Füzuli rayon 48 Nömrəli Tam Orta Məktəb

Füzuli rayon 48 №-li tam orta məktəbdə 20 Yanvar faciəsinin ildönümü ilə əlaqədar Azərbaycan xalqının azadlığı və müstəqilliyi uğrunda şəhid olmuş qəhrəmanların əziz xatirəsinə həsr olunmuş anım tədbiri keçirilmişdir. Tədbir zamanı 20 Yanvar hadisələrinin tarixi əhəmiyyəti, milli yaddaşımızda tutduğu mühüm yer və gənc nəslin vətənpərvərlik ruhunda tərbiyə olunmasının vacibliyi xüsusi vurğulanmışdır. Şəhidlərimizin xatirəsi dərin ehtiramla yad edilmişdir.

Füzuli rayon 48 nömrəli tam orta məktəbin Biologiya müəllimi Mürsəlova Yeganənin 7 b sinfində "TOZLANMA" mövzusunda keçdiyi açıq dərsi.
Dərsdə şagirdlərə tozlanma prosesinin mahiyyəti,növləri və bitkilərin çoxalmasındakı rolu ətraflı şəkildə izah olundu. Mövzu interaktiv təlim üsulları,vizual materiallar və praktik tapşırıqlarla daha da maraqlı və yadda qalan şəkildə təqdim edildi..
Açıq dərs müasir təlim metodlarına əsaslanaraq,şagirdlərin fəallığının və mövzuya marağının artırılması məqsədilə həyata keçirildi.

Füzuli rayon 48 N-li tam orta məktəbdə Üzeyir Hacıbəyovun 140 illik yubileyinə həsr olunmuş tədbir keçirildi.
Tədbirdə şagirdlərin fəal iştirakı ilə dahi bəstəkarın həyat və yaradıcılığına dair maraqlı çıxışlar təqdim olundu, videoçarxlar nümayiş etdirildi. Məqsəd Üzeyir Hacıbəyovun zəngin irsini gənc nəsilə tanıtmaq, milli musiqi mədəniyyətinə olan marağı artırmaq idi.

Füzuli rayon 48 N-li tam orta məktəbdə "Dünya azərbaycanlılarının uğurları və həmrəyliyi"nə həsr olunmuş, milli birlik, vətənpərvərlik və azərbaycançılıq ideyalarının təbliğini ön plana çəkən genişmiqyaslı maarifləndirici tədbir keçirildi

“Füzuli rayon 48 №-li tam orta məktəbdə Azərbaycan ədəbiyyatının görkəmli nümayəndəsi, Xalq şairi Bəxtiyar Vahabzadənin zəngin ədəbi irsinə həsr olunmuş maarifləndirici tədbir keçirildi”

*"Erkən nikahın fəsadları mövzusunda maarifləndirici tədbir"*
Füzuli rayon 48 №-li tam orta məktəbdə şagirdlərin hüquqi biliklərini artırmaq və sosial məsuliyyət hissini formalaşdırmaq məqsədilə “Erkən nikahın cəmiyyətə və fərdi inkişafına təsirləri” mövzusunda tədbir keçirildi. Tədbirdə erkən nikahın psixoloji, hüquqi və sosial fəsadları barədə geniş məlumat verildi.
Tədbiri məkrtəbin psixoloqu Ş. Sima və UBTR-i M.Lamiyyə təşkil etmişdir.

“Füzuli rayon 48 N-li tam orta məktəbin kitabxançısı F.Sevinc müəllimə və UBTR-i M. Lamiyyənin təşəbbüsü ilə böyük Azərbaycan şairi Bəxtiyar Vahabzadənin 100 illiyi hörmətlə qeyd edildi. Onun söz və yaradıcılığı gənc nəsillər üçün əvəzsiz ilham mənbəyidir.”

Füzuli rayon 48 nömrəli tam orta məktəbin psixoloqu Ş.Sima, UBRT M. Lamiyə ilə doqquzuncu siniflərdə təhsil alan şagirdlər ilə "Narkomaniya ", "Zərərli vərdişlər" mövzusunda maarifləndirici təlim keçirdi.
Təlimdə şagirdlərə günümüz üçün aktual olan, gəncliyin əsas bəlası, problemi kimi qiymətləndirilən bu mövzu haqqında ətraflı söhbət aparıb, şagirdlərlə müzakirə edib, problemin həllinin ən yaxşı yolunun elə bu kimi problemdən uzaq durmaq olduğunu bildirib. Mövzu ilə əlaqəli hazırlanmış slayd izləndi.

"Füzuli rayon 48 №-li tam orta məktəbdə Ulu Öndər Heydər Əliyevin xatirəsinə həsr olunmuş anım tədbiri keçirildi"

12 dekabr – Azərbaycan xalqının Ümummilli Lideri Heydər Əliyevin anım günü münasibətilə Füzuli rayon 48 №-li tam orta məktəbdə xüsusi tədbir təşkil olundu. Tədbirdə dahi rəhbərin xalqımız və dövlətimiz qarşısında əvəzsiz xidmətləri yad edildi, onun zəngin irsi və həyat yolu haqqında geniş məlumat verildi. Şagirdlər tərəfindən şeirlər səsləndirildi, videoçarx nümayiş olundu və Heydər Əliyev şəxsiyyətinə həsr olunmuş səhnəciklər təqdim edildi. Tədbir vətənpərvərlik ruhunun aşılanması və gənc nəsildə milli kimlik hissinin möhkəmləndirilməsi baxımından mühüm əhəmiyyət daşıyır.

“Füzuli rayonu 48 nömrəli məktəbin informatika müəllimi Dadaşova Zivərxanımın 26.11.2025-ci il tarixində 5b sinfində keçdiyi ‘Menyu nədir? Fayl və qovluqlar necə yaradılır?’ mövzusunda təşkil etdiyi dərsdən görüntülər.”

📚 Füzuli rayon 48 N-li tam orta məktəbdə “Kitab – bilik açarıdır” adlı tədbir keçirildi 📖

Kitabxana Günü münasibətilə məktəbimizdə keçirilən tədbirin əsas məqsədi şagirdlərdə oxu vərdişlərini formalaşdırmaq, kitab sevgisini aşılamaq və gənc nəslin maariflənməsinə töhfə vermək idi. Tədbirdə şagirdlər kitaba dair maraqlı çıxışlar etdilər, şeirlər söylədilər və kitab sərgisi təşkil olundu.

📌 *Tədbirdə vurğulandı ki,* kitablar insanın dünyagörüşünü artıran, onu düşünməyə və inkişaf etməyə vadar edən ən dəyərli xəzinədir. Bu gün oxuyan uşaq, sabah cəmiyyətin savadlı, vətənpərvər üzvü olacaq.

📚 *Unutmayaq:* Kitabxana təkcə kitabların yeri deyil, gələcəyin qurulduğu məkandır!

“Konstitusiya və Suverenlik – Müstəqil Azərbaycanın Hüquqi Bünövrəsi”
Füzuli rayon 48 N-li tam orta məktəbdə təşkil olunmuş tədbirdə şagirdlər Konstitusiyamızın əhəmiyyəti, dövlət suverenliyi və vətəndaş hüquqları barədə məlumatlandırıldılar.
Bu gün biz müstəqil Azərbaycanın güclü hüquqi əsaslarını, Konstitusiyamızın xalqımız üçün daşıdığı dəyəri dərk edir və gələcək nəsillərə ötürürük.