ADPUİbtidai-təhsil

25/02/2026

26 Fevral - Xocalı Soyqırımı Günü

25/02/2026

23/02/2026

17.02.2026-cı il tarixində İbtidai Təhsil fakültəsinin dekanı, professor Qızxanım Qəhrəmanovanın sədrliyi ilə fakültənin Elmi Şurasının növbəti iclası keçirilmişdir.

İclasda gündəlikdə duran məsələlərə uyğun olaraq 2025/2026-cı tədris ilinin qış imtahan sessiyasının nəticələri geniş şəkildə təhlil edilmişdir. Sessiya dövründə tələbələrin akademik göstəriciləri, fənlər üzrə müvəffəqiyyət səviyyəsi, kəsr göstəriciləri, davamiyyət vəziyyəti və imtahanların təşkili prosesi ətraflı müzakirə olunmuşdur. Eyni zamanda, qiymətləndirmə prosesində şəffaflığın təmin olunması, obyektivliyin qorunması və tədris keyfiyyətinin yüksəldilməsi istiqamətində görülən işlər diqqətə çatdırılmışdır.

Professor Qızxanım Qəhrəmanova çıxışında əldə olunan nəticələrin fakültənin ümumi inkişaf dinamikasını əks etdirdiyini vurğulamış, qarşıda duran əsas hədəflər və prioritet istiqamətlər barədə məlumat vermişdir. Xüsusilə yaz semestrində tədris prosesinin daha səmərəli təşkili, innovativ təlim texnologiyalarının tətbiqinin genişləndirilməsi, tələbələrin elmi-tədqiqat fəaliyyətinə cəlb olunması, pedaqoji təcrübənin keyfiyyətinin artırılması və akademik intizamın gücləndirilməsi məsələləri ön plana çəkilmişdir.

Bununla yanaşı, fakültədə metodiki işin təkmilləşdirilməsi, müəllimlərin peşəkar inkişafının dəstəklənməsi, elmi seminar və konfransların təşkili, həmçinin təhsil proqramlarının müasir tələblərə uyğunlaşdırılması ilə bağlı təkliflər səsləndirilmişdir.

Müzakirələr zamanı Elmi Şura üzvləri İbtidai Təhsilin Pedaqogikası kafedrasının müdiri Fərrux Rüstəmov, Riyaziyyatın Ibtidai Kursunun Tədrisi Texnologiyası Kafedrasının müdiri Əbülfət Pələngov, dekan müavini p.ü.f.d Aynur Hüseynova, Riyaziyyatın Ibtidai Kursunun Tədrisi Texnologiyası Kafedrasının müəllimi Mübariz Məmmədov çıxış etmiş və çıxışçılar tərəfindən irəli sürülən təklif və tövsiyələr dinlənilmiş, qeyd olunan məsələlərlə bağlı müvafiq qərarların icrası istiqamətində konkret tapşırıqlar verilmişdir.
Həmçinin, fakültənin yeni Tht və Tgt sədrləri təqdim olunmuşdur.

16/02/2026

Azərbaycan Avropanın enerji təhlükəsizliyində vacib rol oynayır və alternativ mənbələrin şaxələndirilməsi siyasətini uğurla həyata keçirir
Professor Qızxanım QƏHRƏMANOVA,

ADPU-nun İbtidai təhsil fakültəsinin dekanı

https://adpu.edu.az/index.php/az/x%C9%99b%C9%99rl%C9%99r/2866-azeenerji

04/02/2026

ADPU “İlin gənc alimi və tədqiqatçısı” müsabiqəsi elan edir

Ətraflı: https://shorturl.at/kiIQS

02/02/2026

02 fevral 2026-cı il tarixində Lənkəran Dövlət Universitetinin Pedaqogika, psixologiya və incəsənət fakültəsinin müəllimləri Azərbaycan Dövlət Pedaqoji Universitetinin İbtidai təhsil fakültəsinə təcrübə mübadiləsi məqsədilə səfər etmişlər.

Görüşdə ADPU-nun İbtidai təhsil fakültəsinin dekanı, professor Qızxanım Qəhrəmanova, İbtidai təhsilin pedaqogikası kafedrasının müdiri professor Fərrux Rüstəmov və dekan müavinləri Aynur Hüseynova, Sevinc Eylazova iştirak etmişlər.

Görüşün əsas məqsədi tədris proqramlarının öyrənilməsi, mövcud sillabuslarla tanışlıq, tədrisin məzmun və struktur xüsusiyyətlərinin müzakirəsi, eləcə də qarşılıqlı təcrübə mübadiləsinin həyata keçirilməsi olmuşdur. Görüş zamanı ali təhsil müəssisələri arasında akademik əməkdaşlığın genişləndirilməsi, gələcəkdə birgə layihələrin, elmi-metodiki fəaliyyətlərin və müəllim mübadiləsinin həyata keçirilməsi imkanları ətrafında fikir mübadiləsi aparılmışdır.

19/01/2026

Qanlı 20 Yanvar faciəsindən 36 il keçir.

1990-cı ilin 20 yanvarında azadlıq və müstəqillik uğrunda canından keçən şəhidlərimizi dərin ehtiramla anırıq. Bu tarix xalqımızın iradəsinin, birlik və mübarizə ruhunun sarsılmazlığını göstərən qanla yazılmış salnamədir.

Şəhidlərimizin xatirəsi qəlbimizdə əbədi yaşayacaq. 🇦🇿

03/01/2026

İbtidai təhsil ailəsi hörmətli professor Fərrux Rüstəmovu 65 illik yubileyi münasibətilə səmimi-qəlbdən təbrik edir.

31/12/2025

31 Dekabr - Dünya Azərbaycanlılarının Həmrəyliyi Günü və Yeni iliniz mübarək!

24/12/2025

Doğum gününüz mübarək, möhtərəm cənab Prezident!

16/12/2025

Bugün Abai Kazakh National Pedagogical University (Abay adına Qazax Milli Pedaqoji Universiteti) — KazNPU-nun nüfuzlu nümayəndələri fakültəmizin qonağı olmuşlar.
Görüşdə İbtidai Təhsil fakültəsinin dekanı, psixologiya elmləri doktoru, professor Qızxanım Qəhrəmanova, İbtidai təhsilin pedaqogikası kafedrasının müdiri, pedaqoji elmlər doktoru, professor, Əməkdar elm xadimi Fərrux Rüstəmov, İbtidai siniflərdə riyaziyyatın tədrisi metodikası kafedrasının müdiri prof. Əbülfət Pələngov və fakültə əməkdaşları iştirak edirdilər.
Səfər çərçivəsində universitetin İbtidai Təhsil kafedrasının tanınmış alimləri — Dr. Aziza Zhunusbekova, PhD, dosent (vəzifəsini icra edən) və Dr. Assyl Arenova, pedaqoji elmlər doktoru, professor fakültəmizin tələbələri üçün mühazirə dərsləri keçmişlər.

Mühazirələr zamanı ibtidai təhsildə müasir təlim texnologiyalarının tətbiqi, pedaqoji innovasiyalar, müəllim hazırlığında beynəlxalq təcrübə və təhsilin keyfiyyətinin yüksəldilməsi ilə bağlı aktual mövzular müzakirə olunmuşdur. Qonaqlar öz elmi və pedaqoji təcrübələrini tələbələrlə bölüşmüş, interaktiv müzakirələr aparmış və tələbələrin suallarını cavablandırmışlar.

Görüş qarşılıqlı fikir mübadiləsi, elmi-pedaqoji əməkdaşlığın genişləndirilməsi və gələcək perspektivlərin müəyyənləşdirilməsi baxımından səmərəli olmuşdur. Bu cür görüşlər tələbələrin dünyagörüşünün zənginləşdirilməsinə, beynəlxalq akademik əlaqələrin möhkəmləndirilməsinə və tədris prosesinin daha da təkmilləşdirilməsinə mühüm töhfə verir.

12/12/2025

12 dekabr Ümummilli Lider Heydər Əliyevin Anım Günü