R.Nəsrəddinov adına 39 saylı tam orta məktəb.

Bu gün siniflərdə Novruz bayramı münasibətilə şənlik keçirildi. Məktəbimizin direktoru Tahirə Şükürova siniflərə girdi, bayram münasibətilə şagird, müəllim heyətini təbrik edərək bu bayramın, milli-mənəvi dəyərlərimizin, adət-ənənələrimizin xüsusi əhəmiyyiyyət daşıdığını dedi.
Tədbirdə Novruzun sevilən obrazları olan Keçəl və Kosa iştirak edərək uşaqlara sevinc bəxş etdilər, onların şən zarafatları və maraqlı çıxışları tədbirə xüsusi rəng qatdı. Şagirdlərimiz milli rəqslər, şeirlər və səhnəciklərlə çıxış edərək baharın gəlişini böyük coşqu ilə qarşıladılar.
Bu cür tədbirlər uşaqlarımızda milli kimliyə, adət-ənənələrimizə sevgi və hörmət hissinin formalaşmasına töhfə verir.
Novruz bayramı hər bir ocağa ruzi-bərəkət, sevinc və xoşbəxtlik gətirsin! 🌸✨

Bu gün məktəbimizdə Azərbaycanın Milli Qəhrəmanı Rafiq Nəsrəddinova həsr olunmuş tədbir keçirildi.
Təbdirdə qəhrəmanın ailəsi, məktəbin müəllimləri və şagirdlər iştirak etdilər.
Milli qəhrəman, baş leytinant Rafiq Nəsrəddinovun anım günü Azərbaycan Respublikasının Dövlət Himni ilə başladı. Daha sonra Ulu Öndər Heydər Əliyevin və Milli Qəhrəman Rafiq Nəsrəddinovun, eləcə də bütün şəhidlərin xatirəsi bir dəqiqəlik sükutla yad edildi.
Məktəblilər qəhrəmana həsr olunmış şeirlər söylədilər və baş leytinantın həyatını əks etdirən kompozisiya təqdim etdilər.
Tədbirdə Milli Qəhrəmanımızın həyatından bəhs edən videoçarx nümayiş etdirildi.
Çıxış üçün söz məktəbimizin direktoru Tahirə Şükürovaya verildi. Tahirə xanım qonaqları səmimi şəkildə salamladı, qəhrəmanımızın keçdiyi şərəfli həyat yolu və Vətən uğrunda göstərdiyi misilsiz şücaət haqqında dəyərli fikirlərini bölüşdü. Qəhrəmanın vətənpərvərliyi, cəsarəti və xalqımıza bəxş etdiyi qürur hissi bir daha vurğuladı.
Şagirdlərimizdə Vətənə sevgi, qəhrəmanlara hörmət və milli ruhun aşılanması baxımından belə tədbirlərin əhəmiyyəti xüsusi qeyd olundu.
Tədbirin sonunda tədbir iştirakçıları qəhrəmanın məktəbin həyətyanı sahəsində ucaldılmış büstünü ziyarət etdilər.
Büstün önünə qərəngillər düzdülər.
Allah bütün şəhidlərimizə rəhmət eləsin.🇦🇿🇦🇿🇦🇿

Nərimanov Rayon İcra Hakimiyyətinin təşkilatçılığı ilə keçirilən Novruz bayramı tədbirində məktəbimizin müəllim kollektivi və şagirdləri fəal iştirak etdilər.

Tədbir çərçivəsində şagirdlərimizin hazırladıqları əl işlərindən ibarət maraqlı sərgi nümayiş olundu. Məktəbimizin kollektivi tərəfindən Milli-mənəvi dəyərlərimizi yaşadan ənənələrdən biri olan qutablar bişirildi, bayram ab-havası daha da rəngarəng oldu.

Şagirdlər Novruza həsr olunmuş şeirlər səsləndirdilər, milli rəqslər ifa etdilər və çıxışları ilə hər kəsə xoş anlar bəxş etdilər.

Belə tədbirlər şagirdlərdə milli-mənəvi dəyərlərə bağlılığın gücləndirilməsində mühüm rol oynayır.

Birinci sinfə qəbulla bağlı valideynlərin nəzərinə

“Ayın idman növü” olaraq şahmat yarışı keçirildi

Azərbaycan Respublikası Elm və Təhsil Nazirliyinin yanında Məktəbəqədər və Ümumi təhsil üzrə Dövlət Agentliyinin Bakı Şəhəri üzrə Təhsil İdarəsi tərəfindən təhsil müəssisələrində şagirdlərin fiziki fəallığının artırılması, sağlam həyat tərzinin təşviqi və idman mühitinin gücləndirilməsi məqsədilə “Ayın idman növü” adlı yeni təşəbbüs irəli sürülmüşdür.
Bu təşəbbüsdən irəli gələn bəndlərə əsasən bu ay fiziki tərbiyə müəllimi Yeganə İsmayılovanın və Akif Salahovun təşəbbüsü ilə 7-8-9-cu sinif şagirdləri arasında şahmat yarışı keçirildi.

Martın 14-ü Beynəlxalq Riyaziyyat Günüdür.

Uğurlarınız "π" qədər sonsuz olsun.♾️

Şagirdlərin Azərbaycan və dünya üzrə tanınmış şəxsiyyətləri daha yaxından tanıması, onların həyat və yaradıcılığı ilə tanış olması məqsədilə MÜTDA tərəfindən "Tanınmış şəxsiyyətlər təqvimi" hazırlanıb. Hazırlanan tədbirlərin həyata keçirilməsində əsas hədəf dərs prosesində və sinifdənkənar tədbirlərdə şagirdlərin bilik dairəsinin genişləndirilməsi, mədəni dünyagörüşlərinin formala.dırılması və milli-mənəvi dəyərlərə marağın artırılmasıdır.
Məktəbimizin kitabxana müdiri Zəminə Abdullayevanın, kitabxanaçı Aynurə Mikayılovanın və Uşaq Birliyi Təşkilatının rəhbəri Lalə Hüseynovanın təşkilatçılığı ilə IV şagirdlərinə Üzeyir Hacıbəyovun həyat və yaradıcılığı haqqında geniş məlumat verdilər. Şagirdlər bu şəxsiyyətlər haqqında videoroliki izlədilər. Sonda şagirlərin sualları cavablandırıldı.

"8 Mart Beynəlxalq Qadınlar Günü" nə həsr edilmiş sərgi

Məktəbin foyesində məktəbimizin UBR-i Lalə Hüseynovanın təşkilatçılığı ilə şagirdlərin hazırladıqları divar qəzetləri və əl işlərindən ibarət sərgi təşkil edilib.

İDMAN HƏFTƏSİNİN 5-Cİ GÜNÜ – SON YARIŞ

Məktəbimizdə keçirilən İdman həftəsinin 5-ci günü yarışların son günü oldu. Bu gün şagirdlər son idman yarışlarında iştirak etdilər və komandalar arasında maraqlı mübarizə baş verdi. Şagirdlər böyük həvəslə yarışaraq öz bacarıqlarını nümayiş etdirdilər.
Yarışların sonunda qalib komandalar və fəal iştirak edən şagirdlər müəyyən edildi. Daha sonra mükafatlandırma mərasimi keçirildi. Qaliblərə diplomlar və müxtəlif mükafatlar təqdim olundu.
İdman həftəsi şagirdlər üçün həm maraqlı, həm də yaddaqalan oldu. Bu tədbir şagirdlərdə idmana marağın artmasına və sağlam həyat tərzinin təbliğinə öz töhfəsini verdi.

5 Mart – Bədən Tərbiyəsi və İdman Günü ilə əlaqədar 1 – 7 mart tarixlərində ölkənin bütün ümumitəhsil müəssisələrində idman həftəsi keçirilir.
Bu məqsədlə məktəbimizin fiziki tərbiyə müəllimi Yeganə İsmayılovanın təşkilatçılığı ilə "Şahmat" yarıṣı keçirilib.
Yarışın keçirilməsində məqsəd şagirdlərin uğurlarının paylaşılması, şagirdləri bu mözvuda maarifləndirmək və həvəsləndirməkdir. Unutmayaq ki, sağlam bədəndə sağlam ruh olar. İdman sağlamlığın rəhnidir. 🇦🇿🇦🇿🏆🏆🌺🌺🏅🏅

Müəllim haqqında deyilmiş düzgün və ədalətli fikirlə hamımız razıyıq. Ümumilli liderimiz Heydər Əliyevin dediyi bir kəlamı xatırlayaq: "Təbii sərvətlər tükənən dəyərlərdir, ancaq təhsil, elm, bilik ədəbi olaraq hər bir ölkənin gücləndirilməsinə töhvə verən amildir. Biz hamımız həyatımızda əldə etdiyimiz nailiyyətlərə, bütün varlığımıza görə müəllimlərə borcluyuq".

Nazir müavini Kənan Kərimzadədən mesaj: ən böyük qurucular bizim müəllimlərimizdir! Videonun tam versiyasına "Youtube"a "Bonuslar və böyük güzəştlər | Müəllimlər üçün xüsusi kart | TəhsilPlus" yazaraq baxa bilərsiniz!

Azərbaycan İdman Akademiyasının təcrübəçi tələbələri tərəfindən 5 mart – Bədən Tərbiyəsi və İdman Günü münasibətilə məktəbimizdə VIII sinif şagirdləri arasında estafet yarışı təşkil edildi.
Tədbiri giriş nitqi ilə məktəbin direktoru Məktəbimizin direktoru Tahirə Şükürova yarışı açıq elan edərək, iştirakçıları salamlayıb, yarışın əhəmiyyətini vurğulamış və belə təşəbbüsün həyata keçirilməsinə görə Azərbaycan İdman Akademiyasının təcrübəçi tələbələrinə təşəkkürünü bildirdi.
Daha sonra təcrübəçi tələbələrin fiziki tərbiyə üzrə metodisti Müjgan Məmmədzadə çıxış edərək məktəb rəhbərliyinə və fiziki hazırlıq müəllimlərinə təcrübəçi tələbələr üçün yaradılmış əlverişli şəraitə görə minnətdarlığını ifadə etmişdir.
Tədbirin sonunda qalib komandalara sertifikatlar təqdim olunmuşdur.
Belə tədbirlərin keçirilməsi şagirdlərin fiziki fəallığının artırılması, sağlam həyat tərzinin təşviqi və ali təhsil müəssisəsi ilə ümumtəhsil məktəbi arasında əməkdaşlığın möhkəmləndirilməsi baxımından mühüm əhəmiyyət kəsb edir.