12/12/2024
10 dekabr 2024-cü il tarixində, “Universitetlə iş dünyası arasında qarşılıqlı təcrübi-tədrislə biliyin təkmilləşdirilməsi” layihəsi üzrə, ADNSU-nun
“Menecment” kafedrasının müəyyənləşdirilmiş müəsssisə və təşkilatlardan dəvət olunan mütəxəssislərin növbəti qonağı “SAP Learning Center” - SAP Tədris Mərkəzinin təsisçisi, peşəkar mütəxəssis İbrahim Mahmudov və təşkilatçı menecer Nuranə Eyvazova, 751-21 və 753-21 saylı qruplarda “Mühasibatlıq və audit” fənnin mühazirə dərsində mövzu ilə əlaqədar, müəssisə resurslarının
planlaşdırılması şirkətlərin iş proseslərini - maliyyə, insan resursları, təchizat zənciri, istehsal, layihə idarəetməsi və digər funksiyaları vahid bir sistemdə
inteqrasiya və avtomatlaşdırma yolu ilə idarə etməyə imkan verən proqram təminatı kateqoriyasına daxil olan ERP, SAP və MRP-nin dünyada və Azərbaycanda rolundan danışdılar. Resursların səmərəli istifadəsini, verilənlərin
dəqiq idarə olunmasını, qərar qəbul etmə prosesinin təkmilləşdirilməsinin, material
tələbatlarının planlaşdırılmasının təmin edilməsi barədə ətraflı məlumatlar verdilər. Bütün bunlar istehsal prosesində ehtiyac duyulan, materialların və komponentlərin düzgün miqdarda və düzgün zamanda təmin olunmasının planlaşdırılmasında istifadə edilən sistem olaraq, analitika və hesabatların yerinə yetirilməsi və qərar qəbul etmə prosesinin dəstəklənməsi deməkdir.
Prosseslər haqqında tələbələrə ətraflı məlumatlar verməklə yanaşı, onları maraqlandıran sualları cavablandırmış və onlara lazımlı tövsiyələr vermişdirlər. Belə təcrübi dərslərin təşkili və gənclərin uğurlu karyera quruculuğunda müsbət
təsiri vardır. Dərs prosesində kafedranın dosenti Sədaqət İbrahimova da iştirak
etmişdir.
