308 Nömrəli Tam Orta Məktəb

308 Nömrəli Tam Orta Məktəb Contact information, map and directions, contact form, opening hours, services, ratings, photos, videos and announcements from 308 Nömrəli Tam Orta Məktəb, School, Yeni Yasamal 2-ci massiv, Ə. Əhmədov küçəsi, Baku.

308 nömrəli tam orta ümumtəhsil məktəbinin rəhbəri Fatma Süleymanova və müəllim kollektivi tərəfindən Nur Uşaq Evinə ziy...
20/03/2026

308 nömrəli tam orta ümumtəhsil məktəbinin rəhbəri Fatma Süleymanova və müəllim kollektivi tərəfindən Nur Uşaq Evinə ziyarət həyata keçirildi.

Ziyarət zamanı uşaqlarla səmimi görüşlər keçirildi, onlara müxtəlif hədiyyələr təqdim olundu və xoş anlar yaşadıldı. Məktəb kollektivi tərəfindən göstərilən diqqət və qayğı uşaqların sevincinə səbəb oldu.

Belə görüşlərin əsas məqsədi uşaqlara mənəvi dəstək olmaq, onların üzündə təbəssüm yaratmaq və cəmiyyətimizdə xeyirxahlıq, paylaşmaq kimi dəyərləri təşviq etməkdir.

Birlikdə daha güclüyük, birlikdə daha xoşbəxtik 💙

https://youtu.be/YFN1FX-W9Xo?si=ryDSPQ4YsfqwlZA6

🇦🇿 Şəhidlərimizin Əziz Xatirəsi Daim QəlbimizdədirNovruz bayramı münasibətilə 308 nömrəli tam orta məktəbin rəhbərliyi v...
18/03/2026

🇦🇿 Şəhidlərimizin Əziz Xatirəsi Daim Qəlbimizdədir

Novruz bayramı münasibətilə 308 nömrəli tam orta məktəbin rəhbərliyi və müəllim heyəti tərəfindən şəhid ailələrinə ehtiram ziyarəti təşkil olunub.

Məktəbin direktoru Fatma Süleymanova, təşkilatçı Ziyafət Əliyeva və müəllim Yaşar Cümşüdov bu müqəddəs günlərdə şəhidlərimizin ailələrini tək qoymayaraq, onlara mənəvi dəstək nümayiş etdiriblər.
Məktəbimizdə təhsil almış şəhidlərimiz — Mahir Quliyev, İlqar Bürcəliyev və Elmaz Hacıyevin əziz xatirəsi dərin ehtiramla yad edilib. Onların Vətən uğrunda göstərdikləri misilsiz şücaət və fədakarlıq bir daha minnətdarlıqla xatırlanıb. Ailələrlə səmimi söhbətlər aparılıb, qayğıları ilə maraqlanılıb və bayram sovqatları təqdim olunub.

“Vətən uğrunda canından keçən qəhrəmanlarımız heç zaman unudulmayacaq. Onların adı və əməlləri gələcək nəsillər üçün hər zaman örnək olacaqdır.”

Elm və Təhsil İşçiləri Həmkarlar İttifaqı Yasamal Rayon Komitəsinin təşkilatçılığı ilə fəaliyyət dairəsinə daxil olan üm...
18/03/2026

Elm və Təhsil İşçiləri Həmkarlar İttifaqı Yasamal Rayon Komitəsinin təşkilatçılığı ilə fəaliyyət dairəsinə daxil olan ümumtəhsil müəssisələri arasında Ümummilli Lider Heydər Əliyevin anadan olmasının 103-cü ildönümünə həsr olunmuş şahmat və dama yarışları yüksək səviyyədə təşkil olunaraq keçirilmişdir.

Yarışın əsas məqsədi ümumtəhsil müəssisələri arasında sağlam rəqabət mühitinin formalaşdırılması, müəllimlərin intellektual bacarıqlarının üzə çıxarılması və şahmat-dama kimi zehni idman növlərinin təbliği olmuşdur. Tədbir iştirakçıları arasında böyük maraq və rəqabət şəraitində keçən yarışlar yadda qalan anlarla müşayiət olunmuşdur.

Yarışlarda 308 nömrəli tam orta məktəbin fiziki tərbiyə müəllimi Cümşüdov Yaşar rəqibləri üzərində inamlı qələbə qazanmış və birinci yerə layiq görülmüşdür. Onun bu uğuru həm fərdi nailiyyət, həm də təmsil etdiyi təhsil müəssisəsinin yüksək potensialının göstəricisi kimi səciyyələndirilir.

Qazanılmış bu nailiyyət eyni zamanda 308 nömrəli tam orta məktəbin ümumi uğuru kimi qiymətləndirilir və kollektivin gələcək fəaliyyətində yeni motivasiya mənbəyi kimi çıxış edir.

Birinci sinfə elektron qeydiyyatla bağlı valideynlərə müraciət 2026-2027-ci tədris ili üzrə I sinfə elektron qeydiyyat p...
18/03/2026

Birinci sinfə elektron qeydiyyatla bağlı valideynlərə müraciət

2026-2027-ci tədris ili üzrə I sinfə elektron qeydiyyat prosesi ilə bağlı məktəblərin mikroərazi üzrə ünvanları vətəndaşlara açıqlanıb. I sinfə elektron qeydiyyatla bağlı mikroərazilər müvafiq icra hakimiyyət orqanlarının təqdim etdikləri dislokasiyaya uyğun olaraq müəyyənləşdirilib.

Vətəndaşlar müvafiq linkə daxil olaraq daimi qeydiyyat ünvanının (yeni inşa olunmuş binalarda “Azərişıq” ASC-nin abonent kodu öz adına olan evlərin ünvanının) dislokasiyada olmasını dəqiqləşdirməlidirlər. Daimi qeydiyyat ünvanı (yeni inşa olunmuş binalarda “Azərişıq” ASC-nin abonent kodu öz adına olan evlərin ünvanı) dislokasiyada olmayan valideynlər müvafiq formanı doldurub, aprelin 6-na kimi 5, 6 və 7 saylı “ASAN xidmət” mərkəzlərinin təhsil xidmətləri bölməsinə yaxınlaşaraq və ya [email protected] elektron poçtuna göndərərək təklif və rəylərini verə bilərlər.

Əlavə sualı olan vətəndaşlara Bakı Şəhəri üzrə Təhsil İdarəsinin Çağrı Mərkəzinə (146-1) zəng etmək tövsiyə olunur.

Qeyd edək ki, 5, 6 və 7 saylı “ASAN xidmət” mərkəzlərinə daimi qeydiyyat ünvanı dislokasiyada olmayan, daimi qeydiyyat ünvanı dislokasiyada yanlış qeyd olunan valideynlər, eləcə də dislokasiyada daimi qeydiyyat ünvanı və müvafiq məktəbi müəyyən olunduğu halda obyektiv səbəbləri əsas gətirərək başqa məktəb seçiminə üstünlük verən valideynlər müraciət edə bilərlər.

Paytaxt məktəbləri üzrə dislokasiya:
https://baku.edu.gov.az/az/page/333

Bu gün məktəbimizdə xalqımızın qədim adət-ənənələrini yaşadan İlaxır çərşənbə münasibətilə möhtəşəm tədbir təşkil olundu...
17/03/2026

Bu gün məktəbimizdə xalqımızın qədim adət-ənənələrini yaşadan İlaxır çərşənbə münasibətilə möhtəşəm tədbir təşkil olundu. Tədbirdə məktəbin rəhbəri Fatma Süleymanova da iştirak edərək şagirdləri bu əlamətdar gün münasibətilə təbrik etdi və onlara uğurlar arzuladı.

Tədbir zamanı şagirdlər milli geyimlərdə çıxış edərək şeirlər səsləndirdilər, mahnılar ifa etdilər və maraqlı səhnəciklər təqdim etdilər. Milli dəyərlərimizi əks etdirən bu tədbir həm şagirdlər, həm də müəllimlər üçün yadda qalan oldu.

İlaxır çərşənbənin əsas məqsədi olan birlik, həmrəylik və sevinc ruhu tədbir boyu aydın şəkildə hiss olundu. Məktəb kollektivi bu cür tədbirlərlə milli-mənəvi dəyərlərimizin gələcək nəsillərə ötürülməsinə öz töhfəsini verməyə davam edir.

Bu gün məktəbimizdə nümunəvi davranışı, dərslərdə fəallığı və məktəb qaydalarına məsuliyyətlə yanaşmaları ilə seçilən şa...
16/03/2026

Bu gün məktəbimizdə nümunəvi davranışı, dərslərdə fəallığı və məktəb qaydalarına məsuliyyətlə yanaşmaları ilə seçilən şagirdlərə “Yaşıl kart” təqdim olunmuşdur. Bu təşəbbüs şagirdlərin motivasiyasını artırmaq, onların məsuliyyət hissini gücləndirmək və müsbət davranışları təşviq etmək məqsədi daşıyır.

Tədbir zamanı məktəbimizin direktoru Fatma Süleymanova şagirdləri təbrik edərək onlara gələcək təhsillərində uğurlar arzulamış, hər zaman nümunəvi davranışları və fəallıqları ilə fərqlənmələrini tövsiyə etmişdir.

Sonda “Yaşıl kart” alan şagirdlərə uğurlar dilənmiş və onların gələcəkdə də məktəbin fəal və nümunəvi şagirdləri olacaqlarına inam ifadə olunmuşdur. 🌿📚

8A sinfində məktəbin psixoloqları Rauza Mustafazadə və Rübabə Mərdanova tərəfindən şagirdlərlə tanışlıq və ünsiyyətin qu...
16/03/2026

8A sinfində məktəbin psixoloqları Rauza Mustafazadə və Rübabə Mərdanova tərəfindən şagirdlərlə tanışlıq və ünsiyyətin qurulması məqsədilə görüş keçirildi.

Görüş zamanı şagirdlərlə müxtəlif interaktiv oyunlar təşkil olundu. Bu fəaliyyətlər onların özlərini rahat ifadə etmələrinə və bir-birilərini daha yaxından tanımalarına şərait yaratdı.

Tədbirin əsas məqsədi şagirdlərlə psixoloqlar arasında etimadlı münasibətin formalaşdırılması və gələcək psixoloji fəaliyyət üçün müsbət, səmimi bir mühitin yaradılması idi.

16/03/2026

Məktəbimizin psixoloqları Rübabə Mərdanova və Rauza Mustafazadə tərəfindən şagirdlərin psixoloji inkişafını dəstəkləmək məqsədilə “Həftənin psixoloji mesajı” adlı maarifləndirici guşə yaradılmışdır.

Bu guşədə hər həftə şagirdlər üçün düşündürücü və motivasiyaedici mesajlar təqdim olunur. Məqsəd uşaqlarda özünü tanıma, düzgün davranış vərdişləri, texnologiyadan düzgün istifadə və müsbət düşüncə formalaşdırmaqdır.

Son 3 həftə ərzində təqdim olunan mövzular:
Hissləri anlamaq və idarə etmək
Özünü başqası ilə deyil, özünlə müqayisə etmək
Texnologiyadan düzgün istifadə etmək

Bu cür psixoloji mesajlar şagirdlərin düşüncəsinə, davranışına, motivasiyasına və özünəinamına müsbət təsir göstərməsi məqsədilə hazırlanır.

Layihə növbəti həftələrdə də davam etdiriləcək.

308 saylı tam orta məktəbin əziz 11-ci sinif şagirdləri!Sabah sizi vacib və məsuliyyətli bir imtahan gözləyir. Bu imtaha...
14/03/2026

308 saylı tam orta məktəbin əziz 11-ci sinif şagirdləri!

Sabah sizi vacib və məsuliyyətli bir imtahan gözləyir. Bu imtahan sizin zəhmətinizin, illər boyu qazandığınız bilik və bacarıqların nəticəsini göstərmək üçün bir fürsətdir. Əminik ki, hər biriniz bu günə qədər göstərdiyiniz əzmkarlıq və çalışqanlıq sayəsində sabah imtahanda da öz biliklərinizi ən yaxşı şəkildə nümayiş etdirəcəksiniz.

Sizə imtahanda uğurlar, yüksək nəticələr və inam arzulayırıq. Unutmayın ki, özünüzə güvənmək və sakit olmaq uğurun ən vacib açarlarından biridir.

Qoy zəhmətiniz bəhrəsini versin və hər biriniz arzuladığınız nəticəni əldə edəsiniz.

Uğurlarınız bol olsun! 🌟📚✍️

Bu gün Yasamal Rayon İcra Hakimiyyəti tərəfindən “Təmizlik və Abad Məhəllə” layihəsi çərçivəsində Novruz Bayramı münasib...
13/03/2026

Bu gün Yasamal Rayon İcra Hakimiyyəti tərəfindən “Təmizlik və Abad Məhəllə” layihəsi çərçivəsində Novruz Bayramı münasibətilə bayram şənliyi təşkil olunmuşdur. Tədbirin keçirilməsində əsas məqsəd ətraf mühitin qorunması, məhəllələrin abadlaşdırılması ilə yanaşı, milli adət-ənənələrimizin yaşadılması və sakinlər arasında birlik və həmrəylik mühitinin daha da möhkəmləndirilməsi olmuşdur.

Şənlikdə ərazi sakinləri, qonaqlar, eləcə də müxtəlif təşkilatların nümayəndələri iştirak etmişdir. Tədbirdə 308 nömrəli tam orta ümumtəhsil məktəbinin şagirdləri və müəllim kollektivi də fəal şəkildə iştirak etmişdir. Məktəbin şagirdləri milli geyimlərdə çıxış edərək Novruz bayramına həsr olunmuş şeirlər söyləmiş, mahnılar ifa etmiş və maraqlı səhnəciklər təqdim etmişlər. Uşaqların rəngarəng çıxışları tədbirə xüsusi gözəllik qatmış, iştirakçılar tərəfindən böyük maraq və alqışlarla qarşılanmışdır.

Bayram şənliyində Novruzun əsas atributları – səməni, tonqal və müxtəlif milli dekorasiyalar tədbirə xüsusi ab-hava bəxş etmişdir. Milli musiqilərin səsləndirilməsi, uşaqların çıxışları və bayram ənənələrinin nümayişi tədbirin daha da yadda qalan olmasına səbəb olmuşdur.

Keçirilən şənlik həm şagirdlər, həm də tədbir iştirakçıları üçün xoş və unudulmaz anlarla yadda qalmışdır. Bu cür tədbirlər milli dəyərlərimizin gələcək nəsillərə ötürülməsi və Novruz bayramının ənənələrinin yaşadılması baxımından mühüm əhəmiyyət daşıyır. 🌿🔥

Psixoloq Rübabə Mərdanova və Rauza Mustafazadə tərəfindən “Məktəb şagirdin gözü ilə” sorğusu çərçivəsində 6ə sinif şagir...
13/03/2026

Psixoloq Rübabə Mərdanova və Rauza Mustafazadə tərəfindən “Məktəb şagirdin gözü ilə” sorğusu çərçivəsində 6ə sinif şagirdlərinin məktəb mühiti, dərs prosesi və özlərini məktəbdə necə hiss etmələri ilə bağlı fikirləri öyrənildi. Sorğunun məqsədi şagirdlərin baxış bucağını daha yaxşı anlamaq və məktəb mühitini onların ehtiyaclarına uyğun daha da inkişaf etdirməkdir. Şagirdlərin fikirləri bizim üçün dəyərlidir.

13/03/2026

308 nömrəli tam orta ümumtəhsil məktəbinin Peşə Təmayüllü 10P sinfinin “Dərzi köməkçisi” ixtisası üzrə təşkil olunan təcrübə səfərindən görüntülər. 🧶🪡

“Peşə ayı”nın başlaması ilə əlaqədar olaraq fəaliyyətlərimiz daha da genişlənir. Təcrübə səfəri zamanı şagirdlərimiz əldə etdikləri bilikləri sistemləşdirərək praktik bacarıqlarını və əl qabiliyyətlərini inkişaf etdirdilər. ✅

Şagirdlər yalnız praktik fəaliyyətlə kifayətlənməyərək, eyni zamanda mövzuların nəzəri əsaslarını da daha dərindən öyrənirlər və müvafiq təlim nəticələrinə yüksək səviyyədə nail olurlar.

Address

Yeni Yasamal 2-ci Massiv, Ə. Əhmədov Küçəsi
Baku

Telephone

+994124333345

Website

Alerts

Be the first to know and let us send you an email when 308 Nömrəli Tam Orta Məktəb posts news and promotions. Your email address will not be used for any other purpose, and you can unsubscribe at any time.

Shortcuts

Share

Category