Bakı Slavyan Universitetinin Məktəb Lisey Kompleksi

23/04/2026

23/04/2026

Şagirdlərimiz Avropa İntibah dövründə yaşamış ensiklopedik alim, riyaziyyatçı, mühəndis, ixtiraçı, rəssam, heykəltaraş, memar, musiqiçi və yazıçı. İtaliya İntibahının rəmzi sayılan "Universal insan" tipinin ən parlaq nümayəndəsi Leonardo di ser Pyero da Vinçi fenomeni haqqında təqdimatlarla çıxış etdilər, onun haqqında maraqlı faktlarla tanış oldular.

22/03/2026

BSU MLK-da Novruz bayramı münasibətilə " Gəlir yazım, çalır sazım " adlı tədbir keçirilib
Martın 17-də Bakı Slavyan Universitetinin(BSU) Məktəb-Lisey Kompleksində(MLK) Novruz bayramı münasibətilə " Gəlir yazım,çalır sazım " adlı tədbir keçirilib. Bayram tədbirində məktəbin rəhbərliyi, müəllimləri və şagirdləri iştirak ediblər.
BSU MLK-nın direktoru İlahə Carçıyeva məktəbin kollektivini Torpaq çərşənbəsi, eləcə də qarşıdan gələn müqəddəs Novruz və Ramazan bayramları münasibətilə təbrik edərək xoş arzu və diləklərini çatdırıb, uğurlar arzulayıb.O bildirib ki,Novruz bayramı özünəməxsus adətləri ilə fərqlənən,bəşəri dəyərləri özündə əks etdirən, baharın gəlişini simvolizə edən xalq bayramıdır. Novruz bayramı 2009-cu ildə UNESCO-nun Qeyri-Maddi Mədəni İrs Siyahısına daxil edilib, 2010-cu ildə isə BMT Baş Assambleyasının 64-cü sessiyasında martın 21-i Beynəlxalq Novruz Günü elan olunub. Çıxışında soydaşlarımızın milli-mənəvi dəyərlərimizi özündə təcəssüm etdirən bu sevimli bayramı artıq Qarabağda,Şərqi Zəngəzurda da qarşıladığını qeyd edən direktor İ.Carçıyeva bu ümumxalq sevincinin Azərbaycan Respublikasının Prezidenti, Müzəffər Ali Baş Komandan İlham Əliyevin rəhbərliyi altında ölkəmizin ərazi bütövlüyünün, suverenliyinin tam təmin edilməsi nəticəsində gerçəkləşdiyini vurğulayıb.
Bayram tədbiri məktəbin şagirdlərinin təqdimatında Novruz bayramına kimi keçirilən ilaxır çərşənbələrini, bayramın adətlərini,xüsusiyyətlərini, atributlarını və personajlarını əks etdirən maraqlı, rəngarəng bədii-musiqili proqramla başa çatıb.

19/03/2026

Bu gün şagirdlərimiz “Tanınmış Şəxsiyyətlər Təqvimi” çərçivəsində Qərb incəsənəti tarixinin ən məşhur və nüfuzlu simalarından biri olan holland post-impressionist rəssamı Vinsent Van Qoq yaradıcılığı ilə tanış oldular. Gənclər incəsənət təqdqiqatçıları Tanınmış rəssamın rəsmlərinə münasibət bildirib video təqdimatlarla çıxış etdilər.

07/03/2026

BSU-nun Məktəb-Lisey Kompleksində 8 Mart-Beynəlxalq Qadınlar Günü münasibətilə bədii-musiqili proqram təşkil edilib
Bakı Slavyan Universitetinin(BSU) Məktəb-Lisey Kompleksində(MLK) 8 Mart-Beynəlxalq Qadınlar Günü münasibətilə bədii-musiqili proqram təşkil edilib. Tədbir Azərbaycan Respublikasının Dövlət Himninin səsləndirilməsi ilə başlayıb.
BSU MLK-nın direktoru İlahə Carçıyeva məktəbin qadın müəllim və əməkdaşlarını Beynəlxalq Qadınlar Günü münasibətilə təbrik edərək onlara möhkəm cansağlığı, yüksək əhvali-ruhiyyə, səadət, xoşbəxtlik və gələcək fəaliyyətlərində uğurlar arzulayıb. Azərbaycanda dövlət qadın siyasətinin əsasının Ulu Öndər Heydər Əliyev tərəfindən qoyulduğunu bildirən direktor İ.Carçıyeva bu siyasəti Prezident İlham Əliyevin və Birinci vitse-prezident Mehriban Əliyevanın uğurla davam etdirdiklərini vurğulayıb. O qeyd edib ki, Azərbaycan qadınları həyatımızın bütün sahələrində, o cümlədən iqtisadiyyat, elm,təhsil,səhiyyə, mədəniyyət,incəsənət, idman sahələrində,ictimai-siyasi fəaliyyətdə,
dövlət idarəçiliyində yüksək səviyyədə təmsil olunaraq ölkəmizin hərtərəfli sürətli inkişafına,dövlətimizin güclənməsinə mühüm töhfələr verirlər.
Tədbir məktəbin şagirdlərinin təqdim etdikləri rəngarəng bədii-musiqili proqramla başa çatıb.

07/03/2026

26/02/2026

BSU-nun Məktəb-Lisey Kompleksində " Xocalı-susmayan fəryad " adlı tədbir keçirilib
Fevralın 25-də Bakı Slavyan Universitetinin(BSU) Məktəb-Lisey Kompleksində(MLK) Xocalı faciəsinin 34-cü ildönümünə həsr olunan " Xocalı-susmayan fəryad " adlı anım tədbiri keçirilib. Tədbirdə ilk olaraq Azərbaycan Respublikasının Dövlət Himni səsləndirilib, Xocalı soyqırımı qurbanlarının, eləcə də Vətənimizin müstəqilliyi, suverenliyi, ərazi bütövlüyü uğrunda mübarizədə canlarını qurban verən bütün şəhidlərimizin əziz xatirəsi bir dəqiqəlik sükutla yad edilib.
BSU MLK-nın direktoru İlahə Carçıyeva çıxış edərək erməni silahlı birləşmələrinin 1992-ci fevral ayının 26-da strateji əhəmiyyət kəsb edən Xocalı şəhərində azərbaycanlılara qarşı xüsusi qəddarlıqla törətdikləri dəhşətli hərbi cinayətin səbəb və nəticələri barədə geniş məlumat verib. Xocalı soyqırımının yalnız Azərbaycan xalqına qarşı deyil, bütün bəşəriyyətə qarşı yönələn amansız cinayət oldugunu bildirən direktor İ.Carçıyeva digər milli faciələrimiz kimi, bu soyqırımına da ilk dəfə Ulu Öndər Heydər Əliyev tərəfindən dolğun siyasi-hüquqi qiymətin verildiyini vurğulayıb. O qeyd edib ki, Prezident, Müzəffər Ali Baş Komandan İlham Əliyevin qətiyyətli siyasi iradəsi, yüksək diplomatik strategiyası, hərbi bacarığı və Azərbaycan Ordusunun qəhrəmanlığı sayəsində Vətən müharibəsində qazanılan Qarabağ Zəfəri və birgünlük hərbi əməliyyatlar nəticəsində ölkəmizin ərazi bütövlüyünün, suverenliyinin tam təmin edilməsi ilə Xocalı soyqırımı qurbanlarının da qisası alındı. Heydər Əliyev Fondunun vitse-prezidenti Leyla Əliyevanın təşəbbüsü ilə başlayan " Xocalıya ədalət!" beynəlxalq təbliğat-təşviqat kampaniyası bu faciə barədə həqiqətlərin dünya ictimaiyyətinə çatdırılmasında və faciənin tam səviyyədə soyqırımı aktı kimi tanınmasında mühüm rol oynayır. Bunlarla yanaşı, xalqımıza qarşı qanlı cinayət aktları, kütləvi qırğınlar həyata keçirən erməni hərbi canilərinin Azərbaycanda ədalət mühakiməsinə çəkilərək layiqli cəzalarını almaları da haqq-ədalətin bərpasının təntənəsidir.
Tədbirdə məktəbin şagirdləri Xocalı faciəsinə həsr olunan ədəbi-bədii proqramla çıxış ediblər.

24/02/2026

BSU-nun Məktəb-Lisey Kompleksində şəhid Elçin Cavadovun xatirəsi anılıb
Fevralın 23-də Bakı Slavyan Universitetinin(BSU) Məktəb-Lisey Kompleksində(MLK) bu təhsil müəssisəsinin şəhid məzunu Elçin Rasim oğlu Cavadovun anım gününə həsr olunan tədbir keçirilib. Tədbirdə BSU MLK-nın müəllim və şagirdləri, şəhid Elçin Cavadovun ailə üzvləri,yaxınları iştirak ediblər. Tədbir Azərbaycan Respublikasının Dövlət Himninin səsləndirilməsi, şəhid Elçin Cavadovun və Vətənimizin azadlığı, suverenliyi, ərazi bütövlüyü uğrunda mübarizədə canlarını qurban verən bütün şəhidlərimizin əziz xatirəsinin bir dəqiqəlik sükutla yad edilməsi ilə başlayıb.
Anım mərasimində Birinci Qarabağ müharibəsində qəhrəmancasına şəhid olan E.Cavadovun həyat və keçdiyi döyüş yolu barədə geniş məlumat verilib. Qeyd edilib ki,1963-cü il dekabr ayının 3-də Bakı şəhərində anadan olan E.Cavadov BSU MLK-da orta təhsil alıb. Hərbi xidmətdən sonra polis məktəbinə qəbul olunub və həmin məktəbi bitirdikdən sonra polis əməkdaşı kimi fəaliyyət göstərib. Birinci Qarabağ müharibəsi zamanı könüllü olaraq cəbhəyə gedən E. Cavadov Agdərə, Xankəndi uğrunda gedən döyüşlərdə rəşadətlə iştirak edib. O, 1994-cü il fevral ayının 23-də Ağdam rayonunun Xındırıstan kəndində qəhrəmancasına şəhid olub.
BSU MLK-nın direktoru İlahə Carçıyeva çıxış edərək bildirib ki, bütün şəhidlərimiz kimi, E. Cavadovun da xatirəsi xalqımızın qəlbində əbədi yaşayacaq. Prezident, Müzəffər Ali Baş Komandan İlham Əliyevin rəhbərliyi altında Vətən müharibəsində qazanılan tarixi Zəfər,həmçinin lokal xarakterli antiterror əməliyyatları nəticəsində işgala və separatizmə son qoyulması,ölkəmizin ərazi bütövlüyünün, suverenliyinin tam bərpa edilməsi ilə bütün şəhidlərimizin qisası alındı. Direktor İ.Carçıyeva şagirdlərə həmişə şəhidlərimizin xatirəsini uca tutmağı, doğma Vətənimiz Azərbaycanı ürəkdən sevməyi və qorumağı tövsiyə edib.
Tədbirdə məktəbin şagirdlərinin hazırladıqları ədəbi-bədii hissə təqdim edilib.
Şəhid E.Cavadovun dayısı Qılman Musayev şəhid ailələrinə göstərilən diqqət və qayğıya görə ölkə rəhbərliyinə, həmçinin tədbirin təşkilatçılarına təşəkkür edib.
Qeyd edək ki, həmin gün məktəbin müəllim və şagirdləri şəhid E. Cavadovun Hərbi Memorial Məzarlıqdakı məzarını ziyarət edərək önünə gül dəstələri düzərək xatirəsini dərin ehtiramla yad ediblər.

20/02/2026

BSU MLK-da 21 Fevral- Beynəlxalq Ana Dili Günü silsilə tədbirlərlə qeyd edilib
Bakı Slavyan Universitetinin(BSU)Məktəb-Lisey Kompleksində(MLK) 21 Fevral-Beynəlxalq Ana Dili Günü silsilə tədbirlərlə qeyd edilib. Belə ki,
bu beynəlxalq gün münasibətilə BSU MLK-da hazırlanan Tədbirlər Planına uyğun olaraq " Ulu Heydər Əliyevin dil siyasəti-dilimizin saflığının qorunması" mövzusunda dəyirmi masa, məktəbin şagirdləri arasında" Ana dilim şirindir" şüarı ilə şeir müsabiqəsi, " Ana dilimizin sədası" şüarı ilə intellektual yarış, " Ana dilimizi sevirik!" adlı tədbir, " Öz dilini yaşadanlar" mövzusunda müsabiqə, siniflərdə Azərbaycan dilinin dövlət dili kimi tədrisi vəziyyətinin yaxşılaşdırılması məqsədilə monitorinqlər, " Ana dilimizin sehrinin rəngləri" şüarı ilə şagirdlərin rəsm və əl işlərindən ibarət sərgi, " Ana dilim-doğma dilim" şüarı ilə bədii qiraət və səhnəcik yarışı,həmçinin ədəbi-bədii gecə keçirilib.
BSU MLK-nın direktoru İlahə Carçıyeva şagirdlərə Azərbaycan dilini ürəkdən sevməyi,dərindən öyrənməyi,onun zəngin imkanlarından bacarıqla istifadə etməyi və ana dilimizin saflığını qorumağı tövsiyə edib.

19/02/2026

Təhsil müəssisələrində şagirdlərin fiziki fəallığının artırılması, sağlam həyat tərzinin təşviqi və idman mühitinin gücləndirilməsi məqsədilə keçirilən "Ayın idman növü" layihəsi çərçivəsində şagirdlər arasında voleybol üzrə yarış keçirilib.