.

AvSec. "Aviasiya təhlükəsizliyi" kafedrasının yaranmasının 25 illiyi Enjoy the videos and music you love, upload original content, and share it all with friends, family, and the world on YouTube.

Hansı qurğulardan istifadə edərək dəmir çəliyin içindəki təhlükəli əşyaları müəyyən etmək olar?
Ben Qurion Beynəlxalq Hava Limanında təhlükəsizlik əməkdaşları yaşlı bir sərnişinin qeyri-adi və düşünülmüş qanunsuz müdaxilə aktı cəhdinin qarşısını alıblar. Əlil sənədi təqdim edən sərnişinin yerimək üçün istifadə etdiyi əsasının yoxlanılması zamanı onun içərisində istifadəyə yararlı güllələr, baqajında isə tapançanın metal gövdəsi aşkar edilib.
Sərnişin dərhal saxlanılıb, uçuşa buraxılmayıb və araşdırma aparılır.

6 yanvar tarixində Praqa Beynəlxalq Hava Limanında AZAL-ın Praqa–Bakı reysi öncəsi bir nəfər qeydiyyat keçmədən təyyarəyə daxil olmağa cəhd edib. Təhlükəsizlik əməkdaşları gələnə kimi ekipaj üzvləri fiziki təsirə baxmayaraq  bu cəhdin qarşısını vaxtında və peşəkarcasına alıb, sərnişini təhlükə olmadan təyyarə göyərtəsinə buraxmayıb.
AZAL bu hadisəni təsdiqləyib və bildirib ki, təhlükəsizlik tədbirləri operativ şəkildə həyata keçirilib, insidentlə bağlı hazırda hava limanı və səlahiyyətli orqanlarla birlikdə araşdırma aparılır.

2025- ci il Dünya ölkələrində aviasiya təhlükəsizliyi necə yadda qaldı?✈️
2025-ci il aviasiya təhlükəsizliyi baxımından dünya ölkələri üçün mühüm bir il oldu. ABŞ-da hava limanlarında təhlükəsizlik tədbirləri gücləndirildi, kiberhücum və GPS siqnallarının pozulması risklərinə qarşı xüsusi proqramlar tətbiq edildi, həmçinin drone hücumlarının qarşısını almaq üçün yeni radar və idarəetmə texnologiyaları işə salındı.🇺🇲
Avropa ölkələrində, xüsusilə Fransa, Almaniya və Böyük Britaniyada, insan və texnologiyanın inteqrasiyası ilə təhlükəsizlik sistemləri yeniləndi, dron və nəzarətsiz uçuşların idarəsi üzrə sərt qaydalar qəbul olundu və Avropa İttifaqı səviyyəsində ortaq təhlükəsizlik standartları gücləndirildi.🇪🇺
Çində beynəlxalq aviasiya təhlükəsizliyi ilə əməkdaşlıq artırıldı, yeni texnologiyalar və təlim proqramları tətbiq olundu, böyük şəhərlərin hava limanlarında isə avtomatlaşdırılmış təhlükəsizlik sistemləri işə salındı.🇨🇳
Rusiya isə hava məkanının qorunması və təhdidlərin aşkarlanması üçün radar və dron sistemlərini təkmilləşdirdi və beynəlxalq uçuşların təhlükəsizliyinə dair monitorinqi gücləndirdi.🇷🇺
Beləliklə, 2025-ci il aviasiya təhlükəsizliyi sahəsində həm texnoloji inkişaflar, həm yeni standartlar, həm də beynəlxalq əməkdaşlıqlar baxımından yadda qaldı. Drone və kiberhücumlar əsas yeni risklər kimi diqqət mərkəzində idi və ölkələr təhlükəsizliyi artırmaq üçün ciddi tədbirlər gördü.

Məşhəd – Tehran istiqamətində uçan hava gəmisində insidenti yaşanıb. Uçuş zamanı bir sərnişin təyyarənin təhlükəsizliyinə risk yaradan hərəkətlərə cəhd göstərib. Təyyarədə xidmət aparan “hava marşalı” əməkdaşlarının və uçuş heyətinin vaxtında və koordinasiyalı fəaliyyəti nəticəsində insidentin qarşısı alınıb. Təyyarə heç bir problem olmadan, sərnişinlərin təhlükəsizliyi tam təmin olunaraq Məşhəd hava limanına eniş edib.
Bəs Siz necə fikirləşirsiz, “hava marşalı” xidməti hava gəmisinin təhlükəsizliyinin təmin olunması üçün faydalıdır yoxsa əlavə bir riskdir?

Birmingem hava limanında çalışan təhlükəsizlik xidməti üzrə təlimatçı sənədləri saxtalaşdırdığını etiraf etdikdən sonra məhkum edilib.
Məhkəmə tərəfindən 40 yaşlı Şoayb İqbal Birmingem iki il müddətinə azadlıqdan məhrum etmə cəzasına məhkum edilib. O, 200 saat ödənişsiz ictimai əsaslarla işlədikdən sonra iki illik məhkumluq cəzası təyin olunacaq.
İdarəedici orqanı hava limanlarının təhlükəsizlik xidməti əməkdaşlarının sertifikatlaşdırılmasına aid olan sənədlərin İqbal tərəfindən saxtalaşdırıldığını müəyyən edildi.Hava limanının təhlükəsizlik xidmətinin fəaliyyətinə risk yarana bilməsinə baxmayaraq faktiki olan zərər olmamışdır.
Birmingem hava limanın işçi heyətini yenidən sertifikatdan keçirilməli olub.

18 dekabr 2025-ci il tarixdə saat 14:00-da III tədris binasının akt zalında "Aviasiya təhlükəsizliyi" kafedrasının təşkilatçılığı ilə "Yalan deteksiyası zamanı stimullardan düzgün istifadə" adlı seminar keçiriləcəkdir. Məruzəçi - Fuad İsmayılov.

Dekabrın 5-də Dubai–Hindistan istiqamətində həyata keçirilən Emirates EK526 reysi bomba barədə göndərilmiş təhdid e-maili səbəbilə Heydərabad hava limanında xüsusi təhlükəsizlik prosedurlarına cəlb edildi. Təyyarə təcrid olunmuş sahəyə yönləndirilmiş, bütün sərnişinlər təhlükəsiz şəkildə təxliyə olunaraq zəruri yoxlamalar aparılmışdır. Xoşbəxtlikdən partlayıcı qurğu aşkarlanmamışdır.

Haitinin yeganə fəaliiyyətdə olan Sunrise Airways aviaşirkəti 23 noyabr tarixindən Port-o-Prens ilə ölkənin böyük şəhərləri arasındakı bütün uçuşların müvəqqəti olaraq dayandırıldığını açıqladı. Aviaşirkət təhlükəsizliklə bağlı narahatlıqların olduğunu və vəziyyətindən asılı olaraq müvafiq orqanlarla əlaqələndirilərək xidmətlərin bərpa olunacağını bildirdi.
Həmin gün Les Cayesdən Guy Malary-nın Hava Limanına sərnişinləri enməyə hazırlaşan təyyarənin atəşə tutuldundan sonra qərara alınmışdır. Təyyarənin enişinə bir neçə dəqiqə qalmış güllə ilə vurulduğu bildirildi.