ADPU - Kimya və Biologiya Fakültəsi

Qanlı 20 Yanvar hadisələrindən 36 il keçir. Canları bahasına azadlığımızın təməlini atan 20 Yanvar şəhidlərinin əbədi xatirəsini dərin ehtiramla yad edirik!

İMTAHANLAR NECƏ KEÇİRİLİR? (XÜSUSİ REPORTAJ) Əlaqə:Facebook: https://bit.ly/3HdCyKCInstagram: https://bit.ly/3HcbtrjTelegram: https://bit.ly/3RJ8Nq0

31 Dekabr - Dünya Azərbaycanlılarının Həmrəyliyi Günü və Yeni iliniz mübarək!

#2026

Akademik Yusif Məmmədəliyevin 120 illiyi münasibətilə Azərbaycan Respublikasının Prezidenti cənab İlham Əliyevin Sərəncamına uyğun olaraq M.Şəhriyar adına N193 məktəbdə elmi-mədəni tədbir keçirilmişdir.
Tədbirdə akademik Vaqif Abbasov, ADPU-nun Kimya və biologiya fakültəsinin dekan müavini dosent B.Əsədova, Ümumi kimya kafedrasının müdiri dosent K.İsgəndərova, müəllim heyəti və digər rəsmi nümayəndələr iştirak etmişlər.
Tədbirin məqsədi akademik Yusif Məmmədəliyevin elmi irsinin və kimya elminə verdiyi töhfələrin gənc nəslə çatdırılması olmuşdur. Proqram çərçivəsində sərgi, elmi təqdimatlar, kimyəvi təcrübələr və şagirdlərin çıxışları təqdim edilmişdir.
Tədbirin sonunda akademik Vaqif Abbasov bu cür tədbirlərin şagirdlərin elmi dünyagörüşünün formalaşmasında mühüm rol oynadığını vurğulamışdır.

Kimya və biologiya fakültəsinin tələbələri ARETN Genetik Ehtiyatlar İnstitutunda təcrübə dərslərində olmuşlar.
26.12.2025-ci il tarixində ADPU Kimya və biologiya fakültəsi ilə Genetik Ehtiyatlar İnstitutu arasında imzalanmış əməkdaşlıq memorandumunun fəaliyyət planına əsasən fakültəmizin tələbələri dekan müavini dos.Bəsti Əsədovanın rəhbərliyi ilə Genetik Ehtiyatlar İntitutunda təcrübə dərslərinə başlamışlar. Təcrübə dərslərinə başlayan tələbələr institutun nəzdində fəaliyyət göstərən Genbank, İnsan genetikası laboratoriyası, Biokimya laboratoriyalarının iş prinsipi, aparılan təcrübələrlə yaxından tanış olmuşlar.

Doğum gününüz mübarək, xalqı üçün Zəfəri və Sülhü qazanan Prezident!

ADPU əməkdaşları şanlı Zəfərə ithaf etdiyi “Qarabağ florası” kitabının təqdimat mərasimində iştirak edib.
Dekabrın 23-də AMEA-nın Mərkəzi Elmi Kitabxanasında Elm və Təhsil Nazirliyinin Botanika İnstitutunun şanlı Zəfərə ithaf etdiyi “Qarabağ florası” kitabının təqdimat mərasimi keçirilib.
Elm və Təhsil Nazirliyinin və Elm və Ali Təhsil üzrə Dövlət Agentliyinin maliyyə dəstəyi ilə nəşr edilən kitabın müəllifi və redaktoru Botanika İnstitutunun baş direktoru biologiya elmləri doktoru, professor Səyyarə İbadullayevadır.
Təqdimat mərasimində AMEA-nın prezidenti akademik İsa Həbibbəyli, Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov, AMEA-nın vitse-prezidenti akademik İradə Hüseynova, tanınmış ziyalılar, botanik alimlər, ali təhsil müəssisələrinin təmsilçiləri, KİV və ictimaiyyət nümayəndələri iştirak ediblər. ADPU-nun Kimya və biologiya fakültəsinin dekanı dosent Reyhan Ağayeva, dekan müavini dosent Bəsti Əsədova və Biologiya və onun tədrisi texnologiyası kafedrasının müdiri dosent Anaxanım Yusifova iştirak edərək elmi ictimaiyyət nümayəndələri ilə bir araya gəliblər.
Tədbiri giriş nitqi ilə AMEA-nın prezidenti akademik İsa Həbibbəyli açaraq təbiətşünas alimlərin çoxillik tədqiqatlarının nəticəsi olan “Qarabağ florası” kitabının elmi əhəmiyyətini vurğulayıb. O, nəşrdə Qarabağ və Şərqi Zəngəzur ərazilərinin bitki aləminin elmi təsnifat əsasında bütün dövrlər üzrə obyektiv xəritəsinin yaradıldığını bildirib.
Nəşrin müəllifi və redaktoru Botanika İnstitutunun baş direktoru biologiya elmləri doktoru, professor Səyyarə İbadullayeva çıxış edərək kitab haqqında ətraflı məlumat verib. Bildirib ki, Botanika İnstitutu yaranandan bəri ilk dəfə olaraq Azərbaycanda Qarabağ florası haqqında belə bir kitab nəşr olunub.

Kimya və biologiya fakültəsinin tələbələri Yusif Məmmədəliyev adına Neft-Kimya Prosesləri İnstitutunda olmuşlar.
2025-ci ildə ADPU-nun Kimya və biologiya fakültəsi ilə Yusif Məmmədəliyev adına Neft-Kimya Prosesləri İnstitutu arasında imzalanmış əməkdaşlıq memorandumunun fəaliyyət planına uyğun olaraq fakültə tələbələri Kimya və biologiya fakültəsinin dekan müavini, dosent Bəsti Əsədovanın rəhbərliyi ilə sözügedən institutda olmuşlar. Tələbələr institutun baş direktoru, akademik Vaqif Abbasovla görüşmüş, onunla səmimi söhbət aparmış, institutun yaranma tarixi, əsas elmi istiqamətləri və fəaliyyəti barədə ətraflı məlumat əldə etmişlər.
Institutun formalaşmasında və elmi ənənələrinin bünövrəsinin qoyulmasında görkəmli alim, akademik Yusif Məmmədəliyevin müstəsna rolu olmuşdur. O, bir vaxtlar bu elmi ocağa rəhbərlik etmiş, öz dərin elmi baxışı və təşkilatçılıq qabiliyyəti ilə institutun inkişaf istiqamətlərini müəyyənləşdirmiş, neft-kimya elminin Azərbaycanda güclü elmi məktəb kimi formalaşmasına önəmli töhfələr vermişdir. Bu gün institutda aparılan elmi-tədqiqat işləri məhz onun müəyyənləşdirdiyi elmi ənənələrin davamı kimi dəyərləndirilir.
Eyni zamanda tələbələr görkəmli alim, akademik Yusif Məmmədəliyevin 120 illik yubileyi münasibətilə hazırlanmış bədii filmi izləmişlər. Onlara Yusif Məmmədəliyevin neft-kimya elminin inkişafındakı müstəsna xidmətləri, Azərbaycan elminin formalaşmasına verdiyi töhfələr və zəngin elmi irsinin bu gün də uğurla davam etdirilməsi barədə qısa, lakin məzmunlu məlumat verilmişdir. Daha sonra tələbələr Yusif Məmmədəliyevin Muzeyini ziyarət etmiş, alimin həyat və fəaliyyətini əks etdirən eksponatlarla tanış olmuşlar. Muzey gəzintisi tələbələrdə görkəmli alimə və onun zəngin elmi irsinə qarşı xüsusi maraq və dərin ehtiram hissi oyatmışdır
Görüş çərçivəsində tələbələr institutun nəzdində fəaliyyət göstərən laboratoriyalarda aparılan elmi-tədqiqat işləri ilə yaxından tanış olmuş, əldə etdikləri nəzəri bilikləri praktiki mühitdə möhkəmləndirmək imkanı qazanmışlar.

ADPU tələbələri Naxçıvanda ekoloji seminar keçiriblər
ADPU-nun Kimya və Biologiya fakültəsinin IV kurs tələbələri Fatimə Abdullayeva və Gülay İmanzadə Naxçıvanda “Plastik Reinkarnasiyası: İkinci Həyat” mövzusunda ekoloji maarifləndirmə seminarı keçiriblər. Seminarda plastik tullantıların zərərləri və bioloji parçalana bilən bioplastik alternativlər təqdim olunub. Tədbirdə nazirlik və aidiyyəti qurumların nümayəndələri iştirak edib. Sonda layihə müəllifləri ekoloji maarifləndirmə sahəsindəki fəallıqlarına görə sertifikatla təltif olunublar.

Kimya və biologiya fakültəsinin tələbələri AR ETN Genetik Ehtiyatlar İnstitutunda təcrübə dərsində iştirak etmişlər.
19.12.2025-ci il tarixində ADPU Kimya və biologiya fakültəsi ilə AR ETN Genetik Ehtiyatlar İnstitutu arasında imzalanmış əməkdaşlıq memorandumunun fəaliyyət planına əsasən fakültəmizin tələbələri dekan müavini dos.Bəsti Əsədovanın rəhbərliyi ilə AR ETN Genetik Ehtiyatlar İntitutunda təcrübə dərsində olmuşlar. Tələbələr institutun nəzdində fəaliyyət göstərən Genbank, İnsan genetikası laboratoriyası, Sitogenetika laboratoriyası, Biokimya laboratoriyalarının iş prinsipi, aparılan təcrübələrlə yaxından tanış olmuş və təcrübələrin gedişatında iştirak etmişlər.

ADPU-da 16.12.2025-ci il tarixdə Tədris departamentinin Məzun Koordinasiya və Karyera şöbəsinin təşkilatçılığı ilə Bakı şəhəri M.Şəhriyar adına 193№li tam orta məktəbin 9 –cu sinif şagird və müəllim kollektivi ilə əməkdaşlıq çərçivəsində infotur keçirilmişdir .
Açılışda , Tədris departamentinin direktoru Sənan Əliyev və Tədris departamentinin Məzun Koordinasiya və Karyera şöbəsinin müdiri Könül Əsgərova şagird və müəllim kollektivini salamladı və Universitetimiz haqqında geniş məlumat verdi .
İnfoturun başlanğıc nöqtəsi Heydər Əliyev Mərkəzi olmuşdur . Heydər Əliyev Mərkəzinin baş mütəxəssisi Aynurə Əsgərova şagirdlərə Ulu Öndərin həyat və yaradıcıllığı barədə ətraflı məlumatlar əldə etmişdir.
İnfoturun növbəti mərhələsi Elektron Kitabxanada baş tutmuşdur. Elektron Kitabxananın direktoru Zinhara Həsənova şagirdlərə kitabxana haqqında ətraflı məlumat vermişdir.
Daha sonra şagirdlər Kimya və biologiya fakültəsi ilə tanış olmuşdurlar . Fakültənin Kimya və biologiya dekan müavini Bəsti Əsədova və Biologiya tədrisi texnologiyasının kafedrasının müdiri Anaxanım Yusifova tələbələri salamladı və fakültə haqqında geniş məlumat verdi.
Şagirdlər Zoologiya Muzeyini ziyarət edib,müxtəlif növ eksponat və heyvan skletləri və bioloji nümunələr ilə tanış olmuşdurlar.
İnfoturun sonunda müəllim və şagirdlər ilə birgə xatirə şəkili çəkilmişdir .

Məktəblilər ADPU-da
Azərbaycan Dövlət Pedaqoji Universitetinin (ADPU) Tədris departamentinin Məzun koordinasiya və karyera şöbəsinin təşkilatçılığı ilə 163 nömrəli tam orta məktəbin “Kiçik Akademiya”sının üzvləri və müəllim kollektivinin “Bir gün tələbə olsaydım” layihəsi çərçivəsində ADPU-ya infoturu təşkil edilib.
Açılışda Tədris departamentinin direktoru dosent Sənan Əliyev və Məzun koordinasiya və karyera şöbəsinin müdiri Könül Əsgərova şagird və müəllim kollektivini salamlayıb və universitet haqqında geniş məlumat veriblər.
İnfotur çərçivəsində ADPU-nun Heydər Əliyev Mərkəzinin baş mütəxəssisi Aynurə Əsgərova şagirdlərə Ulu Öndərin həyat və fəaliyyəti, həmçinin Mərkəz barədə ətraflı məlumat verib.
Sonra qonaqlar Kimya və biologiya fakültəsini ziyarət ediblər. Fakültənin dekan müavini dosent Bəsti Əsədova və Biologiya tədrisi texnologiyasının kafedrasının müdiri dosent Anaxanım Yusifova fakültə haqqında geniş məlumat verib, Şagirdlər fakültənin labarotoriyasında müxtəlif reaksiyaların nümayişini izləyərək, labarotoriya alətləri və praktik proseslərlə yaxından tanış olublar. Daha sonra şagirdlər Zoologiya muzeyində müxtəlif növ eksponatlar, heyvan skeletləri və bioloji nümunələri izləyiblər.