Xəzər Universiteti / Khazar University

“Qarabağ və Şərqi Zəngəzurun Türk-İslam Abidələri” Mövzusunda Beynəlxalq Simpoziuma Çağırış

Qarabağ və Şərqi Zəngəzur bölgəsi əsrlər boyu Türk-İslam mədəniyyətinin ən mühüm mərkəzlərindən biri olmuş, zəngin memarlıq və mənəvi irs formalaşdırmışdır. Bölgədə yerləşən türbələr, məscidlər, xanəgahlar və digər dini-memarlıq abidələri yalnız Azərbaycanın deyil, bütün Türk-İslam dünyasının ortaq tarixi və mədəni irsinin ayrılmaz parçasıdır. Bu zəngin irsin elmi şəkildə araşdırılması, qorunması və beynəlxalq akademik ictimaiyyətə tanıdılması məqsədilə Türkiyə İşbirliyi və Koordinasiya Agentliyinin (TİKA) dəstəyi və Xəzər Universiteti Tarix və Arxeologiya departamentinin təşkilatçılığı ilə 21 oktyabr 2026-cı il tarixində “Qarabağ və Şərqi Zəngəzurun Türk-İslam Abidələri” adlı beynəlxalq simpozium keçiriləcəkdir.

Simpoziumun əsas məqsədi Qarabağ və Şərqi Zəngəzur bölgəsində yerləşən Türk-İslam abidələrinin tarixi, memarlıq xüsusiyyətləri, bədii-estetik dəyərləri, işğal dövründə məruz qaldığı dağıntılar, eləcə də bərpa və yenidənqurma proseslərinin elmi müstəvidə araşdırılması və müzakirəsidir. Tədbir çərçivəsində tarix, arxeologiya, sənət tarixi, memarlıq, epiqrafika, kulturologiya və mədəni irs sahələrində çalışan alim və mütəxəssislərin məruzələri dinləniləcəkdir.

Simpozium, həmçinin Qarabağ və Şərqi Zəngəzurun zəngin Türk-İslam irsinin beynəlxalq elmi ictimaiyyətə tanıdılması, bu irsin qorunması istiqamətində akademik əməkdaşlığın genişləndirilməsi və yeni elmi araşdırmaların təşviqi baxımından mühüm əhəmiyyət daşıyır.

Mövzu ilə maraqlanan tədqiqatçılar simpoziumda iştirak etməyə və məruzə ilə çıxış etməyə dəvət olunurlar. Məruzə tezislərinin və iştirak müraciətlərinin aşağıda qeyd edilən elektron poçt ünvanına göndərilməsi xahiş olunur:

E-mail: [email protected]

Xəzər Universitetinin məzunu yeni vəzifədə

Xəzər Universitetinin Hüquqşünaslıq ixtisası üzrə 2001-ci il bakalavr məzunu Süleyman Babayev Səudiyyə Ərəbistanı “ACWA Power” şirkətinin Azərbaycandakı törəmə şirkəti “ACWA Power Azerbaijan Renewable Energy” MMC-nin direktor müavini vəzifəsinə təyin olunub.

Süleyman Babayev bu təyinata qədər “ACWA Power” da müqavilələr və dövlət qurumları ilə əlaqələr üzrə menecer kimi fəaliyyət göstərib.

https://banker.az/s-er%c9%99bistanin-az%c9%99rbaycandaki-sirk%c9%99tinin-r%c9%99hb%c9%99rliyin%c9%99-t%c9%99yinat-olub/

Xəzər Universiteti tələbələrinin Fransız İnstitutuna maarifləndirici səfəri

Xəzər Universitetinin Humanitar, təhsil və sosial elmlər fakültəsinin ikinci kurs tələbələri fransız dili müəllimi Lətafət Quliyevanın rəhbərliyi ilə 2026-cı il mayın 15- də Bakı şəhərində fəaliyyət göstərən “Institut Fransais d'Azerbaïdjan”ı ziyarət etmişlər. Tələbələr institut tərəfindən böyük səmimiyyət və qonaqpərvərliklə qarşılanmışlar. Fransız İnstitutunun direktoru Jacques Bounin tələbələrə institutun fəaliyyəti, fransız dili və mədəniyyətinin təbliği istiqamətində həyata keçirilən layihələr barədə ətraflı məlumat vermişdir.

Görüş çərçivəsində tələbələr institutun zəngin kitabxanası, virtual kitabxana imkanları, eləcə də Campus France nümayəndəliyinin fəaliyyəti ilə yaxından tanış olmuşlar. Campus France nümayəndələri Fransada təhsil imkanları, təqaüd proqramları, tələbə həyatı və beynəlxalq perspektivlər barədə ətraflı təqdimatla çıxış etmişlər.

Sonra “Xəzər”in tələbələri tərəfindən hazırlanmış rəngarəng və maraqlı proqram təqdim olunmuşdur. Tələbələrin fransız dilində nümayiş etdirdikləri yüksək bilik səviyyəsi, sərbəst ünsiyyət bacarıqları və yaradıcılıqları Fransız İnstitutunun əməkdaşları tərəfindən böyük maraqla qarşılanmışdır. Xüsusilə, Xəzər Universitetində fransız dili dərslərinin müasir və interaktiv metodlarla tədris olunması yüksək qiymətləndirilmişdir.

Bu görüş tələbələrin dil biliklərinin möhkəmləndirilməsi, fransız mədəniyyəti ilə daha yaxından tanış olmaları, həmçinin, gələcək akademik və peşəkar inkişafları üçün yeni perspektivlər qazanmaları baxımından olduqca əhəmiyyətlidir.

Türkiyənin İstanbul Universitetində Tibbi biologiya ixtisası üzrə təhsil alan doktorantın seminarı keçiriləcək

Həyat Elmləri departamenti və Təbiət Elmləri, Sənət və Texnologiya yüksək təhsil fakültəsinin təşkilatçılığı ilə doktorant Aidə Adıgözəlovanın “Talassemiyalı xəstələrdə ferroptozisin hüceyrə zədələnməsində rolu” adlı seminarı keçiriləcəkdir.

Məruzəçi “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə xaricdə doktorantura təhsili” proqramı çərçivəsində Azərbaycan Respublikasının Təhsil Nazirliyi və Xəzər Universiteti ilə üçtərəfli müqaviləsi əsasında Türkiyənin İstanbul Universiteti Səhiyyə Elmləri İnstitutunda Tibbi biologiya ixtisası üzrə təhsil alır.

Seminar 21.05.2026-cı il tarixində saat 15:00-da Zoom platforması vasitəsilə onlayn şəkildə təşkil olunacaqdır.

İştirak etməyi arzu edənlər aşağıdakı link vasitəsi ilə seminara qoşula bilərlər.

Toplantı sohbet bağlantısı
https://us05web.zoom.us/launch/jc/87841640467
Toplantı Kimliği: 878 4164 0467
Parola: 6tSZaK

Bristol Universitetində təhsil alan doktorantın seminarı

Xəzər Universiteti Təbiət elmləri, sənət və texnologiya yüksək təhsil fakültəsi və Təhsil departamentinin birgə təşkilatçılığı ilə doktorant Yasəmən İbayevanın 2026-cı il mayın 18-də “İnklüziv sinif mühiti necə olmalıdır?” mövzusunda seminarı keçirilib.

Məruzəçi “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində Azərbaycan Respublikası Elm və Təhsil Nazirliyi və Xəzər Universiteti ilə üçtərəfli müqavilə əsasında İngiltərənin Bristol Universitetində “Təhsil” ixtisası üzrə doktorantura təhsili alır.

Seminar zamanı inklüziv sinif mühitinin əsas xüsusiyyətləri və onun effektiv şəkildə yaradılması yolları haqqında ətraflı məlumat təqdim olunub. Təqdimatda inklüziv təhsilin mahiyyəti, inteqrasiya və inklüzivlik anlayışları arasındakı fərqlər, eləcə də inklüziv sinif mühitinin əsas komponentləri — fiziki, psixoloji, sosial və tədris-qiymətləndirmə aspektləri geniş şəkildə müzakirə edilib. Həmçinin, müəllimin inklüziv təhsil prosesindəki rolu, diferensiallaşdırılmış tədris strategiyaları və praktik sinif nümunələri iştirakçıların diqqətinə çatdırılıb. Seminarın əsas məqsədi müxtəlifliyə uyğun, bütün tələbələrin iştirakını və inkişafını dəstəkləyən inklüziv öyrənmə mühitinin əhəmiyyətini vurğulamaqdan ibarət olub.

📢Xəzər Universitetinin 55-ci buraxılış məzunlarının “Məzun Günü” keçiriləcək.

12 iyul 2026-cı il saat 19:00-da Xəzər Universitetinin 55-ci buraxılış məzunlarının “Məzun Günü” tədbiri Yaşıl Teatr Bakı Konsert Kompleksində (BMT-nin 50 illiyi küç. 8, Səbail, Bakı) keçiriləcək.

📢Graduation Day of the 55th Graduating Class of Khazar University to Be Held

The “Graduation Day” ceremony for the 55th graduating class of Khazar University will be held on 12 July 2026 at 19:00 at the Green Theatre Baku Concert Complex (8 UN 50th Anniversary Street, Sabail, Baku).

📢Departament müdirinin “Münaqişədən sonrakı dövrdə Azərbaycan millətçiliyi” (Azerbaijani Nationalism in the Post-conflict Era) mövzusunda seminarı keçiriləcək

26 may 2026-cı il tarixində Siyasi elmlər və fəlsəfə departamentinin müdiri Dos. Orxan Vəliyev tərəfindən İzmir Katib Çelebi Universitetinin Beynəlxalq münasibətlər kafedrasının təşkilatçılığı ilə “Münaqişədən sonrakı dövrdə Azərbaycan millətçiliyi” (Azerbaijani Nationalism in the Post-conflict Era) mövzusunda seminarı keçiriləcək.

Tarix: 26 may 2026-cı il, saat 17:00 (Bakı vaxtı)

Zoom: https://us05web.zoom.us/j/85649330374?pwd=laaaak3kTLY6Ui01TCahdsnxNbS2ou.1

Meeting ID - 856 4933 0374

Passcode - 009495

📢The head of the department will hold a seminar on "Azerbaijani Nationalism in the Post-conflict Era"
On May 26, 2026, a seminar on the topic "Azerbaijani Nationalism in the Post-conflict Era" will be held by Assoc. Prof. Orkhan Valiyev, Head of the Department of Political Sciences and Philosophy, and organized by the Department of International Relations of Izmir Katib Çelebi University.

Date: May 26, 2026, 17:00 (Baku time)

Zoom: https://us05web.zoom.us/j/85649330374?pwd=laaaak3kTLY6Ui01TCahdsnxNbS2ou.1

Meeting ID - 856 4933 0374

Passcode - 009495

Xəzər Universiteti 2026-ci il üçün Fəlsəfə doktorluğu təhsil səviyyəsinə qəbul elan edir

Xəzər Universiteti Azərbaycan Respublikası Nazirlər Kabinetinin 14 may 2026-cı il tarixli 320s nömrəli Sərəncamı ilə təsdiq edilmiş qəbul planına əsasən doktorantura səviyyəsi üzrə aşağıdakı ixtisaslara qəbul elan edir.

Sənəd qəbulu prosesi elektron qaydada portal.edu.az vasitəsi ilə 19 may saat 11:00-dan 9 iyun saat 18:00-a kimi həyata keçiriləcəkdir.

Fəlsəfə doktoru proqramı üzrə doktoranturaya ali təhsil pilləsinin magistratura səviyyəsini bitirən (magistr dissertasiyasını müdafiə edən) Azərbaycan Respublikasının vətəndaşları müraciət edə bilər.

Doktoranturaya qəbul olmaq istəyənlər xarici dildən (rus dili istisna olmaqla, seçim sərbəst və ya ixtisasa uyğun olmalıdır), fəlsəfədən və ixtisas fənnindən ali təhsil pilləsinin magistratura səviyyəsi üçün qüvvədə olan tədris proqramları həcmində qəbul imtahanları verirlər. Xarici dildən imtahanda iştirak etməyənlər fəlsəfə üzrə imtahana, fəlsəfə üzrə imtahanda iştirak etməyənlər isə ixtisas fənnindən imtahana buraxılmırlar.

Əlavə məlumat üçün əlaqə:

E-mail: [email protected]

Tel: (+99412) 421 10 93 (daxili 221)

Xəzər Universitetində Qədim Romaya həsr olunmuş konfrans-dərs

2026-cı il mayın 16 -da Xəzər Universitetinin Nizami kampusunda Qədim Roma tarixinə həsr olunmuş konfrans-dərs keçirilmişdir. Tədbiri Xəzər Universitetinin Tarix və arxeologiya departamentinin müəllimi Orxan Zamanov açmışdır.

Konfrans-dərsdə AMEA Arxeologiya və Antropologiya İnstitutunun Azərbaycanın İlk Orta Əsrlər dövrü arxeologiyası şöbəsinin elmi işçisi Məcid Məcidzadə və Xəzər Universitetinin Tarix və arxeologiya departamentinin müəllimi Rüxsarə Quliyeva məruzə ilə çıxış etmişlər.

Rüxsarə Quliyeva “Roma Respublikası dövründə magistratura” mövzusunda Roma dövlət idarəçiliyi, magistratura orqanlarının funksiyaları və respublika dövrünün xüsusiyyətləri barədə danışmışdır.

Məcid Məcidzadə “Karfagenin yaranması” və “Karfagen–Roma müharibələri” mövzularından bəhs edərək, Karfagen dövlətinin yaranma prosesi, Aralıq dənizi hövzəsində siyasi və iqtisadi mövqeyi, Roma və Karfagen arasındakı siyasi-hərbi qarşıdurma, eləcə də bu müharibələrin qədim dünya tarixində yaratdığı dəyişikliklər haqqında məlumat vermişdir.

Konfrans-dərsdə Xəzər Universitetinin Tarix müəllimliyi və Tarix–Coğrafiya müəllimliyi ixtisaslarının II kurs tələbələri iştirak etmişlər. Tədbir interaktiv müzakirələr şəraitində davam etmiş, tələbələr mövzulara böyük maraq göstərmişlər. Məruzələr zamanı Karfagen dövlətinin yaranması, Pun müharibələrinin səbəb və nəticələri, Roma Respublikasında magistratura sisteminin fəaliyyəti və dövlət idarəçiliyinin xüsusiyyətləri ilə bağlı müxtəlif suallar səsləndirilmişdir. Məruzəçilər tələbələrin suallarını ətraflı cavablandırmış, mövzular ətrafında geniş fikir mübadiləsi aparılmışdır. Tədbir tələbələrin qədim dünya tarixinə dair biliklərinin artırılması və elmi müzakirələrə marağının formalaşdırılması baxımından əhəmiyyətli olmuşdur.

Xəzər”in əməkdaşı İstanbulda beynəlxalq tədbirdə

Xəzər Universiteti Kitabxana - İnformasiya Mərkəzinin direktoru Aytac Misgərli 2026- cı il mayın 11-dən - 15-dək Türkiyənin İstanbul şəhərində Koç Universitetində keçirilən “7-ci İstanbul Beynəlxalq Kitabxana İşçiləri Həftəsi”ndə iştirak etmişdir. Koç Universiteti tərəfindən Erasmus+ proqramı çərçivəsində təşkil olunan tədbir “Ali təhsil və kitabxanaların Süni intellekt dövründə yenidən düşünülməsi” mövzusuna həsr olunmuşdur.

Beynəlxalq tədbirdə müxtəlif ölkələrdən kitabxana və informasiya mütəxəssisləri iştirak etmiş, akademik kitabxanaların inkişafı, rəqəmsal transformasiya, süni intellektin kitabxanalarda tətbiqi və beynəlxalq əməkdaşlıq imkanları ətrafında müzakirələr aparılmışdır. Tədbir günlərində iştirakçılar üçün Rami Kitabxanasına və Ahmet Hamdi Tanpınar Ədəbiyyat Muzeyinə tanışlıq turları təşkil olunmuşdur.

Proqram çərçivəsində hər bir iştirakçı təmsil etdiyi universitet və kitabxana haqqında təqdimatla çıxış etmişdir. Aytac Misgərli Xəzər Universitetinin kitabxanasının fəaliyyəti, elektron resursları, innovativ xidmətləri və beynəlxalq layihələrdə iştirakı barədə geniş məlumat vermişdir. Təqdimat iştirakçılar tərəfindən maraqla qarşılanmış və gələcək əməkdaşlıq imkanlarının müzakirəsinə səbəb olmuşdur.

Şəkillər məktuba əlavə olunub.

Xəzər Universitetinin 35 illiyinə həsr olunmuş Riyaziyyat və Fizika Olimpiadaları

Xəzər Universitetinin 35 illiyinə həsr olunmuş Riyaziyyat və Fizika Olimpiadaları 9 və 10-cu sinif şagirdləri üçün təşkil olunur. Olimpiadanın məqsədi məktəblilər arasında dəqiq elmlərə marağı artırmaq, istedadlı gəncləri üzə çıxarmaq və onların bilik və bacarıqlarını inkişaf etdirməkdir. İştirakçılar həm özlərini sınamaq, həm də dəyərli mükafatlar qazanmaq imkanı əldə edəcəklər.