Azərbaycan Tibb Universiteti

"Startup School 4: Beş qitə - 500 startap" proqramının infosessiyası!🚀

Əziz tələbələr və gənc tədqiqatçılar!
Sizi innovativ ideyalarınızı real biznes həllərinə çevirməyə, qlobal miqyasda startap ekosisteminə inteqrasiya etməyə dəvət edən *"Startup School 4"* proqramının təqdimat infosessiyasına dəvət edirik!

📌*Bu sessiyada nələri öyrənəcəksiniz?*
- Proqramın təqdim etdiyi geniş imkanlar və iştirak şərtləri;
- Təcrübəli mentorlarla və investorlarla əməkdaşlıq perspektivləri;
- Startap ideyalarının düzgün formalaşdırılması və biznes modellərinin qurulması;
- Qlobal bazarlara inteqrasiya imkanları və maliyyə resurslarına çıxış.

📍*Tədbir haqqında məlumat:*
*Tarix:* 1 may 2026-cı il
*Saat:* 16:15
*Məkan:* Azərbaycan Tibb Universiteti, 2 saylı tədris korpusu, 5-ci mərtəbə

*Qeydiyyat linki:*
https://forms.gle/wvj2HBMF3EdTxwm77

İnnovasiya və sahibkarlıq dünyasında öz sözünüzü demək üçün bu fürsəti qaçırmayın!
*_Hər birinizi gözləyirik!_*✨

▪️ TEC-in fakültələr üzrə növbəti konfransı Əczaçılıq fakültəsində keçirilib

https://amu.edu.az/news/5720/tec-in-fakulteler-uzre-novbeti-konfransi-eczaciliq-fakultesinde-kecirilib

▪️ ATU-nun əməkdaşları beynəlxalq elmi-praktik konfransda iştirak ediblər

Azərbaycan Tibb Universitetinin Fizioterapiya və tibbi reabilitasiya kafedrasının müdiri, dosent Paşa Mehdiyev, professor Nadir Hüseynov, professor Sədaqət Hüseynova, dosent Sədaqət Quliyeva Özbəkistan Respublikasının paytaxtı Daşkənd şəhərində “Tibbi Reabilitasiya elmi tədqiqat və kliniki praktikaya müasir yanaşmalar" adlı beynəlxalq elmi-praktik konfransda iştirak ediblər.

Konfrans zamanı professor N.Hüseynov "Azərbaycanda Revmatik xəstəliklərin reabilitasiyasının təşkili", professor S.Hüseynova "İnsultdan sonrakı pozğunluqların reabilitasiyasında beyinin sabit cərəyanla transkranial stimulyasiyası" mövzusunda çıxışları maraqla qarşılanıb. Eyni zamanda kafedra müdiri P.Mehdiyev "İmkanları məhdudiyyətli insanların reabilitasiyasında yeni imkanlar" mövzusunda keçirilən Plenar iclasına moderatorluq edib.

▪️ ATU-da akademik Zərifə Əliyevanın 103 illiyinə həsr olunmuş “İşığa baxış” adlı oftalmologiya konfransı keçirilib

https://amu.edu.az/news/5719/atu-da-akademik-zerife-eliyevanin-103-illiyine-hesr-olunmus-isiga-baxis-adli-oftalmologiya-konfransi-kecirilib

“Sağlamlıq və Texnologiyanın Zirvəsi” adlı beynəlxalq konfrans Səhiyyə Nazirliyinin Elmi Tibbi Şurası tərəfindən akkreditasiya edilib

“Şəhərsalma və Memarlıq İli” çərçivəsində Azərbaycan Tibb Universiteti tərəfindən təşkil olunan “Sağlamlıq və Texnologiyanın Zirvəsi” adlı beynəlxalq konfrans Səhiyyə Nazirliyinin Elmi Tibbi Şurası tərəfindən 12 DTT, konfrans çərçivəsində təşkil olunacaq kurslar isə 2 DTT balla qiymətləndirilərək akkreditasiya edilib. Bu, rəsmi qeydiyyatdan keçən hər kəsə şamil olunur.
Konfrans 6–8 May 2026-cı il tarixlərində Azərbaycan Tibb Universitetində keçiriləcək.

“Sağlamlıq və Texnologiyanın Zirvəsi” adlı beynəlxalq konfransın elmi proqramı yayımlanıb

6–8 May 2026-cı il tarixlərində Azərbaycan Tibb Universitetində (ATU) keçiriləcək “Sağlamlıq və Texnologiyanın Zirvəsi” adlı beynəlxalq konfransın elmi proqramı artıq yayımlanıb.
10-dan artıq sessiya və 3 kursu əhatə edəcək konfransda “Daxili xəstəliklər üzrə yeniliklər və innovativ terapiya”, “Onkologiyada müasir yanaşmalar”, İctimai səhiyyə və sağlamlıq şəhər mühiti, inteqrativ yanaşmalar”, “Rəqəmsal tibb və süni intellektin klinik innovasiyalarda rolu”, “Fundamental morfologiya və tibb elminin inkişfı:yeni perspektivlər və tədqiqatlar” və s. kimi mövzu və istiqamətlər üzrə məruzələr dinləniləcək, təqdimatlar olunacaq və fikir mübadiləsi aparılacaq.
Xatırladaq ki, konfrans səhiyyə və texnologiya sahəsində son yeniliklər, innovativ yanaşmalar və elmi nailiyyətlərin müzakirə olunacağı böyük bir platformadır. Eyni zamanda bu tədbir yerli və beynəlxalq mütəxəssislər arasında əməkdaşlıq imkanlarının genişləndirilməsində əsaslı rol oynayacaq və bu əməkdaşlığın möhkəmləndirilməsinə töhfə verəcək.

Daha ətraflı: https://amu.edu.az/news/5717/saglamliq-ve-texnologiyanin-zirvesi-adli-beynelxalq-konfransin-elmi-proqrami-yayimlanib

PROQRAM:https://amu.edu.az/storage/files/1/100%20illik%20mikro/Memarliq%20ili_Elmi_Proqram_SON_27_APREL.pdf

▪️ Qrip kimi başlayıb ağciyərlərə enən təhlükə: Respirator Sinsitial Virus

Son dövrlərdə qripəbənzər simptomlarla müşayiət olunan respirator infeksiyaların artması fonunda Respirator Sinsitial Virus infeksiyası (RSV) yenidən klinik və ictimai sağlamlıq baxımından aktual mövzuya çevrilib.

Daha ətraflı: https://amu.edu.az/news/5716/qrip-kimi-baslayib-agciyerlere-enen-tehluke-respirator-sinsitial-virus

▪️ ATU-da Əczaçılıq fakültəsi tələbələrinin poster təqdimatları nümayiş olunub

Daha ətraflı: https://amu.edu.az/news/5714/atu-da-eczaciliq-fakultesi-telebelerinin-poster-teqdimatlari-numayis-olunub

▪️ Əməkdaşlarımız Urgenc Universitetində çıxış ediblər

Özbəkistanın Xivə şəhərində Urgenc Dövlət Tibb Universitetinin təşkilatçılığı ilə “İmmunologiya və klinik genetika. Orfan xəstəlikləri” adlı beynəlxalq elmi- praktik konfrans keçirilib.
10 ölkədən 500-dən artıq nümayəndənin iştirak etdiyi konfrans tibbin mühüm sahələri olan klinik immunologiya və genetikanın aktual problemlərinə həsr olunub. Konfransın əsas mövzusu bir çox panellərdə, eləcə də müxtəlif sessiyalarda müzakirəyə çıxarılıb. Konfransda xarici mütəxəssislərlə yanaşı, Özbəkistanın müxtəlif bölgələrindən immunoloqlar, immunologiya ilə maraqlanan pediatriya və daxili xəstəliklər mütəxəssisləri, revmatoloqlar, irsi-genetik xəstəliklər üzrə mütəxəssislər iştirak ediblər.
Birincili və ikincili immun çatışmazlıqlar, yeni diaqnoz qoyulmuş anadangəlmə immundefisitlər, həmçinin immun sisteminin tənzimlənməsinin pozulması nəticəsində baş verən autoinflamator, autoimmun və genetik xəstəliklərin patofiziologiyası, klinik gedişi, diaqnostikasındakı yeniliklər, laborator nəticələri və müalicəsi, immunoprofilaktika məsələlərinə dair bir-birindən maraqlı məruzələr dinlənilib, geniş diskussiyalar aparılıb.
Universitetimizi bu konfransda I Uşaq xəstəlikləri kafedrasının professoru Gülnarə Nəsrullayeva və II Uşaq xəstəlikləri kafedrasının dosenti Məleykə Kərimova təmsil ediblər. Professor G.Nəsrullayeva uşaqlarda anadangəlmə immundefisitlər, dosent M.Kərimova isə nadir genetik xəstəliklər haqda çıxış ediblər. Hər iki əməkdaşımıza təşəkkürnamə verilib.