Azərbaycan Tibb Universiteti İntellektual Oyunlar Klubu

Home
Azerbaijan
Baku
Azərbaycan Tibb Universiteti İntellektual Oyunlar Klubu

Qeydiyyat üçün⬇️ https://forms.gle/yjvdPv2u6ZsYeXrC6

14/12/2025

13 dekabr tarixində Odlar Yurdu Universitetində Gənclər və İdman Nazirliyinin, Gənclər Təşkilatları Milli Şurasının dəstəyi və Xəzər İntellektual Gənclər Klubunun təşkilatçılığı ilə keçirilən Bilik Kubokunun final mərhələsi baş tutub.

2 seçim mərhələsinin nəticələrinə əsasən Old School və Vastator komandaları finalda universitetimizi təmsil ediblər. Gərgin mübarizənin yekununda Old School komandası 1-ci yerin, Vastator komandası isə 3-cü yerin sahibi olub.

Qaliblər medal, sertifikat və hədiyyələrlə mükafatlandırılıblar.

07/12/2025

Azərbaycan Tibb Universiteti Tələbə Həmkarlar İttifaqı Komitəsinin dəstəyi, 3sual.az platforması və ATU İntellektual Oyunlar klubunun təşkilatçılığı ilə keçirilən Tələbələrin İntellekt Liqasının seçim mərhələsi 5-ci turla birlikdə sona çatdı.

32 komandanın iştirak etdiyi seçim turlarının yekununda ən çox xal toplamış komandalar böyük finalda klubumuzu təmsil edəcək və universitetlər arasında birincilik uğrunda mübarizə aparacaqlar.

Ötən 2 ay ərzində bizimlə birgə olmuş bütün iştirakçılara təşəkkür edir, finalda mübarizə aparacaq komandalara uğurlar arzulayırıq!

26/10/2025

Azərbaycan Tibb Universiteti Tələbə Həmkarlar İttifaqı Komitəsinin dəstəyi, 3sual.az platformasının və ATU İntellektual Oyunlar Klubunun təşkilatçılığı ilə keçirilən Tələbə İntellekt Liqasının 2 həftəsini geridə qoyduq.
Növbəti həftələrdə görüşənədək!

22/10/2025

Çoxdan gözlənilən “Hippokrat Kuboku” qayıdır!🤩

Redaktor: Fərid Məmmədhüseynov
Qeydiyyat üçün son tarix: 23 oktyabr, 18:00

Ətraflı məlumat və qeydiyyat üçün: https://docs.google.com/forms/d/e/1FAIpQLSeabL-q2_Gf0K4tnyUcL6jrjXGN2czQhLcczSQTxPvQypjzow/viewform

12/10/2025

Azərbaycan Tibb Universiteti Tələbə Həmkarlar İttifaqı Komitəsinin dəstəyi, İntellektual Oyunlar Klubunun təşkilatçılığı ilə tələbələr arasında yeni mövsümün ilk yarışı keçirilmişdir.

“Dostluq turniri” adlanan yarışda Azərbaycan Tibb Universitetinin İntellektual Oyunlar Klubuna yeni qoşulan tələbələr öz biliklərini nümayiş etdirərək bir-birilə mübarizə aparmışlar. Yarışdan öncə klubun sədri Aydın Cəfərov tələbələrə yeni semestrdə uğurlar arzulamış, intellektual oyunlar və qaydalar barədə geniş məlumat vermişdir. Gərgin və maraqlı keçən turnirin sonunda “Neurona” komandası 14 xalla I yerə, “Kodon 64” komandası 13 xalla II yerə, “ForFun” komandası isə 12 xalla III yerə layiq görülmüşdür.

Qaliblər Azərbaycan Tibb Universiteti Tələbə Həmkarlar İttifaqı Komitəsi tərəfindən hədiyyə və medallarla mükafatlandırıldılar. Dəstəyə görə ATU THİK sədri Qoşqar İsmayılova ( .goshgar_pediatr ) təşəkkür edir və qalibləri təbrik edirik. Növbəti yarışlarda görüşənədək!

27/06/2025

26 iyun tarixində Gənclər və İdman Nazirliyinin dəstəyi və Xəzər İntellektual Oyunlar Klubunun təşkilatçılığı ilə keçirilən 1-ci Tələbələrarası Azərbaycan Kubokunun final mərhələsi baş tutub.

30-dan çox ali təhsil müəssisəsinin komandalarının yarışdığı kubok oyununda 32 komanda finala vəsiqə qazanıb. Gərgin mübarizənin yekununda Azərbaycan Tibb Universitetinin “Old School” komandası 2-ci yeri, “HipHoprat” komandası isə 3-cü yeri qazanıblar.

Qaliblər medal və sertifikatlarla yanaşı, Gənclər və İdman naziri tərəfindən verilən hədiyyələrlə mükafatlandırılıblar.

17/03/2025

2000-dən artıq tələbənin qatıldığı “Nə? Harada? Nə zaman?” intellektual oyunu üzrə Universitetlərarası Azərbaycan Çempionatı yekunlaşıb.

13 mart tarixində Bakı Konqres Mərkəzində 25 ali təhsil müəssisəsindən 33 komandanın yarışdığı final mərhələsinin qalibləri elan olunub.

Yarışda iştirak edən 33 komandaya 48 sual verilib, Azərbaycan Tibb Universitetinin “Old school” komandası 30 suala düzgün cavab verərək üçüncü yeri qazanıb.

Qalibləri Elm və Təhsil Nazirliyinin şöbə müdiri Səbuhi Rzayev mükafatlandırıb.

Qeyd edək ki, layihə Elm və Təhsil Nazirliyi, Gənclər Fondu, “Bir Könüllü” Tələbələrin Əməkdaşlığı İctimai Birliyi, “3 sual” intellektual oyunlar platforması və Azərbaycan Tələbə Gənclər Təşkilatları İttifaqının birgə təşkilatçılığı ilə həyata keçirilir.

Layihənin əsas məqsədi tələbələrin intellektual potensialını üzə çıxarmaq, onların bilik və məntiqi düşüncə qabiliyyətlərini inkişaf etdirmək və universitetlərarası intellektual mühitin formalaşmasına dəstək olmaqdır. Eyni zamanda, bu cür yarışlar gənclərin komanda şəklində işləmə bacarıqlarını gücləndirir və elmi biliklərini praktik olaraq tətbiq etmələrinə imkan yaradır.

22/10/2024

“🎓 Universitet Liqası başlayır 🎓

Bilik və intellektual bacarıqların yarışdığı Universitet Liqası start götürür!

🔥 Xəzər İntellektual Gənclər Klubu və ATU THİK İOK təşkilatçılığı ilə keçiriləcək bu liqada ən güclü tələbə komandaları öz bilik və bacarıqlarını sınayacaqlar. Siz də hazır olun və dəstəyinizi göstərin! 💡

📅 26.10.2024 11:00
📍 Fizika-Kimya korpusu

04/10/2024

Azərbaycan Respublikasının Gənclər Fondunun elan etdiyi “İdeyanı Reallaşdır 2023” Gənclərin Fərdi Layihələri üzrə Qrant Müsabiqəsinin qalibi olan Tələbələrarası “Yaşıl Kubok” turniri uğurla başa çatıb.

“Yaşıl dünya naminə həmrəylik ili”nə həsr olunmuş turnir “Nə? Harada? Nə zaman” və “Kviz” mərhələlərindən təşkil olunub. İlk mərhələdən sonra ən yüksək nəticə əldə etmiş 8 komanda “Kviz” mərhələsində iştirak haqqı qazanıb.

28 sentyabr tarixində baş tutan finalda ilk olaraq 44 günlük vətən müharibəsi qəhrəmanlarının xatirəsi 1 dəqiqləlik sükutla yad edilib. Daha sonra layihə rəhbəri Arzu Musayeva açılış nitqi ilə çıxış edib. O, öz nitqində gənclərin fərdi layihələrinin dəstəklənməsinin əhəmiyyətini vurğulayıb və ətraf mühit, COP29 tədbirinin əhəmiyyəti, iqlim dəyişikliyinin yaranma səbəbi və mübarizə tədbirləri mövzusunda maarifləndirici təqdimat edib. Yarışa başlamazdan öncə iştirakçılar yarışın qaydaları haqqında məlumatlandırılıb və bütün komandalara uğurlar arzu olunub.

10 turdan ibarət bilik yarışı zamanı tələbələr müvafiq sahə üzrə suallara cavab tapmağa çalışıblar. Maraqlı və gərgin keçən yarışın qalibi sonadək əzmkar oyun göstərən “Vendetta” komandası olub. İkinci və üçüncü yerləri isə müvafiq olaraq “IQnobel” və “Səfillər” komandaları bölüşüblər. Qaliblər kubok və sertifikatlarla təltif edilib.

Qeyd edək ki, turnirin birinci mərhələsində 16 komanda mübarizə aparıb. Komandalar müxtəlif ixtisaslarda təhsil alan ümumilikdə 80 gəncdən ibarət olub.

08/06/2024

Azərbaycan Tibb Universiteti Tələbə Həmkarlar İttifaqı Komitəsinin dəstəyi və “Sinaps” komandasının təşkilatçılığı ilə tələbələrarası “II HİPPOKRAT KUBOKU” turniri başa çatdı.

Maraqlı və rəqabətli yarışın sonunda kuboka “Vendetta” komandası sahibləndi. İkinci yerin qalibi “Data Qorqud”, üçüncü yerin qalibi isə “Rust in Peace” komandaları oldu.

Qaliblərimizi təbrik edir, bütün iştirakçılara gözəl oyun üçün təşəkkür edirik. Təşkilati dəstək və hədiyyələr üçün Tələbə Həmkarlar İttifaqı Komitəsinə minnətdarlığımızı bildiririk.

Gələn görüşlərədək, dostlar!

09/03/2024

TƏLƏBƏLƏRİMİZ “AVROPA BİLİK YARIŞI”NIN QALİBİ OLUB

Martın 2-də Avropa İttifaqının Azərbaycan Respublikasındakı nümayəndəliyi və Gənc Avropa səfirlərinin birgə təşkilatçılığı ilə “Avropa Bilik Yarışı” keçirilib.

Avropa İttifaqı səfiri cənab Peter Mixalkonun rəsmi olaraq açdığı tədbirdə Belçika, İsveç, Almaniya, Fransa, Rumıniya və Slovakiyanın Azərbaycanda fəaliyyət göstərən səfir və diplomatları da iştirak ediblər.

Yarışda universitetimizi təmsil edən “Sinaps” komandası ən yüksək nəticə göstərərək birinci yeri qazanıb.

Qaliblərə mükafatlar Aİ-nin Azərbaycandakı səfiri Peter Mixalko tərəfindən təqdim olunub.

30/01/2024

Özündən sonra bizə Azərbaycan adlı məmləkət miras qoyan böyük öndər Məhəmməd Əmin Rəsulzadə!

Azərbaycanın dövlət və ictimai xadimi, siyasətçi və publisist, Azərbaycan Cümhuriyyətinin (1918-1920) banisi və Azərbaycan siyasi mühacirətinin lideri, Azərbaycan milli istiqlal hərəkatının başçısı, Azərbaycan tarixinin ən görkəmli və böyük şəxsiyyətlərindən biri.

Doğumunun 140-cı ildönümündə dərin hörmət və sonsuz sevgi ilə yad edirik!

Address

Ənvər Qasımzadə,14 BAKI- AZ1022
Baku
AZ1022

Website

https://instagram.com/atu_thik_iok?utm_medium=copy_link

Alerts

Be the first to know and let us send you an email when Azərbaycan Tibb Universiteti İntellektual Oyunlar Klubu posts news and promotions. Your email address will not be used for any other purpose, and you can unsubscribe at any time.

Contact The School

Send a message to Azərbaycan Tibb Universiteti İntellektual Oyunlar Klubu:

Want your school to be the top-listed School/college in Baku?