Bakı şəhəri, Tofiq İsmayılov adına 6 nömrəli lisey PHŞ

https://youtu.be/G5JEBDvXNvo?si=YznlpubHlh-igcWu

"Baharın Balaca Səsləri" - 1 N - (Novruz - 2026) Ssenarini icazəsiz köçürüb istifadə etmək qadağandır.Bakı şəhəri T. İsmayılov adına 6 №-li liseyin 1 N sinif şagirlərinin təqdimatında "Baharın Balaca Səslər...

Liseyin psixoloqu Aqil Mübariz 4b, 4c, 4n siniflərində Emosional zəkanın inkişafı və çətinliklərin aşılması üzrə şagirdlərlə psixoloji təlim təşkil etmişdir.

2-7 Mart tarixlərində 5 Mart - Bədən Tərbiyəsi və İdman Günü ilə əlaqədar Məktəbəqədər və Ümumi Təhsil üzrə Dövlət Agentliyinin müvafiq əmrinə əsasən T.İsmayılov adına 6 nömrəli liseydə " İdman həftəsi" keçirilir. Layihə çərçivəsində təsdiq edilmiş proqrama, eyni zamanda fəaliyyət planına uyğun olaraq şagirdlərimizin iştirakı ilə gündəlik gimnastik hərəkətlər, müsabiqə və yarışlar, maarifləndirici görüşlər və digər tədbirlər keçirilir.
Belə tədbirlər təhsilalanların sağlamlığının möhkəmləndirilməsi, fiziki inkişafının təmin edilməsi, müsbət emosional mühitin formalaşdırılması, müxtəlif idman növlərinə marağın artırılması və sağlam həyat tərzinin təbliği baxımından xüsusi əhəmiyyət kəsb edir.

Martın 5-də Bakı Ali Neft Məktəbində “Sabahın alimləri” XV Respublika layihə müsabiqəsinin mükafatlandırma mərasimi keçirilib.
İştirakçılar 16 qızıl, 35 gümüş, 56 bürünc medal olmaqla ümumilikdə 107 medal qazanıblar. Münsiflərin təsis etdiyi 6 ədəd "Xüsusi mükafat" da sahiblərinə verilib. Ən çox uğur qazanan layihələr ekologiya, fizika, riyaziyyat, kimya, robototexnika, sağlamlıq sahələrini əhatə edib.
Sevindirici haldır ki, qaliblər sırasında liseyimizin 9d sinif şagirdi Əhmədbəyli Mikayıl və 10m sinif şagirdi İbrahimova Banu “Slanid tərkibli mədən sənayesi tullantı sularının radiasiya və fotokimyəvi və tənzimlənməsi:Süni intellekt əsaslı üzən robot” lahiyəsi ilə 1-ci yerə Qızıl medal, Əhməd Naib 2-ci yerə Gümüş medal,10 b sinif şagirdləri Vahabzadə Ayan və Nəsibli Kənan “PlazmoShield – Pilotsuz Aparatlar üçün Radar və Lidar əleyhinə plazmonik müdafiə” lahiyəsi 3-cü yerə Bürünc medala layiq görülmüşlər.
Gənc alimlərimizi ürəkdən təbrik edir, onlara yeni-yeni uğurlar arzu edirik!