05/10/2025
☢️
🎵 Bu gün Azərbaycanın Xalq artisti, görkəmli bəstəkar, “Şöhrət” və “Şərəf” ordenli Xəyyam Mirzəzadənin dünyaya göz açdığı gündür
🇦🇿 Xəyyam Mirzəzadə musiqi mədəniyyətimizin inkişafında əhəmiyyətli rolu olan sənətkarlardandır. O zəngin yaradıcılığı ilə Azərbaycan musiqi irsini, mədəniyyətini təbliğ etməklə yanaşı, kinomuza da töhfələr verib. Bəstəkar əsasən dram janrlı filmlərə musiqilər yazıb, ekran əsərlərinin məzmun ideyasını musiqi dili ilə çatdırmağa nail olub.
📽🎼 Onun bir çox kompozisiyaları musiqi xəzinəmizin “qızıl fond”una daxildir. Xəyyam Mirzəzadə 40-dan artıq filmə, o cümlədən “Arxadan vurulan zərbə”, “Bağ mövsümü”, “Bakıda küləklər əsir”, “Birisigün gecəyarısı”, “Bizim küçə”, “Yeddi oğul istərəm” və s. bədii, “Abidələr danışır”, “Bakı eyvanları” və s. sənədli, “Daş”, “Günlərin bir günündə”, “Meşəyə insan gəlir” animasiya filmlərinə musiqilər yazıb.
