Magistratura Elmi Cəmiyyəti

Hormetli magistrlar, martin 6-i Nerimanovda gozden elil uwaqlar ucun 5 sayli internat evine gedilecek.kimin gucu neye catirsa komeklik elesin.

Hormetli magistrlar, Novruz bayrami ile elaqedar olaraq uwaq evine gedeceyik. Aktiv olun. Kimin ureyinden nece komek elemek kecirse eleye biler. Unutmayaq ki, o uwaqlarin bizim 1 manatimiza da ehtiyaclari var. Aktiv olun.

MM direktoru i.e.n., dos. Həsən Abid oğlu İsrafilov

1946-cı ildə Şəki şəhərində anadan olmuşdur. 1970-ci ildə D. Bünyadzadə adına Azərbaycan Xalq Təsərrüfatı İstitutunu, 1978-ci ildə isə bu institutun aspiranturasını bitirmişdir. 1981-ci ildə Kiyev Ticarət-iqtisad İnstitutunda namizədlik dissertasiyasını müdafiə etmiş və iqtisad elmləri namizədi elmi dərəcəsini qazanmışdır. Hazırda doktorluq dissertasiyası işinin müdafiəsi ərəfəsindədir.

Dos. Həsən İsrafilov Xalq Təsərrüfatı İnstitutunda baş laborant vəzifəsindən başlayaraq müxtəlif illərdə müəllim, baş müəllim, “Ticarət-əmtəəşünaslıq” fakültəsinin dekan müavini, “Kommersiya” və “Beynəlxalq iqtisadi münasibətlər” fakültələrinin dekanı vəzifələrində çalışmışdır. 2005-ci ildən Azərbaycan Dövlət İqtisad Universitetində Magistratura Mərkəzinin direktoru vəzifəsində çalışır.

Təhsildə əldə etdiyi nailiyyətlərə görə 2006-cı ildə Azərbaycan Respublikası Prezidentinin sərəncamı ilə ona “Əməkdar müəllim” fəxri adı verilmişdir.

Azərbaycanda elmin, təhsilin və tədris prosesinin bacarıqlı təşkilatçısı kimi onun fəaliyyəti müxtəlif təşkilatlar tərəfindən yüksək qiymətləndirilmiş və o, 2005-ci ildə “Vektor” Beynəlxalq Elm Mərkəzi Mükafat Komissiyasının qərarı ilə “XXI əsrin tanınmış ziyalısı” Beynəlxalq diplomu ilə təltif edilmişdir.

Dos. Həsən İsrafilov xarici ölkələrdə keçirilən bir çox beynəlxalq konqres və simpoziumlarda ölkəmizi təmsil etmişdir. 100-dən çox elmi əsərin, o cümlədən monoqrafiya, dərslik, dərs vəsaiti, metodiki göstəriş və elmi məqalənin müəllifidir. Ailəlidir, bir övladı var.

Tarix sizin, gənclərin üzərində, insana qarşı yeni münasibətin təbliğatçıları, yeni həyat quruluşunun müəllimləri olmaq kimi böyük bir vəzifə qoymuşdur. Bu sizi elbir və səylə oxumağa, hər şeydən əvvəl oxumağa məcbur edir. İnsan nə qədər çox bilirsə, bir o qeədər qüvvətlidir. Bunu inkar etmək olmaz. İnsan öz qarşısına qoyduğu məqsədin nə qədər böyük və əzəmətli olduğunu bildikdə isə daha qüvvətli olur.
M.Qorki

Universitetimizdə magistr hazırlığına 1 sentyabr 1997-ci ildə başlanılmışdır. O zaman bu hazırlıq yeni yaradılmış Magistratura şöbəsi tərəfindən həyata keçirilirdi. 2001-ci ildə şöbənin əsasında Magistratura Fakültəsi yaradılmış, 27 yanvar 2005-ci ildən isə universitetimizdə magistr hazırlığının daha da yüksək səviyyəyə qaldırılması və müasir dövrün kəskin rəqabəti şəraitində hərtərəfli biliklərlə silahlanmış və ölkə iqtisadiyyatının müxtəlif sahələrində aparılan islahatların kadr ehtiyaclarına cavab verə bilən mütəxəssislərin hazırlanması məqsədilə, Magistratura fakültəsi ləğv edilmiş və onun bazasında MBA proqramını da özündə birləşdirən Magistr Hazırlığı Mərkəzi yaradılmışdır. Bu gün iqtisadiyyatın müxtəlif sahələri üzrə magistr dərəcəli kadrlar hazırlayan və elmi araşdırmalar həyata keçirən Magistratura Mərkəzində 10 istiqamət və 53 ixtisas üzrə 1820 magistr (MBA proqramı da daxil olmaqla) təhsil alır.
Universitetimizdə magistr hazırlığı üzrə qəbul olunmuş və Respublika təhsil sistemində də ilk yenilik hesab olunan “mərkəz” modeli magistr hazırlığının təşkili və idarə edilməsində sistemliliyin təmin olunması, təkrarçılığın aradan qaldırılması və vahid idarəetmə formasının tətbiq edilməsi baxımından geniş imkanlar açmışdır. Eyni zamanda, bu model universitet üzrə magistr hazırlığı prosesinə vahid konseptual yanaşmanın tətbiqinə, effektli təkmilləşdirmə mexanizmlərinin hazırlanması və həyata keçirilməsinə də əlverişli şərait yaratmışdır.
Bu gün Magistratura Mərkəzində ən müasir tədris vasitələri ilə təchiz olunmuş, MDB məkanında və Qərb ölkələrinin çoxunda belə analoqu olmayan ixtisaslaşdırılmış virtual tədris otaqları, laboratoriya və mərkəzlər fəaliyyət göstərir ki, onların da bəziləri aşağıdakılardır:
1. “Makroiqtisadi təhlil və proqnozlaşdırma”- Azərbaycan Respublikası İqtisadi İnkişaf Nazirliyi ilə birgə;
2. “Tədris virtual Mərkəzi Bank”- Mərkəzi Bank ilə birgə;
3. “Audit”- Auditorlar Palatası ilə birgə;
4. “Beynəlxalq iqtisadi münasibətlər”;
5. “Vergi və vergiqoyma” elmi araşdırmalar- Vergilər Nazirliyi ilə birgə;
6. ”Tədris virtual qiymətli kağızlar bazarı”- Qiymətli Kağızlar üzrə Dövlət Komitəsi ilə birgə;
7. “Tədris virtual bank”- “Nikoyl” İnvestisiya Kommersiya Bankı ilə birgə;
8. “İnvestisiya problemlərinin öyrənilməsi”- “European Tabacco Baku” ASC ilə birgə;
9. “Tədris Biznes İnqubator”- “Nurgün” şirkətlər qrupu ilə birgə;
10. “ Microsoft Biznes Qərarları”- “AZEL” şirkəti ilə birgə;
11. “Gömrük işi”- “Ram-X” şirkəti ilə birgə;
12. “Sənayenin iqtisadiyyatı”;
13. “İnformatika”;
14. “Mühasibat uçotu”;
15. “Marketinq”;
16. “Biznesin təşkili”;
17. “Kommersiya işi”;
Profillərinə uyğun olaraq müxtəlif kompüter proqram-paketləri ilə təchiz olunmuş laboratoriyalarda tədris prosesinin təşkilində universitetimizin ən təcrübəli professor-müəllim heyəti ilə yanaşı, ayrı-ayrı nazitlik, komitə, baş idarə, eləcə də tanınmış özəl şirkətlərin mütəxəssisləri də iştirak edirlər.
Mərkəzimiz bu günə qədər 2000 qədər magistr dərəcəli mütəxəssis yetişdirmişdir. Azərbaycan Respublikası Dövlət Gömrük Komitəsi sədrinin 1-ci müavini, general-leytenant Səfər Mehdiyev, “ÇNAR-ÇAP” nəşriyyatının prezidenti Qoşqar Qarayev, güləş üzrə Sidney olimpiadasının çempionu olmuş Fərid Mansurov, 2005-ci ildə “İqtisadiyyat və biznes” sahəsində milli “Uğur” mükafatına layiq görülmüş “A-Group” Sığorta Şirkətinin baş direktoru Anar Bayramov, “MuğanBank” ASC-nin idarə heyətinin sədri Fuad Musayev, “Azəriqazbank” ASC-nin Sahil şöbəsinin müdiri Elvin Bayramov, “Azərbaycan” Nəşriyyatının baş direktorunun müavini Allahverdi Bağırov fəxr etdiyimiz məzunlarımızdır.
Bu siyahını artırmaq bizim əlimizdədir. Vətənimizin elm sahəsində çalışan gənclərinə nə arzu edə bilərdim?
Ən əvvəl-ardıcıllıq! Mən səmərəli elmi işin bu mühim şərtindən danışarkən həmişə həyəcan hiss edirəm. Ardıcıllıq, ardıcıllıq, ardıcıllıq!!!

Antik yunan filosofu Platon zamanında yazırdı ki, ədalət, müdriklik və qanunun bir yerdə olacağı zaman bəşəriyyət xoşbəxtliyə qovuşacaqdır. Zəngin mənəviyyata dair maraqlarla çərçivələnməyən konkret həyat amalına malik insanlar dövrünün problemlərinə əsl ziyalı yanğısı, vətəndaş təəssübkeşliyi ilə yanaşır, fürsət düşdükcə xalqının nicatına, təminatlı gələcəyinə xidmət edən xeyirxah əməllərin sahibinə çevrilirlər.
Şəxsiyyətə hörmət, vətəndaşa həssas münasibət, insanlara qayğı və təmənnasız xidmət amalını həyatımızın kredosuna çevirməliyik. Çalışmalıyıq ki, zamanından və məkanından asılı olmayaraq, ehtiyacı olanlara bacardığımız köməkliyi edək. Bu baxımdan Magistratura Mərkəzi bu qərara gəldi ki, Müqəddəs Qurban bayramını valideyn qayğısından məhrum olmuş uşaqlarla birlikdə keçirtsin. Biz belə də etdik. Magistratura Mərkəzinin rəhbərliyi başda olmaqla, ingilis dili kafedrasının müəllimi Aysel xanım Xəlilova və aktiv magistrlar- Abışov Heydər (176-cı qrup), Əlizadə Cahangir (176-cı qrup), Məmmədov Elçin (44-cü qrup), Həsənova Fəridə (44-cü qrup), Fərəcova Selcan (328-ci qrup), Əlibəyli Məhəmməd (350-ci qrup), Süleymanova Əlvan (70-ci qrup) və digərləri 04.11.2011-ci il tarixində Qurban bayramı ilə əlaqədar olaraq Suraxanı rayonu, 7 saylı uşaq evində tədbir həyata keçirtdilər. Hər kəsin problemi ilə fərdi qaydada yaxından maraqlanan Magistratura Mərkəzi belə xeyriyyə tədbirlərinin mütəmadi olaraq keçirilməsini qərara aldı. Magistratura Mərkəzi Nərimanov rayonu gözdən əlil uşaqların təhsil aldığı internat məktəbi ilə də mütəmadi əlaqə saxlayır.

19.12.2011-ci il tarixində Azərbaycan Dövlət İqtisad Universitetinin Akt zalında “Azərbaycan Respublikasının sosial-iqtisadi inkişafı: nailiyyətlər və perspektivlər” movzusunda tələbə və magistrların elmi konfransı keçirildi. 109 tələbənin iştirakı ilə keçirilən konfransda Magistratura Mərkəzimiz 4 magistr ilə təmsil olundu. Çox sevindirici haldır ki, hər dörd magistrimiz həmin konfransda elm tutumlu və dərin məzmunlu çıxışlarına görə sertifikata layiq görüldülər. Azərbaycanın sosial-iqtisadi inkişafına həsr olunmuş konfransın plenar iclasında Həsənova Fəridə (44-cü qrup) “İlham Əliyevin İKT sektorunun inkişafında rolu” mövzusu ilə, Abdullayev Vüqar (634-cü qrup) isə “Böyük ipək Yolunun bərpasında İlham Əliyev amili” mövzusu ilə iştirak etdilər. Konfransın “Sosial-iqtisadi inkişaf və turizm” bölməsində iştirak edən başqa bir magistrimiz Abışov Heydər (176-cı qrup) “Turizm Azərbaycan iqtisadiyyatının alternativ gəlir mənbəyi” mövzusundakı çıxışına görə sertifikatla mükafatlandırıldı. Nəhayət, konfransın “Ümumi iqtisadi inkişaf məsələləri” bölməsində “Azərbaycanda kənd təsərrüfatı sahələrinin inkişaf perspektivləri” mövzusu ilə çıxış edən magistrimiz Hüseynova Esma (820-ci qrup) dördüncü sertifikatı da Magistratura Mərkəzinə qazandırdı. Konfransın yekun iclasında Universitetimizin rektoru, prof.Ş.H.Hacıyev çıxış edərək Azərbaycan Respublikasının Prezidenti cənab İlham Əliyevə müraciət etdi, onun Azərbaycanın sosial-iqtisadi inkişafındakı əvəzsiz xidmətlərindən danışdı. Sonda universitetimizin rəhbərliyi, eləcə də tələbə və magistr heyəti Azərbaycan Respublikasının Prezidenti cənab İlham Əliyevin 50 illik yubileyinə dair təbriklərini səsləndirdi.

P.S. Konfransin shekilleri obyektiv sebeblere gore bura qoyulmur. MEC beraberliyi qoruyur.

29.12.2011-ci il tarixində aktiv magistrlarımız Universitet rəhbərliyinin Respublikamızın ən gözəl şadlıq saraylarından sayılan “Monte Karlo” restoranında təşkil etmiş olduğu “Yeni İl” şənliyində iştirak etdilər. Yüksək səviyyədə təşkil olunmuş tədbirdə universitetimizin rektoru prof. Şəmsəddin Hacıyev dəiştirak etməklə tələbə və magistrlara əvəzolunmaz qayğısının olduğunu bir daha sübut etmiş oldu. Son dövrlərdə öz aedıcıl nailiyyətləri ilə Avropaya səs salan “İqtisadçı” qadın voleybol komandasının da dəvət olunduğu tədbirdə magistrlarımızdan Abışov Heydər (176-cı qrup), Həsənova Fəridə (44-cü qrup), Məmmədov Elçin (44-cü qrup), İlhamlı Pərvin (630-cu qrup), Abdullayev Vüqar (634-cü qrup), Ajennadjat Jalə (83-cü qrup), Qarayeva Günel (83-cü qrup), Məmmədzadə Amalya (660-cı qrup), Qaffarov Qoşqar (660-cı qrup), Hüseynov Rüfet (660-cı qrup) və Abdullayev Turan (822-ci qrup) da öz iştirakları ilə tədbirimizə rəng qatmış oldular.

P.S. Tedbirde shekillerde cekilib. sadece olaraq bezi aktiv uzvlere gore shekilleri qoymaq istemedik. cunki shekilleri bura yerleshdirmek ucun haminin musbet reyi olmalidir. MEC her insanin fikrine hormetle yanashir.

Magistratura Elmi Cəmiyyətində struktur dəyişikliyi baş verdi. Abdullayev Vuqar (634-cü qrup) Magistratura Elmi Cəmiyyəti sedr muavini vəzifəsindən Magistratura Mərkəzi, Tələbə Gənclər Təşkilatına sədr vəzifəsinə yüksəldi. Məmmədov Elçin (44-cü qrup) Magistratura Elmi Cəmiyyətinə sədr müavini vəzifəsinə təyin olundu. Heydər Abışov (176-cı qrup) isə Magistratura Elmi Cəmiyyəti sədri kimi fəaliyyətini davam etdirir. Yeni vezifələrdə Elçinə Və Vüqara ugurlar arzulayiramş yeni vəzifəniz xeyirli, ugurlu olsun.

7 mart 2012-ci il tarixində saat 11:00-da universitetin Böyük Akt zalında Azərbaycan Dövlət İqtisad Universitetinin Tələbə Elmi Cəmiyyətinin “Azərbaycan qadınları 21-ci əsrdə:qadınların iqtisadiyyatın inkişafında rolu” mövzusunda konfrans keçiriləcək. Konfransda iştirak etmək istəyən tələbələr 29.02.2012-ci il tarixinədək öz elmi məqalələri ilə Magistratura Merkezi, Fakulte Tələbə Elmi Cəmiyyətinin sedri Heyder Abishova (176-ci qrup) müraciət edə bilərlər.

Hörmətli magistrlar, 29.02.2012-ci il tarixində Azərbaycan Dövlət İqtisad Universitetinin Akt zakında “Modernləşən İqtisadiyyata Doğru” mövzusunda magistrların 2012-ci il üçün ilk konfransı keçiriləcək. Konfransda iştirak etmək istəyən magistrlar adı aşağıda göstərilən koordinatora öz tezisləri ilə müraciət etsinlər. Tezis standartlara uyğun olaraq, 3 səhifə, A4 formatında, 14 ölçülü şriftlə, 1.5 intervalında olmalıdır. Tezislərin slide ilə birgə son verilmə tarixi 25.02.2012-ci il tarixi müəyyən edilmişdir.
Konfransda özünün fəal, elmtutumlu və dərin məzmunlu çıxışlarına görə fərqlənən magistrlarımız diplom və sertifikatlara layiq görüləcəklər.
Hər birinizə uğurlar!!!

Koordinator: Abışov Heydər (176-cı qrup)
Əlaqə nömrələri: (050) 766 11 33; (055) 291 97 75
Elektron ünvan: [email protected]

07 fevral 2012-ci il tarixində Azərbaycanın Baden-Vürttemberqerdəki (AFR) fəxri konsulu Otto Hauzer və Münxen Texniki Universitetinin professoru Məsud Əfəndiyev universitetimizin qonağı oldular. Muzakire xarakteri dashiyan tedbirde Magistratura Merkezi, Fakulte Telebe Elmi Cemiyyetinin sedri Abishov Heydar (176-ci qrup), sedr muavini Memmedov Elcin (44-cu qrup), Magistratura Merkezi, Fakulte telebe gencler teshkilatinin sedri, Abdullayev Vuqar (634-cu qrup), diger aktiv magistrlarimizdan Hesenova Farida (44-cu qrup), Huseynova Esma (820-ci qrup), Huseynova Rena (1016-ci qrup), Babayeva Nazli (880-ci qrup) ve Ferecova Selcan (328-ci qrup) istirak etdiler. Magistrlarimizin fexri qonaqlarimiza vermish oldugu suallara Azərbaycanın Baden-Vürttemberqerdəki (AFR) fəxri konsulu Otto Hauzer və Münxen Texniki Universitetinin professoru Məsud Əfəndiyev cavablandirdilar.