247 nömrəli tam orta məktəb

247 nömrəli tam orta məktəb 247 nömrəli tam orta məktəb 1969-cu ildə fəaliyyətə başlayıb. Məktəb Abdulla Rəhimovun adını daşıyır.

Məktəb birnövbəlidir və 5 günlük iş rejimi ilə fəaliyyət göstərir.

İkinci sinif şagirdlərinin dərs prosesindən.
30/04/2026

İkinci sinif şagirdlərinin dərs prosesindən.

30/04/2026

📢 Uşaqların I sinfə qəbulu prosesi başlayır!

🗓️ 06 may 2026-cı il tarixindən etibarən 2026–2027-ci tədris ili üzrə ümumi təhsil müəssisələrinin birinci siniflərinə şagird qəbuluna start verilir. Qəbul prosesi www.mektebeqebul.edu.az portalı vasitəsilə aparılacaq. Uşaqların birinci sinfə elektron qəbulu ölkənin bütün şəhər və rayonlarının ümumi təhsil müəssisələrini əhatə edir.

📊 Qeyd edək ki, bu il Azərbaycan bölməsi üzrə 81 minə yaxın uşaq məktəbəhazırlıq qrupundan avtomatik olaraq I sinfə keçirilib.

📌 Diqqətə çatdırılır ki, birinci sinfə qeydiyyat zamanı uşaqların şəxsiyyət vəsiqəsinin olması mütləqdir.

Uşaqların məktəbə qəbulunda hər bir valideyn üçün əlçatanlığın təmin edilməsi əsas hədəflərdəndir.

Vl “B” sinfinin şagirdləri təsviri incəsənət dərsində Xədicə müəllimlə birlikdə Leonardo da Vincinin sehrli və zəngin dü...
28/04/2026

Vl “B” sinfinin şagirdləri təsviri incəsənət dərsində Xədicə müəllimlə birlikdə Leonardo da Vincinin sehrli və zəngin dünyasına maraqlı bir səyahət etdilər. Bu dərs yalnız rəsm çəkmə ilə məhdudlaşmadı, eyni zamanda şagirdlər üçün həm tarix, həm elm, həm də yaradıcılıq baxımından unudulmaz bir təcrübəyə çevrildi.

Dərsin əvvəlində şagirdlər dahi sənətkarın həyat yolu ilə tanış oldular. Onlar öyrəndilər ki, Leonardo da Vinçi yalnız rəssam deyil, həm də mühəndis, alim və ixtiraçı idi. Onun çoxşaxəli fəaliyyəti uşaqlarda böyük maraq oyatdı və onları daha dərindən araşdırma aparmağa təşviq etdi.

Dərsin ən maraqlı hissələrindən biri isə yaradıcı tapşırıqlar oldu. Şagirdlər öz təsəvvürlərinə əsaslanaraq rəsmlər çəkdilər, yeni ixtira ideyaları irəli sürdülər və gələcəyin kiçik ixtiraçıları kimi bacarıqlarını nümayiş etdirdilər. Onların yaradıcılığı və fərqli yanaşmaları dərsə xüsusi rəng qatdı.

İnklüziv sinif şagirdim Ömər ilk sınaqda qazandığı yüksək nəticənin diplomunu böyük qürurla mənimlə paylaşdı və bu anı x...
27/04/2026

İnklüziv sinif şagirdim Ömər ilk sınaqda qazandığı yüksək nəticənin diplomunu böyük qürurla mənimlə paylaşdı və bu anı xatirə şəkli ilə əbədiləşdirdik.

Energetika Nazirliyinin “Söndür və qazan!” layihəsi davam edir. 🔰 Enerji səmərəliliyi ayı çərçivəsində könüllülərin seçi...
27/04/2026

Energetika Nazirliyinin “Söndür və qazan!” layihəsi davam edir. 🔰 Enerji səmərəliliyi ayı çərçivəsində könüllülərin seçiminə start verilib.

✅ Könüllülər enerji qənaətinin təşviqi və istifadə olunmayan otaqlarda işıq və elektrik avadanlıqlarının söndürülməsinə nəzarətdə iştirak edəcəklər.

IV “B” sinif şagirdi Vəlizadə Ərtuğrul kiçik yaşlı idmançılar arasında keçirilən Lion Cüdo Klubunun açıq birinciliyində ...
27/04/2026

IV “B” sinif şagirdi Vəlizadə Ərtuğrul kiçik yaşlı idmançılar arasında keçirilən Lion Cüdo Klubunun açıq birinciliyində 30 kq çəki dərəcəsində II yerə layiq görülərək təltif olunub.

Şagirdimizi bu uğuru münasibətilə təbrik edir, ona gələcək yarışlarda daha böyük nailiyyətlər arzulayırıq!

Pedaqoji təcrübəyə başlayacaq tələbələrlə görüş təşkil olundu.Azərbaycan Dövlət Pedaqoji Universitetinin Azərbaycan dili...
27/04/2026

Pedaqoji təcrübəyə başlayacaq tələbələrlə görüş təşkil olundu.

Azərbaycan Dövlət Pedaqoji Universitetinin Azərbaycan dili və ədəbiyyat fakültəsinin tələbələri ilə görüş zamanı onların qarşıda gözləyən pedaqoji təcrübə prosesi haqqında ətraflı məlumat verildi. Bildirildi ki, tələbələr 28 aprel – 30 may tarixləri aralığında məktəbimizdə pedaqoji təcrübə keçəcəklər. Bu müddət ərzində onlar dərs prosesini müşahidə edəcək, müəllimlərin iş fəaliyyəti ilə yaxından tanış olacaq, həmçinin müxtəlif dərslərin təşkili və idarə olunmasında fəal iştirak edəcəklər. Tələbələrin qazandıqları nəzəri bilikləri praktikada tətbiq etmələri üçün lazımi şərait yaradılacaq.

Sonda tələbələrə uğurlar arzulanmış, onların gələcək pedaqoji fəaliyyətlərində bu təcrübənin mühüm rol oynayacağı vurğulanmışdır.

27/04/2026

🔰 Enerji səmərəliliyi ayı çərçivəsində könüllülərin seçiminə start verilib.

✅ Könüllülər enerji qənaətinin təşviqi və istifadə olunmayan otaqlarda işıq və elektrik avadanlıqlarının söndürülməsinə nəzarətdə iştirak edəcəklər.

Məktəb kitabxanasının fəal oxucuları olan III “A” sinfinin şagirdləri kitabxana müdiri Leyla Seyidalıyeva ilə birlikdə X...
25/04/2026

Məktəb kitabxanasının fəal oxucuları olan III “A” sinfinin şagirdləri kitabxana müdiri Leyla Seyidalıyeva ilə birlikdə XI Kitab Festivalında iştirak etdilər. 📚

Balaca kitabsevərlər üçün bu tədbir həm maraqlı, həm də yadda qalan bir gün oldu. Onlar müxtəlif nəşriyyatların təqdim etdiyi rəngarəng kitablarla tanış oldular, sevdikləri müəllifləri yaxından görmək və onlarla ünsiyyət qurmaq imkanı qazandılar. Festival çərçivəsində keçirilən görüşlər, imza saatları və ədəbi proqramlar şagirdlərin mütaliəyə olan marağını daha da artırdı.

Bu cür tədbirlər uşaqlarda kitab sevgisinin formalaşmasına, onların dünyagörüşünün genişlənməsinə və mütaliə vərdişlərinin inkişafına böyük töhfə verir. Günün sonunda şagirdlər yeni kitablar və xoş təəssüratlarla geri döndülər. 📖✨

Məktəbdə pedaqoji şuranın növbəti iclası keçirildi. İclasda məktəb rəhbərliyi, müəllim heyəti və digər məsul şəxslər işt...
25/04/2026

Məktəbdə pedaqoji şuranın növbəti iclası keçirildi. İclasda məktəb rəhbərliyi, müəllim heyəti və digər məsul şəxslər iştirak etdilər.

Gündəlikdə duran ilk məsələ ötən pedaqoji şuranın qərarlarının icra vəziyyəti oldu. Məktəb rəhbərliyi tərəfindən əvvəlki iclasda qəbul olunmuş qərarların yerinə yetirilməsi ilə bağlı hesabat təqdim edildi. Qeyd olundu ki, qərarların əksəriyyəti icra olunmuş, bəzi məsələlər üzrə isə işlər davam etdirilir.

Sonra keyfiyyət fəaliyyət planının icrası vəziyyəti müzakirə edildi. Tədbirlər planına uyğun olaraq keçirilən müxtəlif maarifləndirici, tərbiyəvi və intellektual tədbirlər barədə, "Son zəng" tədbirinin təşkili barədə məlumat verildi.

Növbəti məsələ fənlərin tədrisi keyfiyyətinin monitorinq nəticələri və dərsdinləmələrin yekunları ilə bağlı idi. Aparılan monitorinqlərin nəticələri təhlil olundu, dərslərdə müşahidə edilən müsbət və mənfi cəhətlər qeyd edildi. Müəllimlərə metodiki tövsiyələr verildi, tədrisin keyfiyyətinin daha da artırılması üçün konkret addımlar müəyyənləşdirildi.

İclasda şagirdlərin davranış qaydaları da geniş müzakirə olundu. Məktəbdaxili nizam-intizamın gücləndirilməsi, şagirdlər arasında etik davranış normalarının formalaşdırılması və valideynlərlə əməkdaşlığın artırılması vacib hesab edildi.

XI sinif buraxılış imtahanlarının nəticələri və IX sinif şagirdlərinin imtahanlarda iştirakı ilə bağlı məsələlər də diqqət mərkəzində oldu. İmtahan nəticələri təhlil edilərək uğurlu və zəif göstəricilər müəyyən edildi. Nəticələrin yaxşılaşdırılması üçün əlavə tədbirlərin görülməsi qərara alındı.

Xüsusi istedadlı və zəif nəticə göstərən şagirdlərlə işin təşkili də iclasın mühüm mövzularından biri idi. İstedadlı şagirdlərin potensialının inkişaf etdirilməsi, onların müxtəlif müsabiqə və olimpiadalara cəlb olunması, eyni zamanda zəif nəticə göstərən şagirdlərlə fərdi işin gücləndirilməsi zəruri hesab edildi.

Sonda cari məsələlər müzakirə edildi, müəllimlərin təklif və iradları dinlənildi. İclasın yekununda qəbul olunmuş qərarların icrasına nəzarətin gücləndirilməsi və tədrisin keyfiyyətinin yüksəldilməsi istiqamətində birgə fəaliyyətin davam etdirilməsi qərara alındı.

“Ayın idman növü” layihəsi çərçivəsində 5–6-cı sinif şagirdləri arasında şahmat yarışı keçirildi ♟️Yarışda hər sinif 1 q...
24/04/2026

“Ayın idman növü” layihəsi çərçivəsində 5–6-cı sinif şagirdləri arasında şahmat yarışı keçirildi ♟️

Yarışda hər sinif 1 qız və 2 oğlandan ibarət komanda ilə təmsil olundu. Şagirdlər strateji düşüncə və diqqət nümayiş etdirərək maraqlı və gərgin mübarizə apardılar.

Yarışın nəticələrinə əsasən, VI “A” sinfinin “Ulduzlar” komandası bütün rəqiblərini geridə qoyaraq qalib adını qazandı 🏆

Bu uğur gələcək böyük zəfərlərin başlanğıcıdır 💪Məktəbimizin l "B" sinfində oxuyan Əzimov Ömər "ZƏFƏR YOLU” yarışında I...
24/04/2026

Bu uğur gələcək böyük zəfərlərin başlanğıcıdır 💪

Məktəbimizin l "B" sinfində oxuyan Əzimov Ömər "ZƏFƏR YOLU” yarışında II yerə layiq görülmüşdür🥈

Yolun açıq olsun, yeni nailiyyətlər arzulayırıq!

Address

Mir Cəlal 68 A
Baku

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+994125684232

Website

Alerts

Be the first to know and let us send you an email when 247 nömrəli tam orta məktəb posts news and promotions. Your email address will not be used for any other purpose, and you can unsubscribe at any time.

Contact The School

Send a message to 247 nömrəli tam orta məktəb:

Shortcuts

Share

Category