Sənaye və İnnovasiyalar üzrə Bakı Dövlət Peşə Təhsil Mərkəzi

Peşəyönümü fəaliyyətləri çərçivəsində aprel ayı ərzində Bakı şəhərində yerləşən 27 ümumtəhsil məktəbində maarifləndirmə tədbirləri həyata keçirilib.

Nərimanov, Səbail, Xətai, Nizami, Binəqədi, Suraxanı, Yasamal, Sabunçu və Xəzər rayonlarını əhatə edən görüşlərdə ümumilikdə 2546 şagird iştirak edib.

Tədbirlər zamanı Mərkəzdə tədris olunan müxtəlif ixtisaslar, qəbul imkanları və gələcək karyera perspektivləri şagirdlərin diqqətinə çatdırılıb. Eyni zamanda, şagirdlər əmək bazarının mövcud tələbləri, ixtisaslı kadr potensialına artan ehtiyac və peşə təhsilinin fərdi karyera inkişafındakı rolu barədə ətraflı məlumatlandırılıb.

Görüşlər çərçivəsində mərkəzdə müasir texnoloji avadanlıqlarla təchiz edilmiş emalatxanalar və praktiki təlim mühiti barədə təqdimatlar keçirilib. Bununla yanaşı, işəgötürən müəssisələrlə qurulan strateji tərəfdaşlıqlar, istehsalat təcrübəsi imkanları və məzunların məşğulluq perspektivləri barədə ətraflı məlumat verilib.

📢 Sənaye və İnnovasiyalar üzrə Bakı Dövlət Peşə Təhsil Mərkəzinin “WorldSkills Azerbaijan” İctimai Birliyi ilə əməkdaşlığı çərçivəsində keçirilən elektronika üzrə milli yarış uğurla başa çatıb.

🥇 Yarışın qalibi Orxan Mustafayev Azərbaycanı “WorldSkills Shanghai 2026” beynəlxalq yarışında təmsil edəcək.

🌍 “WorldSkills” hərəkatı gənc peşəkarların bacarıqlarını qlobal səviyyədə nümayiş etdirməsinə imkan yaradır.

Müəllimlərimiz beynəlxalq sertifikat əldə ediblər.

Sənaye və İnnovasiyalar üzrə Bakı Dövlət Peşə Təhsil Mərkəzinin avtomobil istiqaməti üzrə ixtisas fənn müəllimləri Tural Göyüşov, Rafiq İbrahimov və Cavad Qocayev Peşəkar Səriştəlik Sertifikatına layiq görülüblər.

Sözügedən sertifikat IRU Academy (Beynəlxalq Avtomobil Nəqliyyatı İttifaqı) “Beynəlxalq avtomobil yük daşımaları” menecer proqramı çərçivəsində təqdim edilib.

Sənaye və İnnovasiyalar üzrə Bakı Dövlət Peşə Təhsil Mərkəzində təhsil alan tələbələrin 62%-ni bölgələrdən gələn gənclər təşkil edir.

Sənaye və İnnovasiyalar üzrə Bakı Dövlət Peşə Təhsil Mərkəzində təhsil alan ümumilikdə 1039 tələbə Azərbaycanın 60 bölgəsini təmsil edir. Tələbə sayına görə ön sıralarda Ağdam (42), İmişli, Füzuli və Sumqayıt (hər biri 39), Neftçala (36) və Xaçmaz (34) yer alır.

Bununla yanaşı, Lənkəran (29), Cəlilabad (28), Salyan (27), Ağsu və Göyçay (26), həmçinin Zərdab (25) da yüksək göstəricilərlə seçilən rayonlar sırasındadır.

Peşə təhsilinə marağın artması əmək bazarının tələblərinə uyğun ixtisaslı kadr hazırlığının güclənməsinə zəmin yaradır. Bu tendensiya regionlarda yaşayan gənclər üçün yeni imkanlar açır, onların peşə bacarıqlarının inkişafını stimullaşdırır. Eyni zamanda, coğrafi əhatənin genişlənməsi peşə təhsilinin ölkə üzrə daha əlçatan olduğunu və artıq prioritet istiqamətə çevrildiyini göstərir.

Sənaye və İnnovasiyalar üzrə Bakı Dövlət Peşə Təhsil Mərkəzinin “Torna və frezer dəzgahlarının operatoru” ixtisası üzrə məzunu İlkin Fərəczadə hazırda özəl müəssisədə “Torna və frezer dəzgahlarının operatoru” vəzifəsində çalışır.

İlkin Fərəczadəyə karyerasında uğurlar arzulayırıq!

Mərkəzimizin 47 tələbəsi robototexnika və proqramlaşdırma istiqamətli beynəlxalq yarışlara hazırlaşır.

Onlardan 38 tələbə Hindistan, Yaponiya və Çində keçiriləcək yarışların ölkə üzrə final mərhələsinə vəsiqə qazanıb.

Eyni zamanda, 9 tələbə elektronika, qaynaq və avtomobil texnologiyaları istiqamətləri üzrə “WorldSkills Shanghai 2026” yarışına hazırlaşır.

Bakıdan dünyaya - Tələbələr robotları ilə beynəlxalq arenaya çıxırlar Sənaye və İnnovasiyalar üzrə Bakı Dövlət Peşə Təhsil Mərkəzi robototexnika və proqramlaşdırma istiqamətli beynəlxalq yarışlara hazırlaşır. Mərkəzin direktoru Şaban Cəərçiyev “Azərbaycan müəllimi”nə açıqlamasında bildirib ki, hazırda mərkəzdə 9 müəllimin ...

Sənaye və İnnovasiyalar üzrə Bakı Dövlət Peşə Təhsil Mərkəzində Sahibkarlar Günü münasibətilə sahibkarlarla səhər yeməyi formatında görüş təşkil olunub.

Tədbirin əsas məqsədi peşə təhsili ilə biznes sektoru arasında əməkdaşlığın gücləndirilməsi, əmək bazarının tələblərinə uyğun ixtisaslı kadr hazırlığının təşviqi və yeni tərəfdaşlıqların qurulması olub.

Görüşdə Peşə Təhsili üzrə Dövlət Agentliyinin direktoru İlqar Bayramlı peşə təhsilinin inkişaf istiqamətlərindən bəhs edib. O, dual təhsil modellərinin tətbiqinin genişləndirilməsi, istehsalat təcrübələrinin artırılması və sahibkarlarla birgə layihələrin həyata keçirilməsinin əhəmiyyətini vurğulayıb.

Tədbir çərçivəsində peşə təhsili ilə biznes sektoru arasında əməkdaşlığın daha da gücləndirilməsi məqsədilə bir sıra şirkətlərlə əməkdaşlıq memorandumları imzalanıb. Memorandumlar “AAC” MMC, “Allsmart Technologies” MMC, “Tuna Nəşriyyat” QSC, Minera İnşaat, Azərbaycan HR İnstitutu və KVET Əlavə Təhsil Mərkəzi ilə imzalanıb.

Sonda qonaqlar üçün Sənaye və İnnovasiyalar üzrə Bakı Dövlət Peşə Təhsil Mərkəzində infotur təşkil olunub. Mərkəzin direktoru Şaban Cəərçiyev təhsil müəssisəsinin maddi-texniki infrastrukturu, mövcud tədris imkanları, ixtisas hazırlığı istiqamətləri haqqında qonaqlara ətraflı məlumat verib.

Sənaye və İnnovasiyalar üzrə Bakı Dövlət Peşə Təhsil Mərkəzinin “Sənayedə quraşdırma işləri üzrə usta” ixtisası üzrə məzunu Yunus Mehrabov hazırda “Era Construction Company”də “Qaynaqçı” vəzifəsində çalışır.

Yunus Mehrabova karyerasında uğurlar arzulayırıq!