BDU THİK

Bakı Dövlət Universitetinin Tələbə Həmkarlar İttifaqı Komitəsi İdarə Heyətinin məzunlarına uğurlar arzulayır!

Bakı Dövlət Universitetinin (BDU) Tələbə Həmkarlar İttifaqı Komitəsi (THİK) İdarə Heyətinin məzun üzvlərini məzun olmaları münasibətilə təbrik edir.

Universitet illəri ərzində tələbələrin sosial, mədəni və ictimai fəaliyyətinin inkişafına töhfə verən, müxtəlif layihə və təşəbbüslərdə fəal iştirak edən məzunlar THİK ailəsinin ayrılmaz hissəsi olublar.

Onların tələbəlik dövründə qazandıqları bilik, təcrübə və bacarıqların gələcək həyat və karyeralarında mühüm rol oynayacağına inanır, hər birinə yeni mərhələdə uğurlar arzulayırıq.

Azərbaycan xalqının, dövlətinin taleyində böyük ictimai, siyasi və tarixi əhəmiyyətə malik 15 iyun – Milli Qurtuluş Günündən 33 il ötür.

Bakı Dövlət Universitetinin (BDU) tələbələrindən ibarət futzal komandası ali təhsil müəssisələrinin tələbələri arasında keçirilən futzal üzrə Azərbaycan Tələbə Liqasının 2025/2026-cı il mövsümünü uğurla başa vurub.

Elm və Təhsil Nazirliyi və Tələbə Futbol Federasiyası tərəfindən təşkil olunan Azərbaycan Tələbə Liqasının 2025/2026-cı il mövsümünün bağlanış mərasimində BDU komandası III yerə layiq görülüb.

Mövsüm ərzində komanda keçirdiyi oyunlarda əzmkarlıq, yüksək komanda ruhu və peşəkar hazırlıq nümayiş etdirib. Əldə olunan uğur tələbələrin idmana olan marağının, sağlam həyat tərzinin təşviqinin və Universitetdə idmanın inkişafına göstərilən diqqətin nəticəsi kimi qiymətləndirilir.

Qeyd edək ki, Azərbaycan Tələbə Liqası ölkənin müxtəlif ali təhsil müəssisələrini təmsil edən tələbə komandalarını bir araya gətirərək gənclər arasında idmanın inkişafına, dostluq münasibətlərinin möhkəmləndirilməsinə və sağlam rəqabət mühitinin formalaşdırılmasına xidmət edir.

Bakı Dövlət Universiteti Tələbə Həmkarlar İttifaqı Komitəsi SABAH qruplarının sədri Aydan Paşazadənin doğum günüdür!

Onu komandamız adından təbrik edir, gələcək həyat və fəaliyyətlərində uğurlar arzu edirik.

Təbriklər, Aydan✨

BDU tələbələri “Spark Tələbə İnnovasiya Proqramı”nda uğur qazanıblar

Bakı Dövlət Universitetinin (BDU) SABAH qruplarının “Kompüter elmləri” ixtisası üzrə IV kurs tələbələri Samir Həbibov, Gülçin Ətlərova və Səidə İsmayılova “Birbank” tərəfindən təşkil olunan “Spark Tələbə İnnovasiya Proqramı”nda II yerə layiq görülüblər.

Yeni texnologiyalar və innovasiyalar sahəsində maraqlı gəncləri bir araya gətirən proqramda 140 komanda iştirak üçün müraciət edib. Seçim mərhələsinin nəticələrinə əsasən, yalnız 9 komanda final mərhələsinə vəsiqə qazanıb. BDU tələbələrinin təqdim etdiyi “AEVIC Esports” layihəsi finalda yüksək qiymətləndirilərək II yerə layiq görülüb.

“AEVIC Esports” Azərbaycanda yaradılan ilk çoxfunksiyalı esports platformalarından biri kimi esports ekosistemini vahid platformada birləşdirməyi hədəfləyir. Layihə oyunçular, komandalar, təşkilatçılar və tərəfdaşlar arasında əməkdaşlığın gücləndirilməsini, həmçinin gənclər üçün yeni inkişaf və karyera imkanlarının yaradılmasını nəzərdə tutur.

Layihənin gələcək planları sırasında turnirlərin təşkili, oyunçu inkişafı, komanda idarəçiliyi, istedadların aşkarlanması və Azərbaycanda esports sənayesinin inkişafına töhfə vermək yer alır.

Qeyd edək ki, layihənin təsisçisi və Samir Həbibov eyni zamanda BDU Tələbə Həmkarlar İttifaqı Komitəsinin nəzdində fəaliyyət göstərən Esports Klubunun sədridir. BDU THİK olaraq Samir Həbibovu və layihə komandasının üzvlərini əldə etdikləri bu uğur münasibətilə təbrik edir, gələcək fəaliyyətlərində yeni nailiyyətlər arzulayırıq.

ƏZİZ TƏLƏBƏLƏR,

2025/2026 tədris ilinin yaz semestrinin yay imtahan sessiyasında hər birinizə uğurlar arzulayırıq!

Müsəlman Şərqində ilk dünyəvi, demokratik dövlət olan Azərbaycan Xalq Cümhuriyyətinin yaranmasından 108 il ötür. Günümüz mübarək! 🇦🇿

Qurban Bayramınız Mübarək!

BDU tələbələri arasında məqalə müsabiqəsi: “Professor Nəsir İmanquliyev dərsləri”

Bakı Dövlət Universitetinin (BDU) Tələbə Həmkarlar İttifaqı Komitəsi tərəfindən Azərbaycanın görkəmli jurnalisti, tanınmış ictimai xadim, professor Nəsir İmanquliyevin 115 illik yubileyinə həsr olunmuş “Professor Nəsir İmanquliyev dərsləri” layihəsinin ikinci mərhələsi üzrə BDU tələbələri arasında məqalə müsabiqəsi elan edilir.

Üç mərhələdən ibarət olan layihənin əsas məqsədi Azərbaycan jurnalistika tarixində mühüm iz qoyan professor Nəsir İmanquliyevin zəngin elmi-pedaqoji irsinin sistemli şəkildə öyrənilməsi, təhlili və gənc jurnalistlər arasında təbliğidir.

Müsabiqənin şərtləri:

Müsabiqəyə 21 may – 21 sentyabr 2026-cı il tarixlərində “İnformator.az” saytında yayımlanan məqalələr buraxılacaq.

Yazıların həcmi 2000-10000 arası işarə, ölçüsü Arial şrifti 12, formatı “MS Word” sənədi şəklində olmalıdır. Müsabiqəyə Azərbaycan və rus dillərində yazılar təqdim oluna bilər.

Yazıların [email protected] ünvanına göndərilməsi xahiş olunur.

Hər müəllif müsabiqəyə yalnız 1 yazı təqdim edə bilər.

Müsabiqədə iştirak etmək istəyən tələbələr yazıları ““Professor Nəsir İmanquliyev dərsləri” – məqalə müsabiqəsi” başlığı ilə təqdim etməlidir.

Təqdim olunan yazılarda qeyd edilməlidir:

-- Tələbənin ad və soyadı;

-- Təhsil aldığı fakültə və ixtisas;

-- Əlaqə nömrəsi.

Müsabiqəyə qəbul edilən materiallardan 3 ən uğurlu iş Münsiflər heyəti tərəfindən qiymətləndiriləcək. Qaliblər pul mükafatı ilə təltif ediləcəklər.

Qiymətləndirmə zamanı nəzərə alınacaq meyarlar:

- mövzunun dolğun əhatə edilməsi

- ifadə vasitələrinin zənginliyi

- mövzuya fərqli və maraqlı yanaşma

Əlavə məlumat üçün müraciət edə bilərsiniz:

(+99450) 365 65 80

(+99470) 852 86 18

E-mail: [email protected]