Road Safety - Təhlükəsiz yol

23/04/2026

İslam Səfərli küçəsi Qış parkı ilə eyni səviyyədə əlaqələnəcək...

Səməd Vurğun küçəsi ilə kəsişmədəki keçidi nəzərə almasaq, bu Qış parkı ətrafında ilk eynisəviyyəli piyada keçididir.

Bu keçid:
✅️ Şəhər mərkəzini İslam Səfərli küçəsi vasitəsilə Qış parkı ilə əlaqələndirir;
✅️ Bu ərazidə əlçatanlığı və təhlükəsizliyi artırır;
✅️ Qış parkı və İslam Səfərli küçəsinin turistik və biznes potensialını yüksəltmiş olur.

Qış parkı ətrafında həm Füzuli küçəsi boyunca, həm də Mirzəağa Əliyev küçəsi boyunca, ən azı daha 3-4 bu cür keçidə ehtiyac var...

02/03/2026

Hər dəfə bu yolda (Şamaxı-İsmayıllı-Qəbələ) qəza olanda biz həyəcan təbili çalmağa davam edəcəyik. Məncə, Azərbaycan Avtomobil Yolları Dövlət Agentliyi yeni rəhbərliyi bu yolla bağlı mütləq bir şeylər etməlidir. Yolda detallı təhlükəsizlik auditi həyata keçirilməli, daha təhlükəsiz vəziyyətə gətirilməlidir. Bunları etməmişdən bir neçə vacib çatışmazlığı biz yazaq:

1. 4 zolaqlı, 90 km/saat sürət limitli yolda ayırıcı zolaq inşa edilməyib. NewJersey baryerləri düzmək üçün hələ gec deyil;
2. Elə yerlər var ki, hər 100 metrdən bir giriş-çıxış və geridönmələr üçün qırıq xətlər çəkilib. Normalda standarta uyğun geriyədönmə yerləri təşkil edilməli idi. Bundan sonra çətin görsənir, amma mümkünsüz deyil;
3. Bəzi hissələrdə yol kənarında ciddi maillik fərqi olsa da heç bir təhlükəsizlik səddi quraşdırılmayıb;
4. Bir çox hissədə yolun kənarını göstərən xətlər çəkilməyib ki, bu da günün qaranlıq vaxtları və dumanlı havalarda qəza riskini artırır;
5. Yol nişanlarında ciddi çatışmazlıqlar var və;
6. Yaşayış məntəqələrindən keçən hissələrdə müxtəlifsəviyyəli piyada keçidləri nəzərə alınmayıb və s. (Bəlkə də layihədə var)

Ümid edirəm bu problemlərin böyük bir qismi yay fəsli başlayana qədər həllini tapar, yoxsa çox belə xəbərlər oxuyacağıq.
İctimai TV .official

25/02/2026

Parisdə sadə küçə transformasiyası. Nə diqqətimizi çəkdi?
1. Parklanma yerləri azaldılıb
2. Yolun hər iki tərəfində velosiped zolaqları salınıb.
3. Hərəkıt zolaqları əyri təşkil edilib Xətai prospektindəki kimi.

İndi küçə hamı üçün daha rahat və təhlükəsizdir..

16/01/2026

Deyəsən 5-ci günün ən uğurlu seçimi avtobusdur. 🚍

13/01/2026

Bu gün işə gələrkən hansı nəqliyyat növünü seçdiniz?
Zabratın şəhərə çıxışında avtobus zolağın uzadılması çox yaxşı effekt verib 👍 Avtobuslar daha burada ilişmir.

18/12/2025

Dj.Turalla AvtoStop-un Xətai prospekti ilə bağlı videosunu gördüm, zolaqların əyilməsindən ciddi narahatlığını bildirib tənqid edir və səbəbini soruşur.
Şəhər küçələrində zolaqların əyilməsi nəyə lazımdır, gəlin baxaq.

Bu təhlükəsizlik baxımından vacibdir və Vision Zero yanaşmasının da elementlərindən biridir. Xətai pr. bunu etmək üçün uyğun yerdirmi? Bəli. Çünki Xətai pr. tipik şəhər küçəsidir, yol boyu bazarlar, dövlət müəssisələri, məktəb yerləşir. Lakin yol düz və uzundur.

Düz yol "sürətli və təhlükəsiz yol" təəssüratı yaradır. Amma əslində belə deyil. Yolun əyilməsi sürücünü sürəti azaltmağa məcbur edir. Sürücü daha diqqətli olur və bunu könüllü edir.

Səbəb və müsbət nəticələr daha çoxdur, Chat GPT-yə soruşsanız hamısını deyəcək.)

06/12/2025

Bu şəkli lenti bura bağlayanlara necə çatdıraq?

💬 İzləyici yazır: “Yazıq kişi sağa-sola baxdı və getdi. Əlil arabasında hərəkət edən şəxslər haradan keçsin yolu?”

05/12/2025

Paris belə dəyişir...
Bakıda bunu eləsələr nə baş verər?

04/12/2025

Nəzərinizə çatdırım ki, İncəsənət Gimnaziyasının yaxınlığındakı yeraltı keçid Bakımızın lazımsız müxtəlifsəviyyəli keçidlərindən biridir. Çünki yerin üstündə kəsişmə svetoforla nizamlanır, hətta velosipedçilər üçün keçid də var.

Bakıda şəhərdaxili bütün müxtəlifsəviyyəli keçidlər eynisəviyyəli ilə əvəz olunmalıdır! Çünki onlar piyada təhlükəsizliyinə hesablanmayıb və mobilliyin inkişafına xidmət etmir!

02/12/2025

Şəhərin mərkəzində, səkidə elektrik dolum məntəqəsinin təşkili nə qədər düzgündür? Ekoloji təmiz şəhər piyadalar üçün rahat mühit olan şəhərdir. Elektrik avtomobil də nəticədə bir avtomobildir və tıxaclara öz töhfəsini verir.