Gənclərin Respublika Bədii Yaradıcılıq Evi Publik Hüquqi Şəxsi

  • Home
  • Azerbaijan
  • Baku
  • Gənclərin Respublika Bədii Yaradıcılıq Evi Publik Hüquqi Şəxsi

Gənclərin Respublika Bədii Yaradıcılıq Evi Publik Hüquqi Şəxsi "Gənclərin Respublika Bədii Yaradıcılıq Evi" Publik Hüquqi Şəxsi

15 İyun - Azərbaycan xalqının Milli Qurtuluş Günü 🇦🇿
15/06/2026

15 İyun - Azərbaycan xalqının Milli Qurtuluş Günü 🇦🇿

“Danışıq Klubu” dərnəyində əyləncəli yekun dərs keçirilib. Dərs ilinin yekununda Gənclərin Respublika Bədii Yaradıcılıq ...
15/06/2026

“Danışıq Klubu” dərnəyində əyləncəli yekun dərs keçirilib.

Dərs ilinin yekununda Gənclərin Respublika Bədii Yaradıcılıq Evində fəaliyyət göstərən “Danışıq Klubu” ( rus dili) dərnəyinin rəhbəri Nigar Əhmədova tərəfindən əyləncəli və interaktiv yekun dərs təşkil olunub.

Dərsin məqsədi il ərzində dərnək üzvlərinin əldə etdikləri bilik və bacarıqları nümayiş etdirmək, onların rus dilində ünsiyyət vərdişlərini daha da inkişaf etdirmək və öyrənmə prosesinə marağı artırmaq olub.

Yekun dərs zamanı dərnək üzvləri müxtəlif dil oyunları, sual-cavab yarışları, təqdimatlar və yaradıcı tapşırıqlarda iştirak edərək rus dilində sərbəst danışıq bacarıqlarını nümayiş etdiriblər. Dərnək üzvləri dərs boyunca həm öyrənib, həm də maraqlı vaxt keçiriblər.

15 iyun" Milli Qurtuluş Günü"nə həsr olunmuş tədbir keçirildi. 12 iyun 2026-cı il tarixində Yeni Azərbaycan Partiyasının...
13/06/2026

15 iyun" Milli Qurtuluş Günü"nə həsr olunmuş tədbir keçirildi.
12 iyun 2026-cı il tarixində Yeni Azərbaycan Partiyasının Nərimanov rayon təşkilatında 15 iyun Milli Qurtuluş Gününə həsr olunmuş "Azadlıqla doğan günəş"adlı tədbir keçirildi.
Tədbir Azərbaycan Respublikasının Dövlət himninin səsləndirməsi ilə başladı, sonra torpaqlarımızın azadlığı uğrunda canlarından keçən şəhidlərin əziz xatirəsi bir dəqiqəlik sükutla yad edildi. Milli qurtuluş gününə həsr olunmuş video-çarx nümayiş olundu.
Tədbiri giriş sözü ilə YAP Nərimanov rayon təşkilatının sədr müavini Anar Abbasov açıq elan etdi. O qeyd etdi ki, xalqımız 15 iyun tarixində ulu öndər Heydər Əliyevin hakimiyyətə qayıdışını sevinclə qarşıladı və bu gün tarixə əbədi yazıldı. Ulu öndərin hakimiyyətə qayıdışından sonra ölkədə baş qaldıran anarxiya və xaos aradan qaldırıldı, ölkəmiz parçalanma təhlükəsindən xilas oldu.
Sonra dərnək üzvləri maraqlı şeirlər və mahnılarla çıxışlar etdilər.
Sonda Gənclərin Respublika Bədii Yaradıcılıq Evinin direktoru Məhəmməd Novruzov çıxış edərək bildirdi ki, Azərbaycanın dəniz kimi, ümman kimi dalğalanan təlatümlü vaxtında xalqın yekdil səslə çağırışına cavab olaraq 1993-cü ildə Heydər Əliyev yenidən hakimiyyətə qayıtdı. O qeyd etdi ki, Ulu öndərin daxili və xarici siyasətini uğurla davam etdirən ölkə başçısı İlham Əliyevin səyləri nəticəsində torpaqlarımız işğaldan azad olundu hər sahədə quruculuq işləri uğurla davam etdirilir. Bu əlamətdar gün münasibətilə tədbir iştirakçılarını təbrik etdi.

“Şəhərsalma və Memarlıq İli”nə həsr olunmuş hesabat tədbiri keçirildi.8 iyun 2026-cı il tarixində Gənclərin Respublika B...
09/06/2026

“Şəhərsalma və Memarlıq İli”nə həsr olunmuş hesabat tədbiri keçirildi.

8 iyun 2026-cı il tarixində Gənclərin Respublika Bədii Yaradıcılıq Evinin Təlimati-metodiki şöbəsinin metodisti, “Bədii qiraət” dərnəyinin rəhbəri Hicran Kərimovanın təşkilatçılığı və dərnək üzvlərinin iştirakı ilə “Şəhərsalma və Memarlıq İli”nə həsr olunmuş “Tarix və Müasirliyin Görüşü” adlı hesabat tədbiri keçirildi.

Tədbirin məqsədi gənc nəslin şəhərsalma və memarlıq sahəsinə marağının artırılması, milli memarlıq irsinin təbliği və gələcəyin şəhərləri barədə yaradıcı düşüncələrin formalaşdırılması olmuşdur.

Dərnək üzvləri təqdim etdikləri səhnəciklər və bədii kompozisiyalar vasitəsilə zəngin təxəyyüllərinin məhsulu olan gələcəyin şəhər modelini canlandıraraq memarlığın estetik gözəlliyini, müasir şəhər mühitinin funksionallığını, eləcə də insan və təbiət harmoniyasını nümayiş etdirdilər. Çıxışlar zamanı şəhərsalmanın cəmiyyətin inkişafındakı rolu, tarixi-mədəni irsin qorunmasının əhəmiyyəti və müasir memarlıq nümunələrinin gələcək nəsillər üçün yaratdığı imkanlar diqqətə çatdırıldı.

Tədbir iştirakçıları vurğuladılar ki, hər daşında xalqımızın tarixi və milli-mənəvi dəyərləri yaşayan qədim memarlıq abidələrinin qorunması, bərpası və gələcək nəsillərə ötürülməsi hər bir vətəndaşın mənəvi borcudur. Qeyd olundu ki, tarixlə müasirliyin vəhdəti əsasında formalaşan şəhərlər milli kimliyimizin yaşadılması və davamlı inkişafın təmin olunması baxımından mühüm əhəmiyyət daşıyır.

Xalq artisti, görkəmli bəstəkar Cahangir Cahangirovun 105 illik yubileyinə həsr olunmuş tədbir keçirildi.04 iyun 2026-cı...
05/06/2026

Xalq artisti, görkəmli bəstəkar Cahangir Cahangirovun 105 illik yubileyinə həsr olunmuş tədbir keçirildi.

04 iyun 2026-cı il tarixində Gənclərin Respublika Bədii Yaradıcılıq Evinin təşkilatçılığı ilə Azərbaycan professional musiqi sənətinin görkəmli nümayəndəsi, Cahangir Cahangirovun anadan olmasının 105 illiyinə həsr olunmuş yubiley tədbiri keçirildi.

Tədbirin əvvəlində bəstəkarın zəngin həyat və yaradıcılıq yolunu əks etdirən videoçarx nümayiş olundu. Təqdimatda Cahangir Cahangirovun Azərbaycan musiqi mədəniyyətinin inkişafındakı xidmətləri, yaratdığı ölməz əsərlər və milli musiqi irsinin qorunmasına verdiyi töhfələr barədə ətraflı məlumat verildi.

Tədbir çərçivəsində Gənclərin Respublika Bədii Yaradıcılıq Evinin dərnək üzvləri tərəfindən bəstəkarın sevilən mahnıları ifa olundu. İştirakçılar musiqi nömrələrini böyük maraqla izləyərək görkəmli sənətkarın yaradıcılığına bir daha yaxından nəzər salmaq imkanı əldə etdilər.

Tədbirin keçirilməsində əsas məqsəd gənc nəslə Azərbaycan musiqi irsinin görkəmli nümayəndələrinin həyat və yaradıcılığını tanıtmaq, milli-mənəvi dəyərlərimizin təbliğini gücləndirmək, musiqi sənətinə marağı artırmaq və Cahangir Cahangirovun zəngin yaradıcılıq irsini gələcək nəsillərə çatdırmaqdan ibarət olmuşdur.

Yubiley tədbiri iştirakçılarda böyük maraq doğurmuş, Azərbaycan musiqi mədəniyyətinin görkəmli simalarından biri olan Cahangir Cahangirovun sənət irsinə ehtiramın ifadəsi kimi yadda qalmışdır.

01 iyun 2026-cı il tarixində 1 nömrəli Uşaq-Gənclər İnkişaf Mərkəzi” publik hüquqi şəxsin əsas binasında “Şəhərsalma və...
02/06/2026

01 iyun 2026-cı il tarixində 1 nömrəli Uşaq-Gənclər İnkişaf Mərkəzi” publik hüquqi şəxsin əsas binasında “Şəhərsalma və Memarlıq İli” çərçivəsində 1 İyun – Uşaqların Beynəlxalq Müdafiəsi Gününə həsr olunmuş “Bakım mənim” mövzusunda “Çıxdı günəş, doldu cahan nur ilə – 5” yaradıcılıq müsabiqəsinin təltifetmə mərasimi keçirilmişdir.

Tədbirdə Ombudsman aparatı uşaq hüquqlarının müdafiəsi sektorunun əməkdaşları Ilahə Əfqanılı, Əfsanə Əliyeva, Azərbaycan Yazıçılar Birliyinin üzvü, Prezident təqaüdçüsü, Jurnalistlər Birliyinin və Mətbuat Şurasının üzvü Gülzar İbrahimova, Mərkəzin direktoru Kəmalə Abdullayeva, mərkəzin əməkdaşları, dərnək üzvləri və valideynlər iştirak ediblər.

Müsabiqədə “Rəsm” dərnəyinin üzvləri Cavanşir Həmidəxanım Rəfail qızı III yerə layiq görülmüş, Həsənli Nuray Samir qızı və Süleymanzadə Banu Həsrət qızı isə fəal iştiraklarına görə diplomla təltif olunmuşlar.

"Sevgi ilə böyüyək” adlı tədbir keçirilib01 iyun 2026-cı il tarixində Gənclərin Respublika Bədii Yaradıcılıq Evinin Səba...
02/06/2026

"Sevgi ilə böyüyək” adlı tədbir keçirilib

01 iyun 2026-cı il tarixində Gənclərin Respublika Bədii Yaradıcılıq Evinin Səbail filialında 1 İyun – Uşaqların Beynəlxalq Müdafiəsi Gününə həsr olunmuş “Sevgi ilə böyüyək” adlı tədbir keçirilib.

Tədbirin əsas məqsədi uşaqların hərtərəfli inkişafının dəstəklənməsi, onların hüquq və vəzifələri barədə maarifləndirilməsi, yaradıcılıq potensialının üzə çıxarılması, eləcə də milli-mənəvi dəyərlərə bağlı, vətənpərvər və fəal vətəndaş kimi formalaşmalarına töhfə vermək olub.

Tədbir çərçivəsində müəssisədə fəaliyyət göstərən “Danışıq Klubu” (rus dili), (azərbaycan dili), “Əyləncəli Riyaziyyat”, “Bədii Qiraət”, “Milli Rəqs”, “Gənc Diyarşünas”, “Debat”, “Teatr sənəti” və “Muğam” dərnəklərinin üzvləri zəngin bədii proqramla çıxış ediblər. İştirakçılar tərəfindən səsləndirilən mahnılar, ifa olunan rəqslər, bədii qiraət nümunələri və teatr səhnəcikləri tədbir iştirakçıları tərəfindən böyük maraq və alqışla qarşılanıb.

Bununla yanaşı, "Rəsm" dərnəyinin üzvlərinin əl işlərindən ibarət sərgi təşkil olunub. Sərgidə nümayiş etdirilən rəsm əsərləri uşaqların yaradıcılıq təfəkkürünü, estetik zövqünü və bədii bacarıqlarını əks etdirib.

Tədbirdə sonunda çıxış edən tədris işləri üzrə direktor müavini Kəmalə Tahirova qeyd edib ki, 1 İyun – Uşaqların Beynəlxalq Müdafiəsi Günü yalnız uşaqların sevinci və bayramı deyil, eyni zamanda cəmiyyətin diqqətini uşaqların hüquqlarının qorunmasına, onların sağlam, təhlükəsiz və qayğıkeş mühitdə böyüməsinin vacibliyinə yönəldən əlamətdar bir gündür.

Sonda uşaqlara gələcək həyatlarında uğurlar arzulanıb, onların bilikli, sağlam və xoşbəxt böyümələrinin cəmiyyətin əsas prioritetlərindən biri olduğu vurğulanıb.

1 İyun – Uşaqların Beynəlxalq Müdafiəsi Gününə həsr olunmuş rəsm master-klası keçirildi1 İyun – Uşaqların Beynəlxalq Müd...
02/06/2026

1 İyun – Uşaqların Beynəlxalq Müdafiəsi Gününə həsr olunmuş rəsm master-klası keçirildi

1 İyun – Uşaqların Beynəlxalq Müdafiəsi Günü münasibətilə “Rəsm” dərnəyinin rəhbəri Aysel Abbasovanın təşkilatçılığı ilə dərnək üzvləri üçün Zərifə Əliyeva adına parkda açıq havada rəsm üzrə master-klass təşkil olunub.

Master-klassın keçirilməsində əsas məqsəd uşaqların yaradıcılıq bacarıqlarının inkişafına dəstək olmaq, onların rəssamlıq sahəsində bilik və vərdişlərini artırmaq, asudə vaxtlarının səmərəli təşkilinə şərait yaratmaq olub.

Uşaqların çəkdikləri rəsmlərdə sülh, dostluq, sevgi, təbiət gözəllikləri və xoşbəxt uşaqlıq mövzuları xüsusi yer alıb.

Açıq hava şəraitində keçirilən master-klass iştirakçılar tərəfindən böyük maraqla qarşılanıb. Yaradıcılıq mühitində keçən tədbir uşaqların öz istedadlarını nümayiş etdirmələrinə, yeni biliklər qazanmalarına və bayram sevincini paylaşmalarına imkan yaradıb.

01/06/2026

1 İyun – Uşaqların Beynəlxalq Müdafiəsi Günü münasibətilə bütün uşaqları təbrik edirik! 👧🏻🧒🏻🎈

1 İyun – Uşaqların Beynəlxalq Müdafiəsi Günüdür! 🌈Bayramınız mübarək əziz uşaqlar 😍
01/06/2026

1 İyun – Uşaqların Beynəlxalq Müdafiəsi Günüdür! 🌈
Bayramınız mübarək əziz uşaqlar 😍

Address

H. Seyidzadə 27
Baku
AZ1111

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

+994123708622

Website

Alerts

Be the first to know and let us send you an email when Gənclərin Respublika Bədii Yaradıcılıq Evi Publik Hüquqi Şəxsi posts news and promotions. Your email address will not be used for any other purpose, and you can unsubscribe at any time.

Contact The School

Send a message to Gənclərin Respublika Bədii Yaradıcılıq Evi Publik Hüquqi Şəxsi:

Shortcuts

Share

Category