What are the opening hours?

Monday 09:00 - 18:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 18:00

Bakı Turizm Peşə Məktəbi

Home
Azerbaijan
Baku
Bakı Turizm Peşə Məktəbi

Azərbaycan Respublikası Dövlət Turizm Agentliyi Bakı Turizm Peşə Məktəbi Publik Hüquqi Şəxsi rəsmi Facebook hesabı

Bakı Turizm Peşə Məktəbi Azərbaycan Respublikası Prezidentinin 20 iyul 2011-ci il tarixli, 1644 nömrəli Sərəncamı ilə təsdiq edilmiş "Azərbaycan Respublikasında 2011-ci ilin "Turizm ili" elan edilməsi ilə bağlı Tədbirlər Planı"nın 19-cu hissəsinin icrasını təmin etmək məqsədi ilə Azərbaycan Respublikası Nazirlər Kabinetinin 6 dekabr 2011-ci il tarixli, 192 nömrəli Qərarı ilə ləğv edilmiş 11 nömrəl

i Bakı Peşə Liseyinin bazasında yaradılmışdır. Azərbaycan Respublikası Prezidenti cənab İlham Əliyevin 20 aprel 2018-ci il tarixli Sərəncamı ilə Azərbaycan Respublikası Dövlət Turizm Agentliyi yaradılmışdır. Bakı Turizm Peşə Məktəbi Azərbaycan Respublikası Nazirlər Kabinetinin 2018-ci il 07 iyul tarixli 255 nömrəli qərarı ilə Azərbaycan Respublikası Dövlət Turizm Agentliyinin tabeliyində fəaliyyət göstərir. 17 oktyabr 2019-cu il tarixindən Bakı Turizm Peşə Məktəbi təşkilati-hüquqi formasını dəyişərək publik hüquqi şəxsə çevrilmişdir.

21/08/2026

📢 Peşə təhsili müəssisələrinə tələbə qəbulunun II mərhələsi 27 avqustda başlayacaq!

🎓 Qəbulun II mərhələsinə 27 avqust tarixindən etibarən start veriləcək və müraciətlər 3 sentyabr tarixinədək davam edəcək.

💻 Müraciətlər portal.edu.az üzərindən elektron qaydada həyata keçiriləcək.

📌 Peşə təhsili almaq istəyən namizədləri müraciət tarixlərini diqqətdə saxlamağa dəvət edirik.

23/07/2026

DİQQƏT ! DİQQƏT !

🎓 Peşə təhsili müəssisələrinə tələbə qəbuluna start verilir.

📌 Qəbul qaydaları:
🔶 İlk və texniki peşə təhsili səviyyələri üzrə qəbul ərizəçinin attestatında göstərilən müvafiq fənlər üzrə qiymətlərinin orta balı əsasında həyata keçirilir;
🔶 Yüksək texniki peşə təhsili səviyyəsi üzrə qəbul buraxılış imtahanlarının nəticəsi əsasında həyata keçirilir.

🕐 Son müraciət tarixi: 10 avqust, 18:00
🔗 Qeydiyyat linki: https://portal.edu.az/
🔗 Qəbul planı: https://shorturl.at/yWxTW
🔗 Ətraflı: https://vet.edu.gov.az/news/content/1336/inner

15/07/2026

“Şahdağ” Turizm Mərkəzində Azərbaycan Turizm və Menecment Universitetinin (ATMU) 20 illik yubileyinə həsr olunmuş “TourismLAB” Yay Düşərgəsi keçirilir.

Azərbaycan Respublikasının Dövlət Turizm Agentliyi, Azərbaycan Turizm və Menecment Universiteti, “Şahdağ” Turizm Mərkəzi və Azərbaycan Turizm Müəssisələri İşçiləri Həmkarlar İttifaqı Birliyinin tərəfdaşlığı ilə təşkil olunan düşərgədə ATMU-nun tələbələri iştirak edir.

Düşərgənin əsas məqsədi turizm sahəsində təhsil alan gənclərin peşəkar bilik və bacarıqlarının inkişafına dəstək göstərmək, onların liderlik, komanda işi və praktik fəaliyyət istiqamətində bacarıqlarını gücləndirməkdir. Eyni zamanda düşərgə dövlət–universitet–özəl sektor əməkdaşlığı nümunəsi kimi çıxış edərək turizm təhsili və sənayenin birgə fəaliyyətinin önəmini vurğulayır.

“TourismLAB” Yay Düşərgəsi çərçivəsində iştirakçılar üçün turizm sənayesinin aktual mövzularını əhatə edən təlimlər, panel müzakirələri və master-klasslar keçirilir. Bununla yanaşı, komanda quruculuğuna yönəlmiş fəaliyyətlər, intellektual və idman yarışları, şəhər turu, eləcə də müxtəlif sosial və mədəni proqramlar təşkil olunur. Düşərgə proqramı iştirakçıların peşəkar inkişafını dəstəkləməklə yanaşı, onların kommunikasiya və komanda şəklində fəaliyyət göstərmək bacarıqlarının təkmilləşməsinə töhfə verir.

“TourismLAB” Yay Düşərgəsi çərçivəsində Bakı Turizm Peşə Məktəbinin məzunu, aşpaz Turan Şahbazov tərəfindən kulinariya üzrə master-klass keçirilərək iştirakçılarla peşəkar təcrübə və praktik biliklər bölüşülüb.

06/07/2026

Bakı Turizm Peşə Məktəbində 2025–2026-cı tədris ilinin məzunlarına həsr olunmuş Məzun Günü tədbiri keçirilib.

Tədbirdə Dövlət Turizm Agentliyinin rəhbər şəxsləri, Azərbaycan Respublikası Milli Məclisinin deputatı, turizm sahəsində fəaliyyət göstərən təşkilatların rəhbərləri, turizm ekspertləri, işəgötürənlər, müəllimlər, tələbələr və valideynlər iştirak ediblər.

Tədbiri giriş nitqi ilə açan Bakı Turizm Peşə Məktəbinin direktoru Neylüfər Kərimova 2025–2026-cı tədris ili ərzində məktəbin əldə etdiyi nailiyyətlər, həyata keçirilən layihələr, işəgötürənlərlə əməkdaşlıq, tələbələrin istehsalat təcrübəsi və məşğulluq imkanlarının genişləndirilməsi istiqamətində görülən işlər barədə ətraflı məlumat verib. Direktor məzunları təbrik edərək onlara gələcək peşə fəaliyyətlərində uğurlar arzulayıb.

Çıxışlardan sonra təhsilini fərqlənmə ilə başa vuran məzunlara diplomlar təqdim olunub, onların əldə etdikləri uğurlar yüksək qiymətləndirilib.

Tədbir daha sonra qeyri-rəsmi hissə ilə davam edib. Məzun Günü tədbiri səmimi və yüksək əhval-ruhiyyə şəraitində başa çatıb.

01/07/2026

22–30 iyun 2026-cı il tarixlərində Bakı Turizm Peşə Məktəbində 11 ixtisas üzrə dövlət buraxılış imtahanları keçirilib.

Dövlət buraxılış imtahanlarının əsas məqsədi məzunların əldə etdikləri nəzəri bilik və praktiki bacarıqların qiymətləndirilməsi, onların əmək bazarının tələblərinə uyğun peşə hazırlığı səviyyəsinin müəyyənləşdirilməsi olub.

İmtahanlarda Dövlət Attestasiya Komissiyalarının sədrləri qismində turizm və qonaqpərvərlik sektorunu təmsil edən işəgötürən nümayəndələri – Müzəffər Ağakərimov, Rəhman Quliyev, Ceyhun Aşirov, Tural Ələkbərov, Şəhriyar Qurbanov, Əli Məmmədzadə, Səadət Rəcəbova, Könül İbrahimova, Elmurad Mənsimov, Məlik Allahverdiyev, Eynur Nağdəliyev və Sənani Müzəffərli iştirak ediblər.

İşəgötürənlərin dövlət buraxılış imtahanlarında təmsil olunması təhsil müəssisəsi ilə əmək bazarı arasında əməkdaşlığın gücləndirilməsinə, məzunların peşə hazırlığının obyektiv qiymətləndirilməsinə və gələcək karyera imkanlarının genişləndirilməsinə xidmət edir.

Bakı Turizm Peşə Məktəbi əmək bazarının tələblərinə cavab verən, yüksək ixtisaslı peşəkar kadrların hazırlanması istiqamətində fəaliyyətini ardıcıl şəkildə davam etdirir.

29/06/2026

Bakı Turizm Peşə Məktəbində 12–19 iyun tarixlərində tədris olunan ixtisaslar üzrə dövlət buraxılış imtahanı ərəfəsində ixtisas (sınaq) istehsalat işlərinin qəbulu keçirilib.

Qəbul prosesi zamanı tələbələr nəzəri dərslər, istehsalat təlimi və istehsalat təcrübəsi müddətində əldə etdikləri bilik və bacarıqları yüksək səviyyədə nümayiş etdiriblər. Onlar ixtisaslarına uyğun praktiki tapşırıqları məsuliyyətlə yerinə yetirərək peşə hazırlıqlarını nümayiş etdiriblər.

Keçirilən ixtisas (sınaq) istehsalat işləri tələbələrin peşə kompetensiyalarının qiymətləndirilməsi, dövlət buraxılış imtahanına hazırlıq səviyyəsinin müəyyənləşdirilməsi və gələcək peşə fəaliyyətinə hazırlıqlarının yoxlanılması baxımından mühüm əhəmiyyət kəsb edib.

24/06/2026

Bakı Turizm Peşə Məktəbində 2026–2027-ci tədris ili üçün qəbul kampaniyası çərçivəsində peşəyönümü tədbirləri həyata keçirilib.

Mart ayından etibarən məktəbin pedaqoji heyəti Bakı şəhərində yerləşən tam orta ümumtəhsil məktəblərində olub, şagirdlərlə görüşlər keçirib. Görüşlər zamanı Bakı Turizm Peşə Məktəbinin fəaliyyəti, tədris olunan ixtisaslar, təhsil imkanları və gələcək məşğulluq perspektivləri barədə ətraflı məlumat verilib.

Tədbirlər çərçivəsində məktəbin tanıtım materialları təqdim olunub, turizm, qonaqpərvərlik və xidmət sahələri üzrə peşə təhsilinin üstünlükləri şagirdlərin diqqətinə çatdırılıb. Eyni zamanda, iştirakçıları maraqlandıran suallar cavablandırılıb, onların gələcək peşə seçimləri ilə bağlı maarifləndirici söhbətlər aparılıb.

Keçirilən görüşlərin əsas məqsədi şagirdlərin peşə təhsili imkanları barədə məlumatlandırılması, əmək bazarında tələb olunan ixtisaslar haqqında məlumat əldə etmələrinə və gələcək karyeralarını daha düzgün planlaşdırmalarına dəstək göstərilməsi olub.

15/06/2026

Bakı Turizm Peşə Məktəbində tələbələrin hüquqi biliklərinin artırılması və insan hüquqları sahəsində maarifləndirilməsi məqsədilə növbəti tədbir təşkil olunub. Məktəbin psixoloqu Vüsalə Əliyeva tərəfindən keçirilən maarifləndirmə görüşündə insan hüquqlarının mahiyyəti, hər bir şəxsin malik olduğu fundamental hüquq və azadlıqlar, cəmiyyətdə qarşılıqlı hörmət və tolerantlığın əhəmiyyəti barədə ətraflı məlumat verilib.

Tədbir zamanı tələbələrə insan hüquqlarının qorunmasının demokratik cəmiyyətin əsas prinsiplərindən biri olduğu bildirilib, hüquq və vəzifələrin vəhdəti, ayrı-seçkiliyin yolverilməzliyi, gender bərabərliyi, şəxsi toxunulmazlıq və təhlükəsiz davranış qaydaları kimi mövzular ətrafında müzakirələr aparılıb.

İnteraktiv formatda təşkil olunan görüşdə tələbələri maraqlandıran suallar cavablandırılıb, gündəlik həyatda qarşılaşa biləcəkləri müxtəlif situasiyalar nümunəsində onların hüquqlarının müdafiə mexanizmləri izah edilib. Psixoloq Vüsalə Əliyeva gənclərin hüquqi savadlılığının artırılmasının onların məsuliyyətli və fəal vətəndaş kimi formalaşmasında mühüm rol oynadığını vurğulayıb.

Bakı Turizm Peşə Məktəbi tələbələrin hərtərəfli inkişafına, onların hüquqi maarifləndirilməsinə və sağlam sosial dəyərlər əsasında yetişməsinə xidmət edən bu cür tədbirlərin keçirilməsini gələcəkdə də davam etdirəcək.

11/06/2026

Bakı Turizm Peşə Məktəbinin kollektivi Azərbaycan turizm ictimaiyyətinin tanınmış nümayəndəsi, peşəkar turizm mütəxəssisi, pedaqoq və dəyərli insan Ruslan Quliyevin vəfatından dərin kədər hissi keçirir.

Ruslan müəllim uzun illər ərzində Bakı Turizm Peşə Məktəbi ilə sıx əməkdaşlıq etmiş, tədris prosesində fəal iştirak edərək öz zəngin bilik və təcrübəsini tələbələrlə bölüşmüşdür. O, gənc mütəxəssislərin yetişdirilməsinə xüsusi həssaslıqla yanaşır, tələbələrin peşəkar inkişafına, turizm sahəsinə sevgi və məsuliyyət hissi ilə yanaşmalarına mühüm töhfələr verirdi. Onun keçdiyi dərslər, verdiyi məsləhətlər və həyat təcrübəsi yüzlərlə tələbənin yaddaşında silinməz iz buraxmışdır.

Turizm sahəsinin inkişafı naminə həyata keçirdiyi layihələr, ictimai fəaliyyəti və peşəsinə sonsuz bağlılığı Ruslan müəllimi həmkarlarının, tələbələrinin və onu tanıyan hər kəsin böyük hörmətini qazanmış şəxsiyyətə çevirmişdir. O, öz insanpərvərliyi, səmimiyyəti, yüksək mənəvi keyfiyyətləri və daim dəstəyə hazır olması ilə seçilirdi.

Ruslan Quliyevin vaxtsız vəfatı təkcə ailəsi və yaxınları üçün deyil, həm də Azərbaycan turizmi və peşə təhsili ictimaiyyəti üçün ağır itkidir. Onun əziz xatirəsi Bakı Turizm Peşə Məktəbinin kollektivinin, müəllim və tələbələrinin qəlbində daim yaşayacaqdır.

Bakı Turizm Peşə Məktəbinin kollektivi mərhumun ailəsinə, doğmalarına və yaxınlarına dərin hüznlə başsağlığı verir, Uca Allahdan onlara səbir diləyir.

Allah Ruslan Quliyevə rəhmət eləsin, məkanı cənnət olsun.

05/06/2026

Bakı Turizm Peşə Məktəbinin tələbələri müxtəlif müəssisələrdə istehsalat təcrübəsini müvəffəqiyyətlə davam etdirirlər. Təcrübə proqramı tələbələrin nəzəri biliklərini praktik bacarıqlarla möhkəmləndirməsinə, əmək bazarının tələblərinə uyğun peşə vərdişləri qazanmasına və gələcək karyeralarına daha hazırlıqlı şəkildə başlamalarına imkan yaradır.

Hazırda məktəbin tələbələri Turizm təşkilatçısı, Tədbirlərin təşkilatçısı, Mehmanxana inzibatçısı, Turizm sahəsində iaşə üzrə mütəxəssis, Aşpaz, Qənnadçı-şirniyyatçı, Qrafik dizayner, Reklam dizayneri, Əməliyyatçı-mühasib, Bərbər, Bərbər-vizajist və Manikürçü ixtisasları üzrə müxtəlif turizm, xidmət, iaşə, dizayn və sənaye müəssisələrində peşəkar fəaliyyət mühiti ilə yaxından tanış olur, real iş proseslərində iştirak edirlər.

İstehsalat təcrübəsi dövründə tələbələr ixtisaslarına uyğun olaraq müasir iş prinsiplərini mənimsəyir, komanda ilə işləmək, müştəri məmnuniyyətinin təmin edilməsi, peşə etikası və xidmət keyfiyyətinin yüksəldilməsi istiqamətində mühüm təcrübə əldə edirlər.

Bakı Turizm Peşə Məktəbi əmək bazarının ehtiyaclarına uyğun rəqabətqabiliyyətli kadrların hazırlanmasına xüsusi önəm verir. Təhsil müəssisəsinin müəssisələrlə qurduğu əməkdaşlıq tələbələrin peşəkar inkişafına və gələcək məşğulluq imkanlarının artırılmasına mühüm töhfə verir.

Address

Binəqədi Rayonu, 8-ci Mkr. , Cəfər Xəndan 17
Baku

Opening Hours

Monday	09:00 - 18:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 18:00

Telephone

+994125619787

Website

http://btpm.edu.az/

Alerts

Be the first to know and let us send you an email when Bakı Turizm Peşə Məktəbi posts news and promotions. Your email address will not be used for any other purpose, and you can unsubscribe at any time.

Contact The School

Send a message to Bakı Turizm Peşə Məktəbi:

Want your school to be the top-listed School/college in Baku?