UNEC Gənc Alimlər Şurası

Gənc Alimlər Şurasının üzvlərinin də iştirakı ilə baş tutan Ümumdünya Ticarət Təşkilatının (ÜTT) Baş Katibi xanım Nqozi Okonyo-İvealanı UNEC-də qonağımız oldu. İqtisadiyyat nazirinin müavini hörmətli Səməd Bəşirlinin və ÜTT Katibliyində Azərbaycan üzrə İşçi Qrupun sədri, Türkiyənin ÜTT yanında daimi nümayəndəsi hörmətli səfir Alparslan Acarsoyun da iştirak etdiyi tədbirdə maraqlı çıxışlar dinlənildi və ÜTT-nin müxtəlif aspektləri, o cümlədən Azərbaycanın üzvlük məsələlərini müzakirə olundu. Sonda iştirakçıların çoxlu sualları xanım Baş Katib tərəfindən cavablandırıldı.

Konfransın işinə uğurlar arzulayırıq!

23 – 26 mayda Heydər Əliyev Mərkəzində UNEC, Heydər Əliyev Mərkəzi və Regional İnkişaf İctimai Birliyinin təşkilatçılığı ilə VI İqtisadiyyat və İdarəetmə Sahəsində Tədqiqatçıların Beynəlxalq Elmi Konfransı (İSCEMR) keçiriləcək. “Yaşıl dünya naminə həmrəylik ili”nə həsr olunan konfransın mövzusu “Dayanıqlı İnkişafın Yeni Dövrü: Yaşıl Transformasiya və İqlim Maliyyələşdirilməsi”dir.
Konfransda 38 ölkədən, 83 universitet və tədqiqat qurumundan 374 tədqiqatçı iştirak edəcək və 42 sessiyada 245 tədqiqat işi məruzə olunacaqdır.
Uğurlar!
Hər şey daha da yaxşı olacaq!

Bügün, hörmətli prorektorumuz i.f.d , dosent Fariz Ahmadovun doğum günüdür.
Gənc Alimlər şurası adından hörmətli prorektormuzu təbrik edirik.
Fariz müəllimin hər zaman göstərdiyi liderlik nümünəsi, təhsil sahəsində verdiyi tövhələr, gənclərə dəstəyi təqdirə layiqdir.
Cənab Prorektor,
Siz öz müdrik və ruhlandırıcı sözlərinizlə tələbələrimizə hər zaman təkcə bilik deyil, həm də həyat haqqında dəyərli ideyalar və perspektivlər bəxş edirsiniz. Bu, onların təkcə akademik uğurunu deyil, həm də xarakterini formalaşdırır.
Həmçinin Gənc Alimlər Şurasının fəaliyyətində göstərdiyiniz müsbət enerji və səmimiyyət bizləri daha da ruhlandırır.
Sizi doğum gününüz münasibətilə ürəkdən təbrik edir, bu özəl gündə sizə cansağlığı, xoşbəxtlik və uğurlar arzulayırıq.

Bugün UNEC-də İsrailli təlimçilər tərəfindən təşkil olunan "Digital skils" təliminin sonunda
Gənc Alimlər Şurasının sədri i.f.d Camalova Maral
Gənc Alimlər Şurasının sədr müavini i.f.d Hacıyev Fuad
Gənc Alimlər Şurasının idarə heyətinin üzvü İmanova Günel "Excellence" sertifikatları ilə təltif olunublar.

UNEC - də Elm Günləri çərçivəsində növbəti “UNEC-də elmin rəqəmsallaşdırılması: dünya təcrübəsinin təhlili ” mövzusunda müzakirə panelimiz baş tutdu.
Tədbirdə Gənc Alimlər Şurasının sədri i.f.d Maral Camalova Polşa Universitetlərinin təcrübəsini təhlil edərək elmin rəqəmsallaşması yolları, Polşada Elm adamlarının mövcud rəqəmsal platforması olan “Ludzie Nauki” (People of Science), Varşava Universiteti Rəqəmsal İqtisadiyyat laboratoriyası (Polish Digital Economy Lab -DELab UW), Aİ-nin rəqəmsallaşmanın maliyyələşmə ilə bağlı təşəbbüsləri və fəaliyyətlər barədə çıxış etmişdir.
Daha sonra UNEC Gənc Alimlər Şurasının üzvü Zəhra Qocayeva Birləşmiş Krallıqda proqram təminatı əsasında elmin rəqəmsallaşması, R&D strategiyasının rəqəmsallaşdırılması, “Keboola”, “Biz Skills” kimi rəqəmsal bacarıqların inkişafına yönəlmiş proqramlar, onlayn tədqiqat platformaları olan “Eureka”, “Asana”, “Writer’s room”, “Zenhub”, Birləşmiş Krallığın “City of Albuquerque” elektron kitabxanası haqqında çıxış etmişdir.
Tədbirin növbəti mərhələsində UNEC-in müəllimi, Gənc alimlər şurasının üzvü Zeynəb Qiyasova UNEC-də elmi rəqəmsallaşmasında elmi, texniki və intellektual potensialdan istifadə edilməsi haqqında məlumat vermişdir.
Sonra UNEC əməkdaşları və Gənc alimlər Şurasının üzvləri ilə elmin rəqəmsallaşdırılmasına dair səmərəli müzakirə prosesi baş tutdu, suallar və maraqlı təkliflər səsləndirildi.
Tədbirin sonunda elmin rəqəmsallaşmasında müxtəlif xarici universitetlərin elmi rəqəmsallaşma siyasətinin müqayisəli təhlili, UNEC-də elmi fəaliyyətin tam şəkildə rəqəmsallaşdırılması istiqamətində görüləcək işlər və problemlərin birgə həllinə dair müəyyən qərarlar qəbul edildi.

Gənc Alimlər Şurasının layihələrin müzakirəsi ilə bağlı görüşündən

15.03.2024 cü il tarixində UNEC Gənc Alimlər Şurasının iştiraki ilə XI Qlobal Bakı Forumunun Çin Xalq Respublikasından olan iştirakçıları - Prof. David Pan (Tsinghua University, Schwarzman Scholars) və prof. Vang Ven (Renmin University, Silk Road School) ilə görüş keçirildi. Birgə fakültə yaradılması, UNEC-də "Bir Kəmər, Bir Yol" Forumunun keçirilməsi, müəllim, tələbə mübadiləsi məsələlərinə dair fikir mübadiləsi aparıldı. Müzakirə olunan məsələlərin may-iyun aylarında konkretləşdirilməsinə dair razılıq əldə olundu
Daha sonra Prof. Vang Ven UNEC müəllim və tələbələri qarşısında "Bir Kəmər, Bir Yol təşəbbüsü: Çin və Azərbaycan" mövzusunda məruzə ilə çıxış etdi və iştirakçıların suallarını cavablandırdı.

UNEC-in Gənc Alimlər Şurasının 13.02.2024-ci il tarixində ilk iclası keçirilib.
Rektor, professor Ədalət Muradovun iştirakı ilə keçirilən görüşdə gənclərin elmə cəlb olunması, elmin populyarlaşdırılması, elmi fəaliyyətin stimullaşdırılması və keyfiyyətinin artırılması istiqamətində müzakirələr aparılıb. UNEC-in gənc alimləri görüşdə bir sıra təkliflərlə çıxış ediblər.
Gənc Alimlər Şurasının İdarə heyətinin sədri, elmlər doktoru proqramı üzrə UNEC-in doktorantı Maral Camalova UNEC-in gənc alimləri tərəfindən elmi jurnalın nəşr olunmasını, gənc alimlər şəbəkəsinin qurulmasını, iqtisadiyyat sahəsində ölkə üzrə Web of Science və Scopus bazasına daxil olan jurnalın təsis olunmasını təklif edib.
“Biznesin idarə edilməsi” kafedrasının müəllimi, Türkiyənin Mərmərə universitetinin doktorantı Bəhman Hüseynli isə alimlərin maddi və mənəvi motivasiyasının təmin olunmasına diqqət çəkərək, onların xaricdə akademik ezamiyyələrdə iştirakının artırılmasının əhəmiyyətindən danışıb. Həmçinin gənc alimlərin tədqiqat bacarıqlarının yüksəldilməsi məqsədilə təlimlərin keçirilməsinin vacibliyini vurğulayıb.
“Humanitar fənlər” kafedrasının baş müəllimi, tarix üzrə fəlsəfə doktoru Cəmilə Həsənova gənc alimlərin nüfuzlu beynəlxalq konfranslarda iştirak etməsinin və xarici alimlərlə əməkdaşlığın genişləndirilməsinin faydalı olacağını bildirib.
“Riyaziyyat və statistika” kafedrasının müəllimi, Fransa universitetlərindən magistratura və doktorantura üzrə məzun olmuş riyaziyyat üzrə fəlsəfə doktoru Ramiz Qarayev universitet-sənaye əlaqələrinin genişləndirilməsi məqsədilə iş dünyasının təklifləri əsasında gənc alimlər tərəfindən layihələrin hazırlana biləcəyini qeyd edib.
“İqtisadiyyat” kafedrasının müəllimi, -in doktorantı, “Bir Kəmər, Bir Yol” Tədqiqat Mərkəzinin üzvü Aslan Əzimzadə isə gənc alimlərin yeni çıxmış elmi əsərlərinin elm cəmiyyətinə tanıdılmasının zəruriliyini vurğulayıb.
Müzakirələrin sonunda tədqiqatların və gənc tədqiqatçıların dəstəklənməsi üçün xüsusi proqramın hazırlanmasının faydalı olacağı bildirilib