Bakı şəhəri Suraxanı rayonu B.Qulamoğlu adına 285 nömrəli tam orta məktəb

29/07/2026

Metodist-müəllim: Şagird yalnız imtahana deyil, həyata hazırlanmalıdır - AZƏRTAC

Bir metodist kimi dinlədiyim dərslərdən birində maraqlı bir mənzərənin şahidi oldum. Müəllim şagirdlərə dərslikdəki mövzu ilə bağlı sual ünvanladı. Demək olar ki, bütün sinif eyni məzmunlu, eyni ifadələrlə cavab verdi. Cavablar düzgün idi və qiymətləndirmə baxım....

23/07/2026

Azərbaycanda Almaniya şirkətlərinin fəaliyyəti: qarşılıqlı sərmayələr və yeni biznes şurasının yaradılması

Azərbaycan Respublikası ilə Almaniya Federativ Respublikası arasında iqtisadi və ticarət əlaqələri ikitərəfli əməkdaşlıq gündəliyinin ən dinamik inkişaf edən istiqamətlərindən birini təşkil edir. Azərbaycan Respublikasının Prezidenti İlham Əliyevin 21 iyul 2026-cı il tarixində Almaniyaya reallaşdırdığı rəsmi səfər iki ölkə arasında iqtisadi tərəfdaşlığın daha da dərinləşməsinə və biznes mühitinin genişləndirilməsinə mühüm təkan vermişdir. Yüksək səviyyəli müzakirələr zamanı iqtisadi əlaqələrin yeni müstəviyə qaldırılması, qarşılıqlı sərmayə qoyuluşlarının təşviqi və sahibkarlıq subyektləri arasında birbaşa təmasların gücləndirilməsi diqqət mərkəzində olmuşdur.
Hazırda Azərbaycanda 200-dən çox Almaniya şirkəti müxtəlif sahələrdə uğurla və fəal şəkildə fəaliyyət göstərir. İki ölkə arasında mövcud olan sabit investisiya mühiti və həyata keçirilən iqtisadi islahatlar alman kapitalının ölkəmizə cəlb olunmasında həlledici rol oynayır. Rəsmi səfər çərçivəsində aparılan danışıqlar göstərir ki, bu səfərdən sonra Azərbaycanda fəaliyyət göstərən Almaniya şirkətlərinin sayının daha da artacağı gözlənilir. Müzakirələr zamanı qarşılıqlı sərmayə qoyuluşu məsələlərinə xüsusi diqqət yetirilmiş, Almaniya şirkətlərinin Azərbaycanda daha geniş çərçivədə və şaxələndirilmiş formada fəaliyyət göstərməsi üçün konkret təkliflər irəli sürülmüşdür.
İqtisadi tərəfdaşlığın institusional çərçivəsini möhkəmləndirmək məqsədilə rəsmi səfər zamanı mühüm sənədlər imzalanmışdır. Azərbaycan Respublikasının Prezidenti İlham Əliyev və Almaniya Federativ Respublikasının Federal Kansleri Fridrix Merts tərəfindən "Azərbaycan Respublikası və Almaniya Federativ Respublikası arasında ikitərəfli tərəfdaşlıq üçün strateji gündəliyə dair Birgə Bəyannamə" imzalanmışdır. Həmçinin iki ölkənin işgüzar dairələri arasında əlaqələri keyfiyyətcə yeni səviyyəyə qaldıracaq "Azərbaycan-Almaniya Biznes Şurasının yaradılmasına və fəaliyyətinə dair Birgə Bəyannamə" təsdiq olunmuşdur. Imzalanmış bəyannamələrin icrasını təmin etmək və praktiki nəticələr əldə etmək üçün bir neçə xüsusi işçi qrupun yaradılması nəzərdə tutulur ki, bu da razılaşmaların qısa müddətdə reallaşmasına şərait yaradacaqdır.
İqtisadi əlaqələrin mühüm tərkib hissəsini enerji və nəqliyyat-logistika sahələri təşkil edir. Azərbaycan bu ildən etibarən öz təbii qazını Almaniyaya ixrac etməyə başlamış, nəticədə Azərbaycan qazı Avropa İttifaqının 10 üzv ölkəsinə çatdırılmaqla enerji təhlükəsizliyinə böyük töhfə vermişdir. Neft ixracı ilə yanaşı, gələcəkdə yaşıl enerjinin də Avropa məkanına nəqli istiqamətində Almaniya şirkətləri ilə genişmiqyaslı əməkdaşlıq imkanları mövcuddur. Eyni zamanda, Almaniya şirkətlərinin nəqliyyat və tranzit sahəsindəki böyük təcrübəsi Azərbaycanın təkmilləşən infrastrukturu ilə üst-üstə düşür. Azərbaycanın Orta Asiya məşvərət formatına üzvlüyü və Orta Asiya ilə Avropa arasında oynadığı körpü rolu alman investorları üçün yeni logistik imkanlar açır.
Yekun olaraq vurğulamaq lazımdır ki, Almaniya şirkətlərinin Azərbaycandakı fəaliyyətinin genişlənməsi, qarşılıqlı sərmayə qoyuluşlarının təşviqi və yeni Azərbaycan-Almaniya Biznes Şurasının fəaliyyətə başlaması ikitərəfli iqtisadi münasibətləri strateji tərəfdaşlıq səviyyəsinə yüksəldir. Imzalanmış Birgə Bəyannamələr və yaradılacaq işçi qrupları hər iki ölkənin iqtisadi inkişafına, ticarət dövriyyəsinin artmasına və regional sabitliyə uzunmüddətli töhfə verəcəkdir.

Yəhyayeva Nuranə
Suraxanı rayonu 285 nömrəli tam orta ümumtəhsil məktəbinin direktoru

15/07/2026

Peter Pelleqrinin Azərbaycana ardıcıl səfərləri- Güclü və səmimi tərəfdaşlığın inkişaf tarixi

Azərbaycanın xarici siyasətində ikitərəfli münasibətlərin davamlılığı və bu münasibətlərdə şəxsi liderlik amili xüsusi əhəmiyyət kəsb edir. Slovakiya Respublikasının Prezidenti Peter Pelleqrininin Azərbaycana ardıcıl səfərləri, Bakı ilə Bratislava arasında formalaşan strateji tərəfdaşlığın ən parlaq göstəricisidir. Bu səfərlər təkcə dövlətlərarası protokolları deyil, həm də iki ölkə rəhbərliyi arasında illərdir formalaşan güclü, səmimi və etibarlı münasibətlər tarixini özündə ehtiva edir.
Peter Pelleqrininin Azərbaycanla bağlı diplomatik fəaliyyəti təsadüfi bir uğur deyil, uzunmüddətli bir prosesdir. Prezident Pelleqrini Azərbaycan dövləti və xalqı üçün yad sima deyil; o, hələ əvvəlki vəzifələrində çalışarkən ölkəmizə olan xüsusi marağını və strateji tərəfdaşlığa verdiyi önəmi nümayiş etdirmişdir. O, həm parlamentin sədri, həm də Baş nazir kimi müxtəlif illərdə Azərbaycana səfərlər etmiş, iki ölkə arasında siyasi dialoqun qurulmasında və iqtisadi əlaqələrin təməl daşlarının qoyulmasında fəal iştirak etmişdir.
Onun ardıcıl səfərləri təkcə sənəd imzalanması üçün deyil, həm də qarşılıqlı etimadı dərinləşdirmək üçün strateji bir platforma rolunu oynamışdır. Xüsusilə beynəlxalq iqlim konfranslarında iştirakı və Azərbaycanın qlobal çağırışlardakı rolunu yüksək qiymətləndirməsi bu əlaqələrin nə qədər səmimi və mehriban olduğunu göstərir. İyulun 14-də prezident kimi Şuşaya etdiyi səfər, onun uzun illər ərzində formalaşdırdığı bu dostluq tarixinin zirvəsi kimi dəyərləndirilməlidir.
Slovakiya Prezidentinin budəfəki səfərini əvvəlkilərdən fərqləndirən əsas məqam, onun mədəniyyət paytaxtımız Şuşaya və azad olunmuş ərazilərimizə olan xüsusi diqqətidir. Dövlət başçılarının Şuşada keçirdikləri təkbətək və geniş tərkibli görüşlər, həmçinin Xankəndidə Slovakiya Prezidentinin şərəfinə verilən rəsmi nahar, münasibətlərin nə qədər səmimi və sarsılmaz olduğunu təsdiqləyir.
Prezident İlham Əliyev öz bəyanatında Pelleqrininin bu ardıcıl səfərlərini məmnunluqla vurğulayaraq, onun Slovakiyadan olan yüksəkvəzifəli şəxslər arasında Azərbaycanla bu qədər sıx təmas quran birinci şəxs olduğunu qeyd etmişdir. Bu, sadəcə diplomatik bir iltifat deyil, həm də iki ölkə arasındakı "səmimi və mehriban" münasibətlərin dövlət rəhbərləri səviyyəsində qəbul edilmiş rəsmi qiymətidir.
Prezident Peter Pelleqrininin Azərbaycana ardıcıl səfərləri iki ölkə arasında formalaşan strateji tərəfdaşlığın ən etibarlı təminatıdır. Onun Azərbaycanla bağlı keçmişdən gələn təcrübəsi və bu münasibətlərə bəslədiyi səmimi dostluq hissləri, hər iki dövlətin gələcək inkişafı üçün böyük perspektivlər açır. Şuşadan başlayan bu yeni mərhələ, bir daha təsdiqləyir ki, Azərbaycan və Slovakiya arasında səmimi və mehriban əlaqələr heç bir sərhəd tanımadan, etibarlı tərəfdaşlıq tarixi üzərində yüksəlməyə davam edəcəkdir.


Yəhyayeva Nuranə
Suraxanı rayon 285 nömrəli tam orta ümumtəhsil məktəbinin direktoru

29/06/2026

26/06/2026

Aprel döyüşləri və Günnüt əməliyyatı: Böyük Zəfərə aparan yol
Azərbaycan Ordusunun 2020-ci ildə qazandığı tarixi Zəfər təsadüfi deyildi. Bu qələbəyə aparan yol uzun illər ərzində həyata keçirilən məqsədyönlü ordu quruculuğu siyasəti, hərbi hazırlıq və uğurlu əməliyyatlarla müşayiət olunmuşdur. Xüsusilə 2016-cı ilin Aprel döyüşləri və 2018-ci ilin Günnüt əməliyyatı Azərbaycan Ordusunun gücünü nümayiş etdirən, Böyük Zəfərin əsasını qoyan mühüm hadisələr kimi tarixə düşmüşdür.
2016-cı ilin aprel ayının əvvəlində Ermənistan silahlı qüvvələrinin cəbhə xəttində törətdiyi təxribatlara cavab olaraq Azərbaycan Ordusu əks-hücum əməliyyatına başladı. Cəmi dörd gün davam edən döyüşlər ordumuzun peşəkarlığını, yüksək döyüş ruhunu və müasir hərbi imkanlarını bütün dünyaya göstərdi.
Aprel döyüşləri zamanı Azərbaycan Ordusu Füzuli, Cəbrayıl və Tərtər istiqamətlərində mühüm strateji yüksəklikləri və yaşayış məntəqələrini azad etdi. Lələtəpə yüksəkliyinin ələ keçirilməsi xüsusi əhəmiyyət daşıyırdı. Bu yüksəklik üzərində nəzarətin bərpası həm hərbi, həm də mənəvi baxımdan böyük uğur idi.
Dördgünlük müharibə göstərdi ki, Azərbaycan Ordusu artıq əvvəlki illərin ordusu deyil. Müasir silahlar, peşəkar zabit heyəti və yüksək vətənpərvərlik ruhu düşmənə ciddi zərbə vurmağa imkan verdi. Aprel döyüşləri cəmiyyətdə qələbə əhval-ruhiyyəsini gücləndirdi və xalqın orduya olan inamını daha da artırdı.
İki il sonra, 2018-ci ilin may ayında Naxçıvan istiqamətində həyata keçirilən Günnüt əməliyyatı ordumuzun növbəti uğuru oldu. Əməliyyat nəticəsində 11 min hektardan artıq ərazi və Günnüt kəndi nəzarətə götürüldü. Azərbaycan Ordusu mühüm strateji yüksəkliklərə sahib oldu və dövlət sərhədi boyunca əlverişli mövqelər əldə etdi.
Günnüt əməliyyatı bir daha sübut etdi ki, Azərbaycan Ordusu istənilən tapşırığı yerinə yetirməyə qadirdir. Hər iki əməliyyat 44 günlük Vətən müharibəsində əldə ediləcək böyük qələbənin hərbi və psixoloji hazırlıq mərhələləri kimi qiymətləndirilir.
Aprel döyüşləri və Günnüt zəfəri Azərbaycan xalqına öz gücünə inanmaq hissini qaytardı, ordunun döyüş qabiliyyətini nümayiş etdirdi və Böyük Zəfərə aparan yolun əsas mərhələlərindən birinə çevrildi.
Yəhyayeva Nuranə
Suraxanı rayon 285 nömrəli tam orta ümumtəhsil məktəbinin direktoru

18/06/2026

Yeni təmayül tədris modelinə qeydiyyat başlayıb

Bakı Şəhəri üzrə Təhsil İdarəsinin (BŞTİ) tabeliyində fəaliyyət göstərən tam orta ümumtəhsil müəssisələrində X-XI siniflər üçün nəzərdə tutulan yeni təmayül tədris modelinə şagird və müəllimlərin qeydiyyatı başlayıb.

Modelin əsas məqsədi şagirdlərin əlavə hazırlıq kurslarına ehtiyac duymadan məktəbdə təşkil olunan gücləndirilmiş tədris prosesi vasitəsilə ali təhsil müəssisələrinə qəbul üçün zəruri bilik və bacarıqlara yiyələnməsini təmin etməkdir.

Qeydiyyat prosesində BŞTİ-nin tabeliyində fəaliyyət göstərən tam orta ümumtəhsil müəssisələrinin X və XI sinif şagirdləri iştirak edə bilərlər.

Tədris prosesinin keyfiyyətinin yüksəldilməsi məqsədilə qabaqcıl pedaqoji təcrübəyə malik müəllimlər də yeni təmayül tədris modelinə cəlb olunacaqlar. Seçim zamanı peşəkarlıq, pedaqoji fəaliyyət göstəriciləri və tədrisin keyfiyyətinə təsir edən digər meyarlar nəzərə alınacaq.

Yeni təmayül tədris modelində iştirak etmək istəyən şagird və müəllimlər elektron sistem vasitəsilə müraciət edə bilərlər.

Şagirdlər üçün qeydiyyat:

https://docs.google.com/forms/d/e/1FAIpQLSfH-gbLr4r0Hf5p2IRbbbZqURFZUcSA6A72Gz1qytwUT9_xcQ/viewform?usp=publish-editor

Müəllimlər üçün qeydiyyat:

https://docs.google.com/forms/d/e/1FAIpQLScbzg-UGJSydggPrLl4Eo1shd-FeVCrkLVrWaY9zA8ZIGuiFw/viewform?usp=header

Hörmətli müəllimlər! Bakı Şəhəri üzrə Təhsil İdarəsi (BŞTİ) tabeliyində fəaliyyət göstərən tam orta ümumtəhsil müəssisələrinin X və XI siniflərində tədris prosesinin keyfiyyətinin yüksəldilməsi və qabaqcıl pedaqoji təcrübəyə malik kadrların seçilməsi məq...

05/06/2026

🌍🌱 5 İyun – Ümumdünya Ətraf Mühitin Mühafizəsi Günü 🌱🌍

5 İyun – Ümumdünya Ətraf Mühitin Mühafizəsi Günü münasibətilə 2 “B” sinfinin fidanları məktəb həyətindəki yaşıllıqlara qulluq etdilər, ağac və gül kollarını suladılar, ətraf mühitin təmizliyi və qorunması ilə bağlı tədbirlərdə fəal iştirak etdilər.

Tədbirin keçirilməsində əsas məqsəd şagirdlərdə ekoloji mədəniyyətin formalaşdırılması, təbiətə sevgi və qayğı hissinin aşılanması, ətraf mühitin qorunmasının vacibliyinin diqqətə çatdırılması olmuşdur.

💚 Təbiəti qoruyaq, gələcəyimizi yaşadaq!