Bakı şəhəri, Tofiq İsmayılov adına 6 nömrəli lisey PHŞ

22/07/2026

Bakı şəhər 6 nömrəli liseyin 4D sinif şagirdi Alpər Quluzadə Vinq Çun döyüş sənəti üzrə növbəti uğura imza atdi - Azərbaycan Vinq Çun Federasiyasının keçirdiyi imtahandan uğurla keçərək l səviyyə üçün beynəlxalq dərəcəli sertifikata layiq görülmüşdür.

17/07/2026

T.İsmayılov adına 6 nömrəli liseyin 4d sinif şagirdi Muhamməd Hüseynov suya tullanma üzrə yeniyetmələrdən ibarət Azərbaycan millisinin üzvüdür. O, 16 iyul 2026-ci il tarixində Bolqarıstanda keçirilən "Sofia diving cup" beynəlxalq turnirdə iştirak edib. Muhamməd Hüseynov oğlanlar arasında E qrupu üzrə 3 metr tramplindən tullanma növündə 95.35 xal toplayaraq gümüş medal qazanıb. Şagirdimizi ürəkdən təbrik edirik. Sinif rəhbəri- Yusufova Kəmalə.

04/07/2026

29/06/2026

14–27 iyun 2026-cı il tarixlərində İtaliyanın Montesilvano şəhərində 14, 16 və 18 yaşadək qızlar və oğlanlar arasında şahmat üzrə dünya çempionatı keçirilib.

Azərbaycan şahmatçısı növbəti qızıl medala imza atıb. 16 yaşadək oğlanlar arasında mübarizə aparan gənc istedad Xaqan Əhməd dünya çempionu olub.

Turnir boyu inamlı və yüksək səviyyəli oyun nümayiş etdirən 14 yaşlılar arasında Avropa çempionu Xaqan Əhməd son – 11-ci turda FIDE təmsilçisi Qleb Şeqlovu məğlub edib. 11 turdan sonra aktivində 9,5 xal toplayan Xaqan karyerasında ilk dəfə dünya çempionu tituluna yiyələnib.

83 ölkədən 750-dən çox şahmatçının iştirak etdiyi dünya çempionatında Azərbaycan təmsilçisi fəxri kürsünün ən yüksək pilləsinə yüksəlib. Xaqanın şərəfinə Azərbaycan Respublikasının Dövlət Himni səsləndirilib, üçrəngli bayrağımız isə ən yüksəkdə dalğalanıb.

25/06/2026

"Səslərimiz birləşsin" məktəblilər arasında birinci xor festivalı keçirilmişdir. Elm və Təhsil Nazirliyinin həyata keçirdiyi "Elm və təhsil sahəsində ictimai təşəbbüslərin dəstəklənməsi"qrant müsabiqəsi çərçivəsində Qala konsertdə məktəbimizin " Odlar Yurdu" xor kollektividə iştirak edib. Şagirdlərimizə və kollektivin rəhbəri Xuraman Təhməzovaya təşəkkür edirik.

25/06/2026

Bu gün cari tədris ilinin yekununa həsr olunmuş pedaqoji şura iclası keçirilmişdir.
Iclasda çıxış edən məktəbin direktoru Gülşən xanım Orucova pedaqoji kollektivə təşəkkür edərək növbəti tədris ilində qarşıda duran məsələləri vurğulamışdır.

23/06/2026

23/06/2026

Doğma Şuşamızın Uşaq - Gənclər İdman Məktəbinin gimnastika üzrə təmsilçisi 5a sinif şagirdi Kamilla Bağırova məktəblilərin Respublika İdman Olimpiadası yarışlarında III yerə layiq görülüb. Kamillanı təbrik edir, ona bu yolda uğurlar arzulayırıq.