BMS-in fəailyyəti Azərbaycan hüdudlarında biznesin inkişafı üçün ehtiyac duyulan ixtisaslara aid yerli və xarici mütəxəssislərin iştirakı ilə təlimlərin təşkil olunması və peşəkar kadrların hazırlanmasından ibarətdir. Azərbaycanda biznes mühitinin sürətli şəkildə inkişafı, müxtəlif biznes sahələrində bacarıqlı kadrlara ehtiyac yaratmışdır. Xüsusəndə, qlobal şirkətlərlə əməkdaşlıq və qloballaşma nə
ticəsində baş verən iqtisadi proseslərin bir başa Azərbaycan iqtisadiyyatına təsiri bu yöndəki təlimlərin təşkilini zəruriləşdirmişdir. ABŞ və Avropa ölkələrdə son illərdəki iqtisadi artım və bu artıma səbəb olan texnoloji innovasiyalar, bu ölkədəki professional elm mərkəzlərinin mövcudluğundan xəbər verir. Bizim məqsədimiz, həmin mərkəzlərdəki professional kadrları ölkəmizdə təşkil edəcəyimiz təlimlərə cəlb edərək öz bilik və təcrübələrini yerli mütəxəssislərimizlə bölüşməklərini təmin etməkdir. Həmçinin son illər xaricdə təhsil alıb öz biliklərini nüfuzlu şirkətlərdə təcrübəyə çevirən gənc kadrlarımızın təcrübələrini sizlərə çatdırmaqda vasitəçi olmaq bizim fəaliyyətimizin bir hissəsidir. Məqsəd Azərbaycanda biznes əməliyyatlarının idarə olunması üzrə kadr çatışmazlığı sahəsində yeni kadrlarla təmin etmək və bu sahədə keyfiyyət nişanəsi olmaqdır. Missiyamız, adımızdan da bəlli olduğu kimi, biznes menecmentiı sahəsində bir bilik mərkəzi, biznes üzrə idarəetmə məktəbi yaratmaqdır. Şirkətdə biznes proseslərinin, insan resursları üzrə əməliyyatlarının, logistik əməliyyatları,İnventarın idarə edilməsi, keyfiyyət menecmentinin yaradılması, İdarəetmə əməliyyatları üçün kompyuter modelləşməsinin yaradılması,Xətti proqramlaşdırılmanın,servis əməliyyatlarının aparılması üzrə təlimlər tədris olunacaqdır
Qarşılıqlı faydalı əməkdaşlıq arzusu ilə.
