Azərbaycan müəllimi

Azərbaycan müəllimi Elm və Təhsil Nazirliyi / "Azərbaycan müəllimi" qəzeti redaksiyası “Azərbaycan müəllimi” qəzetininin rəsmi facebook səhifəsi.

Qəzet həftənin cümə günü nəşr edilir.

1934-cü il sentyabrın 2-də “ Kommunist maarifi” qəzeti nəşrə başladı. Qəzet “mədəni inqilab”ın əsas təbliğat vasitələrindən olmaqla respublikada milli elmi–pedaqoji kadrların formalaşmasına yaxından kömək edir, xalq maarifinin, təhsilin inkişafında müstəsna rol oynayırdı. Sırf pedaqoji məsələlərə daha geniş yer ayırdığı üçün 1938-ci ildə qəzetin adı dəyişdiri

lərək “Müəllim qəzeti” adlandırıldı.
1946-cı ilin aprelindən “Azərbaycan müəllimi” adı ilə yenidən nəşrə başlayan qəzet sonrakı illərdə də öz üslubuna, dəst-xəttinə, başlıcası isə məramına və amalına sadiq qalıb. Onu çoxminli oxucu auditoriyasına sevdirən də məhz bu keyfiyyətlərdir. Artıq 90 ildir ki, qəzet təhsil strategyası üzrə aparılan işlər və fəaliyyət, müəllimlərin metodiki yazıları, təhsil ekspertlərinin fikirləri, təhsil sahəsində aparılan islahatlar haqqında mütəzəm olaraq öz oxucularını məlumatlandırır. Qəzetə abunə olmaq istəyənlər "Azərmətbuat yayım", "Kaspi" və “Qaya” Mətbuat yayımlarının abunə şöbəsinə zəng vurub abunə ola bilərlər. Qəzetin internet saytı oxucu auditoriyasının daha da genişlənməsinə, pedaqoji maarifçilik, təhsil islahatlarının ictimaiyyətə çatdırılması işinin səmərəliliyinin artırılmasına müsbət təsir göstərir.

🎓 “Heç vaxt gec deyil” – 3 övlad anasının tələbəlik arzusu gerçəkləşdi!Ailə, uşaqlar və gündəlik qayğılar... Kənarə Must...
07/09/2026

🎓 “Heç vaxt gec deyil” – 3 övlad anasının tələbəlik arzusu gerçəkləşdi!

Ailə, uşaqlar və gündəlik qayğılar... Kənarə Mustafazadə bütün bunların arasında oxumaq arzusunu heç vaxt unutmadı, sadəcə təxirə saldı.

İllər sonra yenidən özünə şans verən 3 övlad anası Naxçıvan Dövlət Universitetinin Tarix fakültəsinə qəbul olub. 📚

Kənarə deyir ki, bu qərarı həm özünü inkişaf etdirmək, həm də övladlarına nümunə olmaq üçün verib:

💬 “Uşaqlarıma ‘istəsəniz, heç vaxt gec deyil’ deyə bilmək istəyirdim”.

Bu yolda ən böyük çətinliyi isə zaman bölgüsü olub. Uşaqları yatandan sonra dərs oxuyub, gün ərzində imkan yaranan kimi hazırlıqlarına vaxt ayırıb. Yorulduğu anlarda isə məqsədini xatırlayıb.

Ətraflı: https://muallim.edu.az/ozume-sans-vermek-qerarina-geldim-3-usaq-anasi-olan-telebe

07/09/2026

🔥 Kimyadan “Əjdaha alovu” təcrübəsi

Dövlət Proqramı təqaüdçüsü Tuncay Seyidəlinin təsisçisi olduğu "Mnemoria" startapı "Claude" süni intellekt modelinin yar...
07/09/2026

Dövlət Proqramı təqaüdçüsü Tuncay Seyidəlinin təsisçisi olduğu "Mnemoria" startapı "Claude" süni intellekt modelinin yaradıcısı "Anthropic" şirkətinin "Claude for Startups" proqramına qəbul edilib.

Proqram yeni yaradılan startaplara "Claude" ekosistemi ilə daha yaxından işləmək, "Claude" məhsullarını inkişaf etdirən komanda ilə əlaqə qurmaq, yeni texnoloji imkanlardan erkən yararlanmaq və oxşar problemlər üzərində çalışan təsisçilər icmasına qoşulmaq imkanı təqdim edir.

Ətraflı: https://muallim.edu.az/dp-teqaudcusunun-tesiscisi-oldugu-layihe-claudeun-startap-proqramina-secilib

Ordubad rayonu Düylün kənd tam orta məktəbinin məzunu Əhməd Hüseynov 627 balla Naxçıvan Dövlət Universitetinin "Kompüter...
07/09/2026

Ordubad rayonu Düylün kənd tam orta məktəbinin məzunu Əhməd Hüseynov 627 balla Naxçıvan Dövlət Universitetinin "Kompüter mühəndisliyi" ixtisasına qəbul olunub. Lakin diqqət çəkən əsas məqam təkcə onun yüksək bal toplaması deyil, imtahan qaydalarındakı xüsusi fürsətdən yararlanaraq əldə etdiyi nəticədir.

O, aprelin 19-da keçirilən buraxılış imtahanında 300 bal toplasa da, rəsmi olaraq maksimun bal toplayan məzun kimi elan olunmamışdı. Səbəb isə abituriyentin məktəbdə tədris olunan xarici dildən fərqli bir dil üzrə imtahan verməsi idi.

Qaydalara əsasən, bu bal onun universitet müsabiqəsində tam nəzərə alınıb. Beləliklə, buraxılış imtahan nəticəsinə görə, 300, blok imtahanından isə 327 toplayan Əhməd qəbul balını 627-yə yüksəldib. Abituriyent bu bal ilə arzuladığı ixtisasa qəbul olub.

Ətraflı: https://muallim.edu.az/300-bali-siyahida-yox-idi-amma-qebulda-nezere-alindiehmed-627-balla-telebe-oldu

Dünən cari ilin buraxılış imtahanlarında üzrlü səbəbdən iştirak edə bilməyən şagirdlər üçün əlavə imtahan keçirilib.Bu b...
07/09/2026

Dünən cari ilin buraxılış imtahanlarında üzrlü səbəbdən iştirak edə bilməyən şagirdlər üçün əlavə imtahan keçirilib.

Bu barədə Dövlət İmtahan Mərkəzinin İdarə Heyətinin sədri Məleykə Abbaszadə özünün sosial media hesabında paylaşım edib.

Paylaşımda deyilir:

"İlk baxışdan 388 şagird üçün ayrıca imtahanın təşkili sadə görünə bilər. Əslində isə bu, yeni imtahan materiallarının hazırlanması, imtahan binalarının ayrılması, rəhbər və nəzarətçilərin cəlb edilməsi, təhlükəsizlik və digər təşkilati proseslərin yenidən qurulması deməkdir.

Bəs bütün bunlar niyə edilir?

Çünki buraxılış imtahanı hər bir şagirdin gələcək təhsil yolunda əhəmiyyətli mərhələlərdən biridir və üzrlü səbəbdən əsas imtahanda iştirak edə bilməməsi onun attestat almaq imkanından məhrum olması ilə nəticələnməməlidir.

Ətraflı: https://muallim.edu.az/meleyke-abbaszade-dunen-kecirilen-imtahandan-yazdi

📚 Dərs cədvəli necə hazırlanır? Fənlərin ardıcıllığını kim müəyyənləşdirir?Məktəb illərində son dərsin bədən tərbiyəsi o...
07/09/2026

📚 Dərs cədvəli necə hazırlanır? Fənlərin ardıcıllığını kim müəyyənləşdirir?

Məktəb illərində son dərsin bədən tərbiyəsi olmasına sevinən, riyaziyyatdan sonra fizika dərsinə girdiyini biləndə məyus olan çoxumuz yəqin ki, bu sualın cavabını düşünməmişik.

Əslində isə dərs cədvəlinin hazırlanmasının müəyyən prinsipləri var. Fənlərin ardıcıllığı şagirdlərin gündəlik və həftəlik əqli iş yükü nəzərə alınmaqla müəyyənləşdirilir.

Bəs dərs cədvəlini kim hazırlayır və fənlərin düzgün ardıcıllığı necə müəyyən edilir?

🔎Yazımızda bu suallara cavab verilir və 261 nömrəli məktəb-liseyin təlim-tərbiyə işləri üzrə direktor müavini Samirə Məhərrəmovanın dərs cədvəlinin hazırlanması ilə bağlı təcrübəsi təqdim olunur.

Ətraflı: https://muallim.edu.az/kas-sonuncu-ders-beden-terbiyesi-olsaydi-mektebde-ders-cedveli-nece-qurulur

Dünyanın ən nüfuzlu alimlərinin yeni reytinqi açıqlanıb. Research.com platformasının 2025/2026-cı il üzrə hazırladığı “B...
07/09/2026

Dünyanın ən nüfuzlu alimlərinin yeni reytinqi açıqlanıb. Research.com platformasının 2025/2026-cı il üzrə hazırladığı “Best Scientists in the World” siyahısında müxtəlif elm sahələrini təmsil edən 279 971 alim qiymətləndirilib.

Siyahı alimlərin elmi fəaliyyətinin miqyası, nəşrlərinin təsiri və istinad göstəriciləri əsasında hazırlanıb.

Research.com-un 2026-cı il reytinqinə əsasən, azərbaycanlı professor Abdullah H. Sofiyev mexanika və aerokosmik mühəndislik sahəsində Azərbaycandan reytinqə düşən alimlər arasında birinci yerdə qərarlaşıb.

İstanbul Ticarət Universitetinin professoru A. Sofiyevin mexanika və aerokosmik mühəndislik istiqamətində göstəriciləri kifayət qədər ciddi elmi nəticə kimi qiymətləndirilir.

Ətraflı: https://muallim.edu.az/dunyanin-en-yaxsi-alimleri-aciqlanibazerbaycanli-alim-ilk-siralarda

Sentyabrın 5-də Azərbaycan Texniki Universitetinin 1981-ci il məzunlarından ibarət bir qrup 45 ildən sonra doğma univers...
07/09/2026

Sentyabrın 5-də Azərbaycan Texniki Universitetinin 1981-ci il məzunlarından ibarət bir qrup 45 ildən sonra doğma universitetlərini ziyarət edib.

Məzunlar AzTU-nun rektoru Vilayət Vəliyevlə görüşərək tələbəlik illərindən söz açıb, həmin dövrə aid xoş xatirələrini bölüşüblər.

Görüş zamanı qeyd olunub ki, məzunlar 1981-ci ildə AzTU-nun sənaye elektronikası ixtisasını bitiriblər. Bu il həm də onların AzTU-ya qəbul olunmaqlarından 50 il ötür.

Uzun illər sonra təhsil aldıqları universitetdə olmaqdan böyük qürur və sevinc hissi keçirdiklərini bildirən məzunlar AzTU-nun ötən illər ərzində keçdiyi inkişaf yolunu və hazırda əldə etdiyi uğurları böyük fəxrlə izlədiklərini vurğulayıblar.

Ətraflı: https://muallim.edu.az/aztu-mezunlari-45-il-sonra-universitetlerini-ziyaret-edibler

Sumqayıt şəhərində Abşeron-Xızı rayonları üzrə təhsil işçilərinin yekun sentyabr konfransı keçirilib.Tədbirdə Abşeron-Xı...
07/09/2026

Sumqayıt şəhərində Abşeron-Xızı rayonları üzrə təhsil işçilərinin yekun sentyabr konfransı keçirilib.

Tədbirdə Abşeron-Xızı Regional Təhsil İdarəsinin müdiri İlhamə Abdullayeva, İdarənin müavinləri Aydın Rəhimov, Aynur Rüstəmova, yerli təhsil sektorlarının müdirləri, ümumi təhsil müəssisələrinin direktorları, məktəbəqədər təhsil müəssisələrinin rəhbərləri və təhsil işçiləri iştirak ediblər.

Konfrans yeni 2026–2027-ci tədris ilinin başlanması münasibətilə təhsil ictimaiyyətinin iştirakı ilə təşkil olunub.

Ətraflı: https://muallim.edu.az/sumqayitda-tehsil-iscilerinin-yekun-sentyabr-konfransi-kecirilib

Address

Bakı şəhəri, Nərimanov Rayonu, Fətəli Xan Xoyski 109A
Baku
AZ1052

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Website

, , ,

Alerts

Be the first to know and let us send you an email when Azərbaycan müəllimi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category