323 nömrəli tam orta məktəb

25/08/2026

323 nömrəli tam orta ümumtəhsil məktəbində qəbul nəticələri!

Ümumilikdə 38 məzundan 20 nəfər ali məktəbə qəbul olub – 52,6%

👏 Bütün məzunlarımızı təbrik edir, gələcək təhsil həyatlarında uğurlar arzulayırıq!

17/07/2026

İyulun 17-də Bakı şəhəri 323 nömrəli tam orta ümumtəhsil məktəbdə X və XI sinif şagirdlərin valideynləri ilə yeni təmayül tədris modeli ilə bağlı maarifləndirici görüş keçirilib. Bakı Şəhəri üzrə Təhsil İdarəsinin tabeliyində fəaliyyət göstərən tam orta ümumtəhsil müəssisələrində tətbiq olunacaq yeni təmayül tədris modeli haqqında ətraflı məlumat verilib. Bildirilib ki, yeni model tam orta təhsil səviyyəsində məktəbin akademik rolunun gücləndirilməsinə, şagirdlərin ali təhsilə hazırlıq prosesinin məktəb daxilində daha səmərəli təşkilinə xidmət edir.

Görüş zamanı çıxış edən məktəbin direktoru Namiq Ələkbərov da yeni təmayül tədris modelinin əhəmiyyətindən danışaraq, bu yeniliyin şagirdlərin maraq və qabiliyyətlərinə uyğun istiqamətləndirilməsinə, onların gələcək təhsil və peşə seçimlərinə daha məqsədyönlü hazırlaşmalarına şərait yaradacağını vurğulayıb.

Sonda valideynləri maraqlandıran suallar cavablandırılıb, mövzu ətrafında fikir mübadiləsi aparılıb.

01/07/2026

İyulun 1-də “BilBacar” müsabiqəsinin qaliblərinin mükafatlandırılması mərasimi keçirilib.
Qeyd edək ki, 2025-ci ilin noyabr ayında start verilən “BilBacar” müsabiqəsinin builki əsas məqsədi ibtidai sinif şagirdlərində oxu savadlılığını artırmaq, mətnin məzmununu anlama, təhlil və nəticə çıxarma bacarıqlarını inkişaf etdirmək, oxu fəaliyyətlərini təşviq etmək, eyni zamanda şagirdlərə kompüter əsaslı qiymətləndirmə mühitində təcrübə qazandırmaq olub.

Tədbirdə ölkə üzrə “BilBacar” müsabiqəsində “Yüksək nəticə” nominasiyaları üzrə müəyyən olunmuş ilk 10 məktəb sırasında
323 nömrəli tam orta ümumtəhsil məktəbi də təltif edilib.
Uğurumuz münasibətilə kollektivimizi təbrik edirik.
Məktəb üzrə "BilBacar" layihəsinin koordinatoru ibtidai sinif müəllimi Yeganə Ağayevaya, o cümlədən, 3-cü və 4-cü siniflərin rəhbərlərinə təşəkkür edirik.👏👏👏

30/06/2026

17-19, 23-25 iyun 2026-ci il tarixində ilk dəfə iştirak edəcək tarix, fiziki tərbiyə , texnologiya,musiqi, təsviri incəsənət, o cümlədən, ibtidai sinif, Azərbaycan dili və ədəbiyyatı və digər ixtisalar üzrə müəllimlərin sertifikatlaşdırılması imtahanı keçirildi.

2026-cı il üzrə müəllimlərin sertifikatlaşdırılması imtahanında iştirak edən müəllimlərimizdən yüksək nəticəsi ilə ibtidai sinif müəllimi Ağayeva Yeganə müəllim 55 bal toplayaraq fərqlənib.

Həmçinin, Azərbaycan dili və ədəbiyyat müəllimi Hüsniyyə Quliyeva, fiziki tərbiyə müəllimi Cəfər Ələsgərov, texnologiya müəllimi Ahu Məmmədova uğurlu nəticələri ilə mərhələni keçiblər.

Müəllimlərimizi bu uğur münasibəti ilə məktəb rəhbərliyi və kollektivi adından təbrik edir, onlara daha böyük uğurlara imza atmağı arzulayırıq.

20/06/2026

19.06.2026-cı il tarixində Mərdəkan Mədəniyyət Sarayında keçirilən Şən və Hazırcavablar Klubunun(ŞHK) Juniors League "Yeni Nəsil Kuboku" yarışı keçirilib.
Gənclər və İdman Nazirliyinin təşkilatçılığı ilə keçirilən yarışda
Xəzər rayonunun 13 məktəb komandası arasında
323 nömrəli tam orta ümumtəhsil məktəbinin komandası 3-cü yerə layiq görülərək kubokla,o cümlədən, "Tamaşaçıların sevimli komandası" adlı Fəxri Fərmanla təltif olunub.🥉🏆
Komandamızı məktəb kollektivi adından təbrik edir, uğurlarının davamlı olmasını diləyirik.👏👏👍

18/06/2026

18.06.2026-cı il tarixində Pedaqoji Şuranın iclası keçirilib.
Pedaqoji Şuranın iclası Azərbaycan Respublikası Dövlət Himinin səsləndirilməsi ilə başlandı.
Daha sonra Azərbaycanın Milli Qəhrəmanı Mübariz İbrahimovun şəhidlik zirvəsinə ucaldığı 18 iyun -Anım günü ilə əlaqədar əziz xatirəsi bir dəqiqəlik sükutla dərin ehtiram hissi ilə yad edildi.
Məktəbin direktoru Namiq Ələkbərov iclası açaraq şura üzvlərini gündəlikdə duran məsələlərlə tanış etdi.
İclas zamanı 2025–2026-cı tədris ilinin yekunları, şagirdlərin təlim nailiyyətlərinin təhlili,
buraxılış imtahanlarının nəticələri, fənlər üzrə göstəricilər və məktəbin əldə etdiyi nailiyyətlər diqqətə çatdırıldı.
Daha sonra məktəbin məktəbdənkənar və sinifdənxaric tərbiyə işləri üzrə direktor müavini Aybəniz Rzayeva çıxış edərək tədris prosesində müşahidə olunan müsbət cəhətlər və aradan qaldırılması vacib olan çatışmazlıqlardan bəhs etdi.
Müəllimlər öz təklif və rəylərini bildirdilər, növbəti tədris ilində təlim keyfiyyətinin yüksəldilməsi istiqamətində görüləcək tədbirlər barədə fikir mübadiləsi aparıldı.
İclas zamanı tədris və tərbiyə işlərində əldə etdikləri uğurlara, pedaqoji fəaliyyətlərində göstərdikləri yüksək peşəkarlığa və məktəbin fəaliyyətinə göstərdiyi səmərəli dəstəyə, təhsil prosesinin inkişafına verdiyi töhfəyə və nümunəvi əməkdaşlığa görə bir qrup müəllim Fəxri Fərman ilə təltif olundu. Məktəb rəhbərliyi təltif olunan müəllimləri təbrik edərək onlara gələcək fəaliyyətlərində uğurlar arzuladı.
Müəllimlər isə öz növbəsində göstərilən etimada görə rəhbərliyə minnətdarlıqlarını bildirdilər və bundan sonra da təhsilin inkişafı naminə səylə çalışacaqlarını vurğulayıblar.

17/06/2026

ADA Universiteti tərəfindən 8 və 9-cu sinif şagirdləri üçün hər il ənənəvi olaraq Akademik Məqsədlər üçün İngilis dili Olimpiadası təşkil olunur.
Məktəbimizin 8 "A" sinif şagirdi Mahmudova Fidan da öz təşəbbüsü ilə
ADA Universitetinin təşkil etdiyi VIII İngilis dili Olimpiadasında iştirak edib uğurlu nəticəsi ilə seçildiyi üçün universitetin rəhbərliyi tərəfindən sertifikat ilə mükafatlandırıb.
Şagirdimizi təbrik edirik, uğurlarının davamlı olmasını diləyirik.

13/06/2026

13 iyun 2026-cı tarixində məktəbimizdə cari ilin məzunları üçün ənənəvi “Son zəng” tədbiri keçirildi. Tədbirdə məktəb rəhbərliyi, müəllimlər, şagirdlər, valideynlər və qonaqlar iştirak etdilər.
Əvvəlcə Azərbaycan Respublikasının Dövlət Himni səsləndirildi, sonra şəhidlərimizin əziz xatirəsi bir dəqiqəlik sükutla yad edildi. Məktəbin direktoru Namiq Ələkbərov çıxış edərək məzunları təbrik etdi, onlara gələcək həyatlarında uğurlar arzuladı.O, çıxışı zamanı "Bu gün səslənən son zəng məktəblə vidalaşmağın deyil, həyatınızın yeni mərhələsinə qədəm qoymağın rəmzidir.
Bu yolda sizə dəstək olan müəllimlərinizə və valideynlərinizə də təşəkkür edirəm. Onların əməyi və qayğısı sizin uğurlarınızın əsasını təşkil edir.
İnanıram ki, hər biriniz gələcəkdə ölkəmizin layiqli vətəndaşı olacaq, qazandığınız bilikləri xalqımızın və dövlətimizin inkişafı naminə istifadə edəcəksiniz." deyərək çıxışını bitirdi.
Müəllimlər və valideynlər də öz xoş arzularını məzunlarla bölüşdülər.
Tədbir şagirdlərin hazırladıqları bədii proqramla davam etdi. Şeirlər səsləndirildi, mahnılar ifa olundu, rəqs nömrələri nümayiş etdirildi. Məzunlar məktəb illərini əks etdirən çıxışlarla müəllimlərinə və valideynlərinə minnətdarlıqlarını bildirdilər.
Sonda son zəng səsləndirildi və məzunlar üçün yeni həyat mərhələsinin başlanğıcı qeyd olundu. Tədbir xoş və yaddaqalan anlarla başa çatdı. Məktəb kollektivi bütün məzunlara gələcək təhsil və fəaliyyətlərində uğurlar arzulayır.

13/06/2026

10/06/2026

Məktəbdə I və II Qarabağ müharibələrinin qəhrəmanlarına həsr olunmuş "Dəyirmi masa" təşkil olundu.
"Dəyirmi masa" məktəbimizin kitabxana müdiri Vüsalə İsmayılovanın təşkilatçılığı ilə 7- ci sinif şagirdləri ilə keçirilib.
Tədbirdə şəhidlərimizin və qazilərimizin Vətən uğrunda göstərdikləri şücaət və qəhrəmanlıqlardan bəhs edildi. Şagirdlər qəhrəmanlarımız haqqında məlumatlar təqdim etdilər, onların döyüş yolu və vətənpərvərliyindən bəhs olundu. Çıxış edənlər şagirdlər gənc nəslin vətənə bağlılıq, milli-mənəvi dəyərlərə hörmət ruhunda yetişdirilməsinin vacibliyini vurğulayıblar.