Azərbaycan Kibertəhlükəsizlik Mərkəzi

Mərkəzimizdə “Purple Team” təlim proqramının 8-ci dalğası üzrə dərslər davam edir.

Bu proqramda dövlət və özəl sektoru təmsil edən 20 kibertəhlükəsizlik mütəxəssisi iştirak edir. “Purple Team” modeli Red Team və Blue Team yanaşmalarının birgə tətbiqinə əsaslanaraq iştirakçılara real hücum ssenarilərinin analizi, təhlükəsizlik hadisələrinin aşkarlanması, müdafiə mexanizmlərinin tətbiqi və kiber insidentlərə cavab prosesləri üzrə praktiki biliklər qazandırır.

Təlim beynəlxalq təcrübəyə malik xüsusi təlimçi tərəfindən tədris olunur.

Mərkəzimizin 7-ci dalğa tələbəsi Məhəmmədəli Hüseynzadə ABŞ Milli Aeronavtika və Kosmik Tədqiqatlar İdarəsinin (NASA) “Vulnerability Disclosure Program”ı çərçivəsində informasiya təhlükəsizliyi ilə bağlı kritik boşluğu uğurla aşkarlayıb.

NASA ekspertləri tərəfindən aparılan təhlil nəticəsində bu boşluq yüksək prioritetli P1 səviyyəli məsələ kimi təsdiqlənib və tələbəmiz rəsmi “Tanınma məktubu” ilə mükafatlandırılıb.

Bu nailiyyət Mərkəzimiz tərəfindən yetişdirilən kadrların beynəlxalq standartlara və real əmək bazarının tələblərinə tam cavab verdiyini bir daha nümayiş etdirir. Beynəlxalq arenada kiber-imzamızı gücləndirən tələbəmizi təbrik edirik!

Azərbaycan Memarlıq və İnşaat Universitetində (AzMİU) “Operational Security (OPSEC) in Darknet Environments” mövzusunda praktiki vörkşop keçirilib.

Vörkşop zamanı iştirakçılara darknet mühitində əməliyyat təhlükəsizliyinin qorunması, anonimlik prinsipləri və rəqəmsal izlərin minimuma endirilməsi ilə bağlı praktiki biliklər təqdim olunub.

Sessiya çərçivəsində Tor və VPN alətlərindən təhlükəsiz istifadə qaydaları, istifadəçi şəxsiyyətinin ifşasına səbəb ola biləcək risklər və OPSEC yanaşmaları real ssenarilər əsasında izah edilib.

Təlim Mərkəzimizin mütəxəssisləri Mehriban Kərimov və Fərzəli Vəliyev tərəfindən həyata keçirilib.

Azərbaycan Kibertəhlükəsizlik Mərkəzində “Purple Team” təlim proqramının 7-ci dalğasına start verilib.

11–22 may 2026-cı il tarixlərini əhatə edən proqramda dövlət və özəl sektoru təmsil edən 20 kibertəhlükəsizlik mütəxəssisi iştirak edir.
“Purple Team” modeli Red Team və Blue Team yanaşmalarının birgə tətbiqinə əsaslanaraq iştirakçılara real hücum ssenarilərinin analizi, təhlükəsizlik hadisələrinin aşkarlanması, müdafiə mexanizmlərinin tətbiqi və kiber insidentlərə cavab prosesləri üzrə praktiki biliklər qazandırır.

Təlim prosesinə beynəlxalq təcrübəyə malik xüsusi təlimçi də cəlb olunub.

Mərkəzimiz tərəfindən Mingəçevir Dövlət Universitetində tələbələr üçün “APT Cyber Intelligence Tactics with AI” mövzusunda praktiki vörkşop keçirilib.
Sessiya çərçivəsində iştirakçılar süni intellektin kiberkəşfiyyat, OSINT və hücumların ilkin mərhələlərinin təhlilində tətbiqi ilə bağlı praktiki biliklər əldə ediblər.

Qeyd edək ki, AKM və Mingəçevir Dövlət Universiteti arasında əməkdaşlıq çərçivəsində “Beyin Mərkəzi” layihəsi üzrə hibrid tədris prosesi davam etdirilir.

8-ci dalğaya qeydiyyat statistikasını sizinlə bölüşürük!

✅ Ümumi müraciət sayı: 1864 nəfər
✅ Gender bölgüsü: 76.5% kişi / 23.5% qadın
✅ Bölgə üzrə: 1453 nəfər Bakı, 411 nəfər regionlar
✅ Təhsil profili: Əsas üstünlük ADNSU, AzTU və UNEC tələbə/məzunlarındadır.

Mərkəzimizə göstərdiyiniz bu böyük maraq və etimad üçün hər birinizə təşəkkür edirik! Uğurlu namizədlərlə əlaqə saxlanılacaq və növbəti mərhələlər haqqında məlumat təqdim olunacaq.