Bakı ş. "2 Nömrəli Uşaq-Gənclər İnkişaf Mərkəzi" Publik Hüquqi Şəxsi

🏛️ Memarlığın sirli aləmi.

"Şəhərsalma və Memarlıq ili" ilə əlaqədar "Əyləncəli Kimya" dərnəyinin üzvləri Sabunçu Rayon İcra Hakimiyyətinin Layihə-Smeta Bürosunda maraqlı bir ekskursiyada olublar.
Ekskursiya zamanı büronun rəisi, memar Dəyanət Əsgərov dərnək üzvləri ilə görüşərək, onlara müasir üslubda inşa olunan yeni binaların layihələndirilməsi və şəhərsalma prosesi haqqında geniş məlumat verib.💫
Görüşün ən maraqlı məqamlarından biri uşaqların işğaldan azad olunmuş ərazilərimizdə memarlıq abidələrinin bərpası və aparılan genişmiqyaslı quruculuq işləri ilə bağlı məlumatlandırılması olub. 🇦🇿Belə faydalı görüşlər dərnək üzvlərinin dünyagörüşünün genişlənməsində mühüm rol oynayır.👍🏻
Təşkilatçı: Aytən Əliyeva 👏

🚦 “Yolları tanıyaq” – Maarifləndirici tədbir keçirildi.

27 aprel 2026-cı il tarixində "İntellektual inkişaf" dərnəyinin üzvlərinin iştirakı ilə "Yolları tanıyaq" adlı maarifləndirici tədbir baş tutub.
Mərkəzin metodistləri Mənsurə Lahıcova və Aynur Vəliyevanın təşkilatçılığı ilə keçirilən tədbirin əsas məqsədi uşaqlara yol hərəkəti qaydalarını, piyada keçidlərindən düzgün istifadə etməyi aşılamaqdır.
Tədbir zamanı dərnək üzvləri yol hərəkəti qaydalarına dair videoçarxa baxıb, mövzuya uyğun şeir və musiqilərlə çıxış ediblər. Kiçik dərnək üzvlərinin hazırladıqları səhnəciklər isə tədbirə xüsusi rəng qatıb.
Tədbirin sonunda Mərkəzin direktor müavini Tamella Ağalarova və şöbə müdiri Nazimə Ağamalıyeva çıxış edərək, dərnək üzvlərinə öz fikirlərini bildirib, onlara gələcək fəaliyyətlərində uğurlar arzulayıblar.

Yolları tanıyaq, təhlükəsiz yaşayaq!✨

Leyla Mütəllimzadənin uğuru!💫

15 aprel tarixində Azərbaycan Respublikası Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin dəstəyi, Elm və Təhsil İşçiləri Həmkarlar İttifaqı Səbail rayon Komitəsinin və Gənclərin Respublika Bədii Yaradıcılıq Evi publik hüquqi şəxsin birgə təşkilatçılığı ilə Azərbaycanın xalq şairi Səməd Vurğunun 120 illiyinə həsr olunmuş "Ayrılarmı könül candan?" adlı şeir müsabiqəsi keçirilib.
Bu müsabiqədə " Teatr sənəti" dərnəyinin üzvü Leyla Mütəllimzadə xalq şairimizin dillər əzbəri olan "Şair nə tez qocaldın sən" şeirini səsləndirərək 3-cü yerə layiq görülüb. 🏆

Bu uğurda əməyi olan və müsabiqəyə hazırlanmasında böyük rolu olan dərnək rəhbəri Şəhanə Abbaslıya öz təşəkkürümüzü bildiririk.
Leylanı ürəkdən təbrik edir, ona yeni-yeni yaradıcılıq uğurları arzulayırıq! 👏✨

Aprelin 28-də görkəmli oftalmoloq alim, Əməkdar elm xadimi, akademik Zərifə xanım Əliyevanın anadan olmasının 103 ili tamam olur.
Respublikamızda oftalmologiya elminin inkişafına böyük töhfələr vermiş, zəngin mənəviyyata sahib əsl ziyalı kimi mənalı ömür yolu keçmiş akademik Zərifə xanım Əliyevanın xatirəsi xalqımız tərəfindən hər zaman əziz tutulacaqdır.

🏆 "Dünya rəqsləri" dərnəyinin uğuru! 🥇

Aprelin 25-də Bakı Gənclər Mərkəzində baş tutan, Davud Qədiroğlunun təşkilatçılığı və Azərbaycan İncəsənət Məktəbinin tərəfdaşlığı ilə keçirilən “Qəlblərin Harmoniyası - 6” rəqs və gimnastika festivalı mərkəzimiz üçün böyük bir zəfərlə yadda qaldı! 🌟
Dərnəyimizin istedadlı gənc rəqqasları səhnədə əsl şou nümayiş etdirdilər:
💃 "Şən Azərbaycan"
🦌 "Azərbaycan maralı"
✨ "Qıtqılı"
🥁 "Qaval"
Rəngarəng çıxışları ilə münsiflərin rəğbətini qazanan kollektivimiz müsabiqənin 1-ci yerinə layiq görülərək, qələbə kubokunu qazandılar! 🏆
Bu uğurun arxasında dayanan, dərnək üzvlərinə rəqs sənətinin incəliklərini böyük sevgi və peşəkarlıqla aşılayan dərnək rəhbərimiz Əfsanə Hüseynovanı və bütün balaca rəqqaslarımızı ürəkdən təbrik edirik! 💫

🎉 Maraqlı açıq dərslərimiz davam edir!
Şüarımız: "Öyrən, kəşf et, inkişaf et!" 🚀

Mərkəzimizdə müxtəlif dərnəklər üzrə keçirilən növbəti açıq dərslərimiz yenə də maraqlı və rəngarəng anlarla yadda qaldı.
"Dünya rəqsləri" dərnəyi - gənc istedadlar müxtəlif rəqs nümunələri ilə çıxış edərək bacarıqlarını nümayiş etdirdilər və valideyinlərin böyük marağına səbəb oldular.
🎨 "Rəsm" dərnəyi- dərnək üzvləri rənglərin sirrləri ilə tanış oldular, yaradıcılıqlarını işə salaraq maraqlı və orijinal rəsmlər ərsəyə gətirdilər.
🌍 "Gənc diyarşünas" dərnəyi - uşaqlar coğrafiya sahəsində biliklərini artırdılar, xəritə üzərində işləyərək müxtəlif ölkələr və məkanlar haqqında yeni məlumatlar öyrəndilər.
🧪 "Əyləncəli Kimya" dərnəyi - Elmə həvəsli dərnək üzvləri kimyəvi elementlər və maraqlı təcrübələr haqqında biliklər qazandılar.
Açıq dərslərdə mərkəzin şöbə müdiri Nazimə Ağamalıyeva, Könül Qarəhmanova və metodist Nərminə İsmayılova iştirak edərək dərslərin gedişatını izləmişlər.

Prezident İlham Əliyev “Sülh və Barışıq üçün Gernika mükafatı”na layiq görülüb 🇦🇿

Azərbaycan Respublikasının Prezidenti İlham Əliyev “Sülh və Barışıq üçün Gernika mükafatı”nın təqdimolunma mərasiminin iştirakçılarına müraciət ünvanlayıb.

Müraciətdə deyilir:

Dövlət başçısı müraciətində Azərbaycan ilə Ermənistan arasında sülhün əldə olunması və dialoqun təşviqi istiqamətində göstərilən səylərə görə bu mötəbər mükafata layiq görülməsindən böyük şərəf hissi duyduğunu bildirib. Prezident İlham Əliyev Gernika-Lumo və Pforshaym şəhər şuralarına, Gernika Sülh Muzeyinə, Mədəniyyət evinə və “Gernika Qoqoratuz” Sülh Araşdırmaları Mərkəzinə minnətdarlığını ifadə edib.

Qeyd olunub ki, Gernika şəhərinin faciəvi tarixi yaddaşı sülh və barışıq ideyalarının təşviqində mühüm rol oynayır. 26 aprel – Gernika qurbanlarının anım günündə mükafatın təqdim olunmasının xüsusi rəmzi məna daşıdığı vurğulanıb. Dövlət başçısı dinc əhaliyə qarşı törədilmiş cinayətlərin bütövlükdə insanlığa qarşı yönəldiyini qeyd edərək, faciə qurbanlarının xatirəsini dərin ehtiramla yad edib.

Müraciətdə bildirilir ki, uzun illər münaqişə şəraitində yaşamış Azərbaycan xalqı sülhün dəyərini dərindən anlayır və hazırda yeni sülh mühitinə uyğunlaşma mərhələsindədir. 2025-ci ilin avqustunda Vaşinqtonda keçirilmiş Zirvə Görüşündə Azərbaycan və Ermənistan arasında sülh sazişinin mətninin paraflanması və Birgə Bəyannamənin imzalanması ilə üç onillik davam edən münaqişəyə son qoyulduğu diqqətə çatdırılıb.

Prezident İlham Əliyev vurğulayıb ki, formalaşan müsbət mühit sabitliyin möhkəmlənməsinə, iqtisadi və ticari əməkdaşlığın genişlənməsinə şərait yaradır. Artıq bölgədə sülhün real nəticələri müşahidə olunur və qarşılıqlı etimadın gücləndirilməsi istiqamətində addımlar davam etdirilir.

Dövlət başçısı qeyd edib ki, Azərbaycan və Ermənistan nümunəsi göstərir: uzunmüddətli münaqişələrə baxmayaraq, güclü siyasi iradə və beynəlxalq dəstək olduqda sülhə nail olmaq mümkündür.

Hörmətli dostlar,

“Sülh və Barışıq üçün Gernika mükafatı” yalnız artıq əldə olunmuş nailiyyətlərin tanınması deyil, həm də beynəlxalq birliyin ortaq rifahı, sülh naminə atılacaq gələcək addımlar baxımından mühüm ruhlandırıcı stimul və məsuliyyətdir".

Bu mükafata görə bir daha təşəkkürümü ifadə edir, sülh, dialoq və qarşılıqlı anlaşmanın təşviqi istiqamətində fəaliyyətinizdə hər birinizə uğurlar arzulayıram".

Ilham Aliyev

🎉 Uğurlu xəbər! 🎨

Mərkəzimizin "Rəsm" dərnəyinin üzvü Əli Bənnayev növbəti uğuruna imza atdı! 🌟
AZƏRTAC-ın Uşaq Bilik Portalının və Özbəkistanın “Tonq Yulduzi” qəzetinin birgə təşkilatçılığı ilə keçirilən “Milli adət-ənənələr və bayramlar” mövzusunda rəsm müsabiqəsində Əli Bənnayev münsiflər heyətinin rəğbətini qazanaraq 2-ci yerə layiq görülüb. 🏆
Bu uğurda böyük əməyi olan dərnək rəhbəri Xatun Əliyevanı və Əlini ürəkdən təbrik edirik! 💐 Yaradıcılıq yolunda daha böyük zirvələr, yeni-yeni qələbələr arzulayırıq.

🧪 Elm və kitabın vəhdəti: Gənc kimyaçılar kitab dünyasında! 📖✨

"23 Aprel – Ümumdünya Kitab və Müəllif Hüququ Günü" münasibətilə Mərkəzin "Gənc kimyaçılar" dərnəyinin üzvləri maraqlı və maarifləndirici bir ekskursiyada oldular.
Bu dəfəki məkanımız Sabunçu rayonunda yerləşən MKS-in 1 nömrəli kitabxanası idi. 🏛️ Kitabxananın şöbə müdiri Lalə Məhərrəmova uşaqları böyük səmimiyyətlə qarşılayaraq, onları kitabxananın zəngin fondu və müxtəlif janrlarda olan nəşrlərlə yaxından tanış etdi. 📚
Təşkilatçı: Aytən Əliyevaya

Unutmayaq ki, elm və kitab – uğurlu gələcəyin əsasıdır! 💡