Azərbaycan Respublikasının Prezidenti yanında Dövlət İdarəçilik Akademiyası – Ümummilli liderimiz Heydər Əliyevin 3 yanvar 1999-cu il tarixli 60 saylı fərmanı ilə Bakı Sosial İdarəetmə və Politologiya İnstitutunun əsasında yaradılmışdır və Azərbaycan Respublikasının Konstitusiyasına, Azərbaycan Respublikasının qanunvericiliyinə və akademiyanın nizamnaməsinə müvafiq fəaliyyət göstərən ali peşəkar t
əhsil-tədris statuslu elm və təhsil müəssisəsidir. Akademiyanın fəaliyyəti dövlət qulluqçularının, onları əvəz etmək üçün ehtiyat kadrların hazırlanmasına, yenidən hazırlanmasına və ixtisaslarının artırılmasına dair dövlət sifarişi, habelə təhsil verilməsi haqqında dövlət hakimiyyəti orqanları ilə bağlanacaq müqavilələrin, elmi tədqiqatların və analitik-informasiya işlərinin aparılması barədə müqavilələrin əsasında həyata keçirilir. Akademiya dövlət idarəçiliyi və dövlət kadr siyasəti sahəsində elmi tədqiqatlar aparır və eyni zamanda dövlət idarəçiliyi məsələləri üzrə dövlət hakimiyyəti orqanlarının analitik-informasiya təminatını həyata keçirir. Akademiyada fəaliyyət göstərən fakültələr aşağıdakılardır:
1)İnzibati İdarəetmə;
2)Siyasi İdarəetmə;
3)Kadrların ixtisasartırması və yenidən ixtisaslaşması. Akademiyada bakalavr pilləsi üzrə tədris aşağıdakı ixtisaslar üzrə aparılır:
1)Siyasi İdarəetmə Fakültəsi üzrə:
Beynəlxalq münasibətlər;
Hüquqşünaslıq;
Politologiya.
2)İnzibati İdarəetmə Fakültəs üzrə:
Menecment;
Dövlət və bələdiyyə idarəetməsi;
Kompüter elmləri;
Ekologiya;
İqtisadiyyat;
Davamlı inkişafın idarə edilməsi.
