15/07/2025
Niyə müəllimlik – sadəcə dərs keçmək deyil?”
(Səmimi etiraf və şəxsi münasibət)
Bəzən soruşurlar:
“Niyə müəllimlik?” – Axı sən başqa sahələrdə də ola bilərdin…”
Dürüst olum... müəllimlik mənim üçün heç vaxt sadəcə dərs keçmək olmayıb. Mən özümü lövhə arxasında “mövzu izah edən” biri kimi görməmişəm.
Mən, gənclərlə münasibət quran, onların fikirlərini ciddiyə alan, sualına cavab verməyə tələsən, hətta gülümsəməyə səbəb axtaran bir müəllim olmuşam. Bu, fənn qədər önəmli məsələdir.
🧠 Dərs dediyimiz şey 90 dəqiqədir, amma tələbənin inamını qazanmaq bəzən 9 ay da çəkə bilər.
💬 İnanın, mənə “Ay Müəllim, sizə bir şey demək istəyirəm…” deyə yaxınlaşan tələbənin fənn performansından çox, insan kimi münasibətinə fokuslanıram.
Bu yaxınlarda bir tələbəm dərsdən sonra mənə belə dedi:
– “Sizdən dərs, təcrübə öyrənirik, amma ən çox da özümüzə dəyər verilməyi…”
Bax, budur müəllimlik.
Onları dinləmək,hərdən dərs yerinə içindəki narahatlığı çıxarmağa icazə vermək...
Bunlar tədris planında yazılmır.
Amma həyat planında iz buraxır.
Bu peşəni sevirəm.
Bu peşənin sosial məsuliyyətini, psixoloji gücünü, emosional bağlarını daşımağı öyrəndikcə daha çox bağlanıram.
Düşünürəm ki, müəllim – bir peşə yox, bir mövqedir.
Əgər onu doğru tutarsansa, bir gəncin baxışını, yönünü, bəzən də özünü dəyişdirə bilərsən.
İnşallah biz də həm dərs keçən, həm də gələcək formalaşdıran müəllimlərdən olarıq...
— Sizin “Ay Müəllim” 🌿
