Azərbaycan müəllimi

🔭 Ümumi təhsil müəssisələrinin IX–XI sinif şagirdləri və xüsusi istedadı ilə seçilən VIII sinif şagirdləri arasında keçirilən VI Azərbaycan Astronomiya Olimpiadasının qalibləri elan olunub.

✅ İlk turda ümumi balın ən azı 65%-ni toplayan şagirdlər final mərhələsinə dəvət alıblar.

ℹ️ Olimpiadanın final mərhələsinin qalibləri medal və hədiyyələrlə mükafatlandırılacaq, həmçinin bu il Vyetnamda keçiriləcək XIX Beynəlxalq Astronomiya və Astrofizika Olimpiadasına hazırlıq dərslərinə dəvət olunacaqlar.

Ətraflı: https://muallim.edu.az/vi-azerbaycan-astronomiya-olimpiadasinin-qalibleri-elan-olunub

Bakı Slavyan Universitetində pedaqogika üzrə fəlsəfə doktoru, Əməkdar müəllim, dosent Ənvər Abbasovun 75 illik yubileyinə həsr olunan “Təhsil innovasiyaları müstəvisində” mövzusunda konfrans keçirilib.

Ətraflı: https://muallim.edu.az/bsu-da-enver-abbasovun-75-illiyine-hesr-olunan-konfrans-kecirilib

📌 Azərbaycan Texniki Universitetində universitetin struktur bölmələrinin fəaliyyətinin daha səmərəli planlaşdırılması, idarə olunması və qiymətləndirilməsi məqsədilə hazırlanmış süni intellekt əsaslı plan-hesabat elektron patformasının təqdimatı keçirilib.

🌐 Yeni platforma universitetin struktur bölmələrinin illik fəaliyyət planlarının hazırlanması, icrasının monitorinqi və nəticələrinin qiymətləndirilməsi üçün vahid rəqəmsal mühit yaradır.

✅ Süni intellekt texnologiyalarından istifadə edən sistem fəaliyyət istiqamətlərinin müəyyənləşdirilməsi, məqsəd və hədəflərin planlaşdırılması, icra göstəricilərinin izlənilməsi və nəticələrin təhlili proseslərini dəstəkləyir.

Ətraflı: https://muallim.edu.az/aztu-da-suni-intellekt-esasli-plan-hesabat-elektron-patformasinin-teqdimati-olub

📌 Elm və təhsil naziri Emin Əmrullayev 2022–2028-ci illər üçün Dövlət Proqramı (DP) çərçivəsində dünyanın nüfuzlu ali təhsil müəssisələrində kompüter elmləri, informasiya texnologiyaları, statistika və verilənlərin təhlili, süni intellekt, eləcə də mühəndislik istiqamətləri üzrə təhsil almış bir qrup gənclə görüşüb.

Müzakirələr zamanı gənclərin peşəkar inkişaf perspektivləri, yüksək texnologiyalar sahəsində mövcud imkanlar, innovativ təşəbbüslərin təşviqi, eləcə də işğaldan azad edilmiş ərazilərdə həyata keçirilən bərpa və yenidənqurma layihələrində iştirak imkanları ətrafında fikir mübadiləsi aparılıb.

Ətraflı: https://muallim.edu.az/nazir-reqemsal-texnologiyalar-sahesi-uzre-dp-mezunlari-ile-gorusub

🗓️ Bu gün ölkə üzrə bütün dövlət ümumi təhsil müəssisələrinin VI siniflərində monitorinq keçirilib.

Builki sertifikasiya imtahanında iştirak edəcək bir qrup müəllim ilə həmsöhbət olduq.

Müxtəlif təcrübəyə və pedaqoji yola malik müəllimlərin fikirləri göstərir ki, sertifikasiya imtahanı hər kəs üçün fərqli məna daşısa da, ümumi məqsəd eynidir: özünü inkişaf etdirmək və təhsilin keyfiyyətini artırmaq.

Bəzi müəllimlər üçün bu proses öz biliklərini yoxlama vasitəsidirsə, digərləri üçün peşəkar yüksəliş və məsuliyyətin artırılması deməkdir.

Lakin bütün müəllimlərdə ortaq fikir ondan ibarətdir ki, sertifikasiya imtahanı müəllimlik peşəsinin daha şəffaf, obyektiv və inkişafyönümlü olmasına xidmət edir.

Ətraflı: https://muallim.edu.az/bu-imtahan-muellimi-deyisirmi-sertifikasiyaya-baxis

İyunun 15-də Super Təzə Ay (Super New Moon) müşahidə olunacaq. Bu hadisə Ayın həm Təzə Ay fazasında olması, həm də Yerə minimum məsafəyə – perigey nöqtəsinə çox yaxın yerləşməsi ilə xarakterizə olunur.

Bakı Dövlət Universitetinin Fizika fakültəsinin Astrofizika kafedrasından "Azərbaycan müəllimi"nə verilən xəbərə görə, Ay iyunun 15-i Bakı vaxtı ilə saat 03:19-da perigey nöqtəsindən keçəcək, bu zaman onun Yerə qədər məsafəsi 357 195 km olacaq. Cəmi bir neçə saat sonra, saat 06:56-da Ay Təzə Ay fazasına daxil olacaq. Perigey ilə Təzə Ay arasındakı zaman fərqi təxminən 3 saat 37 dəqiqə təşkil etdiyindən, bu hadisə astronomiyada Super Təzə Ay adlandırılır. İndiyədək qeydə alınan ən yaxın Super Təzə Ay hadisələrindən biri 22 yanvar 2023-cü ildə baş verib. Bu zaman Ay Yerə təxminən 356 568 km məsafəyə qədər yaxınlaşıb.

Təzə Ay zamanı Ay Yer ilə Günəş arasında yerləşir və onun işıqlanan tərəfi Yerə əks istiqamətdə olduğundan Ay səma üzərində görünmür. Buna baxmayaraq, bu faza astronomik baxımdan böyük əhəmiyyət daşıyır. Ayın görünməməsi gecə səmasını daha qaranlıq edir və zəif dərin səma obyektlərinin – qalaktikaların, ulduz topalarının və dumanlıqların müşahidəsi üçün əlverişli şərait yaradır.

Ətraflı: https://muallim.edu.az/iyunun-15-de-super-teze-ay-hadisesi-bas-verecek

Belçikada təhsil sahəsində nəzərdə tutulan büdcə ixtisarları və təhsil haqlarının artırılması müəllim və tələbələrin kütləvi etirazlarına səbəb olub. Brüsseldə keçirilən aksiyalar zamanı polis ilə etirazçılar arasında qarşıdurma yaşanıb.

Narazılığa hökumətin təhsil xərclərini 300 milyon avro azaltmaq, təhsil haqlarını təxminən üçdəbir artırmaq və müəllimlərin iş yükünü əlavə ödəniş olmadan artırmaq planları səbəb olub.

Ətraflı: https://muallim.edu.az/belcikada-muellim-ve-telebeler-etiraz-aksiyasi-keciribler

Elm və təhsil naziri Emin Əmrullayevin müvafiq əmri ilə Elçin Vəliyev Geologiya İnstitutuna direktor müavini təyin olunub. Həmin əmrlə ona institutun direktor vəzifəsinin səlahiyyətlərini müvəqqəti icra etmək tapşırılıb.

"Azərbaycan müəllimi" xəbər verir ki, iyunun 5-də Elm və Ali Təhsil üzrə Dövlət Agentliyinin direktoru Ülkər Səttarova Elçin Vəliyevi İnstitutun kollektivinə təqdim edib.

Görüş çərçivəsində institutun elmi potensialının gücləndirilməsi, innovativ tədqiqatların təşviqi, beynəlxalq elmi əməkdaşlığın genişləndirilməsi və elmi nəticələrin tətbiqi məsələləri müzakirə olunub. Həmçinin qarşıda duran vəzifələr və prioritet istiqamətlər diqqətə çatdırılıb. Sonda kollektivin sualları cavablandırılıb.

Ətraflı: https://muallim.edu.az/geologiya-institutunun-direktor-evezi-kollektive-teqdim-edilib