İdman Akademiyası Tələbə Həmkarlar Təşkilatı

Konstitusiya dövlətin ali qanunudur!
Ümummilli lider Heydər Əliyevin sözləri ilə desək: “Bu Konstitusiyanın əsas mahiyyəti ondan ibarətdir ki, Azərbaycan Respublikasının tam müstəqilliyini təmin edir, ölkəmizin ərazi bütövlüyünü təmin edir, Azərbaycan xalqının hüquqlarının toxunulmazlığını təmin edir, vətəndaşlarımızın hər birinin hüquqlarının toxunulmazlığını təmin edir və Azərbaycan xalqının, respublikamızın bölünməzliyinin təmin edir".

Konstitusiya günün mübarək, Azərbaycan!🇦🇿

Bugün, 28 il sonra Bütöv Azərbaycanda dalğalanan şanlı bayrağımızın günüdür!
Dövlət Bayrağı Gününüz Mübarək!

Azərbaycan Dövlət Bədən Tərbiyəsi və İdman Akademiyasının Tələbə Həmkarlar Təşkilatı tərəfindən “Zəfər Günü” ilə əlaqədar 44 günlük Vətən Müharibəsində düşmənə qarşı şücaətlə döyüşən və torpaqlarımızın işğaldan azad edilməsində yaxından iştirak edərək vətən yolunda canından keçən şəhid ailələrinə və qazilərə bayram sovqatları paylanılmışdır.

Təqvimi dəyişən tarix - 8 Noyabr "Zəfər Günü" ✊

Bu gün Azərbaycan xalqı öz torpaqlarını işğaldan azad etməklə tarixinin ən şərəfli səhifəsini yazdı. Azərbaycan Prezidentinin polad iradəsi, Azərbaycan Ordusunun yenilməz gücü və Azərbaycan xalqının sarsılmaz birliyi qarşısında düşmən diz çökdü!

Bizə sevinc, qürur hissini yaşadan Şəhidlərimizi hörmətlə anırıq.
Gözünü qırpmadan canından can verən qazilərimizi, əsgərlərimizi "Zəfər Günü" münasibəti ilə təbrik edirik!

Sentyabrın 27-də ADBTİA-da Anım Günü qeyd edilib

Azərbaycan Dövlət Bədən Tərbiyəsi və İdman Akademiyasının Akt zalında Anım tədbiri keçirilib. Dövlət Himnimizin səsləndirilməsi ilə başlanan tədbirdə əvvəlcə Vətən müharibəsində canını fəda etmiş şəhidlərimizin əziz xatirəsi bir dəqiqəlik sükutla yad edilib.
Tədbirdə Gənclər və idman naziri Fərid Qayıbov, ADBTİA-nın rektoru Fuad Hacıyev, Vətən müharibəsi şəhidi Səbuhi Sadıxovun atası Rövşən Sadıxov, II Qarabağ müharibəsi qazisi, ADBTİA-nın magistrantı Elnur Əkbərov və Olimpiya çempionu Namiq Abdullayev çıxış ediblər.

2020-ci il 27 sentyabr - Prezident, Müzəffər Ali Baş Komandan İlham Əliyevin rəhbərliyi ilə Azərbaycan Ordusunun “Dəmir Yumruq” əməliyyatı həyata keçirməklə möhtəşəm tarixi Zəfər əldə etdiyi 44 günlük Vətən müharibəsinin ilk günü...

Azərbaycan Dövlət Bədən Tərbiyəsi və İdman Akademiyasına 2021/2022-ci tədris ili üçün keçid balları

QEYD: 086 formalı sağlamlıq haqqında arayış (İdman Akademiyasına təqdim etmək üçün olan) ❗️
Zərurət olduğu halda imtiyazlı tələbələr sırasına (məcburi köçkün, I və II qrup əlil olması, Azərbaycan Respublikasının ərazi bütövlüyünün, müstəqilliyinin və Konstitusiya quruluşunun müdafiəsi zamanı əlil olmuş, Azərbaycan Respublikasının azadlığı, suverenliyi və ərazi bütövlüyü uğrunda həlak olan, hərbi əməliyyatla əlaqədar itkin düşən və məhkəmə tərəfindən ölmüş elan edilən vətəndaşların uşaqları, valideyn himayəsindən məhrum olmuş) aid olduğuna dair ərizə ilə müvafiq təsdiqləyici sənədlərin notarial qaydada təsdiq olunmuş surətləri təqdim edilməlidir.

Təbriklər, ADBTİA tələbəsi! 🎉

ASAPES tələbəsi adı qazananların nəzərinə!
Tezliklə Akademiyaya təqdim olunacaq sənədlər və sənədləşmə proseduru ilə bağlı poster paylaşılacaq. 📋🗂📚
Bizi izləməyə davam edin!

Qardaş Türkiyədə meşə yanğınlarının davam etməsi, 4 nəfərin həyatını itirməsi bizi çox üzdü. Yanğın nəticəsində dünyasını dəyişənlərə Allahdan rəhmət diləyirik. Bu çətin günlərdə qardaş Türkiyənin yanında olduğumuzu bildiririk.