323 nömrəli tam orta məktəb

Bu gün məktəbimizdə xalqımızın qədim və zəngin ənənələrini yaşadan "Novruz bayramı"tədbiri keçirildi. Tədbirdə şagirdlər milli geyimlərdə çıxış edərək adət-ənənələrimizi nümayiş etdirib, baharın gəlişini sevinc və ruh yüksəkliyi ilə qarşıladılar.
Şagirdlərin ifasında dörd çərşənbə qeyd olundu, milli rəqslər təqdim olundu,şeir, mahnılar səslənildi və xalq oyunu nümayiş etdirildi.
Tədbirin əsas məqsədi şagirdlərdə milli- mənəvi dəyərlərə sevgi, adət- ənənələrimizə hörmət hissini gücləndirmək, onların yaradıcılıq qabiliyyətlərini inkişaf etdirmək idi.

11.03.2026-cı il tarixində məktəbimizdə Wayground platforması vasitəsilə riyaziyyat fənni üzrə yarış keçirilmişdir.
Yarışın təşkilində əsas məqsəd şagirdlərin riyazi bilik və bacarıqlarını yoxlamaq, onların məntiqi düşünmə qabiliyyətini inkişaf etdirmək və riyaziyyat fənninə maraqlarını artırmaq olmuşdur.
Yarışda şagirdlər fəal iştirak edərək verilmiş tapşırıqları uğurla yerinə yetirmiş və öz biliklərini nümayiş etdirmişlər. Tədbirin sonunda yüksək nəticə göstərən şagirdlər müəyyən olunaraq təbrik edilmişdir.
Bu kimi tədbirlərin təşkili şagirdlərin intellektual inkişafına və onların təlim motivasiyasının artırılmasına mühüm töhfə verir.

Məktəbin kitabxana müdiri Vüsalə İsmayılova, Azərbaycan dili və ədəbiyyat müəllimi Həsənova Almara müəllim, məktəbin psixoloqu Aişə Rüstəmova və 8"A" sinif şagirdlərinin iştirakı ilə "Qəhrəmanlar unudulmur"mövzusunda müzakirə təşkil olunub.
Tədbirdə şair, yazıçı, publisist
Müşviq Malik Muğanlının "Mübarizdən sonra", Mürşüd İsmayılzadənin
"Zəfəri yaşayanlar,yaşadanlar" kitabında vətənin azadlığı uğrunda mübarizə aparan igid qəhrəmanlarımızın göstərdikləri şücaətlərdən danışıldı.
Qəhrəmanlar yalnız döyüş meydanında deyil,xalqın qəlbində də yaşayırlar.Onların xatirəsini yad etmək ,onları tanımaq və hörmətlə anmaq hər bir vətəndaşın borcudur.

Məktəbin 1 "A" və 2"A" siniflərində
Yel çərşənbəsi qeyd olundu.
10.03.2026-cı il tarixində 2"A" sinif şagirdləri ilə Azərbaycan dili dərsində “Atalar sözləri” mövzusu çərçivəsində Novruz çərşənbələrinə həsr olunmuş kiçik tədbir keçirildi. Şagirdlər Novruzun adət-ənənələri haqqında danışdılar, çərşənbələr barədə məlumat verdilər və mövzu ilə bağlı atalar sözləri səsləndirdilər. Tədbir zamanı uşaqlar şeirlər söylədilər, səhnəciklər nümayiş etdirdilər və baharın gəlişini əks etdirən çıxışlar etdilər.
Bu fəaliyyət şagirdlərin həm milli dəyərlərimiz, həm də xalq yaradıcılığı ilə daha yaxından tanış olmasına kömək etdi. Tədbir uşaqların böyük həvəsi və fəallığı ilə yadda qaldı.

06.03.2026-cı il tarixində məktəb rəhbərliyi və Həmkarlar İttifaqı Komitəsinin sədri Cəfər Ələsgərovun məktəbin bütün Qadın pedaqoji və texniki işçi heyəti ilə görüşü keçirilib.
Görüş zamanı ilk öncə məktəbin direktoru Ələkbərov Namiq müəllim
8 Mart- Beynəlxalq Qadınlar Bayramı münasibəti ilə müəllimləri təbrik edib, onlara gələcək fəaliyyətlərində uğurlar diləyib.
Daha sonra məktəbin direktor müavini A.Rzayevanın təşkilatçılığı ilə qadın pedaqoji kollektivinə xüsusi diqqətlə hazırlanmış hədiyyələr təqdim olunub.
Daha sonra C.Ələsgərov qadın işçiləri öz adından təbrik edib,o cümlədən, Elm və Təhsil İşçiləri Həmkarlar İttifaqı Xəzər rayon Komitəsinin sədri Əbilov Həzərxan müəllimin təbrikini çatdırdı.
Sonra Qadın müəllim və texniki işçi heyətinə 8 Mart hədiyyələri təqdim olundu.

6 mart 2026-cı il tarixində "İdman həftəsi" çərçivəsində məktəbimizdə keçirilən idman yarışlarında I,II,III yerə layiq görülən şagirdlər Diplomlarla təltif olundular.
Təltifetmədə direktor müavini Aybəniz Rzayeva, fiziki tərbiyə müəllimi Cəfər Ələsgərov iştirak edib.
Onlar müxtəlif idman növü üzrə keçirilən yarışlarda qalib olanları təbrik edib, müvafiq olaraq I, II, III yer tutan şagirdlərə diplomlar təqdim ediblər.

Yarışda iştirak edən bütün şagirdlərə uğurlar diləyirik!

06.03.2026-cı il tarixində məktəbin 11-ci sinif şagirdləri ilə görüş təşkil edildi. Görüşdə məktəbin direktoru Namiq Ələkbərov, məktəbdənkənar və sinifdənxaric tərbiyə işiüzrə təşkilaçı müavin Aybəniz Rzayeva, 11-ci siniflərin sinif rəhbərləri iştirak etdilər.

Məktəbin direktoru Ələkbərov Namiq müəllim görüşdə çıxış edərək 11-cilərə növbəti həftə keçiriləcək buraxılış imtahanlarında uğurlar arzu edib.
Daha sonra şagirdlərə buraxılış vərəqələri paylanılıb.

06.03.2026-cı il tarixində məktəb rəhbərliyi, müəllim, texniki işçi və şagirdlərdən ibarət heyətlə
Qala qəsəbəsində yerləşən
Qala Daş Parkında keçirilən ağacəkmə askiyasına iştirak ediblər.

Məktəbin məktəbdənkənar və sinifdənxaric tərbiyə işi üzrə təşkilatçı müavin Aybəniz Rzayeva, məktəbin kitabxana müdiri Vüsalə İsmayılova,
9 "C" sinif şagirdi Hüseyn Məmmədovun təşəbbüsü ilə oxu klubu yaradılıb.
Bu münasibətlə 05.03.2026-cı il tarixində ilk iclas keçirilib.
Oxu klubunun yaradılmasında məqsəd şagirdlərdə kitab oxumaq vərdişi yaratmaq, düşünmə və danışıq bacarıqlarını inkişaf etdirmək,oxunan kitablar haqqında müzakirə aparmaq və fikir bildirməkdir.
İclasda məktəbin psixoloqu Aişə Rüstəmova, Azərbaycan dili və ədəbiyyat müəllimi Hüsniyyə Quliyeva və 9-cu sinif şagirdlər iştirak etdi.
Onlarda oxu klubunun gələcək fəaliyyəti haqqında öz fikir və rəylərini bildirlər.

05.03.2026-cı il tarixində məktəbin biologiya müəllimi Esmira İbrahimova tərəfindən "Sağlamlığın qorunması" haqqında maarifləndirici söhbət aparılıb.
Məqsəd şagirdlərdə sağlam həyat tərzi haqqında bilik və vərdişləri artırmaq, xəstəliklərin qarşısını almaq və sağlamlığın qorunmasına məsuliyyətli yanaşma formalaşdırmaqdır.