27 nömrəli tam orta məktəb

19/06/2026

2025–2026-cı tədris ilinin yekun Pedaqoji Şurası keçirildi

Məktəbimizdə 2025–2026-cı tədris ilinin yekunlarına həsr olunmuş Pedaqoji Şura iclası keçirildi.

İclasda ötən tədris ili ərzində görülən işlər ətraflı təhlil edildi, təhsil göstəriciləri, şagird nailiyyətləri, müəllimlərin fəaliyyəti və həyata keçirilən layihələr müzakirə olundu. Eyni zamanda qarşıda duran vəzifələr müəyyənləşdirilərək yeni tədris ili üçün prioritet istiqamətlər barədə fikir mübadiləsi aparıldı.

Məktəbin rəhbərliyi tərəfindən il ərzində göstərdikləri səmərəli fəaliyyətə görə pedaqoji kollektivə təşəkkür bildirildi və gələcək fəaliyyətlərində uğurlar arzulandı.

Sonda yubileyini qeyd edən müəllimlərə Xətai Rayon Həmkarlar Komitəsi tərəfindən xatirə hədiyyələri təqdim olundu.

Bütün müəllimlərimizə əməklərinə görə minnətdarlığımızı bildirir, onlara sağlamlıq, xoş istirahət və yeni tədris ilində daha böyük nailiyyətlər arzulayırıq!

13/06/2026

13/06/2026

Bu gün 27 nömrəli məktəbdə "Son Zəng" tədbiri keçirildi.

Məzunlarımız məktəb həyatının ən unudulmaz səhifəsini bağlayaraq yeni bir həyata doğru ilk addımlarını atdılar. Tədbirdə şagirdlərin maraqlı çıxışları, musiqi nömrələri və kövrək anlar iştirakçılara yaddaqalan anlar yaşatdı.

Bütün məzunlarımızı ürəkdən təbrik edir, onlara gələcək həyatlarında uğurlar, sağlamlıq və yeni zirvələr arzulayırıq. Əziz müəllimlərimizə və valideynlərə isə göstərdikləri zəhmət və dəstəyə görə təşəkkür edirik.

Yolunuz hər zaman açıq, gələcəyiniz parlaq olsun,əziz məzunlarımız!

09/06/2026

📚 Uğura gedən yol zəhmətdən keçir! 🌟

Bu gün məktəbimizdə uğurun ünvanına çevrilən gənclərimizlə xüsusi bir görüş keçirildi. 9 və 11-ci sinif məzunlarımızdan 200-dən çox bal toplayan şagirdlər məktəb rəhbərliyi ilə bir araya gələrək gələcək hədəfləri, uğurun sirləri və qarşıdakı imtahan mərhələsi haqqında səmimi söhbət etdilər.

Direktorumuz şagirdlərimizin əldə etdiyi nəticələri yüksək qiymətləndirərək onların əzminə, zəhmətinə və inamına görə təşəkkür etdi. Bildirildi ki, bugünkü uğur sabahkı böyük nailiyyətlərin başlanğıcıdır.

Əziz məzunlarımız, hər biriniz məktəbimizin qürur mənbəyisiniz! Yolunuz daim işıqlı, uğurlarınız isə davamlı olsun!

✨ Uğur təsadüf deyil – zəhmətin ən gözəl mükafatıdır!

09/06/2026

🏆 Uğurumuzla qürur duyuruq!

Məktəbimizin 7Ç sinif şagirdi Cəfərzadə Banu Tural qızı beynəlxalq olimpiada və müsabiqələrdə qazandığı yüksək nailiyyətlərlə məktəbimizi uğurla təmsil etmişdir.
🥇 FISO Beynəlxalq İngilis Dili Yarışması – Beynəlxalq tur (Dubay, BƏƏ) Qızıl medal
🥈 HIPPO Beynəlxalq İngilis Dili Olimpiadası – Milli tur Gümüş medal
🥈 FISO Beynəlxalq İngilis Dili Yarışması – Milli tur Gümüş medal
🥉 Copernicus Fizika və Astronomiya Olimpiadası – Milli tur Bürünc medal
🥉 USA Olympiad (English) – Milli tur Bürünc medal
🥉 USA Olympiad (Math) – Milli tur Bürünc medal
Banu Cəfərzadəni qazandığı bu möhtəşəm uğurlar münasibətilə ürəkdən təbrik edir, ona gələcək yarışlarda və təhsil həyatında yeni-yeni nailiyyətlər arzulayırıq.

02/06/2026

1 İyun – Beynəlxalq Uşaqların Müdafiəsi Günü münasibətilə məktəbimizin hərbi rəhbəri Fərqanə Hüseynovanın təşkilatçılığı və şagirdlərin iştirakı ilə Azərbaycanın azad səması altında uşaqlarımızın xoşbəxt gələcəyi naminə canlarını fəda etmiş qəhrəman oğul və qızlarımızın əziz xatirəsi yad edildi.

Tədbirdə şəhidlərimizin göstərdiyi qəhrəmanlıq və vətənpərvərlik nümunəsindən bəhs olundu, onların əziz xatirəsinə ehtiram ifadə edildi.

Allah bütün şəhidlərimizə rəhmət eləsin!

🇦🇿🌹

01/06/2026

🏆 Uğurlarımız silsiləsindən✨️

🎨 2A sinif şagirdi Əziz Aydın
“Azərbaycanım” adlı 9-cu Beynəlxalq Uşaq və Gənclər Rəsm Festivalının qalibi olmuşdur.

4 E sinif şagirdləri:
⚽ Elyar Muradov
Bane CUP 2026 futbol turnirində çempion olaraq I yerə layiq görülmüşdür.

🏀 Rzazadə Cəlal
Təhsil Respublika İdman Mərkəzinin basketbol üzrə oğlanlar arasında keçirilən “Təhsil Kuboku” respublika turnirində I yer qazanmışdır.

🤼 Cəbbarlı Sami
Yunan-Roma və sərbəst güləş üzrə Ulu Öndər Heydər Əliyevin anadan olmasının 103-cü ildönümünə həsr olunmuş Astara şəhər turnirində I yer tutmuşdur.

🥋 Səfərzadə Radif
Aprel döyüşlərinə həsr olunmuş cüdo üzrə yeniyetmələr arasında keçirilən açıq birincilikdə I yerə layiq görülmüşdür.

🥋 Kazımov Mikayıl
Azərbaycan Karate Federasiyası və Gürcü İdman Klubunun təşkil etdiyi yarışda III yer qazanmışdır.

🎾 4F sinif şagirdi Eynullayev Samir
tennis üzrə;
🥇 Bakı birinciliyində — I yer
🥇 Respublika birinciliyində — I yer
🥈 Bakı birinciliyində — II yer qazanmışdır.
👏 Şagirdlərimizi əldə etdikləri nailiyyətlər münasibətilə təbrik edir, onlara gələcək fəaliyyətlərində yeni-yeni uğurlar arzulayırıq! 🌟🏆📚✨

25/05/2026

🇦🇿🪖 Fövqəladə Hallar Nazirliyinin təşkil etdiyi respublika üzrə məktəblərarası hərbi yarışda 27 saylı tam orta məktəbin 9B sinif şagirdləri maraqlı və həyəcan dolu bir gün yaşadılar!

Şagirdlərimiz yarış zamanı nizam-intizam, çeviklik, komanda işi və vətənpərvərlik ruhu ilə seçilərək öz bacarıqlarını nümayiş etdirdilər. Yarış iştirakçılar üçün həm maarifləndirici, həm də motivasiyaedici təcrübə oldu.

27 saylı tam orta məktəbin 9B sinfi göstərdiyi fəallıq və əzmkarlıqla məktəbimizi layiqincə təmsil etdi. Şagirdlərimizə yeni uğurlar arzulayırıq! 👏⭐

KomandaRuhu Uğur