03/05/2026
Çalışdığım qədər yazını qısa saxlayacağam. Amma bu sahədə real biliyi və təcrübəsi olmayan şəxslərin əsassız iddialarını və vədlərini çox görürəm.
İlk olaraq, 3 aya öyrən”, “3 aya sərbəst danış” və s. — bu, ümumiyyətlə real deyil. İngilis dili çox geniş və çoxşaxəli bir sistemdir. Bir dili sıfırdan başlayaraq 3 və ya 6 aya C1 və ya C2 səviyyəsinə çatdırmaq mümkün deyil.Bəzən deyirlər ki, “filan metodumuz ”ilə sənə İngilis dilini öyrədəcəyik.Soruşa bilərəm o metodu tərbit etmək üçün hansı dilçilik təhsiliniz var? Hansı dilçilik İnistutlarında təcrübə keçmisiniz? Əslində isə effektivliyi sübut olunmuş bir neçə metod mövcuddur. Məsələn, Content and Language Integrated Learning (CLIL), PPP metodu (Presentation, Practice and Production) və s. Hər kəs dil öyrənmə metodu hazırlaya bilməz. Bunun üçün güclü dilçilik və metodika təhsili almaq, xüsusilə də dilçilik institutlarında ixtisaslaşmaq lazımdır. Eyni zamanda, bu sahədə kifayət qədər təcrübəyə sahib olmaq vacibdir. Təxmin etdiyiniz kimi bunu Azərbaycanda etmək mümkünsüzdür)
Növbəti iddia: “Danışaraq öyrən!”
Bu yanaşmanı bu formada təqdim etmək düzgün deyil. Əlbəttə, danışmaq vacibdir, amma danışa bilmək üçün kifayət qədər input (dinləmə və oxu) olmalıdır. İstənilən insan dili əsasən məruz qalaraq öyrənir. Bu mövzu haqqında daha əvvəl yazmışam, oxuya bilərsiniz səhifəyə keçid edərək.
“3000–4000 söz bilsəniz, axıcı danışa bilərsiniz” — bu da reallığı əks etdirmir. Bu qədər sözlə müəyyən ünsiyyət qurmaq mümkündür, lakin rahat və axıcı danışıq üçün daha geniş söz bazası lazımdır. B2 səviyyəsində danışmaq, başa düşmək və yazmaq üçün təxminən 8–10 min söz biliyi tələb olunur.
Bir dil səviyyəsini 2 aya bitir. Hər kəsin dil öyrənmə potensialı və qavrama qabiliyyəti fərqlidir. Burada isə bir çox faktor var. Məsələn, neuroplasticity, beynin öyrənməni təmin edən hissəsi — hippocampus-un ölçüsü və s. Bundan əlavə olaraq isə tələbənin disiplini, məsuliyyəti və vaxt ayırması. Yəni heç bir mərkəz sizə deyə bilməz ki, qoşul və 2 yaxud 3 aya dil səviyyəsini bitir.
Siz də eşitdiyiniz kurs yalanlarını yazın🫠
Ən əsası deyin görək ikinci hissəsini paylaşım?
