Vətən Müharibəsi Qəhrəmanı Zaur Nudirəliyev adına 47 N-li tam orta məktəb

Fevralın 27-də məktəbin məktəbdənkənar və sinifdənxaric tərbiyə işləri üzrə təşkilatçısı Rübabə Abuşova və texnologiya müəllimi Sevinc Novruzovanın təşkilatçılığı ilə şagirdlər "Ana harayı" abidəsini ziyarət etdilər. Xocalı soyqırımında həlak olan insanların xatirəsini yad edən şagirdlər, abidənin üzərinə qərənfillər düzdülər.

27 fevral tarixində məktəbin psixoloqu Günay Abbasova 8- ci sinif şagirdləri ilə "Zərərli vərdişlər" mövzusunda maarifləndirici söhbət aparmışdır.
Şagirdlərlə fikir mübadiləsi aparılıb, onların şəxsi fikirləri əsasında zərərli vərdişlərin hansı fəsadlara yol açacağı haqqında məlumatlar verilmişdir.

Məktəbin rus bölməsi üzrə müəllimləri Gülbəniz Musayeva, Şəlalə Hüseynova və ibtidai sinif müəllimi Nigar Həsənova 2 e sinif şagirdləri ilə birlikdə 21 fevral "Beynəlxalq Ana dili Günü"nə aid tədbir keçirdilər.Tədbirdə şagirdlərə dilimizin əlifbası, tarixi haqqında maraqlı məlumatlar verildi. Daha sonra şagirdlər ana dilinə həsr olunmuş şeirlər səsləndirib,Tık-tık xanım nağılını səhnələşdirdilər.Tədbir şagirdlər tərəfindən maraqla qarşılandı.

4 d sinif şagirdi Davud Ağamirzəyev "Dünya Azərbaycanlıların Həmrəylik Günü"-nə həsr olunmuş üzgüçülük açıq birinciliyində 1-ci yerə layiq görülüb.
Bu münasibətlə şagirdimizi təbrik edir, nailiyyətlərinin davamlı olmasını arzulayırıq.

29 dekabr Zaur Nudirəliyev adına 47 nömrəli tam orta məktəbdə Bakı Şəhəri üzrə Təhsil İdarəsi tərəfindən təşkil olunmuş,şagirdlərin bilik səviyyələrinin öyrənilməsi məqsədi ilə 6-cı siniflərə Təbiət, 7-ci siniflərə Azərbaycan Tarixi fənindən monitorinq keçirildi.

14 dekabr Bakı Şəhəri üzrə Təhsil İdarəsinin Təhsilin keyfiyyətinə nəzarət sektorunun təşkilatçılığı ilə 7 və 9-cu siniflərdə buraxılış fənlərindən monitorinq keçirildi.
Monitorinqin keçirilməsində əsas məqsəd buraxılış imtahanı fənləri üzrə şagirdlərin bilik və bacarıqlarını müəyyən etməkdir.

Dekabrın 13-də 3-cü siniflərdə tədris dilindən məktəbdaxili monitorinq keçirildi.

Dərin hüzn və hörmətlə anırıq.

7 dekabr Zaur Nudirəliyev adına tam orta məktəbdə Nərimanov rayon Polis İdarəsinin rəhbərliyi və nümayəndələrinin, məktəbin direktoru Aytən Bağırovanın iştirakı ilə "Narkomaniya ümumbəşəri bəladır" mövzusunda marifləndirici tədbir keçirildi.Tədbirdə narkomaniyanın sərhəd tanımadan yayılmasından, sağalmaz fəsadlarından bəhs edildi. Şagirdlərə maarifləndirici məlumatlar verilərək, onlara narkotik vasitələrdən qorunma yolları izah olundu.
Tədbirdə iştirak etdilər:
1.Nərimanov Rayon Polis İdarəsinin rəisi, polis polkovniki Arzu Heydərov
2.Nərimanov Rayon Polis İdarəsinin rəisinin Şəxsi Heyətlə iş üzrə köməkçisi, polis mayoru Orxan Sadıqzadə
3.Nərimanov Rayon Polis İdarəsinin 16-cı PŞ-nin rəisi, polis mayoru Cavid İsmayılzadə
4.Nərimanov Rayon Polis İdarəsinin Narkotiklərlə Mübarizə Bölməsinin baş əməliyyat müvəkkili, polis mayoru Vüsal Nurəliyev
5.Nərimanov Rayon Polis İdarəsinin Veteranlar Şurasının sədri ehtiyatda olan polis polkovniki Ramiz Məmmədov.