Ümid Gənclər Təşkilatı

30/05/2014

Bu gün Milli Məclisin yaz sessiyasının sonuncu iclası öz işinə başlayıb.
Moderator.az-ın ANS PRESS-ə istinadən məlumatına görə, gündəliyini təsdiq olunmasından sonra millət vəkili Iqbal Agazade çıxış edib:
İsmayıllı hadisələrinə görə həbs olunan İlqar Məmmədov, Tofiq Qaqublu, "Nida"çı gənclərin və başqalarının bu fərmanda azadlığa çıxacağı gözlənilirdi. Amma onlar bu dəfəki əfv siyahısına düşmədi. Bu gün Milli Məclisin yaz sessiyasının son iclasıdır. Amma parlament yenidən toplaşacaq. Təklif edirəm ki, amnistiya aktının ya da yenidən prezidentin imzası ilə əfv sərəncamının imzalanması və həmin gənclərin əfv olunması xalqda da yüksək əhval ruhiyyə yaradacaq. Bununla bağlı sizə də müraciət edirəm”.

19/04/2014

https://www.youtube.com/watch?v=sg4HUMl3TW4

Milli Məclisdə kotlet söhbəti
"Xəbərçi"də Ləmən Əliəşrəfqızının parlamentdəki kotlet söhbəti haqqında maraqlı reportajı

"Xəbərçi"də Ləmən Əliəşrəfqızının parlamentdəki kotlet söhbəti haqqında maraqlı reportajı

06/02/2014

Dünən Heydər Əliyev mərkəzində "Regionların sosial-iqtisadi inkişafı ilə bağlı dövlət proqramının" icrasına həsr olunmuş konfrans keçirildi.Bu səviyyədə konfrans bütün sağlam siyasi sistemə malik ölkələrdə televiziya ilə canlı yayımlanır.Təbii ki,bizdə yayımlanmadı.Bu səbəbdən konfransda baş verənlər barədə bir neçə saat sonra məlumat almaq mümkün oldu.Prezident öz çıxışında xalqı nə qədər aldatdığını,insanlara nə qədər yuxarıdan aşağı baxdığını dolayı yolla sübut etdi.Verilən bütün hesabatlarda şişirdilmiş rəqəmlər var idi.Ən utancverici hal isə son seçkilər və müxalifət haqqında fikirlərdə idi.Təbii ki,bu fikirlər bizim partiyanın namizədi haqqında deyildi,lakin seçkini izləyən hər kəs saxtakarlığın hansı səviyyədə olduğunu yaxşı bilir,prezident isə utanmadan bunu özünün böyük qələbəsi kimi qələmə verdi.İqtidar özünü xalqın gözündə hansı səviyyəyə salıb ki,haqqında danışdığı həmin qüvvələrdən qorxur və saxtakalığa yol verir.

29/01/2014

Son günlər Suriyada ölən vətəndaşlarımızın sayı durmadan artır.Həmin şəxslər bunu "müqəddəs müharibədə" iştirak etmək,şəhidlik zirvəsinə qalxmaq kimi qiymətləndirirlər.Şəhidlik məqsədi bilinməyən Suriya müharibəsində ölmək yox,cəbhədə düşmənə qarşı döyüşüb,ölməkdir.Hərçənd düşməni öldürmək daha yaxşıdır.

20/01/2014

Ümid Partiyasının rəhbərliyi və Ümid Gənclər Təşkilatı 20 Yanvar hadisələrinin ildönümü ilə əlaqədar Şəhidlər xiyabanını ziyarət edib.

19/01/2014

Hörmətli dostlar,sabah 20 yanvar günü ilə əlaqədar olaraq,Ümid partiyası rəhbərliyi və partiyanın Gənclər Təşkilatı Şəhidlər Xiyabanını ziyarət edəcək.bizə qoşulmaq istəyənlər bu nömrəyə zəng edə bilərlər:050-682-54-53

31/12/2013

Hörmətli Partiyadaşlarım !
Dəyərli Gənclər !

Sizləri Dünya Azərbaycanlılarının Həmrəylik Günü və Yeni təqvim ilinin başlanması münasibətilə təbrik edirəm. Sizlərə can sağlığı, ailə sadəti, mənalı ömür və işgüzar həyqtınızda yeni-yeni uğurlar arzulayıram.
BAYRAMINZ MÜBARƏK !!!

Hörmətlə Taleh Əliyev

24/12/2013

Artıq 10 ildir ki,təqvimə qeyri-rəsmi olaraq daha bir bayram əlavə olunub.Bu "prezidentimizin" ad günüdür.Ölkənin bütün telekanalları mədhiyyə xarakterli verilişlər verir,paytaxtda və bütün bölgələrdə bu münasibətlə qonaqlıqlar təşkil olunub,yaltaqlar və həşəratlar böyük ruh yüksəkliyilə bu tədbirlərdə iştirak edirlər.Artıq ölkədə "şəxsiyyətə pərəstiş" tam olaraq cəmiyyətə təlqin olunur.

18/12/2013

MİLLƏT VƏKİLİ İQBAL AĞAZADƏNİN PARLAMENTDƏKİ ÇIXIŞI: ÖLKƏ BOYU BÜTÜN MƏHKƏMƏLƏR SİYASİ MƏHBUSLARI MÜHAKİMƏ EDİR. Dünən də SMDT rəhbəri Anar Məmmədli haqda qo...

12/12/2013

Salam əziz dostlar.Bu gün paytaxtımıza ilk qar yağdı.Bu qar fonunda həm də bir çoxları matəm günü qeyd edirdilər,bununla əlaqədare olaraq Fəxri Xiyaban istiqamətinə gedən bütün yollar bağlanılmış,itaətə gətirilənlər üçün daha yaxşı şərait yaradılmışdı,bu da şəhərin böyük bir hissəsində nəqliyyatda problemin yaranmasına səbəb olmuşdu.Bu vəziyyət ölkənin hər bir yerində müşahidə olundu.Gəncədə üniveristet tələbələri "ulu öndərin" imzasını hazırlamaq üçün fləşmob da keçirdilər,axı insan niyə həşərat kimi davranmalı,baş əyməli,təzim etməlidir?! Bir şeyi də unutmayaq,bu gün həm də CƏNUBİ AZƏRBAYCANDA MİLLİ HÖKÜMƏTİN qurulmasının il dönümü idi.Amma biz bunu artıq unutmuşuq,12 dekabr çoxlarına matəmdir,amma MİLLİ HÖHÜMƏTİN 1 il sonra yarandığı gün süqutu üçün yox,"ulu öndərin" vəfatı üçün.

03/12/2013

Salam əziz dostlar.Artıq ölkədə seçki prosesi tam başa çatıb və iqtidar seçki sonrası ilk addımlarını atmağa başlayıb.Maraqlıdır ki,seçkiyə qısa müddət qalmış sosial müavinətləri,dövlət büdcəsindən maliyyələşən orqanlarda çalışan işçilərin maaşlarını qismən də olsa artıran iqtidar seçkidən sonra qiymət artımlarına başlayıb.Tarif Şurasının 2 dekabr tarixində keçirilən iclasında bir sıra qiymətlərə yenidən baxılıb.Nəticədə ölkədə benzinin qiyməti hər markaya müvafiq olaraq 15 qəpik artırılıb.5-6 milyard ton arası neft ehtiyyatına malik,dünyada neft məhsullarının əsas ixracatçılarından sayılan Azərbaycanın daxilində enerji daşıyıcılarının qiyməti artırılır.Bu da öz növbəsində nəqliyyat xərclərinin artmasına səbəb olucaq.Artıq ölkədaxili sərnişin daşımalarında müxtəlif artımlar olub,həmiçinin digər daşımalarda da artım olacaq və domino effekti ilə bu bütün sahələrə təsir edəcək.Əgər artım başqa sahədə başlasaydı bunu dünya bazarı ilə əlaqələndirərdilər.Bəs bunu necə izah edəcəklər,axı neft və neft məhsulları ölkə daxilində emal olunur.Ancaq onlar yenə bəhanə taparlar.

26/11/2013

Salam əziz dostlar,bu gün PARK İNN oteldə Niderlandın Çoxpartiyalı Demokratiya İnstitutu tərəfindən keçirilən görüşdə iştirak etdim.Görüşdə ölkədə fəaliyyət göstərən siyasi partiyalardan gənc liderlər iştirak edirdi.Tədbirdə partiyamızı layiqincə təmsil etdim.Görüşdən sonra digər partiyadan olan gənclərlə beynəlxalq foruma çıxarmaq üçün prioritet mövzular müəyyənləşdirməli idik,təəssüf ki,opponentlərin intellekt və siyasi mədəniyyət səviyyəsi buna cavab vermədiyinə görə,bu alınmadı və mən oranı tərk etdim,bu digər partiyalarda olan gənclərin hansı səviyyədə olduqlarını və onların niyə həmişə müxalif olduqlarını göstərdi,ÜMİD-in məqsədi hakimiyyətə gəlməkdir və biz gec-tez bunu edəcəyik,çünki biz məsələyə peşəkar yanaşırıq,onlar isə həmişə hər şeyə müxalif olublar və olacaqlar.Bir də niyə İQBAL BƏYin bütün seçki zamanı bütün debatlardan niyə tez çıxdığını daha yaxşı dərk etdim.