Kimya Texnologiya Fakultəsi

14/03/2025

Paylaşdı: Aysu Allazova
"Kimya texnologiya" fakültəsinin Gənc Alimlər Assosiasiyası üzvlərinin ilk görüşü keçirilmişdir. Görüşdə fakültənin professor-müəllim heyəti, doktorantlar, magistrantlar və tələbələr iştirak etmişdir. Tədbiri giriş sözü ilə açan, assosiasiyasının sədri, "Neft-kimya texnologiyası və sənaye ekologiyası" kafedrasının müəllimi, k.e.n., Əli-zadə Əli, gənc tədqiqatçıların dəstəklənməsi, onların elmi fəaliyyətlərinin inkişafına töhfə verilməsi və elmi fikir mübadiləsi üçün şərait yaradılması məqsədilə assosiasiyanın təsis olunduğunu vurğulayaraq, assosiasiyasının fəaliyyəti ərzində gənc alimlərin qarşılaşdığı aktual problemlərin müzakirə ediləcəyini və onların həlli yollarının araşdırılacağını qeyd etdi.
Görüş çərçivəsində həmçinin dəvətli qonaq, Dövlət Əmək Müfəttişliyi yanında "Əməyin Mühafizəsi Mərkəzi" PHŞ İş yerlərinin Attestasiya, Sertifikatlaşdırma və Standartlaşdırma Departamentinin müdiri Fərid Quliyev "İstehsalatda əməyin mühafizəsi üzrə aktual problemlər və alimlərin bu sahədə rolu" mövzusunda seminar keçərək, istehsalatda əməyin mühafizəsi sahəsində mövcud çətinliklər, beynəlxalq təcrübələrin tətbiqi və elmi araşdırmaların bu sahəyə töhfəsi barəsində tədbir iştirakçılarına geniş məlumat verdi. Sonda iştirakçıları maraqlandıran suallar cavablandırıldı və bu formatda görüşlərin əhəmiyyəti vurğulanaraq assosiasiya üzvlərinə gələcək fəaliyyətləri üçün tövsiyələr verildi.

28/05/2024

28/05/2024

"Üzvi maddələr və yüksəkmolekullu birləşmələrin texnologiyası" kafedrasının müdiri professor Fariz Əmirlinin təşkilatçılğı ilə kafedranın "Kimya mühəndisliyi" ixtisası üzrə təhsil alan bakalavr, magistr və doktorantları STP Şirkətlər Qrupu tərəfindən mühəndislik sahəsində təhsil alan gənclərin sənaye mühəndisliyi istiqamətində peşəkar inkişafını yüksəltmək məqsədilə yaradılan "Sabahın gücü" layihəsi çərçivəsində ödənişli təcrübə proqramını uğurla davam etdirirlər. Proqramın əsas məqsədi ölkəmizdə aparılan kadr potensialının yüksəldilməsi siyasətinə töhfə verməklə yanaşı, müasir çağırışlara uyğun olaraq sənaye sahəsində fəaliyyət göstərəcək uğurlu gənc kadrların yetişdirilməsi və son nəticə olaraq ölkə gənclərinin inkişafına dəstək verməkdir.

22/05/2024

Kimya texnologiya fakültəsinin “Journal of Chemical News” jurnalının növbəti nömrəsi (Vol.6.N1.-2024) dərc olunmuşdur. Jurnal yalnız ingilis dilində dərc olunur. Jurnal ildə 2 dəfə dərc olunur. Bütün yaranan suallarla əlaqədar redaksiya heyətinə müraciət edə bilərsiniz.
Email: [email protected]
Phone: 055-793-29-71

21/05/2024

ADNSU-nin “Üzvi maddələr və yüksəkmolekullu birləşmələrin texnologiyası” kafedrasının müdiri, professor Fariz Əmirli 16-18 may 2024-cü il tarixlərində İstanbulda Yıldız Texniki Universitetində keçirilən beynəlxalq konfransda iştirak etmişdir. Təşkilat komitəsinin üzvi olan prof. Fariz Əmirli “Qida İnnovasiyası və Davamlılıq” (IFIS2024) mövzusunda keçirilən konfransda çıxış etmişdir.
Konfransın əsas məqsədi sağlam qida, dayanıqlıq, ətraf mühit mövzusunda olan problemlərin qaldırılması və həll yollarının müzakirə olmuşdur. Belə ki 4 bölmədən ibarət olan konfransın birinin rəhbəri prof Fariz Əmirli olmuşdur.
Konfransda dünyanın müxtəlif ölkələrindən o cümlədən, ABŞ, İran, Moldova, Ruminiya, Azərbaycan və s. ölkələrin tanınmış alimləri iştirak etmişdir. Belə ki, qeyd etdiyimiz sahələrin problemləri qabardırılmış və həll yolları araşdırılmışdır. Sonda, bu nəticəyə gəlinmişdir ki, bu tip konfranslar müxtəlif ölkələrdə davamlı şəkildə keçirilsin. Məlum olduğu kimi, ADNSU-da 25-26 aprel tarixlərində keçirilən “Makromolekullu birləşmələr texnologiyasının müasir problemləri” mövzusunda Beynəlxalq elmi-texniki konfrans keçirilmişdir. Ümid edirik ki, 2025-ci il bu tip konfranslar ölkəmizdə keçiriləcəkdir.

16/05/2024

"Marketinq və ictimaiyətlə əlaqələr" departamentinin İstehsalat təcrübəsi bölməsi və "Kimya və qeyri-üzvi maddələrin texnologiyası" kafedrasının birgə təşkilatçılığı ilə 14.05.2024 il tarixində Kimya texnologiya fakültəsinin "Kimya mühəndisliyi" ixtisası üzrə təhsil alan 353.21, 355.21 və 358.21E qruplarının tələbələri Norm sement zavodunda birgünlük təcrübədə olmuşlar. Təcrübə zamanı tələbələrə sement istehsalının xüsusiyyətləri haqqında seminar dərsi keriçirimişdir. Eyni zamanda tələbələrə zavod laboratoriyasında aparılan analiz metodları haqqında ətraflı məlumat əyanı şəkildə verilmişdir. Tələbələr həmdə zavod ərazisində olan texnoloji qurğuların işi ilə yaxından tanış olmuşlar.

11/12/2023

05 dekabr 2023- ci il tarixində “Neft –kimya texnologiyası və sənaye ekologiyası ” kafedrasının əməkdaşları dosent Adıgözəl Hüseynov,dosent Mətanət Hüseynova və müəllim Kəmalə Abdullaeva Azərbaycan Respublikası Elm və Təhsil Nazirliyi, «Aşqarlar kimyası» institutunun rəhbər heyəti ilə görüş keçirərək gələcək planlar və görülən işlər haqqında geniş müzakirələr aparmışlar. Tələbələrin bilik və bacarıqlarının artırılması, laboratoriya avadanlıqları ilə yaxından tanış olmaq məqsədilə ekskursiya təşkil olunmuşdur.Həmçinin «Kimya mühəndisliyi» ixtisasının 363.20 qrupunun 17 tələbəsinin gündəlik təcrübədə iştirak etməsi təşkil olunmuşdur.

03/11/2023

Paylaşdı: Aysu Allazova
ADNSU ilə “Xəzri TN” MMC arasında Əməkdaşlıq memorandumu imzalanıb
Noyabrın 1-də “Xəzri TN” MMC-nin direktoru İlkin Şabanov və müəssisənin kommersiya müdiri Ramin Qasımov Azərbaycan Dövlət Neft və Sənaye Universitetində (ADNSU) olublar.
ADNSU-nun professor-müəllim heyətinin iştirakı ilə keçirilən görüşdə əməkdaşlıqla bağlı birlikdə görüləcək işlər və perspektiv məsələlər müzakirə olunub.
Görüşdə universitetin Tədris işləri üzrə prorektoru, dosent Qasım Məmmədov ADNSU tələbələrinin təcrübə və iş imkanlarından danışıb. O, universitetdə artıq 4 ildir ki, qida təhlükəsizliyi ilə bağlı ixtisasın tədris olunduğunu və bu sahədə konkret mütəxəssislər yetişdirildiyini bildirib.
“Xəzri TN” MMC-nin direktoru İlkin Şabanov rəhbərlik etdiyi müəssisənin fəaliyyəti haqqında məlumat verdikdən sonra ADNSU-nun yetişdirdiyi mütəxəssislərə hər zaman ehtiyac olduğunu qeyd edib. O bildirib ki, əməkdaşlıq çərçivəsində müəssisədə təcrübə keçməsi və daimi işlə təmin olunması da prioritet istiqamətdir.
Qarşılıqlı fikir mübadiləsi çərçivəsində keçirilən görüşdə tərəflər arasında Əməkdaşlıq memorandumu imzalanıb.

01/11/2023

Paylaşdı: Aysu Allazova
ADNSU-da AQTİ-nin nümayəndələri ilə görüş keçirilib

Oktyabrın 31-də Azərbaycan Dövlət Neft və Sənaye Universitetində (ADNSU) Azərbaycan Qida Təhlükəsizliyi İnstitutunun (AQTİ) nümayəndələri ilə görüş keçirilib.
ADNSU-nun Elmi işlər üzrə prorektoru, professor Lətafət Qardaşova, universitetin Kimya-texnologiya fakültəsi və “Üzvi maddələr və yüksəkmolekullu birləşmələrin texnologiyası” kafedrasının professor-müəllim heyətinin, eyni zamanda AQTİ-nin İdarə Heyətinin sədrinin müşaviri Hüseyn Məmmədov, Analitik Ekspertiza Mərkəzinin müdiri Tünzalə Qocayeva, İctimaiyyətlə Əlaqələr şöbəsinin müdiri Rəşad Mehdizadə və Xidmətlərin təşkili şöbəsinin mütəxəssisi Səbinə Nuruzadənin iştirak etdiyi görüşdə əməkdaşlıq əlaqələri ilə bağlı perspektiv layihələr, birlikdə görüləcək işlər müzakirə olunub.
“Üzvi maddələr və yüksəkmolekullu birləşmələrin texnologiyası” kafedrasının müdiri, professor Fariz Əmirov görüş haqqında iştirakçılara məlumat verdikdən sonra prorektor Lətafət Qardaşova İnstitututla ADNSU arasındakı əlaqələrdən danışıb. O, universitetdə qida təhlükəsizliyi ilə bağlı ixtisasın tədris olunduğunu və bu istiqamətdə ixtisaslı mütəxəssislər yetişdirildiyini bildirib.
Görüşdə qonaqlar institutun fəaliyyət istiqamətləri haqqında iştirakçılara məlumat veriblər və belə tədbirlərin hər iki müəssisə üçün əhəmiyyətli olduğunu bildiriblər. Görüş zamanı Qida Təhlükəsizliyi Agentliyi nəzdində fəaliyyət göstərən “Qida təhlükəsizliyi Könüllüləri” təşəbbüs qrupunun təqdimatı olub. Qrupa ADSNU tələbələrindən üzvlər seçilib.
Sonra qonaqlar universitetdə laboratoriyaları gəziblər, buradakı şəraitlə yaxından tanış olublar.

10/12/2022

Paylaşdı: Aysu Allazova
“Üzvi maddələr və yüksəkmolekullu birləşmələrin texnologiyası” kafedrasının müdiri prof. Əmirov Fariz tədris etdiyi “Yüksəkmolekullu birləşmələr əsasında kompozisiyaların emalı texnologiyası” fənni üzrə 301.19 və 303.19 saylı qrup tələbələrinin 05.12.2022-ci il tarixində olan dərsini “Polymart” MMC şirkətində keçmişdir. Tələbələr mühazirə dərsini birbaşa müəssisədə keçmişdir, onlar birbaşa istehsalatla və qurğuların iş prinsipi ilə tanış olmuşlar. Laboratoriyada bir neçə sınaq aparmışdırlar.

04/02/2022

Paylaşdı: Aysu Allazova
Azərbaycan Dövlət Neft və Sənaye Universitetinin (ADNSU) “Kimya texnologiya” fakültəsinin “Neft-kimya texnologiyası və sənaye ekologiyası” kafedrasının “Ətraf mühit və neft sənayesi” ixtisası üzrə magistr səviyyəsində təhsil alan ll kurs tələbələri və dos. Maya Abdullayeva “Milli Nüvə Tədqiqatları Mərkəzi” Qapalı Səhmdar Cəmiyyətinin Elmi tədqiqat bölməsində olublar. Görüş zamanı tələbələr müasir radioloji analiz metodları ilə tanış olublar və onları maraqlandıran suallar elmi mütəxəssislər tərəfindən ətraflı cavablandırılıb.