Polis Akademiyası

Polis Akademiyasında “Sağlamlıq hüquqları və zərərli vərdişlərin profilaktikası” mövzusunda təlim-seminar keçirilib

Azərbaycan Respublikası Səhiyyə Nazirliyinin “İctimai Səhiyyə və İslahatlar Mərkəzi” Publik Hüquqi Şəxsi tərəfindən Polis Akademiyasının Hüquq fakültəsinin II kurs kursantları üçün “Sağlamlıq hüquqları və zərərli vərdişlərin profilaktikası” mövzusunda təlim-seminar təşkil olunub. Təlim-seminarda Akademiyanın Şəxsi heyətlə iş üzrə şöbəsinin baş inspektor-psixoloqu, polis mayoru Azər Hüseynov və tibb xidməti kapitanı Əlisafa Vəlizadə iştirak ediblər.
Seminar zamanı “İctimai Səhiyyə və İslahatlar Mərkəzi”nin baş hüquqşünası Rüstəm Məmmədov və mərkəzin şöbə müdiri Tofiq Musayev çıxış edərək kursantlara sağlamlıq sahəsində prioritetlər və strategiyalar, sağlamlıq hüquqları, eləcə də zərərli vərdişlərin profilaktikası istiqamətində geniş və maarifləndirici məlumatlar veriblər.
Təlim-seminar qarşılıqlı dialoq şəraitində davam etdirilib, kursantları maraqlandıran suallar ətraflı cavablandırılıb.

Polis Akademiyasında təcrübəli mütəxəssislər tərəfindən praktik təcrübəyə əsaslanan dərslər keçirilir

Polis Akademiyasında nəzəriyyə ilə təcrübənin vəhdəti prinsipinə əsaslanaraq kursantlar arasında elmi yaradıcılığın müxtəlif formalarının təbliğ edilməsi, nəzəri biliklərinin möhkəmləndirilməsi və təcrübədə tətbiq etmə bacarığının inkişaf etdirilməsini təmin etmək məqsədilə Akademiyaya dəvət olunmuş təcrübəli mütəxəssislərin iştirakı ilə mühazirə dərsləri mütəmadi olaraq keçirilir.
Müxtəlif fənlər üzrə keçirilən interaktiv dərslərdə qonaq qismində iştirak edən Bakı Dövlət Universitetinin Sosiologiya kafedrasının müdiri, sosiologiya üzrə elmlər doktoru, professor Rafael Həsənov “Sosial nəzarət”, Sabunçu rayon məhkəməsinin hakimi Elnurə Rəcəbova “Prosessual məcburiyyət tədbirləri”, Azərbaycan Respublikası Prezidenti yanında İdarəçilik Akademiyasının Dövlət İdarəçiliyinin hüquqi təminatı kafedrasının dosenti, hüquq üzrə fəlsəfə doktoru, dosent, əməkdar müəllim Fəxrəddin Nağıyev “Azərbaycan Respublikasının Prezidenti”, DİN-in Bakı şəhər BPİ-nin İstintaq və Təhqiqat İdarəsinin Ağır cinayətlərin istintaqı şöbəsinin xüsusilə mühüm işlər üzrə baş müstəntiqi, polis polkovnik-leytenantı Samir İsmayılov “Sübutlar və sübutetmə”, mövzuları üzrə mühazirələr keçiblər.
Mövzulara əsasən qonaqlar tərəfindən kursantlara Azərbaycan Respublikasında dövlət idarəçiliyinin hüquqi əsasları, prezident institutunun səlahiyyətləri, cinayət prosesində sübutların toplanması və qiymətləndirilməsi, sosial nəzarətin cəmiyyətdə rolu, prosessual məcburiyyət tədbirlərinin tətbiqi qaydaları və digər mövzular haqqında slayd və video materiallardan istifadə edilərək ətraflı məlumatlar verilib.
Dəvət olunan mütəxəssislər tərəfindən mövzular üzrə geniş izahatlar verilib, qarşılıqlı fikir mübadiləsi aparılıb. Tədris prosesi zamanı kursantların ünvanladıqları suallar ətraflı şəkildə cavablandırılıb.

Polis Akademiyasının kursantları Konstitusiya Məhkəməsində tanışlıq səfərində iştirak ediblər

Polis Akademiyasının Hüquq fakültəsinin I kurs kursantları Azərbaycan Respublikasının Konstitusiya Məhkəməsində tanışlıq səfərində iştirak ediblər. Səfərin təşkilində əsas məqsəd təhsilalanların hüquqi biliklərinin artırılması, Konstitusiya Məhkəməsinin strukturu və səlahiyyətləri barədə daha geniş məlumat əldə etmələri, eləcə də məhkəmənin praktiki fəaliyyəti ilə yaxından tanış olmaları olub.
Tanışlıq səfəri Dövlət və hüquq nəzəriyyəsi kafedrasının rəisi, polis polkovniki Babək Nəsirovun və həmin kafedranın müəllimi, polis baş leytenantı Asəf Hüseynovun rəhbərliyi ilə təşkil edilib. Səfər çərçivəsində kursantlar Konstitusiya Məhkəməsinin strukturu, iclas zalları və fəaliyyət istiqamətləri ilə tanış olublar. Həmçinin Konstitusiya Məhkəməsinin hakimləri və Aparatın əməkdaşları tərəfindən məhkəmədə aparılan icraatın xüsusiyyətləri barədə praktiki nümunələr əsasında ətraflı məlumat verilib.
Səfərin sonunda Azərbaycan Respublikasının Konstitusiya Məhkəməsinin fəaliyyəti ilə bağlı birgə müzakirələr aparılıb, kursantları maraqlandıran suallar cavablandırılıb.

“Zərərli vərdişlərə yox deyək” mövzusunda məktəblilərlə görüş təşkil olunub

Suraxanı rayonu 84 nömrəli tam orta məktəbdə və Nərimanov rayonu 193 nömrəli tam orta məktəbdə “Narkomaniya sosial bəladır” və “Zərərli vərdişlərə yox deyək” mövzularında maarifləndirici-profilaktik tədbirlər keçirilib.
Tədbirlərdə Polis Akademiyasının əməkdaşları çıxış edərək “Narkomanlığın neqativ fəsadları və profilaktikası” və “Zərərli vərdişlərə yox deyək” mövzularında məktəblilərə ətraflı məlumat veriblər. Çıxışlarda ölkəmizdə narkotik cinayətkarlığının sosial mənfi təzahürləri, bu halların yaranma səbəbləri, törədilmə üsulları, eləcə də digər zərərli vərdişlərin insan həyatına və cəmiyyətə vurduğu zərərlərdən bəhs olunub.
Bununla yanaşı, yetkinlik yaşına çatmayanlar tərəfindən hüquqazidd əməllərin törədilməsinin qarşısının alınması məqsədilə yeniyetmələrin sağlam həyat tərzinə üstünlük verməsinin, təhsilə və elmə yönəlməsinin vacibliyi diqqətə çatdırılıb. Tədbir zamanı məktəblilərlə interaktiv müzakirələr aparılıb, onların mövzu ilə bağlı fikirləri dinlənilib və zərərli vərdişlərin insan sağlamlığına, ailəyə və cəmiyyətə vurduğu mənfi təsirlər barədə geniş izahlar verilib.
Tədbirin sonunda məktəbliləri maraqlandıran suallar cavablandırılıb, şagirdlərlə xatirə fotoşəkilləri çəkilib. Maarifləndirici görüşlər həm məktəblilər, həm də məktəb rəhbərliyi tərəfindən maraqla qarşılanıb.

Polis Akademiyasının əməkdaşı məktəblilərlə narkomaniya və zərərli vərdişlərə qarşı maarifləndirici görüş keçirib

Azərbaycan Respublikası Daxili İşlər Nazirliyinin antinarkotik təbliğat sahəsində fəaliyyətin gücləndirilməsi istiqamətində həyata keçirdiyi tədbirlər çərçivəsində Nəsimi rayonu 54, 111 və 159 nömrəli tam orta məktəblərdə, eləcə də Texniki-Humanitar Liseydə “Narkomaniya sosial bəladır” və “Zərərli vərdişlərə yox deyək” mövzularında maarifləndirici-profilaktik görüşlər təşkil olunub.
Tədbirlərdə Polis Akademiyasının Mülki hüquq kafedrasının müəllimi, polis baş leytenantı İmamverdi Rəhimov, Nəsimi Rayon Polis İdarəsinin Yetkinlik Yaşına Çatmayanlarla Profilaktik İşin Təşkili Bölməsinin inspektorları – polis mayoru Yeganə Zeynalova, polis mayoru Əhməd Zeynalov, polis baş leytenantı Fərid Quliyev, həmçinin məktəblərin pedaqoji kollektivləri və 8-11-ci sinif şagirdləri iştirak ediblər.
Çıxış edən İ.Rəhimov narkomanlığın cəmiyyət üçün yaratdığı təhlükələr, narkotik vasitələrin insan sağlamlığına və sosial həyata mənfi təsirləri, bu növ hüquqpozmalara səbəb olan amillər, eləcə də zərərli vərdişlərdən qorunma üsulları barədə ətraflı məlumat verib.
Tədbirlər zamanı son dövrlərdə ümumtəhsil müəssisələrində müşahidə olunan neqativ hallar, yetkinlik yaşına çatmayan şəxslər tərəfindən törədilən müxtəlif hüquqpozmalar və onların hüquqi nəticələri barədə də geniş müzakirələr aparılıb. Şagirdlərə soyuq silah hesab edilən və ya kəsici-deşici alətlərin üzərlərində daşınmasının yaratdığı təhlükələr, həmçinin bu əməllərə görə nəzərdə tutulan məsuliyyət tədbirləri izah olunub, onlarla maarifləndirici və mənəvi-psixoloji söhbətlər aparılıb.
Sonda məktəbliləri maraqlandıran suallar cavablandırılıb, iştirakçılarla xatirə fotoşəkilləri çəkdirilib. Maarifləndirici tədbirlər məktəblilər və təhsil müəssisələrinin rəhbərlikləri tərəfindən maraqla qarşılanıb.

Polis Akademiyasında təcrübəli mütəxəssislərin iştirakı ilə keçirilən
dərslər davam etdirilir
Azərbaycan Respublikası Daxili İşlər Nazirliyinin Polis Akademiyasında yüksək peşəkarlığa malik mütəxəssislərin iştirakı ilə keçirilən dərslər uğurla davam etdirilir. Təcrübəli mütəxəssislərin dərslərə cəlb olunması tələbələrin nəzəri biliklərini praktik vərdişlərlə möhkəmləndirməyə, həmçinin gələcək peşə fəaliyyətlərinə daha hazırlıqlı şəkildə başlamalarına şərait yaradır.
Müxtəlif fənlər üzrə keçirilən interaktiv dərslərdə qonaq qismində iştirak edən DİN-in Bakı şəhər Baş Polis İdarəsinin İstintaq və Təhqiqat İdarəsinin rəisi, polis polkovniki İsmayıl Əliyev “Cinayət prosesində sübutlar və sübutetmə”, Ədliyyə Nazirliyinin Ədliyyə Akademiyasının Cinayət prosesi, kriminalistika və məhkəmə ekspertizası kafedrasının müdiri, hüquq elmləri doktoru, dosent Mətanət Əsgərova “Azərbaycan Respublikasının ədliyyə orqanları”, Milli Aviasiya Akademiyasının Magistratura və doktorantura şöbəsinin müdiri, hüquq elmləri doktoru, dosent Araz Qədiməliyev “Azərbaycan Respublikasının Milli Məclisi”, Bakı Dövlət Universitetinin Cinayət hüququ və kriminologiya kafedrasının dosenti, hüquq üzrə fəlsəfə doktoru Orxan Aslanov “Mülkiyyət əleyhinə olan cinayətlər” mövzuları üzrə mühazirə dərslərində iştirak ediblər.
Dərslər zamanı mütəxəssislər tərəfindən kursantlara cinayət prosesində sübutetmə mexanizmləri, ədliyyə orqanlarının fəaliyyəti, qanunvericilik hakimiyyətinin əsas prinsipləri, eləcə də mülkiyyət əleyhinə olan cinayətlərin hüquqi xüsusiyyətləri barədə nəzəri və praktiki məlumatlar təqdim olunub, hüquq tətbiqetmə təcrübəsində rast gəlinən məsələlər ətrafında geniş fikir mübadiləsi aparılıb və kursantların sualları cavablandırılıb.

Ümummilli lider Heydər Əliyevin 103-cü ildönümünə həsr olunmuş silsilə tədbirlər çərçivəsində DİN-in Polis Akademiyasında “Xalqın əbədiyaşar lideri” adlı dəyirmi masa keçirilib

Daxili İşlər Nazirliyinin Polis Akademiyasında “Vətənpərvər kursant” elmi dərnəyinin üzvlərinin iştirakı ilə Ümummilli lider Heydər Əliyevin anadan olmasının 103-cü ildönümünə həsr olunmuş “Xalqın əbədiyaşar lideri” adlı dəyirmi masa keçirilib. Ümummilli lider Heydər Əliyevin və torpaqlarımızın azadlığı uğrunda şəhid olmuş həmvətənlərimizin əziz xatirəsi bir dəqiqəlik sükutla yad edilib, Dövlət Himni səsləndirilib.
Tədbirdə çıxış edən İctimai elmlər kafedrasının rəisi, polis polkovniki, tarix üzrə fəlsəfə doktoru Rəhim Məcnunov Ümummilli lider Heydər Əliyevin Azərbaycanın həm birinci, həm də ikinci rəhbərliyi dövründə dövlətçiliyin qorunması, möhkəmləndirilməsi və inkişaf etdirilməsi istiqamətində həyata keçirdiyi mühüm tədbirlərdən ətraflı bəhs edib.
Dəyirmi masada II kurs kursantı İzzət Qasımov “Heydər Əliyevin Azərbaycana I rəhbərliyi dövrü: Tərəqqi və çiçəklənmə”, I kurs kursantları Hacalı Hacıyev “Ulu Öndər Heydər Əliyevin Azərbaycan mədəniyyətinin inkişafında rolu” və Məhəmməd Ağazadə “Heydər Əliyev və Azərbaycanda ordu quruculuğu” mövzularında çıxışlar ediblər.
Tədbirin sonunda kafedranın dosenti, polis polkovnik-leytenantı, tarix üzrə fəlsəfə doktoru Əfqan Qasımzadə çıxış edərək, Ümummilli lider Heydər Əliyevin azərbaycançılıq ideologiyasının müasir Azərbaycanın milli birliyinin və dövlətçiliyinin əsas dayaqlarından biri olduğunu vurğulayıb.

Polis kursantlarından Ulu öndərin anadan olmasının 103 illiyinə həsr olunmuş fləşmob

DİN-in Polis Akademiyasının kursantları xalqımızın ümummilli lideri Heydər Əliyevin anadan olmasının 103-cü ildönümünə həsr olunan fləşmob keçirib.

Fləşmobda “Hər zaman qəlbimizdə...” və “Sonsuzadək izinizdəyik!” kompozisiyası nümayiş olunub.

Polis Akademiyasında Heydər Əliyevin 103-cü ildönümünə həsr olunmuş intellektual bilik yarışı keçirilib

Polis Akademiyasında Dövlət və hüquq nəzəriyyəsi kafedrasının nəzdində fəaliyyət göstərən “Gənc hüquqşünas” kursant elmi dərnəyinin təşkilatçılığı ilə Heydər Əliyevin anadan olmasının 103-cü ildönümünə həsr olunmuş intellektual bilik yarışı keçirilib. Tədbirdə “Hüquq” fakültəsinin I kurs kursantlarından ibarət 5 komanda – “Ədalət”, “Vətən”, “Femida”, “Zəfər” və “İstiqlal” iştirak edib.
Yarış başlamazdan əvvəl Ulu Öndər Heydər Əliyevin və vətən uğrunda canından keçmiş şəhidlərimizin əziz xatirəsi bir dəqiqəlik sükutla yad edilib, Dövlət Himni səsləndirilib. Daha sonra Akademiya rəisinin birinci müavini, polis polkovniki Vüqar Mansurov çıxış edərək tədbirin Ümummilli Liderin 103-cü ildönümünə həsr olunmasının xüsusi əhəmiyyət daşıdığını vurğulayıb. O, Heydər Əliyevin zəngin dövlətçilik irsindən bəhs edib, kursantlara tövsiyələrini çatdıraraq iştirakçılara uğurlar arzulayıb.
Tədbir çərçivəsində Ulu Öndərin həyat və fəaliyyətini əks etdirən qısa videoçarx nümayiş olunub, daha sonra münsiflər heyəti və komandaların tərkibi elan edilib. Üç mərhələdən ibarət yarış zamanı komandalar verilən sualları müəyyən olunmuş vaxt çərçivəsində cavablandırıblar.
Gərgin və maraqlı mübarizə şəraitində keçən yarışın yekun nəticələrinə əsasən “Ədalət” komandası Akademiyanın müəllimlərindən ibarət münsiflər heyəti tərəfindən qiymətləndirilərək I yerə layiq görülüb, komandanın üzvlərinə sertifikatlar və qiymətli hədiyyələr təqdim edilib.

Polis Akademiyasının əməkdaşı beynəlxalq proqram akkreditasiyasına həsr olunmuş forumda iştirak edib

Polis Akademiyasının Strateji planlaşdırma, keyfiyyət təminatı və monitorinq bölməsinin rəisi, polis polkovnik-leytenantı Fərhad Həsənzadə Bakı Ali Neft Məktəbinin təşkilatçılığı ilə keçirilən “Azərbaycan ali təhsilində beynəlxalq proqram akkreditasiyası” forumunda iştirak edib.
Forumda ölkənin müxtəlif ali təhsil müəssisələrinin keyfiyyət təminatı üzrə məsul əməkdaşları, akkreditasiya sahəsində fəaliyyət göstərən yerli və xarici ekspertlər, həmçinin Təhsildə Keyfiyyət Təminatı Agentliyinin rəhbərliyi və nümayəndələri iştirak ediblər. Tədbirin açılış hissəsində ali təhsil müəssisələrində beynəlxalq proqram akkreditasiyasının tətbiqi təcrübələri, keyfiyyət təminatı mexanizmlərinin təkmilləşdirilməsi və bu sahədə qarşılıqlı əməkdaşlıq imkanları barədə fikir mübadiləsi aparılıb.
Daha sonra forum “Azərbaycanda beynəlxalq proqram akkreditasiyası: çağırışlar və imkanlar” mövzusunda keçirilən panel müzakirələrlə davam etdirilib. Panel sessiyalarında beynəlxalq akkreditasiya prosesinin ali təhsildə keyfiyyətin yüksəldilməsinə təsiri, müasir yanaşmalar, mövcud problemlər və perspektiv inkişaf istiqamətləri ətrafında müzakirələr aparılıb.
Forum çərçivəsində iştirakçılar arasında təcrübə mübadiləsi həyata keçirilib, ali təhsil müəssisələri arasında gələcək əməkdaşlıq imkanları nəzərdən keçirilib.