Baku Slavic University Career Center

05/05/2026

Bakı Slavyan Universiteti (BSU) Gənclərin İnkişafı və Karyera Mərkəzinin (GİKM) birgə təşkilatçılığı ilə “Gənclər üçün məlumat sessiyası: Şəxsi inkişaf və karyera fürsətləri” mövzusunda infosessiya keçirilib.

Sessiyanın məqsədi gənclərin şəxsi və peşəkar inkişafına dəstək olmaq, onların karyera istiqamətlərini düzgün müəyyənləşdirməsinə kömək etmək və mövcud imkanlar barədə məlumatlandırmaq olub.

Tədbirdə gənclər siyasəti, inkişaf proqramları, layihələr və təcrübə imkanları haqqında məlumat verilib, şəxsi inkişaf və rəqəmsal bacarıqların əhəmiyyəti vurğulanıb.

Qeyd olunub ki, bu kimi təşəbbüslər gənclərin əmək bazarına hazırlanmasına və potensiallarının reallaşdırılmasına mühüm töhfə verir.

03/05/2026

1 may 2026-cı il tarixində Bakı Slavyan Universitetində (BSU) “III Karyera Yarmarkası” keçirilib. Yarmarkanın əsas məqsədi məzunların əmək bazarına inteqrasiyasını dəstəkləmək, onların potensial işəgötürənlərlə birbaşa əlaqə qurmasına imkan yaratmaq olub. Yarmarka çərçivəsində məzunlar real iş mühiti ilə yaxından tanış olub, CV-lərini təqdim etmək və ilkin müsahibələrdə iştirak etmək imkanı qazanıblar.

Yarmarkada müxtəlif sahələri təmsil edən 35 müəssisə iştirak edib və ümumilikdə 200 vakansiya təqdim olunub. Eyni zamanda iştirakçılara peşəkar inkişaf və iş axtarışı strategiyaları ilə bağlı maarifləndirici məlumatlar təqdim olunub.

Qeyd edək ki, “III Karyera Yarmarkası”nda 431 məzun iştirak edərək işəgötürənlərlə birbaşa ünsiyyət qurub, mövcud karyera imkanlarını dəyərləndirib.

30/04/2026

BSU tələbə və məzunlarını “BSU Karyera Yarmarkası”na dəvət edir!

Bakı Slavyan Universitetində (BSU) tələbə və məzunlar üçün nəzərdə tutulan “BSU Karyera Yarmarkası” keçiriləcək.

Karyera yarmarkasının əsas məqsədi tələbə və məzunların əmək bazarına inteqrasiyasını dəstəkləmək, onların aparıcı şirkətlərlə birbaşa əlaqə qurmasına şərait yaratmaq, həmçinin real iş və təcrübə imkanları ilə tanışlıqlarını təmin etməkdir. Tədbir çərçivəsində müxtəlif sahələri təmsil edən qurumlar tərəfindən vakansiyalar təqdim olunacaq, iştirakçılar ilkin müsahibələrdə iştirak etmək və peşəkar şəbəkələrini genişləndirmək imkanı əldə edəcəklər.

Yarmarka 1 may saat 11:00-dan 13:00-dək Bakı Slavyan Universitetində keçiriləcəkdir.

14/04/2026

BSU-da “Ünsiyyət bacarıqları və texnikaları” mövzusunda təlim keçirilib

14 aprel 2026-cı il tarixində Bakı Slavyan Universitetində (BSU) Karyera inkişafı, əmək bazarı və məzunlarla iş şöbəsi və Təhsil Tələbə Kredit Fondunun birgə təşkilatçılığı ilə “Ünsiyyət bacarıqları və texnikaları” mövzusunda təlim təşkil olunub.

İnteraktiv formada keçirilən təlimdə iştirakçılara effektiv ünsiyyətin əsas prinsipləri, o cümlədən aktiv dinləmə, empatiya və düzgün ifadə bacarıqları praktiki nümunələrlə izah edilib, sosial və akademik mühitdə ünsiyyətin rolu müzakirə olunub.

Təlim TTKF-nın əməkdaşı, beynəlxalq sertifikatlı təlimçi-mentor Leyla Rəhimova tərəfindən aparılıb və iştirakçılar proqramı uğurla başa vurduqlarına görə sertifikatlarla təltif olunublar.

09/04/2026

Aprelin 9-da Bakı Slavyan Universitetində (BSU) Karyera inkişafı, əmək bazarı və məzunlarla iş şöbəsinin təşkilatçılığı ilə “Süni intellektin iş mühitində rolu” mövzusunda təlim təşkil olunub.

Dövlət Məşğulluq Agentliyinin Mərkəzi Karyera filialının Xidmət inkişafı şöbəsinin müdiri Nicat Həmidov tərəfindən aparılan təlimdə süni intellektin əmək bazarına və karyera inkişafına təsiri barədə iştirakçılara ümumi və praktik məlumatlar verilib. Qeyd olunub ki, bu texnologiyalar iş proseslərini sürətləndirir, məhsuldarlığı artırır və yeni bacarıqlara malik mütəxəssislərə tələbatı yüksəldir. Eyni zamanda bildirilib ki, süni intellekt fərdlərə karyera planlamasında dəstək olur, əmək bazarının tələblərini daha dəqiq analiz etməyə və fərdi inkişaf istiqamətlərini müəyyənləşdirməyə imkan yaradır. Əmək bazarında baş verən dəyişikliklər fonunda bəzi peşələrin əhəmiyyətini itirməsi ilə yanaşı, yeni iş imkanlarının yarandığı vurğulanıb.

Təlim çərçivəsində müasir dövrdə tələb olunan əsas bacarıqlar – analitik düşüncə, texnoloji savadlılıq, məlumatların təhlili və digər rəqəmsal kompetensiyalar diqqətə çatdırılıb.

Sonda qeyd olunub ki, süni intellekt müasir karyera inkişafının vacib elementi olmaqla, bu sahədə uğur qazanmaq üçün davamlı öyrənmə və texnologiyalara uyğunlaşma əsas şərtlərdən biridir.

31/03/2026

25–26 mart 2026-cı il tarixlərində Bakı Slavyan Universiteti (BSU) Türkiyə Respublikası Hacettepe Universitetinin dəvəti ilə “Kariyer Fuarı–2026” adlı beynəlxalq sərgidə iştirak edib. Sərgidə BSU-nun təhsil imkanları, akademik potensialı və beynəlxalq əməkdaşlıq istiqamətləri geniş şəkildə təqdim olunub.

Sərgi çərçivəsində ziyarətçilərə universitetin fəaliyyət istiqamətləri, magistratura proqramları, əlavə təhsil imkanları və doktorantura səviyyəsi üzrə tədris prosesi haqqında ətraflı məlumat verilib. Eyni zamanda iştirakçılar BSU-da mövcud olan ixtisaslar, qəbul qaydaları və tələbələr üçün yaradılan inkişaf imkanları ilə yaxından tanış olmaq imkanı əldə ediblər.

07/03/2026

Hacettepe Universitetinin Kariyer Gelişimi Uygulama ve Araştırma Mərkəzi və Bakı Slavyan Universitetinin Karyera İnkişafı, Əmək Bazarı və Məzunlarla İş Şöbəsinin rəhbərliyi arasında qarşılıqlı əməkdaşlıq və təcrübə mübadiləsi istiqamətində görüşlər keçirilmişdir.
̇nkişaf

04/03/2026

BSU-da “Qadınların əmək bazarında professional milli kimliyinin formalaşdırılması” mövzusunda interaktiv təlim keçirilib

Fevralın 4-də Bakı Slavyan Universitetinin (BSU) Karyera İnkişafı, Əmək Bazarı və Məzunlarla İş Şöbəsinin təşkilatçılığı ilə“Qadınların əmək bazarında professional milli kimliyinin formalaşdırılması” mövzusunda interaktiv təlim keçirilib.

Təlim qadınların müasir əmək bazarında mövqelərinin gücləndirilməsi, milli dəyərlərə sadiq qalmaqla beynəlxalq standartlara uyğun karyera strategiyalarının inkişaf etdirilməsi məqsədi daşıyıb. Sessiya çərçivəsində şəxsi brendin qurulması, peşəkar kimliyin formalaşdırılması, liderlik və şəbəkələşmə bacarıqları müzakirə olunub. Təlim zamanı “ikigai” konsepti çərçivəsində iştirakçılara öz məqsəd və dəyərləri ilə peşə fəaliyyətini necə əlaqələndirə biləcəkləri izah edilib, şəxsi və peşəkar mənlik arasında harmoniyanın əhəmiyyəti vurğulanıb.

Təlimçi UAFA Azərbaycanın Biznesin İnkişafı üzrə meneceri Natavan Fırat iştirakçılarla praktik tapşırıqlar əsasında real iş situasiyalarını təhlil edib.

Qeyd edək ki, keçirilən təlim ölkədə elan olunmuş “Şəhərsalma və Memarlıq İli” çərçivəsində insan kapitalının inkişafına yönəlmiş təşəbbüslər kontekstində xüsusi əhəmiyyət kəsb edir.

04/03/2026

Ankara Universitetinin Karyera Planlaması və İnsan Kaynakları Uygulama və Araşdırma Mərkəzinin rəhbərliyi və Bakı Slavyan Universitetinin Karyera İnkişafı, Əmək Bazarı və Məzunlarla İş Şöbəsinin rəhbərliyi arasında qarşılıqlı əməkdaşlıq və təcrübə mübadiləsi istiqamətində görüşlər keçirilib.
̇nkişaf

27/02/2026

Fevralın 27-də Bakı Slavyan Universitetinin Karyera inkişafı, əmək bazarı və məzunlarla iş şöbəsi tərəfindən “Karyera Hazırlıq Proqramı: HR İdarəetməsi, Maliyyə Savadlılığı və Audit” mövzusunda interaktiv seminar təşkil olunub.

REANDA Azerbaijan MMC-nin direktoru Rahim Manafov seminar zamanı insan resurslarının idarə edilməsi, iş müsahibəsi bacarıqları və “STAR” metodu, maliyyə hesabatlarının əsasları və audit prosesi barədə ümumi məlumat verib.

İnteraktiv formatda baş tutan tədbirdə tələbələr real iş mühitinə uyğun tapşırıqlar üzərində çalışaraq praktiki biliklər qazanıblar, sonda isə sualları cavablandırılıb və karyera planlaması ilə bağlı tövsiyələr təqdim olunub.

karyerainkişafıəməkbazarı məzunlarlaiş

19/12/2025