04/08/2022
30 iyul tarixində Azərbaycan Respublikasının Kənd Təsərrüfatı Nazirliyinin Heyvandarlıq Elmi Tədqiqat İnstitutu və "Karvizyon - T" Məhdud Məsuliyyətli Cəmiyyəti arasında Azərbaycanda kənd təsərrüfatının inkişafına dəstək məqsədi ilə Anlaşma Memorandumu imzalanıb.
Bu əməkdaşlıq çərçivəsində Heyvandarlıq Elmi Tədqiqat İnstitutunun mütəxəssisləri tərəfindən kənd təsərrüfatı və heyvandarlıq istiqamətləri üzrə təlimlərin təşkil edilməsi nəzərdə tutulub. Tərəflər kənd təsərrüfatında fəaliyyət göstərən şəxslərin sözügedən istiqamətlərdə savadlılığının artırılması üçün təlimlərin keçirilməsi ilə bağlı tədbirlər vasitəsilə Azərbaycanda təlim potensialının gücləndirilməsinə kömək etmək üçün birgə işləyəcəklər.
Qeyd edək ki, "Karvizyon - T" Məhdud Məsuliyyətli Cəmiyyətinin rəhbərliyi Heyvandarlıq Elmi-Tədqiqat İnstitutunda yaradılan şəraitlə də yaxından tanış olub.
̈fatı
