BSU Gənc Yaradıcılar Klubu

14.10.2018-ci il tarixində Bakı Slavyan Universiteti "Gənc Yaradıcılar Klubu"nun Tərcümə fakultəsinin üzvləri fakultə sədri Ramazanov Ramazan ilə birgə Baku Book Center - də olublar. Tələbələr arasında maraqlı kitab müzakirələri, müxtəlif mövzularda fikir mübadilələri aparılıb. Orada qiraət ilə məşğul olan, kitab alan tələbələr olub. Sonda xatirə şəkilləri çəkdirilib.

21.05.2018ci il tarixində Bakı Slavyan Universitetinin (BSU) Gənc Yaradıcılar klubunun təşkilatçılığı ilə Azərbaycan Xalq Cumhuriyyətinin 100-cü ildönümünə həsr olunmuş “Azərbaycan Xalq Cumhuriyyəti dövründə Azərbaycan ədəbiyyatı, mədəniyyəti və incəsənəti” adlı tədbir keçirilib.
Tədbirin əvvəlində Dövlət himni səsləndirilib.
Himnin ardından giriş sözü ilə çıxış edən tərbiyə üzrə prorektor, dosent Xanım Sultanova BSU-da AXC-nin 100 illiyinə həsr olunmuş silsilə tədbirlər barədə məlumat verib, bugünki tədbirin əhəmiyyətindən danışıb.
Sonra mövzu ilə bağlı tələbələrin məruzələri dinlənilib. Pedaqoji fakültənin tələbəsi Fidan Cabbarlı “Azərbaycan Xalq Cumhuriyyəti dövründə uşaq ədəbiyyatı və Abdulla Şaiq”, filologiya və xarici dil müəllimliyi fakültəsinin tələbəsi Sevil Əliyeva “Azərbaycan Xalq Cumhuriyyəti dövründə Azərbaycan ədəbiyyatı”, tərcümə fakültəsinin tələbəsi Ramazan Ramazanov “ Bir kərə yüksələn bayraq bir daha enməz!”, pedaqoji fakültənin tələbəsi Səfiyyə Mustafayeva “Azərbaycan Xalq Cumhuriyyəti dövründə Azərbaycan ədəbiyyatı” adlı məruzələrlə çıxış ediblər.
Tədbir çərçivəsində beynəlxalq münasibətlər və regionşünaslıq fakültəsinin tələbəsi Əsmər Məmmədova Hüseyn Cavidin “ İblis”, pedaqoji fakültənin tələbəsi Fidan Məsimli Cəfər Cabbarlının “Azərbaycan bayrağına” şeirini səsləndiriblər.

17.05.2018-ci il tarixində BSU Gənc Yaradıcılar Klubunun idarə heyyətinin iclası keçirildi. İclasda Semestrın son həftəsi görüləcək "5 silsilə" tədbirlərin planından danışıldı.

27.04.2018 tarixində 2ci korpusda ədəb klubunun xarici dili müəllimliyi üzrə fakültə sədri Əliyeva Alidə klubun tələbələri ilə birlikdə "Qərb və Şərq ədəbiyyatında məhəbbət mövzusu " başlığı altında iclas təşkil edildi.İclasda ,ilk öncə tələbələrin hansı janr kitablara daha çox üstünlük verdiyi ,həmçinin bundan öncəki dekabr tarixində baş tutan iclasdan bugünkü tarixə qədər oxuduqları kitabların sayı və adları ,həmçinin həmin əsərlərlə bağlı da qısa müzakirələr oldu.Bundan əlavə ,kitabları seçərkən daha çox nələrə diqqət edirik, janr ,kitabın üz qabığı və s.
İclasın sonlarında klubun tələbələrindən Əzizova Nərmin Əli Kərim' in "İki sevgi " adlı şeirini səsləndirdi.
Məhəbbət mövsusundan danışarkən, xüsusən də Qurban Səid'in "Əli Nino " əsəri ilə bağlı qısa müzakirələr də oldu.Həmin əsərin filmini izləməyənlərə isə ilk öncə kitabı oxuyub ,daha sonra isə filmini izləmək və aralarındakı müəyyən fərqləri özləri üçün təhlil etmək tövsiyə edildi."
İlyas Əfəndiyev "Körpüsalanlar" romanı qısa təhlil olunaraq,əsasən də Səriyyə obrazına hər kəsin şəxsi fikri və yanaşmaları oldu.
Ramiz Rövşənin məhəbbət mövzusunda yazdığı "Yenə bu şəhərdə üz-üzə gəldik " şeiri oxumaq tələbələrə tövsiyə edildi, növbəti iclasda həmçinin hər kəs ən sevdiyi şairlərdən şedevr adlandırdıqları şeiri səsləndirəcəklər.
Növbəti iclasın mövzusu Teodor Drayzer - Kerri bacı " əsərini mütaliə edib və iclasda bu barədə əsərlə bağlı müzakirələr olunacaq.Həmçinin tələbələrdən biri ,əsasən müharibə mövzuunda olan "Ayla " filmini izləyib bununla da bağlı danışıqlar aparılmasını da bildirdi.

Qeyd: Semestr'rin sonunda tələbələri həvəsləndirmək üçün ən fəal tələbə sədr tərəfindən kitabla mükafantlandırılacaq

Xocalı faciəsi Azərbaycan xalqının tarixinin ən qanlı səhifələrindən biri kimi yaddaşlardadır.
1992-ci il fevralın 25-dən 26-na keçən gecə Azərbaycanın Xocalı şəhəri erməni quldurlarının hücumuna məruz qaldı. Dinc əhaliyə divan tutmağı qarşısına məqsəd qoymuş vəhşilər heç kimə aman vermədilər. Dəhşətli qətliam nəticəsində 613 dinc sakin amansızcasına öldürülüb. Düşmən gülləsinə tuş gəlib yaralanan 487 nəfərdən 76-sı uşaq idi. 1275 xocalılı əsir, 150 xocalılı itkin düşüb. Bu soyqırım nəticəsində 63 uşaq, 106 qadın, 70 qoca, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib.
Qana susamış azğın düşmən qocalara, qadınlara, hətta körpələrə amansız işgəncələr verib.

Müəllif: Sərdar Zeynal

Xocalı

Gözləyib, gizləyib zaman sirrini,
Dəyişib dünyanın işi,amalı.
Deyəsən, yetişir qiyamət günü,
Vədəsiz küləklər əsir, Xocalı!

Sərt gəldi fevralın 26 –sı,
Al qana qərq oldu bulaqlarda su,
Qəfildən quruldu bir yurdun yası,
Bir kəsə çatmadı səsim Xocalı!

Od yağdı, el düşdü, küyə, təşvişə,
Nalələr,fəryadlar dirəndi ərşə,
Allah da baxmadı bu haqsız işə,
Titrədik biz əsim –əsim, Xocalı!

Əzəldən əl atıb böhtana, şərə,
Çaqqallar toplaşıb güc gəlir şirə,
Matəmə büründü yurd birdən -birə,
Ötüşdü bir qəmli nəsim, Xocalı!

Nə görüb, nələri çəkməyib başın,
Od tutdu o gecə torpağın, daşın,
Dul qalmış gəlinin gözünün yaşın,
Bəs necə qurudum, kəsim, Xocalı!

Dinmirəm gözümdə gilələnir yaş,
Yadıma düşdükcə o gün, o savaş,
Qız ana itirdi, qardaşı qardaş,
Mən necə kiriyim, susum, Xocalı!

Söyləsəm, bu dərdim dağlardan ağır,
Namərdlər yoluma daş dığırladır,
Dağıldın kəndbəkənd, çadırbaçadır,
Bəs kimdən inciyim, küsüm, Xocalı!

Uyuyan kəsləri yuxudan ayılt,
Qəlbimdə alışan həsrəti soyut,
Qayıt, sən yenidən özünə qayıt,
Bu sevinc qoy olsun bəsim, Xocalı!

Bakı Slavyan Universitetində (BSU) Gənc Yaradıcılar Klubunun təşkilatçılığı ilə Xocalı soyqırımının 26-cı ildönümünə həsr olunmuş “Xocalı doğma ocağım” adlı tədbir keçirilib.
Tədbirin əvvəlində Dövlət himni səsləndirilib, faciə qurbanlarının xatirəsi bir dəqiqəlik sükutla yad edilib.
Tədbiri giriş sözü ilə açan Bakı Slavyan Universitetinin tərbiyə işləri üzrə prorektoru, dosent Xanım Sultanova 26 fevral 1992-ci il tarixində baş vermiş Xocalı faciəsinin Azərbaycan xalqının tarixində çox ağır və qanlı bir səhifə olduğunu bildirib. Xanım Sultanova deyib: “Xocalı ilə bağlı olan yaramız hələ də sızlayır və biz heç bir zaman bu faciəni unutmayacağıq. Xocalı qırğını təkcə Azərbaycan xalqına qarşı deyil, bütün bəşəriyyət əleyhinə törədilmiş soyqırımdır”
Çıxış üçün söz “Gənc yaradıcılar” klubunun sədri, Beynəlxalq Münasibətlər və Regionşünaslıq fakültəsinin III kurs tələbəsi Əliyev Nuhbalaya verildi. O, Xocalı Faciəsi haqqında hər bir gəncin, məktəblinin məlumatı, anlayışı olmalıdı həmçinin yerli tələbələrlə yanaşı daha çox xarici tələbələrində məlumatlanmasını, onların öz ölkələrində də bu haqqda məlumatın onlar tərəfindən çatdırılmasını vurğuladı. Daha sonra Xocalı qurbanlarının şəkillərindən ibarət videoçarx, Milli Qəhrəman Çingiz Mustafayevin çəkilişləri tələbələrə izlədildi və daha sonra Əliyev Nuhbala Xocalı faciəsi ilə bağlı bir sıra faktlardan, ermənilərin törətdiyi vəhşiliklərdən, Xocalının strteji əhəmiyyətdən, təbii sərvətlərindən danışdı.
Tərcümə fakültəsinin T 203 qrup tələbəsi Ramazan Ramazanov “Xocalıda qadın istismarı” haqqında qısa məlumat verdi. O şəhidliyin müqəddəs yer olduğunu vurğuladı. Qadın və şiddət, qadın istismarı, ana bətnində körpələrin öldürülməsi, qadınların təcavüzə uğramasından söhbət apardı.
Tərbiyə işləri üzrə prorektoru dos.Xanım Sultanova Xocalıda olanların dedikləri faktlardan, başlarına gələn hadisələrdən danışdı.
Pedaqoji fakültənin İSM101qrup tələbəsi Səfiyyə Mustafayeva “Xocalım, ay Xocalım” şeiri ilə hər kəsi kövrəldib.
Pedaqoji fakültənin İSM 103 qrup tələbəsi Elnarə Quliyeva “Xocalı soyqırımı” haqqında rus dilində məlumat verib.
Pedaqoji fakültənin RDM 101 qrup tələbəsi Həcər Məmmədova “Nədir bu millərin günahı Allah?!” şeiri ilə çıxış edib.
Beynəlxalq Münasibətlər və Regionşünaslıq fakültəsinin BM 101 qrupun tələbəsi Əsmər Məmmədova “Xocalı gəlini” şeiri ilə çıxış edib.
Sonda Tərbiyə işləri üzrə prorektoru dos.Xanım Sultanova şəhidlərlə bağlı şeir deyərək, gələcəkdə matəmlərin bitməsini və qələbə sevincini yaşamağımızı arzulayaraq tədbir təşkilatçılarına təşəkkürünü bildirib.

22.02.2018-ci il tarixində BSU ``Ədəbiyyat Klubu``nun təşkilatçılığı ilə 26 fevral Xocalı soyqırımı qurbanlarının xatirəsinə həsr olunmuş ``Xocalı sönən ocağım`` adlı ədəbi-bədii kompozisiya təşkil olunacaqdır. İştirak etmək istəyən hər kəs dəvətlidir.
SAAT: 14:00
MƏKAN: BSU Konfrans zalı.

Bakı Slavyan universiteti'nin Filologiya və Xarici dili müəllimliyi fakultəsi 11 fevral tələbələrin imtahandan sonrakı istirahətini daha da maraqlı keçməsini təmin etmək üçün müasir Azərbaycan şairi Əli Xəyyam' la görüş təşkil edib. Görüş xarici dili müəllimliyi fakültəsinin sədri Əliyeva Alidə "nin rəhbərliyi ilə 11 fevral saat 11:00 da Wake up bookcafe " də baş tutub.
Görüşdə fəlsəfi,elmi mözvulara toxunulub,həmçinin tələbələrlə birlikdə müəyyən mövzularla bağlı müzakirələr,maraqlı söhbətlər olub.Tələbələr istənilən mövzudan suallar verərək,yeni biliklər əldə ediblər ,o cümlədən, cavablardan da meydana çıxan sualları daha geniş şəkildə əsaslandıraraq,müəyyən mövzular barədə daha ətrafı məlumatlar əldə ediblər.Kitabların bizə təsiri, asudə vaxtlarımızı daha çox necə dəyərləndirməli, mütaliənin insan həyatında rolu, filmlər yoxsa kitablar dünya görüşün inkişafında böyük rol oynayır və s .kimi suallara Əli Xəyyam öz düşüncə tərzində mükəmməl bir şəkildə cavablandırdı.Əli Xəyyam deyir ki,
"Ədəbiyyat bizə ilk addım atmağı öyrədir.İlk yaxşılıq etməyi öyrədir.Kitab oxumaq bizə gözəl ,yaxşı danışmağı öyrədir.Kitab bizə həm də geri qayıtmağı öyrədir, vəfa hissini verir. Kitab qoxusunu sevirəm deyə onu qucaqlamaq düzgün deyil,o kitab oxumaq sayılmır,nə də ki mütaliə etmək..Kitabın içərisində olan cümlələri qucaqlamaq lazımdır, nəticə olaraq nə əldə etdin,o kitabın sənə verdiyi faydaları təhlil etmək lazımdır.Kitab oxumaq budur.
Filmləri izləmək,kitab oxumaq kimi deyil.Film izləmək ,elə də zəhmət deyil ,1-2 saatlıq vaxt sərf edir.Halbuki, bir kitabı aylarla araşdıra ,üzərində işləyə bilərsiniz."
Şair , tələbələrə mütaliə etmək üçün də müəyyən kitab tövsiyələri də etdi. "Yuval Noah Harari -Homo Sapiens " kitabını mütaliə etməyin çox mühüm olduğunu vurğuladı və kitab haqqında da qısa məlumatlar verdi.Şairin isə ən sevdiyi kitabın Carloz Ruiz Zafon- "Rüzgarın kölgəsində" romanı olduğunu söylədi.
Həmçinin şairin şeirlərindən və kitablarından da qısa söhbətlər oldu. Tezliklə ,yeni youtube kanalında yeni şeirlərinin də paylaşılacağını dedi.

BSU Ədəbiyyat Klubu
Ümumilli lider Heydər Əliyevin anadan olmasının 95-ci il dönümünə həsr edilmiş tədbirlər planı:

"Heydər Əliyev və Azərbaycan dövlətçiliyi" adı altında fakültələrarası esse yazı müsabiqəsi.✏

Azərbaycan Silahlı Qüvvələrinin 100 illiyinə həsr olunmuş "Hərbi vətənpərvərlik" mövzusunda fakültələrarası şeir müsabiqəsi. (Bədii qiraət)📝

BSU Gənc Yazarları arasında Heydər Əliyevə həsr olunmuş fakültələrarası şeir, esse yarışması .📚

Qatil gülləsinə qurban gedərkən,
Gözünü sabaha dikdi şəhidlər.
Üçrəngli bayrağı öz qanlarıyla
Vətən torpağına çəkdi şəhidlər.

Zalım öyünməsin zülmləriylə,
Min bir böhtanıyla, min bir şəriylə.
Həqiqət uğrunda ölümləriylə
Ölümü kamına çəkdi şəhidlər.

O şənbə gecəsi, o qətl günü,-
Mümkünə döndərdik çox namümkünü.
Xalqın qəlbindəki qorxu mülkünü,
O gecə dağıdıb sökdü şəhidlər.

Tarixi yaşadıb diləyimizdə,
Bir yumruğa döndük o gecə biz də.
Yıxıb köləliyi ürəyimizdə
Cəsarət mülkünü tikdi şəhidlər.

Onlar susdurulan haqqı dindirər,
Qaraca torpağı qiymətləndirər.
Donan vicdanları qeyrətləndirər,
Axı, el qeyrəti çəkdi şəhidlər.

Bilirik, bu bəla nə ilkdi, nə son,
Ölürkən uğrunda bu ana yurdun.
Quzu cildindəki o qoca qurdun,
Doğru, düz cildini çəkdi şəhidlər.

Dözdü hər zillətə, dözdü hər şeyə,
“Dünyada mənim də haqqım var”,- deyə
Kütləni xalq edən müqaviləyə
Qanıyla qolunu çəkdi şəhidlər.

İnsan insan olur öz hünəriylə,
Millət, millət olur xeyri, şəriylə.
Torpağın bağranı cəsədləriylə,
Azadlıq tumunu əkdi şəhidlər.
Bəxtiyar Vahabzadə.

BSU Ədəbiyyat Klubu ailəsi olaraq hamınızı Yeni il və Dünya Azərbaycanlılarının Həmrəyliyi günü münasibətilə ürəkdən təbrik edirik!🎄🎉🎁2018-ci il daha çox ümid, daha çox sevinc, daha çox xoşbəxtlik gətirsin. Həyatınızda gözəl illər, xoşbəxt sabahlar, gerçək dostluqlar həmişə sizinlələ olsun. Yeni ilin sizə və bütün sevdiklərinizə sağlamlıq, xoşbəxtlik, sevinc, müvəffəqiyyət, bolca pul, sevgi və hüzur gətirməsi diləyilə. Xoş İllər!