ADİU -UNEC-nun nəzdində Qida Sənayesi Kolleci

Azərbaycan tibb elminin inkişafında müstəsna xidmətlər göstərmiş, qəlblərdə dərin iz qoymuş oftalmoloq-alim, akademik Zərifə Əliyevanın anım günüdür.

Dərin hörmət və ehtiramla anırıq.

Qida Sənayesi Kollecində WUF13 çərçivəsində şəhərsalmaya həsr olunmuş dəyirmi masa keçirilib

Azərbaycan Dövlət İqtisad Universitetinin (UNEC) nəzdində Qida Sənayesi Kollecində “Azərbaycanın beynəlxalq imicinin güclənməsində şəhərsalmanın rolu” mövzusunda dəyirmi masa təşkil olunub.

Dəyirmi masa tələbələr və akademik heyət arasında 17–22 may 2026-cı il tarixlərində Bakı şəhərində keçiriləcək Ümumdünya Şəhərsalma Forumunun 13-cü sessiyası (WUF13) çərçivəsində irəli sürülən təşəbbüslər ətrafında səmərəli müzakirə və fikir mübadiləsini hədəfləmişdir. WUF13 Azərbaycan Əməliyyat Şirkətinin Koordinasiya üzrə Baş inzibatçısı Əfqan Mehdiyevin moderatorluğu ilə keçirilmiş, geniş təqdimatla müşayiət olunmuşdur.

Aparılmış müzakirələr zamanı qeyd olunub ki, müasir dövrdə şəhərsalma yalnız yaşayış məkanlarının planlaşdırılması ilə məhdudlaşmır, eyni zamanda ölkənin sosial-iqtisadi inkişafının, beynəlxalq imicinin formalaşmasında mühüm strateji rol oynayır. Vurğulanıb ki, qloballaşan dünyada şəhərlərin infrastrukturu, funksionallığı və estetik görünüşü dövlətin beynəlxalq aləmdə qəbuluna birbaşa təsir göstərən əsas faktorlardandır.

Fikir mübadiləsi gedişatında Azərbaycanın son illərdə həyata keçirdiyi şəhərsalma siyasəti və irimiqyaslı şəhərsalma layihələri vasitəsilə beynəlxalq imicini əhəmiyyətli dərəcədə gücləndirdiyi xüsusi diqqətə çatdırılıb. “Eurovision” Mahnı Müsabiqəsi, Birinci Avropa Oyunları, İslam Həmrəyliyi Oyunları, “Formula 1” yarışları və COP29 kimi qlobal tədbirlərin uğurla təşkili ölkəmizin həm təşkilatçılıq potensialının, həm də müasir infrastruktur imkanlarının göstəricisi kimi qiymətləndirilib.

Müzakirələrdə, həmçinin beynəlxalq tədbirlərin şəhər mühitinin inkişafını zəruri etdiyi, paytaxtda və digər iri şəhərlərdə aparılan abadlıq işlərinin, qurulan logistika və yol-nəqliyyat sistemlərinin vətəndaşların həyat keyfiyyətini yüksəltdiyi qeyd olunub. Eyni zamanda, tarixi-mədəni irsin qorunması ilə müasir memarlıq nümunələrinin yaradılması arasındakı balans, habelə ekoloji tarazlıq və “ağıllı şəhər” texnologiyalarının tətbiqi dəyirmi masanın əsas müzakirə mövzularından olub.

Qeyd edək ki, şəhərlərin dayanıqlı inkişafı sahəsində dünyanın ən nüfuzlu platformalarından biri olan WUF13-ə hazırlıq çərçivəsində Qida Sənayesi Kolleci oxşar elmi-praktik müzakirələrin təşkilini davam etdirməyi planlaşdırır.

Azərbaycan Dövlət İqtisad Universitetinin (UNEC) nəzdində Qida Sənayesi Kollecində Ümumdünya Sağlamlıq Günü münasibətilə “Yeniyetməlik və gənclik illərində sağlam qidalanmanın vacibliyi” mövzusunda maarifləndirici tədbir keçirilmişdir.

Tədbirin keçirilməsində əsas məqsəd gənclər arasında sağlam qidalanma mədəniyyətinin formalaşdırılması, qida təhlükəsizliyi üzrə biliklərin artırılması, eləcə də sağlam həyat tərzinin təşviqi olmuşdur.

Tədbir çərçivəsində beynəlxalq təlimçi-ekspert Məhsəti Hüseynova tərəfindən təqdim olunan interaktiv təlim iştirakçılar tərəfindən böyük maraqla qarşılanmış, onların nəzəri biliklərinin praktik yanaşmalarla zənginləşdirilməsinə mühüm töhfə vermişdir.

Eyni zamanda iştirakçılara düzgün qidalanma prinsipləri, vitamin və mineral balansı, sağlam həyat tərzinin əsas komponentləri barədə ətraflı məlumat verilmiş, interaktiv müzakirələr və sual-cavab sessiyaları təşkil olunmuşdur.

Böyük zəfərin başlanğıcı olan Aprel döyüşlərindən 10 il ötür.
Bu şanlı döyüşdə canından keçən şəhidləri dərin ehtiramla yad edirik.
Allah rəhmət eləsin!

31 Mart – Azərbaycanlıların Soyqırımı Günüdür!
ADİU- nun nəzdində Qida Sənayesi Kollecində 1918-ci il mart hadisələrinin qurbanlarını yad etmək məqsədilə tədbir təşkil olundu. Tədbir zamanı günahsız soydaşlarımızın xatirəsi bir dəqiqəlik sükutla yad edildi, tariximizin qanlı səhifələri vərəqləndi.
Tədbirin əsas məqsədi tariximizi unutmamaq və bu həqiqətləri gələcək nəsillərə ötürməkdir.
Allah bütün şəhidlərimizə rəhmət eləsin! 🇦🇿

Tariximizin qanlı yaddaşı olan 31 Mart Soyqırımı qurbanlarını dərin hüznlə anırıq. Unutmadıq, unutdurmarıq!

27 mart Azərbaycanda Elm Günü kimi qeyd olunur.

Elm cəmiyyətin inkişafının və gələcəyin əsas dayağıdır.
Bu münasibətlə bütün alimləri, müəllimləri və tələbələri
ürəkdən təbrik edirik.