Azərbaycan dili və Ədəbiyyat.Kurikulum

10/02/2026

Hatice Kübra Tongarın "Bağırmayan Anneler" kitabı haqqında oxucu mövqeyimi bğlüşmək istəyirəm: Uşaq bağırdığı üçün biz bağırmırıq, biz bağırmağa meyilli olduğumuz üçün uşağın hərəkətləri bəhanə olur. Müəllif valideynliyi bir texnikadan çox, bir daxili tərbiyə prosesi kimi qələmə verir.
Kitabda sevdiklərim:
1. Müəllif valideynləri mühakimə etmir, əksinə, onların yorğunluğunu və hisslərini başa düşdüyünü hiss etdirir. Bu da məndə "tək deyiləm" hissi yaratdı.
2. Kitab uşaqdan çox, valideynin öz uşaqlıq travmalarına və daxili dünyasına yönəlir. Səbəbi kənarda deyil, daxildə axtarmağı öyrədir.
3. Kitabda sadəcə nəzəriyyə yox, "o an" nə etmək olar sualına cavab verən kiçik texnikalar və nümunə dialoqlar var.
4. Çətin terminlərlə yüklənməyib, hər kəsin rahatlıqla başa düşəcəyi axıcı bir dili var.

Kitabda sevmədiklərim:
1. Təkrarçılıq çoxdur. Bəzi fəsillərdə eyni fikirlərin fərqli cümlələrlə tez-tez təkrarlandığını hiss edə bilərsiniz. Bu, bəzən məni yorurdu.
2. Həddindən artıq optimizm yüklənib. Kitabdakı bəzi yanaşmalar gündəlik həyatın stresi, iş yükü və sosial çətinliklər fonunda bir qədər "idealist" və ya tətbiqi çətin görünə bilər.
3. Müəllif pedaqoji məsələləri tez-tez mənəvi və dini dəyərlərlə əlaqələndirir. Bu, bəzi oxucular üçün müsbət olsa da, sırf elmi yanaşma axtaranlar üçün bir az subyektiv görünə bilər.

Bu kitab bir sehrli çubuq deyil, amma sizə güzgü tutan bir bələdçidir. Əgər məqsədiniz övladınızla daha sakit və şüurlu bir bağ qurmaqdırsa, bir fincan bol köpüklü qəhvə ilə bu kitabı vərəqləməyə dəyər.
Unutmayaq: Mükəmməl valideyn yoxdur, sadəcə fərqindəliyi yüksək olan valideyn var.

Oxumusunuz?

20/01/2026

Dünən bir günə oxuyub bitirdiyim bir kitab haqqında fikirlərimi bölüşmək istəyirəm.
Elxan Elatlının oxuduğum ilk kitabı “Qan ləkəsi” idi. Hətta deyərdim ki, ilk oxuduğum kitablardan biri olub. Mövzusu, qələmi və yaratdığı təsir uzun müddət yaddaşımdan silinməmişdi, düşüncəmdə həmişə xüsusi yeri var idi.
Dünən isə “Şantaj” romanını oxudum və yenə elə bir günə bitirdim. Amma nədənsə “Qan ləkəsi”ndə gözümə ucalan o zirvə bu kitabda qoruna bilmədi.
Kitab psixoloji romandır və real hadisələr əsasında yazılıb, müəllifin hadisələri təhrif etməməsini anlayıram. Lakin mənim üçün ən böyük mənfi cəhət odur ki, hazırda Ülkərin durumunda olan qızlara dəstək olmaq əvəzinə, daha çox köstək təsiri bağışlayır. Zəif iradəli bir oxucu bu kitabdan sonra ya onu şantaj edən şəxsi öldürmək, ya da özünə qəsd etmək fikrinə düşə bilər.
Bəlkə də məhz bu səbəbdən düşünürəm ki, bu əsər çap olunmamalı idi və ya ən azından üzərində Elxan Elatlı imzası olmamalı idi.
Bu, mənim şəxsi oxucu mövqeyimdir,əlbəttə.

04/10/2025

Müəllim səbrin, mərhəmətin və inamın adıdır.
Hər gün sinif qapısından içəri gülüşü ilə işıq gətirən, hər baxışında “bacararsan” deyən, hər səhvdə şagirdlərinə daha çox inanmağı seçən insandır.
Müəllim yalnız dərs öyrətmir ,həyat öyrədir, xeyirlə şəri, doğrunu səhvdən ayırmağı öyrədir.
Bəzən yorulur, amma üzündəki təbəssüm heç solmur; bəzən susur, amma baxışları min söz danışır.
Bu gün təşəkkür demək günüdür — bizi sabaha hazırlayan, səssiz zəhməti ilə gələcəyin yolunu işıqlandıran bütün müəllimlərimizə! 🌿✨
Bayramınız mübarək, ruhunuz həmişə işıqlı, öyrətdikləriniz isə əbədi olsun. 🌸
Bütün həmkarlarımı təbrik edirəm.

14/09/2025

15 Sentyabr – Bilik Günü münasibətilə müəllim, tələbə və şagirdləri təbrik edirəm!
Yeni dərs ilində necə fəaliyyət göstərəcəksiniz?
💙Şagird
❤️Tələbə
💚Müəllim

26/08/2025

📚 Ədəbiyyat hazırlığımız bu gün ilk günüdür.
Hazırlığımızda:
✅ Ədəbiyyatın nəzəriyyəsini sadə və anlaşılan şəkildə öyrənəcəksiniz,
✅ Əsərlərin dərin mənasını kəşf edəcək,
✅ Testlər və yaradıcı tapşırıqlarla mövzuları möhkəmləndirəcəksiniz.
🌟 Üstünlüklərimiz:
✔ Həm əyani, həm də onlayn dərslərdə iştirak imkanı,
✔ Şagirdlərin səviyyəsinə uyğun fərdi yanaşma,
✔ Maraqlı metodika və yadda qalan dərslər!
🎯 Məqsədimiz – imtahanda yüksək nəticə əldə etməkdir.
📩 Qeydiyyat üçün DM-dən yazın və ya postun altına "+" atın, geridönüş edim.

10/08/2025

📚 Kitab tövsiyəsi
Bu kitab özünənəzarət bacarığımızı necə gücləndirə biləcəyimizi, iradəmizin əslində necə işlədiyini və gündəlik həyatda daha məqsədyönlü, planlı və balanslı ola bilməyimiz üçün hansı addımları atmalı olduğumuzu elmi və praktik şəkildə izah edir.
Müəllif, fəsil-fəsil real həyat nümunələri, psixoloji araşdırmalar və tətbiq edilə bilən tövsiyələrlə bizə göstərir ki, iradə sadəcə “özünü sıxmaq” deyil, doğru strategiyalarla inkişaf etdirilə bilən bir bacarıqdır.
✨ Əgər:
Hədəflərinizi yarımçıq qoymaqdan yorulmusunuzsa,
Zərərli vərdişlərdən qurtulmaq istəyirsinizsə,
Daha intizamlı və motivasiyalı olmağı hədəfləyirsinizsə,
bu kitab sizin üçün əsl bələdçi ola bilər.

Oxumusunuzmu?

22/07/2025

21/07/2025

17/07/2025

📢 Tələbə köçürmələri ilə bağlı müraciət qəbul olunur!
Universitetlərarası və ya ixtisaslararası köçürülmə ilə bağlı bütün suallarınız üçün bizimlə əlaqə saxlaya bilərsiniz.
✅ Müraciət prosesində dəstək
✅ Sənədlərin düzgün hazırlanması
✅ Ən qısa zamanda cavablandırılma

📞 Əlaqə: 050 970 28 48

12/07/2025

06/07/2025

Milli Müdafiə Universiteti qadın abituriyentlərin xüsusi təyinatlı təhsil müəssisələrinə sənəd qəbulunu elan edir

Müdafiə Nazirliyinin Milli Müdafiə Universiteti qadın abituriyentlərin cari ilin 18 iyul tarixinədək Heydər Əliyev adına Hərbi İnstituta və Hərbi Tibb Fakültəsinə elektron sənəd qəbulu elan edir.

Cari ildə ümumtəhsil pilləsinin tam orta təhsil səviyyəsini bitirmiş, qəbul ilində 17 yaşı tamam olan və 20 yaşı tamam olmayan Azərbaycan Respublikasının qadın cinsli vətəndaşları istənilən bölgədən mmu.edu.az saytının "Təhsil müəssisələrinə qəbul" bölməsindən müraciət etməklə seçdiyi təhsil müəssisəsinə aid sənəd qəbulu portalına keçid edərək, müvafiq portaldakı "Sənədlər" hissəsindən proseslə bağlı məlumatları əldə edə bilər.

Heydər Əliyev adına Hərbi İnstitutda mövcud ixtisaslar:

I ixtisas qrupu üzrə :

Sistemlər mühəndisliyi;

Aerokosmik mühəndislik;

Elektrik və elektronika mühəndisliyi;

Radiotexnika və telekommunikasiya mühəndisliyi;

- Mexanika mühəndisliyi.

II ixtisas qrupu üzrə:

- Menecment.

III ixtisas qrupu üzrə:

- Beynəlxalq münasibətlər;- Tarix.

Hərbi Tibb Fakültəsində mövcud ixtisaslar:

- Hərbi tibb;

Stomatologiya;

- İctimai səhiyyə.

Xidmət müddətində təqdim olunan imtiyazlar:

- xidməti mənzil və ya müvəqqəti yaşayış sahəsinin kirayəsi üçün pul kompensasiyasının təmin edilməsi;

- il ərzində birdəfəlik verilən maddi yardım, növbəti məzuniyyətə çıxarkən əlavə pul təminatı, qüsursuz hərbi xidməti nəzərə alınmaqla əsas vəzifə və rütbə maaşının iki misli həcmində birdəfəlik pul mükafatı;

ailə üzvləri üçün güzəştli tibbi təminat;

güzəştli ipoteka krediti;

- Azərbaycan Ordusunda 20 təqvim ili və daha çox qüsursuz xidmət etdikdə dövlət vəsaiti hesabına mənzillə təmin olunması;

- karyerada davamlı yüksəliş.

Vətəndaşları maraqlandıran suallarla bağlı Milli Müdafiə Universitetinin çağrı mərkəzi - *0811 (iş günlərində saat 09:00-dan 17:30-dək) və [email protected] elektron poçt ünvanı fəaliyyət göstərir.

Fəxr edəcəyin gələcəyi seç!